โครินธ์ อาเหร่อเล๊อ ต๊าบ่า 11:2 - Eastern Kayah Shadaw Dialect

² ꤞꤤ꤭ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤒꤥ꤬ ꤠꤢꤧ꤭ ꤕꤝꤢ꤭꤮ ꤖꤥ, ꤓꤥ꤭ꤒꤥ꤬ ꤞꤤ꤭ ꤋꤚꤝꤢ꤭ꤗꤢꤩ꤬ ꤟꤢꤨ ꤢꤨ꤭ ꤤ꤬ꤞꤝꤢꤊꤢꤧ꤭ ꤠꤢꤧ꤭ ꤚꤣꤧ꤬ ꤠꤢꤧ꤭ ꤤ꤬ꤞꤝꤢ ꤘꤤ꤭ꤒ꤫ꤢꤦ꤬ ꤕ꤫ꤢꤩ꤬ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤞꤤ꤭꤯

ลีเทส่อพ๊าอาเซ เร๊อ เห่ขุทวาลู๊

² ซี ซิเหน่แถ่เบ่ โต่ แว ปว๋า โพ๊, โท๊โต่ ซี ครวาเม ฮู๊ อู อิซว๊าแก แว เร๊อ แว อิซว๊า แฮเง เป่ ซี เนอเต๊เห่ อาขว่าอาคยา, แว ถู่เซ๊ เกอเร๊อ แหน่เจ๊อ ซี.

โครินธ์ อาเหร่อเล๊อ ต๊าบ่า 11:2 ပူးပေါင်းရင်းမြစ်များ

เธสะโลนิกา เนอบ่า ต๊าบ่า 2:15

ꤟꤢꤨꤔꤣꤧ꤬ꤚꤣꤧ꤬ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤕꤢꤩ꤬ ꤤ꤬ꤞꤝꤢꤤ꤬ꤞꤢꤧ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤓꤥ꤭ꤕ꤫ꤢꤩ꤬ꤟꤣꤧ ꤞꤤ꤭ ꤔꤢꤧ ꤕꤢꤩ꤬ ꤊꤢꤨꤢꤨ꤬ꤊꤢꤨꤖꤢ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤗ꤫ꤢ꤬ꤒꤥ꤬ꤚꤣꤧ꤬ ꤕꤢꤩ꤬ ꤤ꤬ꤞꤝꤢꤤ꤬ꤞꤢꤧ꤬ ꤓꤥ꤭ꤟꤣꤧ ꤕ꤫ꤢꤩ꤬ ꤞꤤ꤭ ꤔꤢꤧ ꤜꤤ꤬ ꤘꤣ ꤕꤢꤩ꤬ ꤚꤢ꤭ ꤡꤝꤢ ꤕ꤫ꤢꤩ꤬ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ꤔꤣꤧ꤬ ꤙꤢꤩ꤬ꤙꤢꤩ꤬, ꤥ꤬ꤊꤜꤢꤪ꤬ꤏꤢꤪꤗꤢ꤬ ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤚꤣꤧ꤬ ꤕ꤫ꤢꤦ꤬ꤗꤢ꤬ ꤚꤢꤧ ꤚꤣꤧ ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤔꤤ꤮꤯

โครินธ์ อาเหร่อเล๊อ ต๊าบ่า 4:17

ꤘꤣ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤠꤢꤧ꤭ ꤔꤢꤪ꤭ꤟꤢꤧ꤭ ꤟꤣꤧ ꤋꤢꤨ꤭ꤒꤤ꤬ꤗꤢ꤬ꤞꤢꤩ꤬ ꤘꤣ ꤞꤤ꤭ ꤥ꤬ ꤟꤣꤧ꤯ ꤢ꤬ ꤗꤢ꤬ ꤢ꤬ꤞꤢꤧꤔꤢꤧ ꤠꤢꤧ꤭ꤖꤢꤨ ꤔꤢꤧ ꤠꤢꤧ꤭ꤔ꤫ꤢꤩ꤬ ꤘꤣ ꤠꤢꤧ꤭ ꤗꤥ꤬ ꤚꤣꤧꤘꤢꤦ꤬ ꤚꤣꤧ꤬ ꤢ꤬ꤡꤢꤪ ꤔꤢꤧ ꤢ꤬ꤍ꤫ꤥ꤬ ꤘꤣ ꤙꤢꤧ꤬ꤡꤢꤩ꤬ ꤢ꤬ꤊꤢꤨ꤭ ꤒꤣ꤬ꤖꤚꤢꤩ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤚꤝꤢ꤭ ꤋꤚꤤ ꤢ꤬ꤋꤛꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤥ꤭ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤜꤢ꤭ꤋꤢꤧ꤭ ꤟꤢꤨꤒꤢꤩ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧ ꤞꤤꤔ꤫ꤢꤩ꤬ꤓꤢꤧ꤬ ꤋꤛꤢ꤭ ꤞꤤ꤭ ꤟꤢꤨ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤣꤧ꤭ꤔꤣꤧ꤬ ꤕꤢ꤭꤯ ꤣꤧ꤭ꤔꤣꤧ꤬ꤗꤢ꤬ ꤒꤢꤩ꤬ ꤘꤣ ꤠꤢꤧ꤭ ꤤ꤬ꤞꤝꤢ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤒꤣꤧ꤬ꤟꤢꤩ꤬ ꤘꤣ ꤜ꤫ꤢꤩ꤬ꤥ꤬ ꤕꤝꤢ꤭꤮ ꤒꤣ꤬ꤖꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ꤯

เธสะโลนิกา เนอบ่า ต๊าบ่า 3:6

ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤞꤤ꤭꤮, ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤗꤝꤤ꤭ ꤢ꤬ꤊꤢꤨ꤭, ꤕꤢꤩ꤬ ꤗ꤫ꤢ꤬ꤊꤢꤧ꤭ ꤞꤤ꤭ ꤍ꤫ꤥ꤬ ꤔꤢꤧ, ꤜꤢꤪ꤭ ꤕ꤫ꤥ꤬ꤠ꤫ꤢꤧ꤬ ꤘꤣ ꤢ꤬ ꤒꤣꤧ꤬ꤊꤜꤢꤩ꤭ꤜꤢꤩ꤭ꤙꤢꤧ ꤚꤣꤧ꤬ ꤢ꤬ ꤋꤚꤝꤢ꤭ꤗꤢꤩ꤬ ꤊꤣꤧ꤭ꤢꤨ꤭ ꤟꤢꤨ ꤕꤢꤩ꤬ ꤜ꤫ꤢꤩ꤬ꤊꤜꤥ꤭ꤗꤢꤩ꤬ ꤘꤣ ꤕꤢꤩ꤬ ꤘꤣꤧꤊꤢꤧ꤭ ꤞꤤ꤭ ꤣꤧ꤭ꤔꤣꤧ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤡꤝꤢ ꤙꤢꤧꤞꤝꤢ ꤒ꤫ꤢꤧ꤬ ꤔꤢꤧ ꤛꤢꤩ꤬ꤞꤤ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

โครินธ์ อาเหร่อเล๊อ ต๊าบ่า 15:2

ꤣꤧ꤭ꤔꤣꤧ꤬ꤗꤢ꤬ ꤒꤢꤩ꤬ꤞꤤꤋꤚꤢꤦ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤘꤣ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤓꤥ꤭ꤟꤣꤧ ꤞꤤ꤭ ꤔꤣꤧ꤬ ꤟꤣꤧ꤯ ꤞꤤ꤭ ꤊꤢꤩ꤬ ꤛ꤫ꤢꤦ꤬ꤢꤩ꤬ ꤚꤣꤧ꤬ ꤞꤤ꤭ ꤊꤢꤩ꤬ ꤕ꤫ꤢꤦ꤬ꤗꤢ꤬ ꤚꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤒꤣ꤬ꤡꤣ꤬ ꤟꤢꤩꤔꤣꤧ꤬ꤗꤢ꤬, ꤞꤤ꤭ ꤔ꤫ꤤ꤬ꤙꤢꤩ꤬ꤟꤣꤧ ꤞꤤ꤭ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤣꤧ꤯ ꤞꤤ꤭ ꤊꤢꤩ꤬ ꤗꤢꤩ꤬ ꤟꤢꤨꤔꤣꤧ꤬ꤒꤥ꤬ ꤟꤢꤩꤚꤣꤧ꤬, ꤞꤤ꤭ ꤒꤢꤩ꤬ꤛ꤫ꤢꤦ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤒꤢꤩ꤬ꤛ꤫ꤢꤦ꤬ ꤘꤣ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤗ꤫ꤢ꤬ꤒꤥ꤬꤯

โครินธ์ อาเหร่อเล๊อ ต๊าบ่า 11:22

ꤞꤤ꤭ ꤢꤩ꤬ ꤜꤢ꤭ꤋꤢꤧ꤭ ꤘꤣ ꤞꤤ꤭ꤟꤤ꤬ ꤒꤥ꤬ꤗꤢ꤬ ꤞꤤ꤭ꤟꤤ꤬ ꤥ꤬ ꤔꤢꤧ꤭ ꤒꤥ꤬ ꤟꤢꤧ꤭? ꤗꤢ꤬ ꤞꤤ꤭ ꤞꤤꤛ꤫ꤢꤦ꤬ ꤗꤢꤩ꤬ꤗꤝꤤ꤭ꤕꤤ꤭ꤓꤣꤧ꤭ꤞꤤ ꤒꤣꤧ꤬ꤊꤢꤩ꤬ ꤔꤢꤧ꤭ ꤟꤣꤧ ꤜꤢꤪ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤗꤝꤤ꤭ ꤔꤢꤧ꤭ ꤟꤣꤧ ꤟꤢꤧ꤭? ꤗꤢ꤬ ꤞꤤ꤭ ꤞꤤꤛ꤫ꤢꤦ꤬ ꤗꤢꤩ꤬ ꤞꤤꤒꤣꤧ꤬ꤚꤢꤩ꤭ꤊꤢꤧ꤭ ꤊꤣꤧ꤬ꤛꤢꤧ꤭ ꤏꤥ꤭ꤖꤢꤏꤥ꤭ꤚꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤢꤧ꤭? ꤠꤢꤧ꤭ ꤊ꤫ꤢꤦ꤬ꤚꤢꤩ꤭ ꤟꤢꤩ ꤕꤢ꤬ ꤞꤤ꤭ ꤟꤢꤨꤒꤢꤩ꤭? ꤠꤢꤧ꤭ ꤒꤥ꤭ꤙꤢꤩ꤬ ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤞꤤ꤭ ꤟꤢꤧ꤭? ꤜ꤫ꤢꤩ꤬ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤞꤤ꤭ ꤔꤣꤧ꤬ ꤢ꤬ꤥ꤬ ꤒꤣ꤬ꤡꤣ꤬꤮ ꤒꤥ꤬꤯

โครินธ์ อาเหร่อเล๊อ ต๊าบ่า 11:17

ꤓꤥ꤭ꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤤ꤬ꤞꤝꤢ ꤕ꤫ꤢꤩ꤬ ꤕ꤫ꤥ꤬ ꤞꤤ꤭ ꤔꤣꤧ꤬ ꤢ꤬ꤥ꤬ ꤕꤢ꤬ ꤒꤣꤧ꤬ꤟꤢꤩ꤬꤯ ꤠꤢꤧ꤭ ꤊ꤫ꤢꤦ꤬ꤚꤢꤩ꤭ ꤤ꤬ꤞꤝꤢ ꤕ꤫ꤢꤩ꤬ ꤕ꤫ꤥ꤬ ꤞꤤ꤭ ꤣꤧ꤭ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤞꤤ꤭ ꤗꤢꤩ꤬ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤥ꤬ ꤒꤣ꤬ꤡꤣ꤬꤮ ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤙꤣꤧ ꤞꤤ꤭ ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤚ꤫ꤥ꤬ꤜꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤒꤥ꤭ꤗꤢꤩ꤬ ꤒꤢꤩ꤬ ꤘꤣ ꤢ꤬ꤚꤢꤧꤜꤣ ꤒꤣꤧ꤬ꤟꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤞꤤ꤭ ꤜꤢꤦ ꤗꤢꤩ꤬ꤒꤢꤩ꤬ ꤘꤣ ꤢ꤬ ꤗꤢꤨꤗ꤫ꤢꤧ꤬ ꤜꤣ ꤒꤣꤧ꤬ꤟꤢꤩ꤬ꤟꤢꤩ꤬꤯

ꤜꤢꤨꤊꤢ꤬ 1:6

ꤛꤢꤩ꤬ꤞꤤ꤭ ꤞꤤꤔꤣꤧ꤭ ꤜꤢꤪ꤭ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤡꤢꤪꤒꤢꤩ꤬ꤚꤢꤧ ꤜꤢꤪ꤭ ꤡꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤡꤣꤧ ꤚꤣꤧ꤬ ꤟꤢꤨ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤔꤢꤧ ꤢ꤬ ꤒꤢꤩ꤬ꤗ꤫ꤢ꤬ꤊꤢꤧ꤭ꤍ꤫ꤥ꤬ ꤒꤣꤧ꤬ꤟꤢꤩ꤬ ꤟꤢꤩꤥ꤬ꤔꤣꤧ꤬ ꤛꤢꤩ꤬ꤞꤤ꤭ ꤡꤢꤨ꤭ꤢꤩ꤬ ꤗꤢꤩ꤬ꤜꤣꤗꤢꤩ꤬ꤙꤢ꤭ ꤜꤢꤪ꤭ꤕꤜꤤ꤭ ꤡꤣꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:6

ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤋꤢꤨ꤭ꤒꤤ꤬ꤗꤢ꤬ꤞꤢꤩ꤬ ꤥ꤬ ꤘꤣ ꤞꤤ꤭ꤥ꤬ ꤚꤣꤧ꤬ ꤢ꤬ ꤊꤢ꤬ꤒ꤫ꤥ꤬ ꤋꤛꤢ꤭ꤞꤢꤧꤟꤣꤧ ꤘꤣ ꤕꤢꤩ꤬ꤥ꤬ ꤟꤣꤧ꤯ ꤚꤣꤧ꤬ ꤢ꤬ ꤊꤢ꤬ ꤘꤥ꤬ꤔꤢꤧ꤭ ꤕ꤫ꤢꤩ꤬ ꤕꤢꤩ꤬ ꤔꤢꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤢ꤬ ꤗꤥ꤬ ꤒꤣꤧ꤬ꤟꤢꤩ꤬꤯ ꤢ꤬ ꤟꤢꤩꤜꤥ꤭ ꤕ꤫ꤢꤩ꤬ ꤕꤢꤩ꤬ ꤔꤢꤧ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤔꤢꤧ ꤞꤤ꤭ ꤒꤢꤩ꤬ꤗꤥ꤬ ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤓꤥ꤭ꤒꤥ꤬ ꤢ꤬ ꤟꤢꤩꤜꤥ꤭ ꤕ꤫ꤢꤩ꤬ ꤕꤢꤩ꤬ ꤔꤢꤧ ꤞꤤ꤭ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤕꤢꤩ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ, ꤚꤣꤧ꤬ ꤞꤤ꤭ ꤥ꤬ ꤔꤢꤧ ꤒꤢꤩ꤬ꤞꤤꤊꤣꤧ꤬ꤜꤢꤪꤊꤣꤧ꤬ꤖꤢꤦ꤭, ꤓꤥ꤭ꤒꤥ꤬ ꤞꤤ꤭ ꤞꤤꤔꤢꤩ꤬ꤞꤥ꤬ ꤗꤢꤧꤓꤣꤧ꤭ꤊꤣꤧ꤭ ꤔꤢꤧ꤬ꤡꤣꤧ ꤕꤢꤩ꤬ ꤟꤢꤨ ꤕꤢꤩ꤬ ꤞꤤꤔꤢꤩ꤬ꤞꤥ꤬ ꤗꤢꤧꤓ꤫ꤣꤧ꤬ ꤞꤤ꤭ꤔꤣꤧ꤬, ꤢ꤬ ꤘꤥ꤬ꤔꤢꤧ꤭ꤜꤥ꤭ ꤕ꤫ꤢꤩ꤬ ꤕꤢꤩ꤬ ꤟꤢꤨꤔꤣꤧ꤬꤯

โครินธ์ อาเหร่อเล๊อ ต๊าบ่า 7:17

ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤒꤥ꤭ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤢꤧ꤭ꤑꤢꤩ꤭ ꤜꤢ꤭ꤋꤢꤧ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤞꤤ꤭ ꤙꤣꤧ ꤢ꤬ ꤢꤩ ꤞꤤ꤭ ꤢ꤬ꤋꤢꤩ꤭ꤔꤣꤧ꤬꤯ ꤢ꤬ ꤗꤢꤩ꤬ ꤥ꤬ꤔꤢꤩ꤬ ꤓꤥ꤭ ꤜꤢꤪ꤭ ꤔꤢꤧ꤭ ꤟꤣꤧ ꤘꤣ ꤕꤢꤩ꤬ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤢꤨꤣꤧ꤭ ꤔꤣꤧ꤬ ꤔꤢꤧ꤭ ꤟꤣꤧ꤯ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤟꤢꤨꤣꤧ꤭ꤔꤣꤧ꤬, ꤠꤢꤧ꤭ ꤤ꤬ꤞꤝꤢꤒꤢ꤭ ꤜꤢꤪ꤭ ꤓꤥ꤭ꤟꤣꤧ ꤘꤣ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤢ꤬ꤊꤢꤨ꤭ ꤕꤝꤢ꤭꤮ ꤒꤣ꤬ꤖꤥ꤬ ꤟꤣꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:6

ꤞꤤ꤭ ꤗꤢꤧꤙꤢꤦ꤭ ꤕꤢꤩ꤬ ꤔꤢꤧ ꤙꤢꤧ꤬ꤡꤢꤩ꤬ ꤚꤣꤧ꤬ ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤔꤢꤧ꤬ꤡꤣꤧ ꤞꤤ꤭, ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤖꤛꤢꤏꤢꤦ꤬ꤕꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬꤯ ꤙꤣꤧ ꤞꤤ꤭ ꤖꤛꤢꤏꤢꤦ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤗꤢꤩ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤕ꤫ꤢꤩ꤬ ꤞꤤ꤭ ꤟꤣꤧ꤯