โครินธ์ อาเหร่อเล๊อ ต๊าบ่า 1:18 - Eastern Kayah Shadaw Dialect

¹⁸ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤛ꤫ꤢꤦ꤬ꤢꤩ꤬ ꤒꤢꤩ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤕꤢ꤭꤯ ꤊꤣꤧ꤬ꤛꤢꤧ꤭ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤔꤢꤧ ꤋꤚꤤ ꤞꤣꤧ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤥ꤬ꤜꤣꤥ꤬ꤊꤜꤢꤪ꤭ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ ꤢ꤬ ꤗ꤫ꤢ꤬ꤘꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤘꤣ ꤕꤢꤩ꤬ꤑꤢꤩ꤭ ꤟꤣꤧ꤯

ลีเทส่อพ๊าอาเซ เร๊อ เห่ขุทวาลู๊

¹⁸ แกแย เต๊เห่เห่ หยื่อเอ่ เต โต่ อาขว่าอาคยา, จอแปแหร่ เก่ เมจากาคยา เหย่ซี ปา. แกแย ฮู๊เนอ เต๊เห่เนอ, อา เตเน แลแค เน๊อ ครี๊ เซอ เด๊อ อี๊ถื่อดีเต่ลู อาหรี่อาแก เออเนอหมา อา โอ่เล๊อโอ่กลอ แพ๊. หม่าแน๊เรอ เป เด๊อ อา พย๊าหนิ เตเมแลเปล๊กา เออเต๊เห่ อาเงเนอ, เตหรี่เตแก เออ อา หม่าดื่อ จอแปแหร่ อา เตโพรเตเตอเรอ ฉว่าชอ เด๊อ เปเง เฮ๊อ.

โครินธ์ อาเหร่อเล๊อ ต๊าบ่า 1:18 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 2:14

ꤗꤢ꤬ꤔꤢꤧꤚꤣꤧ꤬ ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬, ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣ ꤢ꤬ ꤞꤤꤕꤜꤢꤪ꤬ꤊꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤖꤛꤢꤏꤢꤦ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤒꤥ꤬꤯ ꤊꤣꤧ꤬ꤛꤢꤧ꤭ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤞꤤꤑꤢꤩ꤭ꤕꤜꤥ꤭ꤙꤢꤩ ꤊꤣꤧ꤭ꤢꤨ꤭ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤒꤥ꤬, ꤢ꤬ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤖꤢꤧ ꤔꤢꤧ ꤢ꤬ ꤥ꤬ꤜꤣꤥ꤬ꤊꤜꤢꤪ꤭ ꤖꤢꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤖꤚꤢꤩ꤬ ꤘꤣ ꤢ꤬ ꤟꤢꤩꤕꤜꤥ꤭ꤙꤢꤩ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤣꤧ꤬ꤗꤢ꤬ ꤒꤢꤦꤖꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤒꤣ꤬ꤖꤚꤢꤩ꤬ ꤖꤢꤧ꤯

ꤚꤥꤗꤢꤩ꤬ 1:16

ꤘꤣ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤞꤤꤒꤣꤧ꤬ꤚꤢꤩ꤭ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤜꤢꤪ꤭ ꤛꤢꤩ꤬ꤞꤤ꤭ ꤔꤢꤧ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤟꤣꤧ꤯ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤚ꤫ꤣꤧ꤬ꤜꤣ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬, ꤓꤥ꤭ꤚꤣꤧ꤬ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤊꤣꤧ꤭ꤕ꤫ꤥ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬꤯

เธสะโลนิกา เนอบ่า ต๊าบ่า 2:10

ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤜꤣꤧ꤬ꤟꤥ꤭ꤜꤣꤧ꤬ꤟꤢꤧ꤬ꤔ꤫ꤤ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤡꤝꤢ ꤘꤣ ꤒꤢꤩ꤬ꤕꤛꤢꤒꤢꤩ꤬ꤜ꤫ꤢꤨ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤔꤢꤪ꤭ꤢꤩ꤬ ꤚꤣꤧꤘꤢꤦ꤬ ꤢ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤝꤢ꤭꤮ ꤒꤣ꤬ꤡꤣ꤬ ꤕꤢ꤭꤯ ꤛꤢꤩ꤬ꤞꤤ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤖꤛꤢꤏꤢꤦ꤬ ꤊꤣꤧ꤭ꤢꤨ꤭ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤊ꤫ꤢꤦ꤬ ꤞꤣꤧ꤭ ꤜꤢ꤭ꤋꤢꤧ꤭ ꤕꤢ꤭꤯ ꤛꤢꤩ꤬ꤞꤤ꤭ ꤊꤢꤩ꤬ ꤖꤛꤢꤏꤢꤦ꤬ ꤟꤢꤩꤚꤣꤧ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤢ꤭ꤋꤢꤧ꤭ ꤒꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢ꤭꤯

โครินธ์ เนอบ่า ต๊าบ่า 4:3

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤕꤢꤩ꤬ ꤘꤥ꤬ꤔꤢꤧ꤭ꤟꤢꤩꤏꤥ꤬ ꤕ꤫ꤢꤩ꤬ ꤢꤨ꤭ ꤣꤧ꤭ꤔꤣꤧ꤬, ꤢ꤬ ꤊꤢꤩ꤬ ꤥ꤬ꤥꤥ꤬ꤙꤤ ꤟꤢꤩꤔꤣꤧ꤬ꤗꤢ꤬, ꤢ꤬ ꤥ꤬ꤥꤥ꤬ꤙꤤ ꤕ꤫ꤢꤩ꤬ ꤖꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤒ꤫ꤥ꤬ꤘꤣ ꤒꤢꤩ꤬ꤕꤛꤢꤒꤢꤩ꤬ꤜ꤫ꤢꤨ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤖꤢꤧ꤯

โครินธ์ อาเหร่อเล๊อ ต๊าบ่า 1:21

ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤒꤢꤩ꤬ꤖꤢꤩ ꤗꤢ꤬ ꤢ꤬ꤘꤢꤨ꤬ꤢ꤬ꤛꤢꤧ꤭ ꤗ꤫ꤢ꤬ꤔꤤꤔꤢꤧ꤬ ꤡꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤗꤢꤧꤕꤢꤨ꤭ꤞꤤꤑꤢꤩ꤭ꤙꤢꤩ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤛꤢꤩ꤬ꤞꤤ꤭ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭ ꤒꤣꤧ꤬ꤋꤢꤧ꤮ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤞꤤꤕꤜꤢꤪ꤬ꤥ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤣꤧ꤬ꤔꤢꤩ꤬ꤞꤢꤦ ꤜꤢ꤭ꤋꤢꤧ꤭ ꤔꤢꤧ ꤒꤢꤩ꤬ꤟꤢꤩꤏꤥ꤬ꤘꤥ꤬ꤔꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤥ꤬ꤜꤣꤥ꤬ꤊꤜꤢꤪ꤭ ꤖꤢꤧ, ꤢ꤬ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯

โครินธ์ อาเหร่อเล๊อ ต๊าบ่า 3:19

ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤒꤣꤧ꤬ꤔꤢꤩ꤬ ꤔꤢꤧ ꤣꤧ꤭ꤗꤢ꤬ ꤒꤢꤩ꤬ꤞꤤꤖꤢꤩ ꤟꤣꤧ ꤒꤣꤧ꤬ꤟꤢꤩ꤬ꤔꤣꤧ꤬, ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤑꤢꤩ꤭ ꤔꤣꤧ꤬ꤗꤢ꤬ ꤢ꤬ ꤗꤢ꤬ ꤖꤢꤧ ꤒꤢꤩ꤬ꤥ꤬ꤜꤣꤥ꤬ꤊꤜꤢꤪ꤭ ꤖꤢꤧ꤯ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, “ꤖꤚꤢꤩ꤬ꤞꤤꤖꤢꤩꤖꤢꤨ ꤒꤣꤧ꤬ꤟꤢꤩ꤬ ꤒꤣꤧ꤬ꤔꤢꤩ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤔꤢꤧ ꤕꤢꤩ꤬ ꤡ꤫ꤢꤧ꤬ ꤜꤢ꤭ ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤕ꤫ꤢꤦ꤬ꤔ꤫ꤤ꤬ꤊꤢꤧ꤭ ꤟꤣꤧ ꤛꤢꤩ꤬ꤞꤤ꤭ ꤔꤢꤧ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤡ꤫ꤢꤧ꤬ ꤢ꤬ꤘꤢꤕꤢ꤭ ꤣꤧ꤭ꤔꤣꤧ꤬ꤟꤣꤧ꤯ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤗꤢꤩ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤖꤢꤧ ꤘꤢꤕꤢ꤭ ꤖꤢꤧ꤯”

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:5

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤖꤛꤢꤟꤢꤧ꤭ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ꤔꤣꤧ꤬ꤗꤢ꤬ ꤒꤢꤦꤖꤢꤧ ꤕꤢꤩ꤬ ꤊꤢꤨꤢꤨ꤬ ꤢ꤬ ꤒꤢꤩ꤬ꤟꤢꤩꤙꤢꤩ꤬ ꤔꤣꤧ꤬ꤗ꤫ꤢ꤬ꤒꤥ꤬꤯ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ꤔꤣꤧ꤬ꤗꤢ꤬, ꤢ꤬ꤥ꤬ ꤔꤢꤧ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭, ꤢ꤬ꤥ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬, ꤢ꤬ꤥ꤬ ꤔꤢꤧ ꤒꤢꤩ꤬ꤛ꤫ꤢꤦ꤬ꤢꤩ꤬ ꤜꤢꤪ꤭ꤜ꤫ꤢ꤬ꤒꤣꤧ꤬ꤊꤜꤤ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤙꤣꤧ ꤕꤢꤩ꤬ ꤥ꤬ꤊꤣꤧ꤭ ꤔꤢꤧ ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤟꤢꤨꤒꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ꤗꤢ꤬, ꤞꤤ꤭ ꤞꤤꤑꤢꤩ꤭ ꤓꤥ꤭ꤘꤢꤦ꤬ꤟꤣꤧ꤯ ꤣꤧ꤭ꤔꤣꤧ꤬ꤗꤢ꤬ ꤕꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤕ꤫ꤢꤩ꤬ ꤘꤣ ꤞꤤ꤭ ꤜ꤫ꤢꤩ꤬ꤔ꤫ꤤ꤬ꤙꤝꤤ ꤔ꤫ꤤ꤬ꤒꤣꤧ꤬ꤚꤣꤧ꤭ ꤢ꤬ꤑꤢꤩ꤭ ꤖꤢꤧ꤯

โครินธ์ อาเหร่อเล๊อ ต๊าบ่า 2:2

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤠꤢꤧ꤭ ꤘꤢꤧ꤬ꤜꤢꤧ꤬ ꤓꤥ꤭ꤟꤣꤧ ꤠꤢꤧ꤭ ꤞꤤꤕꤜꤢꤪ꤬ ꤔꤢꤧ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤖꤢꤧꤒꤢꤦ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤔꤢꤧ ꤢ꤬ꤒꤢꤩ꤬ꤞꤣꤧ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ ꤖꤢꤧ꤯

เพรโด่แนพู๊ เต๊เห่ 13:41

ꤖꤚꤢꤩ꤬ꤖꤚꤥ꤬ ꤟꤢꤩ ꤔꤢꤧ, ‘ꤞꤤ꤭ ꤘꤣ ꤢ꤬ ꤟꤢꤩꤙꤢꤩ꤬ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ ꤘꤢꤦ꤬ꤑꤢꤩ꤭ ꤒꤣꤧ꤬ꤟꤢꤩ꤬ ꤞꤤ꤭꤮, ꤔ꤫ꤤ꤬ꤘꤢ꤭ ꤜꤢ꤭ꤋꤢꤧ꤭! ꤋꤛꤢꤛꤢꤦ ꤚꤣꤧ꤬ ꤞꤣꤧ꤭ꤊꤢꤧ꤭ ꤜꤢ꤭ꤋꤢꤧ꤭ ꤗꤣꤧ꤭꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤙꤣꤧ ꤞꤤ꤭ ꤓꤢꤦ꤭ꤋꤢꤩ꤭ ꤣꤧ꤭ꤔꤣꤧ꤬ ꤠꤢꤧ꤭ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤒꤣ꤬ꤡꤣ꤬ꤡꤣ꤬ ꤘꤣ ꤢꤨ꤭ ꤟꤢꤩꤏꤥ꤬ ꤕ꤫ꤢꤩ꤬ ꤡꤣꤧ ꤞꤤ꤭ ꤕꤢ꤭ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ ꤊꤣꤧ꤭ꤢꤨ꤭ ꤒꤣꤧ꤬ꤊꤤ꤬꤮ ꤒꤥ꤬ ꤣꤧ꤭ꤔꤣꤧ꤬ ꤕꤢ꤭,’ ꤖꤚꤢꤩ꤬ꤖꤚꤥ꤬ ꤟꤢꤩ ꤟꤢꤨꤔꤣꤧ꤬꤯”

ꤟꤤꤙꤚꤢꤨ 4:12

ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤔꤣꤧ꤬, ꤢ꤬ ꤞꤣꤧ꤭ꤖꤚꤢꤩ꤬ ꤚꤣꤧ꤬ ꤢ꤬ ꤗꤢꤩ꤬ꤡ꤫ꤢꤧ꤬ ꤒꤢꤩ꤬꤯ ꤢ꤬ ꤓꤢꤧ꤭ ꤜꤣꤕꤢ꤬ ꤡꤣꤧ ꤔꤢꤧ ꤔꤢꤩ ꤘꤣ ꤢ꤬ ꤓꤢꤧ꤭ꤜꤢꤪ꤭ ꤔꤣꤧ꤭ꤋꤥꤔꤣꤧ꤭ꤊꤛꤢ꤭ ꤒꤣ꤬ꤙꤢꤩ꤬꤯ ꤢ꤬ ꤔꤥ꤭ ꤙꤢꤩ꤭ꤖꤢꤩ ꤒ꤫ꤥ꤬ ꤡꤣꤧ ꤘꤣ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤔꤢꤧ ꤞꤤꤕꤜꤢꤪ꤬ ꤜ꤫ꤢꤩ꤬ꤥ꤬ ꤒ꤫ꤣ꤬ꤜꤢꤨ꤭ ꤢ꤬ꤜ꤫ꤢꤩ꤬ꤥ꤬ ꤔꤣꤧ꤬, ꤓꤥ꤭ꤚꤣꤧ꤬ ꤢ꤬ ꤔꤥ꤭ ꤙꤢꤩ꤭ꤖꤢꤩ ꤒ꤫ꤥ꤬ꤘꤣ ꤓꤝꤢ꤬ ꤔꤢꤧ ꤋꤚꤝꤤꤊ꤫ꤤ꤬ꤊꤢꤨ꤭ ꤜ꤫ꤢꤩ꤬ꤥ꤬ ꤔꤣꤧ꤬ꤒꤣ꤬ꤖꤥ꤬ ꤡꤣꤧ꤯ ꤢ꤬ ꤘꤣꤧꤓꤢꤩ꤬ꤜꤥ꤭ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤘꤣ ꤢ꤬ꤚꤢꤧ ꤔꤢꤧ ꤢ꤬ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬꤯

โครินธ์ เนอบ่า ต๊าบ่า 10:4

ꤒꤢꤩ꤬ꤏꤢ ꤢ꤬ ꤡꤢꤨꤊꤥ꤬ꤡꤢꤨꤚꤢꤧ꤬ ꤘꤣ ꤕꤢꤩ꤬ ꤔꤢꤪ꤭ꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤢ꤬ ꤡꤢꤨꤊꤥ꤬ꤡꤢꤨꤚꤢꤧ꤬ ꤗ꤫ꤢ꤬ꤒꤥ꤬꤯ ꤕꤢꤩ꤬ ꤔꤢꤪ꤭ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤡꤢꤨꤊꤥ꤬ꤡꤢꤨꤚꤢꤧ꤬ ꤘꤣ ꤢ꤬ꤖꤚꤥ꤬ꤢ꤬ꤖꤚꤢꤧ꤬ ꤚꤣꤧ꤬ ꤢ꤬ ꤗꤢꤩ꤬ꤒꤢ꤭ꤖꤚꤢꤪ꤬ ꤕꤛꤢꤊꤢꤧ꤭ꤙꤢꤩ ꤜꤢꤪ꤭ꤕꤜꤤ꤭ ꤡꤣꤧ ꤠꤤ꤭ꤢꤨ꤭ꤘꤢꤨ꤬ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤋꤚꤢꤩꤋꤚ꤫ꤢꤧ꤬ ꤜꤢꤨ꤭ ꤘꤣ ꤢ꤬ꤞꤢꤦ ꤔꤣꤧ꤬ꤒꤣꤧ꤬ꤟꤢꤩ꤬ ꤡꤣꤧ꤯

โครินธ์ อาเหร่อเล๊อ ต๊าบ่า 15:2

ꤣꤧ꤭ꤔꤣꤧ꤬ꤗꤢ꤬ ꤒꤢꤩ꤬ꤞꤤꤋꤚꤢꤦ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤘꤣ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤓꤥ꤭ꤟꤣꤧ ꤞꤤ꤭ ꤔꤣꤧ꤬ ꤟꤣꤧ꤯ ꤞꤤ꤭ ꤊꤢꤩ꤬ ꤛ꤫ꤢꤦ꤬ꤢꤩ꤬ ꤚꤣꤧ꤬ ꤞꤤ꤭ ꤊꤢꤩ꤬ ꤕ꤫ꤢꤦ꤬ꤗꤢ꤬ ꤚꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤒꤣ꤬ꤡꤣ꤬ ꤟꤢꤩꤔꤣꤧ꤬ꤗꤢ꤬, ꤞꤤ꤭ ꤔ꤫ꤤ꤬ꤙꤢꤩ꤬ꤟꤣꤧ ꤞꤤ꤭ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤣꤧ꤯ ꤞꤤ꤭ ꤊꤢꤩ꤬ ꤗꤢꤩ꤬ ꤟꤢꤨꤔꤣꤧ꤬ꤒꤥ꤬ ꤟꤢꤩꤚꤣꤧ꤬, ꤞꤤ꤭ ꤒꤢꤩ꤬ꤛ꤫ꤢꤦ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤒꤢꤩ꤬ꤛ꤫ꤢꤦ꤬ ꤘꤣ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤗ꤫ꤢ꤬ꤒꤥ꤬꤯

เพรโด่แนพู๊ เต๊เห่ 17:32

ꤙꤣꤧ ꤛꤢꤩ꤬ꤞꤤ꤭ ꤔ꤫ꤤ꤬ꤟꤥ꤭ ꤋꤢꤨ꤭ꤕꤢꤪꤜꤢꤨ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭ ꤢ꤬ꤚꤤ꤬ꤢ꤬ꤊꤢꤧ꤭ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤒꤣꤧ꤬ꤟꤢꤩ꤬ꤟꤢꤩ꤬ꤚꤣꤧ꤬ ꤢ꤬ ꤑꤢ꤭ꤋꤚꤥ꤭ ꤜꤢꤨ꤭, ꤒꤣꤧ꤬ꤟꤢꤩ꤬ꤟꤢꤩ꤬ ꤜꤢ꤭ꤒꤢꤩ꤬ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤕꤢꤩ꤬ ꤞꤤꤛ꤫ꤢꤦ꤬ ꤔ꤫ꤤ꤬ꤟꤥ꤭ ꤋꤛꤢ꤭ꤞꤢꤧꤕ꤫ꤥ꤬ ꤔꤢꤧ꤬ ꤟꤢꤩ ꤕ꤫ꤢꤩ꤬ ꤕꤢꤩ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬꤯”

เพรโด่แนพู๊ เต๊เห่ 17:18

ꤞꤢꤚꤢ ꤘꤣ ꤢꤨ꤭ ꤢꤩ ꤔꤢꤧ, ꤢꤧ꤬ꤕꤤ꤬ꤊꤢꤨ꤬ꤚꤢꤨꤖꤢꤨ ꤔꤢꤧ ꤎꤢ꤬ꤒꤢꤪꤤ꤬ꤖꤢꤨ ꤒꤣꤧ꤬ꤟꤢꤩ꤬ ꤟꤢꤩꤙꤢꤩ꤬ꤘꤥ꤬ꤔꤢꤧ꤭ ꤋꤚꤢꤩꤋꤚ꤫ꤢꤧ꤬ ꤜꤢ꤭ꤋꤢꤧ꤭ ꤔꤢꤧ ꤋꤢꤨ꤭ꤕꤢꤪꤜꤢꤨ꤯ ꤛꤢꤩ꤬ꤞꤤ꤭ ꤢ꤬ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤋꤢꤨ꤭ꤕꤢꤪꤜꤢꤨ ꤔꤢꤧ, “ꤊꤣꤧ꤬ꤛꤢꤧ꤭ ꤒꤢꤩ꤬ꤞꤤꤑꤢꤩ꤭ ꤥ꤬ꤊꤣꤧ꤭ꤢꤨ꤭ ꤒꤣ꤬ꤡꤣ꤬꤮ ꤒꤥ꤬ ꤚꤣꤧ꤬ ꤢ꤬ ꤡꤝꤢꤊꤜꤝꤢꤗꤢꤩ꤬ ꤢ꤬ꤔ꤫ꤢꤩ꤬ ꤟꤢꤨ ꤖꤚꤢꤩ꤬ꤡ꤫ꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ꤣꤧ꤭ ꤢ꤬ ꤡꤝꤢ ꤟꤢꤩꤋꤚꤢꤧ꤮ ꤤ꤭ꤒꤢꤩ꤭ꤒꤢꤩ꤭?” ꤒꤣꤧ꤬ꤟꤢꤩ꤬ꤟꤢꤩ꤬ꤚꤣꤧ꤬ ꤢ꤬ ꤟꤢꤩ ꤜꤢ꤭ꤒꤢꤩ꤬ ꤔꤢꤧ, “ꤢ꤬ ꤞꤢꤧꤔꤢꤧ ꤢ꤬ ꤘꤥ꤬ꤔꤢꤧ꤭ ꤓꤣꤧ꤭ꤚꤥ꤬ꤊ꤫ꤢꤩ꤬ꤊꤜꤢꤪ꤭ ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭,” ꤢ꤬ ꤟꤢꤩ ꤟꤢꤨꤔꤣꤧ꤬꤯ ꤛꤢꤩ꤬ꤞꤤ꤭ ꤡꤝꤢꤟꤢꤩꤒ꤫ꤥ꤬ ꤜꤢ꤭ꤋꤢꤧ꤭ ꤟꤢꤨꤣꤧ꤭ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤒꤥ꤭ꤙꤣꤧ ꤋꤢꤨ꤭ꤕꤢꤪꤜꤢꤨ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤢꤧ꤭ ꤔꤢꤧ ꤢ꤬ꤒꤢꤩ꤬ꤞꤣꤧ꤭ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤢ꤬ꤋꤢꤩ꤭ꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯

เพรโด่แนพู๊ เต๊เห่ 2:47

ꤛꤢꤩ꤬ꤞꤤ꤭ ꤓꤢꤨ꤬ꤞꤢꤩꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤢꤨ꤭ꤕꤝꤢ꤭꤮ ꤖꤚꤢꤩ꤬ ꤞꤤꤕꤜꤢꤪ꤬ ꤥ꤬ꤊꤣꤧ꤭ ꤛꤢꤩ꤬ꤞꤤ꤭꤯ ꤙꤢꤧ꤬ꤡꤢꤩ꤬ ꤘꤢꤧ꤬ꤕꤜꤢꤪ ꤢꤩꤓꤢꤧ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤒꤣꤧ꤬ꤟꤢꤩ꤬ ꤘꤣ ꤛꤢꤩ꤬ꤞꤤ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤢ꤬ꤊꤢꤨ꤭ ꤕꤝꤢ꤭꤮ ꤒꤣ꤬ꤔꤣꤧ꤭ ꤡꤣꤧ꤯

โครินธ์ อาเหร่อเล๊อ ต๊าบ่า 4:10

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤕꤢꤩ꤬ ꤋꤚꤝꤢ꤭ ꤋꤚꤤ ꤢ꤬ꤋꤛꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢꤨ꤭ ꤟꤢꤩ ꤕꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤒꤣꤧ꤬ꤗꤝꤤ꤭꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬, ꤞꤤ꤭ ꤓꤝꤢ꤭ꤓꤢꤧ꤬ ꤟꤣꤧ ꤒꤢꤩ꤬ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤒꤣꤧ꤬ꤔꤢꤩ꤬ ꤚꤣꤧꤘꤢꤦ꤬ ꤡꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤢꤧ ꤖꤚꤢꤩ꤬ꤡ꤫ꤢꤧ꤬ꤖꤢꤨ ꤒꤣꤧ꤬ꤟꤢꤩ꤬ ꤟꤣꤧ꤯ ꤕꤢꤩ꤬ ꤚꤣꤧ꤬ ꤕꤢꤩ꤬ ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤘꤢꤦ꤬ ꤕꤢꤩ꤬ꤑꤢꤩ꤭ ꤖꤢꤧ, ꤞꤤ꤭ ꤚꤣꤧ꤬ ꤞꤤ꤭ ꤟꤢꤧ꤭ꤚꤢꤩ꤬ꤏꤝꤢ꤬ꤏꤢꤪ꤭ ꤔꤢꤧ꤬ꤡꤣꤧ ꤜꤢ꤭ꤘꤢꤦ꤬ ꤔ꤫ꤤ꤬꤯ ꤢꤨ꤭ ꤒꤣꤧ꤬ꤔꤢꤩ꤬ ꤕꤣꤧ꤬ꤒꤤ ꤘꤢꤦ꤬ꤑꤢꤩ꤭ ꤕꤢꤩ꤬ ꤖꤢꤧ꤯ ꤞꤤ꤭ ꤚꤣꤧ꤬ ꤢꤨ꤭ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤡꤣꤧ ꤜꤢ꤭ꤘꤢꤦ꤬ ꤞꤤ꤭ ꤔ꤫ꤤ꤬꤯

ꤟꤤꤙꤚꤢꤨ 12:2

ꤢ꤬ꤞꤢꤧꤔꤢꤧ ꤊꤣꤧ꤬ꤛꤢꤧ꤭ ꤊꤜꤢꤧ꤬ ꤒꤣꤧ꤬ꤟꤢꤩ꤬ ꤗꤢꤧꤒꤥ꤭ꤘꤢꤩ꤭ ꤟꤢꤧ꤭ꤒꤥ꤭ ꤒꤢꤦꤖꤢꤧ ꤒꤢꤩ꤬ꤗꤢꤩ꤬ꤕ꤫ꤢꤩ꤬ꤗꤢꤙꤥ꤭ ꤣꤧ꤭ꤔꤣꤧ꤬ꤟꤣꤧ, ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤗꤢꤧꤒꤥ꤭ꤘꤢꤩ꤭ ꤟꤢꤧ꤭ ꤖꤢꤧꤒꤢꤦ ꤛꤢꤩ꤬ꤏꤛꤢꤨ ꤕꤥ꤮꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤗꤢ꤬ ꤕꤢꤩ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ ꤊꤢꤧ꤭ꤏꤢꤊꤢꤧ꤭ꤚꤢꤧ꤬ ꤒꤣ꤬ꤖꤚꤢꤩ꤬꤯ ꤓꤥ꤭ꤒꤥ꤬, ꤢ꤬ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ꤜꤣꤗꤢꤩ꤬ꤙꤢ꤭ ꤕ꤫ꤢꤩ꤬ ꤟꤣꤧ ꤕꤢꤩ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤒꤣ꤬ꤖꤚꤢꤩ꤬꤯ ꤢ꤬ ꤋꤢꤧꤞꤣꤧ꤭ ꤓꤥ꤭ꤕꤢ꤭ꤗꤢ꤬, ꤢ꤬ ꤞꤤꤑꤢꤩ꤭ ꤥ꤬ꤔꤢꤩ꤬ ꤓꤥ꤭ꤟꤣꤧ ꤔꤢꤧ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤞꤤꤊꤣꤧ꤬ꤜꤢꤪꤊꤣꤧ꤬ꤖꤢꤦ꤭ ꤕꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤒꤥ꤭ꤙꤢꤩ꤬ ꤋꤢꤧꤞꤣꤧ꤭ ꤡꤣꤧ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤞꤤꤒꤣꤧ꤬ꤚꤢꤩ꤭ ꤒꤣ꤬ꤡꤣ꤬꤮ ꤒꤥ꤬꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤢ꤬ ꤥ꤬ꤔꤢꤧ꤭ꤥ꤬ ꤟꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤜ꤫ꤢꤩ꤬ꤥ꤬ꤔꤢꤧ꤭ ꤓꤢꤧ꤬ꤜꤥ꤭ ꤘꤣ ꤡꤢꤓꤝꤢ ꤔꤣꤧ꤬ꤒꤣ꤬ꤊꤛꤢ꤭ ꤟꤣꤧ꤯