กู๊แหน่เออ เป เก่ ทวา หม่าเฮ๊อ อาพู๊อาเลอ เร๊อ อา เก่ เด๊อะ เป อา เตบุ๊ยเตเตอเรอ อู่เจเต๊เหย่ เด๊อ อา แด่ โอ่ดว๊า เป่ เป เนอเต๊เห่ ปา. อา เก่ เด๊อะเตเด๊อะบุ๊ยเด๊อะเตอเรอ เด๊อ อาพู๊อาเลอ เต๊เห่ โต พย๊าหนิ เนอเต๊เห่ ปา. โท๊โต่ อู่เจเต๊เหย่ เด๊อ อาหม่าอากลอ ตูจูเพร เออ เป เก่ พย๊าหนิ ผร่วาเกอ เร๊อ ครี๊ ปา. เก่ เป ข่าจาข่าจือ โหร่เต่อเกอ เร๊อ ครี๊ เฮ๊เรอ, เป เก่ พย๊าหนิ โหร่โต่เกอ เตเตอเรอดุทู เร๊อ อา ปา.
ꤒꤤꤒꤢꤨ 3:7 - ลีเทส่อพ๊าอาเซ เร๊อ เห่ขุทวาลู๊7 จอแปแหร่ แด่จ๊อแด่เต เป เนอ อาบุ๊ยดุอาเตอเรอทู ขว่าคยา เฮ๊อ. ฮู๊เนอเรอ กู๊แหน่เออ เป พย๊าหนิเฮ๊อ เป เตแม๊ชือ เด๊อ อา หม่าดื่อ ซิปล่อเซอเพร อู่เจเต๊เหย่ ตูจูเพร ตาเลเคร๊ เออเนอ เฮ๊อ. အခန်းကိုကြည့်ပါ။Eastern Kayah Shadaw Dialect7 ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤕꤢꤩ꤬ ꤔꤢꤧ ꤢ꤬ꤙꤝꤤꤘꤢꤨ꤬ꤒꤣꤧ꤬ꤚꤣꤧ꤭ꤓꤢꤨ꤭ ꤋꤝꤢ꤬ꤋꤛꤢ꤭ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤔ꤫ꤤ꤬ꤙꤢꤩ꤬ꤟꤣꤧ ꤕꤢꤩ꤬ ꤒꤢꤩ꤬ꤗꤢꤧꤏꤢꤦ꤭ ꤘꤣ ꤢ꤬ ꤗ꤫ꤢ꤬ꤘꤢꤦ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤢꤨ꤬ꤡꤢꤩ꤭ꤒꤣꤧ꤬ꤛ꤫ꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤣꤧ꤭ꤔꤣꤧ꤬ ꤟꤣꤧ꤯ အခန်းကိုကြည့်ပါ။ |
ꤒꤤꤒꤢꤨ 3:7
25 ပူးပေါင်းရင်းမြစ်များ
เด๊อ ซีเกล เต๊เห่เห่ เนอ, เด๊อ เนอเค หม่า อา ทวา โทเฮ๊อ แกแยจา แกแยมู๊แหม่ แซ่เน๊อ เนอเฮ๊อ หม่าแน๊เรอ จอแปแหร่ ซู๊ปลีแก โทเฮ๊อ ซี เตซื๊อ เฮ๊อ. เร๊อ กู๊แหน่เออ ซี ทวา เฮ๊อ จอแปแหร่ อาเต เฮ๊อ. เด๊อ แบ่เจ่ เหย่ซู่ครี๊ เร๊อ จอแปแหร่ อา แหย่โยบูโพ๊ อาขว่าอาคยาเร๊อ, กู๊แหน่เออ, จอแปแหร่ แด่เฮ๊อ ซี ฮู๊ แกแยจ๊อแกแยเต เต๊เห่เนอ เฮ๊อ.
หม่าแน๊เรอ เป แกแยยิวพู๊ เด๊อ อา หยื่อเอ่ ครี๊ เออเต๊เห่ เนอหม่า, เป ซิเง เร๊อ จอแปแหร่ แด่จ๊อแด่เต แกแย เตเพรเนอหม่า อา แด่จ๊อแด่เต ลู เน๊อ อา ลือครวา เมเกอ เตซว๊าเตแส่ อาคยาเนอ หม่าโต่. หม่าแพ๊ ตื๊อ อา หยื่อเอ่แหน่ เหย่ซู่ครี๊ เออเนอ แพ๊ เป เออเต๊เห่เนอ เบ่เบ่, แซ่ฮู๊ จอแปแหร่ เก่ แด่จ๊อแด่เต เกอ เป เร๊อ เป เตหยื่อเตแหน่ ครี๊ เออ อาคยา เนอเรอ, เป หยื่อเอ่แหน่ เกอเฮ๊อ เหย่ซู่ครี๊ เฮ๊อ. หม่า เด๊อ เป ครวาเมเกอ เตซว๊าเตแส่ อาคยาเนอ หม่าโต่, เมเตเฮ๊เรอ เด๊อ อู ลือครวา เมเบ๊ เตซว๊าเตแส่ อาคยา เร๊อ อู ทวาแถ่เบ๊ แกแยจ๊อแกแยเต เนอ อา โอ่ เตเพร่ว โต่.
ฮู๊เนอเรอ, เป พย๊าหนิแจ่ จอแปแหร่ อา เตอ๊อแล เน๊อ เป เตหยื่อ เตอเจ๋อ แพ๊. เมเตเฮ๊เรอ แซ่ฮู๊ เป เก่ พย๊าหนิ เกอ เตเออเนอ เร๊อ อาบุ๊ยอาเตอเรอ อาขว่าอาคยา ตื๊อแพ๊ อาเงเนอ, เป เบ่ โอ่ เร๊อ เตหยื่อ. โท๊โต่, ล๋อ เพอับราฮัม อากลุยอาแล เต๊เห่เนอ, อา เก่ พย๊าหนิ ลอ เตอ๊อแล เออ ปา. แกแย เด๊อ อา ลือครวาเมเกอ แกแยยิวพู๊ อาเตซว๊าเตแส่ เนอเต๊เห่ เก่ พย๊าหนิ ตื๊อดื่อ หม่าโต่, แกแย เด๊อ อา หยื่อเอ่ แซ่เกอ เร๊อ เพอับราฮัม เนอเต๊เห่ เก่ พย๊าหนิ ลอเกอ ปา ปา. เพอับราฮัม หม่า เป ล๋อ ปลี อาเพ.
ฮู๊เนอเร๊อ ซี เด๊อ อา ทวา เว เต๊เห่เนอ, เบ๊อะซี เบ่ โอ่เต่อ เร๊อ ซีเม เบ๊อะเนอ, ซิเง จว่า เป่ เกอดื่อ เร๊อ เหย่ซี หม่า อา อ๊าเจ่เหร่เจ่ เล๊อะดื่อเง เร๊อ ซี ฮู๊เนอ นี๋. ซิเง แด่ซิแหน่ซิเเร ฉื่อเกอ ซีเม นี๋. เมเตเฮ๊เรอ จอแปแหร่ เด๊อะครา ซิปล่อเซอเพร เชหยู่ เออเนอ, เหย่ซี พย๊าหนิ แซ่เกอดื่อ เร๊อ ซีซี แพ๊. เบ๊อะซี กุยจ๊อเบ เบ๊อะเนอ, แซ่ฮู๊ เต เก่ เมดู๊แด ตาตือ แต่ ซี แต่เหม่ เนอ, ตูรู๊ เม แลแค ฮู๊เนอ นี๋.
เด๊อ เตหยื่อ อาขว่าอาคยา, อา จว๊าโอ่ เด๊อ อูโรเทอ อูโรเก่ เด๊อ จอแปแหร่ อ๊อแล เฮ๊อ เน๊อ อา เก่ เด๊อะ ลู เนอเต๊เก่. อา จว๊าโอ่ แซ่เน๊อ เมวเจอะโรพู๊ เตเพร เร๊อ อา จว๊า อิช๊อโอ่หนิ อาเหล่สื่อ เด๊อ อา เด๊อะเก๊โอ่ เกอ เร๊อ อิเก เต๊เห่ เร๊อ อา จว๊าโอ่ แพ๊ เด๊อ เหล่สื่อกู. เร๊อ อา พู๊เพรคู คูอิสอัค เร๊อ อาเลอ ยาโคบ เด๊อ อา พย๊าหนิ แซ๊เกอ เตอ๊อแล เด๊อ จอแปแหร่ อา โอ่ เออ ซิเนอเนอ, อา ช๊อโอ่ แซ่เกอ ดื่อ อาเหล่สื่อ เบ๊อะเนอเนอ.
เด๊อ เพโนอาห์ อาเตหยื่อ อาขว่าอาคยา, จอแปแหร่ เด๊อะรอ หนื่ออื่อ ลู เตเด๊อ อา แม๊เถอะ ซิเง ล๋ายโต่ เด๊อ อา เก่ ทวาแถ่ ช๋า เนอปา เนอเต๊เห่. อา เบ่หยื่อเบ่แหน่ จอแปแหร่, อา หนิดา ลูโหง่ เร๊อ อา เมแถ่ ส่อเกลอดุ เด๊อ อา เก่ เมแลเปล๊กา เน๊อ อา หี่ด๊อหี่แพพู๊ อาเง เต๊เบ่. เด๊อ เพโนอาห์ เตหยื่อ อาขว่าอาคยา, อา เด๊อะโล เน๊อ จอแปแหร่ เก่ เมจากาคยา แกแย เห่ขุพู๊ เต๊เห่ ปา. เร๊อ เด๊อ อาเตหยื่อ ขว่าคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพร เฮ๊อ.
เปเพ จอแปแหร่ อาบุ๊ยอาเตอเรอ ขว่าคยาเร๊อ, อา เด๊อะตา เฮ๊อ เป อา เตเด๊อะอ๊าเด๊อะเหร่ ตูจูเพร เร๊อ เตแม๊ชือ เด๊อ อาตาอาเต เออเต๊เห่เนอ เฮ๊อ. เป แบ่เจ่ เหย่ซู่ครี๊ เร๊อ เปเพ จอแปแหร่ เด๊อ อา โมหนิเร๊อ เป เออเตเพร เก่ เด๊อะอ๊าเด๊อะเหร่ ดื่อ ซี นี๋. โท๊โต่ แซ่ฮู๊ ล๋อ ซี เตเอ่เตแร เนอเต๊เห่ เร๊อ ล๋อ ซี เตเฮ๊เบ่เฮ๊โช เต๊เห่ เก่ แร๊ อาเงเนอ, อา เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.
ကြော်ငြာတွေ