ꤒꤤꤒꤢꤨ 3:3 - ลีเทส่อพ๊าอาเซ เร๊อ เห่ขุทวาลู๊3 เมเตเฮ๊เรอ เด๊อ เหร่อเคเนอ เป เต๊เห่ หม่า แกแยบูบย่า แกแย จูเอ่ เกออู โหง่ โต่ เต๊เห่. เป หม่า แกแย เด๊อ อา ครวาซื๊อเกอ แกแย แลโฮ เต๊เห่ อาคยา. เป ทวา โทเฮ๊อ แกแย เด๊อ อา ซิหยื่อซิลอ เมโม เกอเร๊อ เหน่ เต๊เห่ อาหลู่เล๊ เฮ๊อ. เป โอ่เซอเพร เมลอแก อาม๊อเนอม๊อเซ เนอ เป เม เตมู๊แหม่รีแจ่ เนอ เตซิค๊าซิเถ่ อู เต๊เห่ เฮ๊อ. โท๊โต่ อู ซิเถ่ เป เร๊อ เป ซิเถ่ฉื่อ อู. အခန်းကိုကြည့်ပါ။Eastern Kayah Shadaw Dialect3 ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤔꤣꤧ꤬ꤋꤢꤩ꤭ ꤕꤢꤩ꤬ ꤒꤣꤧ꤬ꤟꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ꤙꤢꤪ꤭ꤙꤛꤢ꤬ ꤊꤣꤧ꤬ꤛꤢꤧ꤭ ꤡꤢꤨ꤭ꤢꤩ꤬ ꤊꤣꤧ꤭ꤢꤨ꤭ ꤍ꤫ꤥ꤬ ꤒꤥ꤬ ꤒꤣꤧ꤬ꤟꤢꤩ꤬꤯ ꤕꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤚꤝꤢ꤭ꤞꤢꤦꤊꤣꤧ꤭ ꤊꤣꤧ꤬ꤛꤢꤧ꤭ ꤜꤣꤧ꤬ꤟꤥ꤭ ꤒꤣꤧ꤬ꤟꤢꤩ꤬ ꤢ꤬ꤋꤛꤢ꤭꤯ ꤕꤢꤩ꤬ ꤓꤝꤢ꤭ ꤓꤥ꤭ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗꤢꤩ꤬ꤗꤥ꤬ ꤚꤣꤧꤘꤢꤦ꤬ ꤔ꤫ꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤡ꤫ꤢꤦ꤬ ꤟꤣꤧ꤯ ꤕꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤗꤢꤩ꤬ꤜꤢꤪ꤭ꤊꤢꤧ꤭ ꤏꤣꤧꤋꤢꤩ꤭ ꤔꤢꤧ ꤕꤢꤩ꤬ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤢꤧ ꤒꤢꤩ꤬ꤞꤤꤋꤢꤞꤤꤓꤢꤩ꤬ ꤢꤨ꤭ ꤒꤣꤧ꤬ꤟꤢꤩ꤬ ꤟꤣꤧ꤯ ꤓꤥ꤭ꤒꤥ꤬ ꤢꤨ꤭ ꤞꤤꤓꤢꤩ꤬ ꤕꤢꤩ꤬ ꤚꤣꤧ꤬ ꤕꤢꤩ꤬ ꤞꤤꤓꤢꤩ꤬ꤏꤢꤦ꤬ ꤢꤨ꤭꤯ အခန်းကိုကြည့်ပါ။ |
หม่าแน๊เรอ กู๊แหน่เออ จอแปแหร่ ฉิย๊า ปลวาเถ่จว๊าแก เฮ๊อ ซี เด๊อ เตซื๊อเตปล๊า อาหลู่เล๊ เฮ๊อ. เร๊อ ซี ทวาเฮ๊อ จอแปแหร่ อาหลู่เล๊ เด๊อ อาเซ เต๊เห่ เฮ๊อ. เด๊อ ซี ทวาเฮ๊อ ฮู๊เออ อาขว่าอาคยา, อา หนิบุ๊ยหนิเตอเรอ เด๊อ ซีเง หม่า หม่าเฮ๊อ อา ซูจว๊า ซี เด๊อ เตโอ่เซอเพร บูโพ๊ อา แกล๊เดกู เออเนอ เฮ๊อ. เร๊อ เด๊อ เป โอ่เซอเพร บูโพ๊ เฮ๊อ อาขว่าอาคยา, อา หนิบุ๊ย เฮ๊อ เด๊อ ซิเง หม่า หม่าเฮ๊อ ซี พย๊าหนิ ซิปล่อเซอเพร ตูจูเพร เออเนอ เฮ๊อ.
ช๋า แว แฮโตเกอ เด๊อ ซี โอ่ เคปาเนอ, ปาหม่า แว แฮ แม๊เถอะ ดื่อเฮ๊อ ซี เตแด่ซิปล่อสู่เทอ เต๊เห่ เด๊อ อา โค๊ดื่อ เร๊อ ฮู๊ แว ซิหยื่อ แม๊เถอะ เนอเต๊เห่ ปา เฮ๊อ, โทเรอ ซี เก่ แม๊เถอะ ดื่อเฮ๊อ แว เตซิปล่อสู่เทอ เต๊เห่ เด๊อ อา โค๊ดื่อ ฮู๊ ซี ซิหยื่อ แม๊เถอะ แว เนอ ปา เฮ๊อ, แว เบ่รอหนื่ออื่อ ฮู๊เนอ. แว เบ่รอ ดื่อเฮ๊อ เร๊อ ปาหม่า แว แฮแม๊เถอะ ซีกย๊าตางา ลู, ซี ซิเคว๊คยาลู, ซี ซิปล่อดุ สู่เทอทู ลู, ซี โอ่โค๊ลู ตู๊หมู่ เร๊อ ตู๊หมู่, เป๊อเจ่ออิแช๊อู, แด๊เเหมาะเถ่อโย อู, แด่ดุแด่แถ่โล เหน่, เมซู๊ซ๊า ตอปลอแลยอ เต, ฮู๊เนอ เต๊เห่ เฮ๊อ.
เหย่ซู่ เฮ๊ฉื่อ เหย่ซี เน๊อ, “แซ่ฮู๊ อู เก่ อี๊ลอแลโฮ จว๊าหนิ แต่ ซี แต่เหม่เนอ, โอ่รอโอ่เร แลแค ซีเหน่ นี๋ แกแย เด๊อ อา เก่ แฮ แด๊กว๊า แลโฮ แลแค อาเหน่ เร๊อ แวมุย ปาเนอ อา โอ่ เอ๊ ลู ปา. เร๊อ อา เก่ แด๊กว๊า แลโฮ แล เกอ เร๊อ แลแค อาเหน่ เน๊อ, ‘แว หม่า ครี๊ เฮ๊อ,’ เร๊อ ‘เบ๊อะผื่อโต่ เฮ๊อ,’ ฮู๊เนอ ปา ตื๊อดื่อเรอ ครอครวา แต่ แลแค เหย่ซี แต่เหม่ นี๋.
โทเรอ เด๊อ อา เด๊อะโล อา เตโค๊ตีกลี๊ เด๊อ เตมีเตแหม่ เด๊อ อาเหร่อเคเนอ โตโด นอเม ลู เด๊อ อาเป๊เส่เง เนอเต๊เห่ อาขว่าอาคยา, อา อิลออี๊โหล่ แลโฮ หนิลอ แกแย โอ่เซอเพร เด๊อ เห่ขุ เออ เต๊เห่. เตมีเตแหม่ เนอโด โตโดเออ, อา นอแบ๊แถ่ เหย่ซี เตแหย่โย โตโด แซ่ฮู๊ อา เก่ เมลีเมเตเค กาคยา เตมีเตแหม่ เด๊อ อา เบ่ เต๊เหม่น๊อ เร๊อ เน๊ เร๊อ อา โอ่เซอเพร ปา เนอโตโด.
จอแปแหร่ อาบุ๊ยอาเตอเรอเออ, อา อิซว๊า เป่ เร๊อ เป เก่วีแก แกล๊ เด๊อ อา มู๊แหม่ เต๊เห่ เร๊อ เห่ขุ อา เตซิหยื่อซิลอ เต๊เห่. กู๊แหน่เรอ จอแปแหร่ อาบุ๊ยอาเตอเรอ อิซว๊า เป เด๊อ เป โตเบ่ ค๊อเบ๊ข่าเบ๊ หนิ เด๊อ เปซิปล่อ. เร๊อ เป โตเบ่ โอ่เซอเพร จ๊อจ๊อเตเต, โท๊โต่ เป โตเบ่ โอ่เซอเพร ฮู๊ อาโต จอแปแหร่ อาซิปล่อ เนอ.