ꤒꤤꤒꤢꤨ 3:10 - ลีเทส่อพ๊าอาเซ เร๊อ เห่ขุทวาลู๊

¹⁰ แกแย เตเพรเพร เด๊อ อา เด๊อ โอ่แถ่ เตลูโพร๊ลูแพร เต๊เห่เนอ, เด๊อะรอ อา เนอโพ๊ โทเรอ เด๊อ คยา เนอ แบ๊ซว๊า ปา ดื่อ เร๊อ อา แต่เหม่ นี๋.

Eastern Kayah Shadaw Dialect

¹⁰ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤘꤣꤧ ꤥ꤬ꤓꤢꤧ꤬ ꤒꤢꤩ꤬ꤜꤢꤨ꤬ꤖꤚꤥꤜꤢꤨ꤬ꤖꤚꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤘꤣꤧꤚꤢꤪ꤬ ꤢ꤬ ꤔꤣꤧ꤭ꤖꤥ꤬ ꤓꤥ꤭ꤚꤣꤧ꤬ ꤘꤣ ꤋꤛꤢ꤭ ꤔꤣꤧ꤬ ꤙꤢꤧꤞꤝꤢ ꤕꤢ꤬ ꤒ꤫ꤢꤧ꤬ ꤔꤢꤧ ꤢ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

ꤒꤤꤒꤢꤨ 3:10 ပူးပေါင်းရင်းမြစ်များ

ꤚꤥꤗꤢꤩ꤬ 16:17

โป่แหว่ ซี, แว ซิหยื่อ แฉ่ครวา หนิ ซีคยา เน๊อ, รอ แลแค ซีเหน่ เร๊อ แกแย เด๊อ อา แฮโนเม ลูโพร๊ลูแพร เต เนอเต๊เห่ นี๋. เหย่ซี เตอิซว๊าอี๊แส่ เต๊เห่เนอ, อา อี๊หล่า จว๊า ตาพาแก แกแย เด๊อ ซีเกล เต๊เห่เห่ เร๊อ ครี๊ ปา. เหย่ซี เตอิซว๊า เต๊เห่เนอ, อา ลู โค๊ดื่อ เร๊อ ครี๊ อาหรี่อาแก เด๊อ อู อิซว๊า โทเฮ๊อ ซี เนอเต๊เห่. โอ่ตาพาแก เร๊อ เหย่ซี นี๋.

ยอห์น เนอบ่า ต๊าบ่า 1:10

ฮู๊เนอ อาขว่าอาคยา, แกแย เตเพรเพร เก่ แฮ เด๊อ ซี โอ่ เฮ๊เรอ อา เก่ พย๊าแฮหนิ เตอิซว๊าอี๊แส่ เออเต๊เห่ โต่ เฮ๊เนอ, เอ๊ฉื่อ แต่ อา เด๊อ ซี หี่ด๊อกู แต่เหม่ นี๋. “เตเพรอาดือ เก่ โอ่ดื่อ เร๊อ เน นี๋,” เฮ๊ฉื่อ แต่ อา ฮู๊เนอ แต่เหม่ เหม่.

ทิโมธี เนอบ่า ต๊าบ่า 3:5

เหย่ซี จ่า ครวาเมเกอบย่า แพ๊ เป เตจ๊อบู่จ๊อเบ อาเหล่โกล เหล่แบ่ ปา. หม่าแน๊เรอ เหย่ซี เก่ โชโม๊บิแก เตจ๊อบู่จ๊อเบ อา เตอเรอฉว่าชอ เด๊อ อา หม่าแหน่ เออเนอเต๊เห่ ปา. จว๊า ตาพาแก เน๊อ แกแย ฮู๊เนอเต๊เห่ อาเหล่นี๋.

เธสะโลนิกา เนอบ่า ต๊าบ่า 3:14

แกแย เตเพรเพร เก่ จูเอ่ เกออู ลี เด๊อ เป ซูเป่ ซี เออต๊าบ่า อา เตอิซว๊าอี๊แส่ โต่ เฮ๊เนอหม่า, แม๊โตม๊าแก อา นี๋. แซ่ฮู๊ อา เก่ ซิเตเร แล เกอเร๊อดื่อ อาเหน่ ปาเนอ เนอ, แบ๊ซว๊า แต่ แลแค อา แต่เหม่ นี๋.

เธสะโลนิกา เนอบ่า ต๊าบ่า 3:6

โป่แหว่ ครี๊พู๊ ซี๋, เด๊อ แบ่เจ่ เหย่ซู่ครี๊ อามุย อากู, เป เฮ๊แก ซี โหง่ เนอ, ล๋อ โป่แหว่ เด๊อ อา เตเกลแลแบ๊ เร๊อ อา ครวาเม เกออู ฮู๊ เป เหล่โกลเม เด๊อ เป เด๊อะแก ซี เออเนอ โต่ เต๊เห่เนอ จว๊า แบ๊ซว๊า แต่ เร๊อ เหย่ซี แต่เหม่ นี๋.

ꤊꤢ꤬ꤜꤢ꤬ꤒꤤ 5:20

อา จ๊อเบ แลแค เพรแหย่โยแหย่กี, อา เม แลแค โลเน๊มู๊แหม่รีแจ่ เตเม เต๊เห่, อา ซิเถ่ซิฮา เกอเร๊อ ลู, อา เคร๊แขะ คยาลู, ซิเคว๊ คยาลู, ซิปล่อดุครือ ลู, ซิหยื่อ มุย โลเทอโลเก่, ซิปล่อ โนกู ลู โต่, ซิโตโคแก ครี๊พู๊ ตู๊หมู่ตอกล๊อ เด๊อ อาโร เต๊เห่.

ꤊꤢ꤬ꤜꤢ꤬ꤒꤤ 5:12

แกแย เด๊อ อา เมจา เมซู๊ซ๊า ซี ซิปล่อ เร๊อ เตดื๊อตีลี๊พ๊า อาหรี่อาแก เต๊เห่เนอ, แว ซิหยื่อ นอชุ๊ยแกหนิ ลอโป่ เจ๊อ อา เดอะ เนอ เจ๊อ.

โครินธ์ อาเหร่อเล๊อ ต๊าบ่า 11:19

แซ่ฮู๊ อู เก่ แม๊เถอะ ซิเง เร๊อ แกแย เต๊เห่ หม่า อา หยื่อเอ่ หม่า แอ, หม่าโต่ แอ เนอ, ซิปล่อ ลูโค๊ลู เออเนอ อา เบ่ โอ่แถ่ แหน่ แพ๊.

โครินธ์ เนอบ่า ต๊าบ่า 13:2

เบ๊อะแว แฮ โอ่เล เกอ ซี เนอโพ๊โตโพ๊ เบ๊อะเนอ, แว เด๊อะรอ หนื่ออื่อ โทเฮ๊อ แกแย เด๊อ อา เมซื๊อเต เด๊อ อาเหร่อ เนอเต๊เห่ เร๊อ ล๋อ แกแย เด๊อ อาโร เนอเต๊เห่ เฮ๊อ. กู๊แหน่เรอ แว โอ่ตาพายา เน๊อ ซี เร๊อ แว เด๊อะรอ คยาแซ๊ ซี. เร๊อ ช๋า แว แฮ คยาแซ๊ เออโต๊โผ่ ปาเนอ แว ซิโลซิยอ เกอเร๊อ ปาแหน่ เร๊อ ซี เตเพร่ว โต่ เฮ๊อ.

เปโตร เนอบ่า ต๊าบ่า 2:1

เพรโพร กลว่าแลโฮ อาเหน่ เต๊เห่ โอ่แถ่โล โทเฮ๊อ เด๊อ แกแย เบ๊หมู่ อาเกล เด๊อ เหร่อเคเนอ เฮ๊อ. แซ่ฮู๊เนอเฮ๊อ, ซ๊าร๊า กลว่าแลโฮ อาเหน่ เต๊เห่ เก่ แฮ โอ่แถ่โล เกอ เด๊อ ซีเกล ปา. เหย่ซี เก่ พย๊าแฮโห่หนิ เตอิซว๊าอี๊แส่ซื๊อ เด๊อ อา เมปย๊าเต เต๊เห่ ปา. อา เก่ เท๊ฉื่อแก เจ๊อ แบ่เจ่ เด๊อ อา อี๊ถ่ากา โทเฮ๊อ เหย่ซี เนอเตเพรปา. เด๊อ เหย่ซี เมฮู๊เนอ อาขว่าอาคยา, จอแปแหร่ เมปย๊าแก เหล่แพร เหย่ซี ปา.