ꤒꤤꤒꤢꤨ 2:5 - ลีเทส่อพ๊าอาเซ เร๊อ เห่ขุทวาลู๊

⁵ แซ่ฮู๊ อู เก่ เป๊อเจ่ออิแช๊ ดื่อ จอแปแหร่ อาลาอาโหง่ แต่เหม่เนอ, เพรเหมาะ โหมะเผระ เออเต๊เห่เนอ, อา เบ่ อิซว๊าเป่ เพรเหมาะ หน่าเจ่ เต๊เห่. เร๊อ อา เบ่ อิซว๊า เหย่ซี เนอ เหย่ซี เบ่ ทวา เพรเหมาะ เต๊เห่ เด๊อ อา ค๊อเป่ เกอเร๊อ อาซิปล่อ, เหย่ซี ซิปล่อ เบ่ อาโพ๊อาแปละ, เหย่ซี เบ่ ทวา เม เด๊อ อา แม๊ตู่ หนิ แร๊ อาหี่อาแพ, เหย่ซี เบ่ เมเต เด๊อ อาแร๊, เร๊อ อา เบ่ จูเอ่ อาเว โหง่.

Eastern Kayah Shadaw Dialect

⁵ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤒ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤖꤚꤢꤩ꤬ꤗꤢꤪ꤬ ꤗ꤫ꤥ꤬ꤖꤚ꤫ꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤙꤢꤩ꤬ ꤤ꤬ꤞꤝꤢꤕ꤫ꤢꤩ꤬ ꤖꤚꤢꤩ꤬ꤗꤢꤪ꤬ ꤔꤢ꤬ꤡ꤫ꤢꤩ꤬ ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤢ꤬ ꤙꤢꤩ꤬ ꤤ꤬ꤞꤝꤢ ꤛꤢꤩ꤬ꤞꤤ꤭ ꤔꤢꤧ ꤛꤢꤩ꤬ꤞꤤ꤭ ꤙꤢꤩ꤬ ꤓꤝꤢ꤭ ꤖꤚꤢꤩ꤬ꤗꤢꤪ꤬ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤋꤢꤪ꤭ꤕ꤫ꤢꤩ꤬ ꤚꤣꤧꤘꤢꤦ꤬ ꤢ꤬ꤞꤤꤕꤜꤢꤪ꤬, ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ ꤙꤢꤩ꤬ ꤕꤜꤤ꤭ꤖꤥ, ꤛꤢꤩ꤬ꤞꤤ꤭ ꤙꤢꤩ꤬ ꤓꤝꤢ꤭ ꤗꤢꤩ꤭ ꤘꤣ ꤢ꤬ ꤗꤢꤧꤡꤢꤧ꤬ ꤚꤢꤧ ꤚꤣꤧ ꤢ꤬ꤟꤤ꤬ꤢ꤬ꤖꤢꤧ꤭, ꤛꤢꤩ꤬ꤞꤤ꤭ ꤙꤢꤩ꤬ ꤗꤢꤩ꤬ꤒꤢꤩ꤬ ꤘꤣ ꤢ꤬ꤚꤢꤧ, ꤚꤣꤧ꤬ ꤢ꤬ ꤙꤢꤩ꤬ ꤡꤢꤨ꤭ꤢꤩ꤬ ꤢ꤬ꤠꤢꤩ꤬ ꤍ꤫ꤥ꤬꤯

ꤒꤤꤒꤢꤨ 2:5 ပူးပေါင်းရင်းမြစ်များ

โคโลสี 3:18

เมซี๋ จูเอ่ ซีเว อาโหง่, เมเตเฮ๊เรอ ซี หม่า เพรหยื่อเอ่ เออ เต๊เห่ อาขว่าอาคยา, ซี โต เม แลแค ฮู๊เนอ.

ทิโมธี อาเหร่อเล๊อ ต๊าบ่า 5:10

โทเรอ อา เบ่ ทวาดื่อ เพร เหมาะ เด๊อ อามีลา โลแร๊ เน๊อ อา เมเตแร๊ เต๊เห่ อาคยา. อา เบ่ ทวาดื่อ เพร เหมาะ เตเพร เด๊อ อา แม๊ตู่ ดุแถ่ หนิ แร๊โท ดื่อเฮ๊อ อาพู๊อาเลอ เต๊เห่, อา เบ่ เอ๊โมฉื่อ ซิเผระ เต๊เห่ เด๊อ อา หี่ด๊อหี่แพกู, อา เบ่ ทวาดื่อ เพรเหมาะ เตเพร เด๊อ อา ซู๊ปลี จอแปแหร่ อาแกแย เต๊เห่ อากู๊โด่, อา เบ่ เมจว่า แกแย เบ่แป่เบ่เช เต๊เห่ โทเรอ อา เบ่ทวา เพรเหมาะ เตเพร เด๊อ อา เด๊อะแล อาซิปล่อ เด๊อ อา เมเตแร๊ เต๊เห่ อาเง.

เห่ขุทวาลู่ 3:16

โทเร๊อ อา เฮ๊ เพรเหมาะ เนอเตเพร เน๊อ, “เน เก่ โหมะดอแถ่ เน๊อ เตแป่เตเช เตโซพ๊าโซแร แหน่เจ๊อ ปา, เร๊อ เน เก่ พู๊โอ่ ข่าจาข่าจือ ปา. เนซิปล่อ อาเตซิหยื่อ เนอ อา เก่ ทวา เนเว อาเง ปา, เร๊อ อา เก่ เป๊อตี๊หริ เร๊อ เน ปา.”

เอเฟซัส 5:33

หม่าแน๊เรอ, ซี เบ่เบ่, ซี เบ่ โมแล เกอเร๊อ ซีเม ฮู๊ ซี โมแล เกอเร๊อ ซีเหน่เนอ ปว๋า เตเพร. โทเรอ เม เบ่เบ่, อา เบ่ เบ่หยื่อเบแหน่ หนิ อาเว ปว๋าเตเพร.

เพรโด่แนพู๊ เต๊เห่ 9:36

เบ๊อะวียัฟฟา อากูเนอ, เพรเหมาะ เด๊อ อา หยื่อเอ่แลแค เหย่ซู่ เนอ อาโอ่ เตเพร. เร๊อ อามุย เร๊อ เหมาะทาบิธา (กรีกโหง่ หม่า อามุย เร๊อ เหมาะโดรคัส, อาโหง่แลช๊า หม่า เตอเคอ โตโด) อา ม๊อเนอม๊อเซ ลอ ปลี เนอ อา เมบุ๊ยเมเตอเรอ เป่ อูโร โทเรอ เมจว่าเกอ เป่ แกแย โซพ๊าโซแรพู๊ เต๊เห่.

ทิโมธี อาเหร่อเล๊อ ต๊าบ่า 6:1

แซ่ฮู๊ จอแปแหร่ อามุย เก่ เบ่ เตเป๊อเจ่อ อิแช๊ แต่เหม่, โทเรอ แซ่ฮู๊ อู เก่ แด๊ แต่ เป เตอิซว๊าอี๊แส่ เออเต๊เห่ อาแหย่โย เตเพร่ว แต่เหม่ เนอ, ล๋อ แกแย ทวาหลู่ เต๊เห่เนอ, อา โตเบ่ แด่ แลแค อาซิปล่อ เร๊อ อา โต แด่หยื่อแหน่ อาแบ่เจ่ เต๊เห่.

โครินธ์ อาเหร่อเล๊อ ต๊าบ่า 14:34

เบ๊อะเพรหยื่อเอ่ ตู๊หมู่ตอกล๊อ โอ่กู๊โอ่แก๊ ลู เบ๊อะเนอ, เหย่ซี เหล่โกล โอ่ เร๊อ เด๊อ เพรหยื่อเอ่ตู๊หมู่ตอกล๊อ อากู เออเนอ, เพรเหมาะ เต๊เห่ โตเบ่ โอ่โส่โอ่เคร. เหย่ซี โตเบ่ เฮ๊เบ่หนิ โต่. หม่าแน๊เรอ ฮู๊ แกแยยิวพู๊ เตซว๊าเตแส่ โอ่ เนอ, อู โตเบ่ ซิแหน่ซิเตเร เหย่ซี.

โครินธ์ อาเหร่อเล๊อ ต๊าบ่า 11:3

หม่าแน๊เรอ แว ซิหยื่อ นอ ซิเงโปล แร๊ เกอ โป่ ซี เร๊อ ครี๊ หม่า เพรคู เต๊เห่ อากู่กล๊อ. เร๊อ เว หม่า อา ทวา เม อากู่กล๊อ, เร๊อ จอแปแหร่ หม่า อา ทวา ครี๊ อากู่กล๊อ.

ꤚꤥꤗꤢꤩ꤬ 2:24

“เด๊อ ซี แกแยยิวพู๊ เต๊เห่ อาขว่าอาคยาเร๊อ, แกแยยิวพู๊ หม่าโต่ เต๊เห่ เป๊อเจ่ออิแช๊ ลอ เฮ๊อ จอแปแหร่,” ลีเทส่อพ๊ากู เฮ๊ฮู๊เนอ.

เพรโด่แนพู๊ เต๊เห่ 9:39

เร๊อ คูเปโตร ตี๊หรี่แตแรแถ่หนิ อาเหน่ เร๊อ อา เถ่จว๊า เต่อโหร่เกอ เร๊อ เหย่ซี. อา จว๊าโต่ เด๊อ เหย่ซีโอ่ เบ๊อะเนอ, เหย่ซี เอ๊แถ่ ลู เด๊อ หี่ด๊อกู เด๊อ อาขุ โต๊โต่. เร๊อ ล๋อ เพรเหมาะโอ่แคร๊ เต๊เห่ โอ่ แลแค เบ๊อะเนอ เร๊อ เหย่ซี ก๊อถ่อ โหง่ ตาวา ลอปลี เร๊อ คูเปโตร. เร๊อ อา เด๊อะโล เป่ คูเปโตร เร๊อ จา เร๊อ อาจากลอ ซีเต๊เห่ เด๊อ เหมาะโดรคัส เช๊ เป่ เหย่ซี เบ๊อะอา โอ่เซอเพร เต่อเกอปา เร๊อ เหย่ซี เค เนอเต๊เห่.

เห่ขุทวาลู่ 18:9

เหย่ซี แด๊เฮอ แลแค ลู เน๊อ, “เน เม เหมาะซาราย เล?” เร๊อ อา เฮ๊ฉื่อ เหย่ซี เน๊อ, “อา โอ่ เด๊อ เหล่สื่อกู เนอ.”

ꤚꤥꤗꤢꤩ꤬ 14:16

แว เก่ เม เตเออเตอเจ้อ หม่า อาแร๊ แพ๊ เด๊อ แวเง, เน เตเน เจ๊อ หม่าแน๊เรอ, เก่ อา ทวาแถ่ โป่แหว่ ครี๊พู๊ เต๊เห่ อาเตเนซื๊อ เก่เฮ๊เรอ เม แต่เหม่. ปาหม่า เหย่ซี เป๊อเจ่อ อิแช๊ ลอเห่.

ꤒꤤꤒꤢꤨ 2:4

เหย่ซี เก่ เมฮู๊เนอ ตื๊อหม่า เพรเหมาะ โหมะเผระ เออเต๊เห่เนอ, อา อิซว๊าแจ่ เป่เกอ เพรเหมาะ หน่าเจ่ เต๊เห่ เนอ เหย่ซี โตเบ่ โม เกอเร๊อ แลแค อาเว เร๊อ อาพู๊อาเลอ เต๊เห่ ฮู๊เต แพ๊.