ꤒꤤꤒꤢꤨ 2:2 - ลีเทส่อพ๊าอาเซ เร๊อ เห่ขุทวาลู๊

² แซ่ฮู๊ โหมะเผระ เพรคู เต๊เห่ เก่ แอ๊ แซแรฉ่าเผระ เกอ แลแค อาเหน่, แซ่ฮู๊ อู เก่ แด่ดุหยื่อแหน่ เกอ เหย่ซี, เร๊อ แซ่ฮู๊ เหย่ซี เก่ ค๊อเบ๊ เร๊อ แลแค อาซิปล่อ เนอเรอ, อิซว๊าอี๊แส่ แลแค เหย่ซี นี๋. เหย่ซี โตเบ่ โอะ เร๊อ อา เบหยื่อเบแหน่ เด๊อ อาฉว่าอาชอ, เหย่ซี โตเบ่ เล๊อบา เร๊อ เตโมหนี่เร๊ออู, เหย่ซี โตเบ่ ข่าจาข่าจือ แด่ทูซิปล่อเบ๊ แลแค.

Eastern Kayah Shadaw Dialect

² ꤞꤢꤧꤟꤢꤨ ꤗ꤫ꤥ꤬ꤖꤚ꤫ꤢꤩ꤬ ꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤢꤧ ꤞꤢꤧ꤭ꤚꤢꤧ꤭ꤏꤢ꤭ꤖꤚ꤫ꤢꤩ꤬ ꤊꤣꤧ꤭ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬, ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤊꤣꤧ꤭ ꤛꤢꤩ꤬ꤞꤤ꤭, ꤚꤣꤧ꤬ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤋꤢꤪ꤭ꤕ꤫ꤢꤩ꤬ꤚꤣꤧ ꤜꤢ꤭ꤋꤢꤧ꤭ ꤢ꤬ꤞꤤꤕꤜꤢꤪ꤬ ꤔꤣꤧ꤬ꤚꤣꤧ꤬, ꤤ꤬ꤞꤝꤢꤤ꤬ꤞꤢꤧ꤬ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤤ꤮꤯ ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤥ꤬ ꤔꤢꤧ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤘꤣ ꤢ꤬ꤏꤝꤢ꤬ꤢ꤬ꤏꤢꤪ꤭, ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤜꤣꤙꤢ꤭ ꤔꤢꤧ ꤒꤢꤩ꤬ꤗꤥ꤬ꤚꤣꤧꤢꤨ꤭, ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤋꤢꤧꤡꤢ꤭ꤋꤢꤧꤡꤢꤦ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ꤙꤢꤩ ꤜꤢ꤭ꤋꤢꤧ꤭꤯

ꤒꤤꤒꤢꤨ 2:2 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 5:23

เตซิโดซิงา เร๊อ เตค๊อเป่เร๊อ ซิปล่อ ซี เต๊เห่เนอ เฮ๊อ. ซี เก่ เมฮู๊เออ เฮ๊เนอหม่า, อาซื๊อ เฮ๊อ เตซว๊าเตแส่ เฮ๊น๊อ ฮู๊เนอ ตาม๋า โต่.

เปโตร อาเหร่อเล๊อ ต๊าบ่า 4:7

เตล๋อ ปลี อา เตเร ตื๊อดื่อแกเฮ๊อเนอ อา แฮโต่ ผื่อเฮ๊อ. ฮู๊เนอ อาขว่าอาคยา, แซ่ฮู๊ ซี กุยจ๊อเบเบ๊ เกออู เนอ, โอส่าเซ เกอ แลแค เร๊อ เตอิซว๊าอี๊แส่ แล เกอเร๊อ แลแค ซีเหน่, โท๊โต่ โอ่เซอเพร ชาเผร่ เกอ แลแค นี๋.

ทิโมธี อาเหร่อเล๊อ ต๊าบ่า 3:11

เหย่ซี อาเม เต๊เห่เนอ เบ่เบ่, อู ปว๋า เตเพร โตเบ่ แด่ดุแด่ทู เหย่ซี, เหย่ซี โตเบ่ แด๊หนิ อูแหย่โย โต่, เหย่ซี เบ่โอแซแรชาเผร่ อาเหน่ เร๊อ เหย่ซี โตเบ่หม่า แกแย เด๊อ อาจ๊อ เน๊อ อาโหง่ เด๊อ เตล๋อ ปลี อากู.

เปโตร อาเหร่อเล๊อ ต๊าบ่า 5:8

อิซว๊าแล เกอเร๊อ เกอ ซีเหน่ เร๊อ โอ่รอโอ่เร เกอ แลแค, โอ่ส่าเซ เกอ แลแค นี๋. โลเน๊มู๊แหม่รีแจ่ กู่กล๊อ เด๊อ อา ซิเถ่ ซี เออ โตโดเนอ อา จว๊าเล แม๊โจแม๊กี อู แซ่เน๊อ แอ๊ซี เด๊อ อาก่ออาเตเง เร๊อ อา เลแม๊ปู แกแย เด๊อ อา เก่ ฉู่กลูโน เหย่ซี ปา เนอเต๊เห่ เจ๊อ.

ꤒꤤꤒꤢꤨ 1:13

อา เฮ๊ เต เออเต๊เห่ เนอหม่า อา โตแพ๊ อาขว่าอาคยา, แซ่ฮู๊ เหย่ซี เก่ โอ่จ๊อโอ่เต เด๊อ เตหยื่อเตแหน่ อากูเนอ, ซิพรวาชอ เหย่ซี นี๋.

ทิโมธี อาเหร่อเล๊อ ต๊าบ่า 3:2

แกแย เด๊อ อา ทวา เพรหยื่อเอ่ตู๊หมู่ตอกล๊อ ทวาดุทวาเต เตเพรเนอ, อู แด่ลู เตซื๊อ เนอ อา เบ่ โอ่หนิ โต่, อา เมเบ่โอ่แพ๊ เตเพรเพร่ว แพ๊, อา เบ่จ่า ซาแรชาเผร่ อาเหน่, อา เบ่ เป๊อแลแจ่ เกอเร๊อ อาเหน่, อา เบ่ ก๊อถ่อโอ่แน ตาโต่ตาเบ่แร๊, อา เบ่ เอ๊โมฉื่อ ซิเผระซิแม เด๊อ อาหี่, อา เบ่ อิซว๊าอี๊แส่แจ่ เต.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:8

หม่าแน๊เรอ เป หม่า เหมาะเชเกลพู๊ เต๊เห่ อาขว่าอาคยา, เป เบ่ เป๊อตี๊หรี่ เกอเร๊อดื่อ เปเหน่. เป โตเบ่ หยื่อเอ่ แฮเงลา เหย่ซู่ เร๊อ เป โตเบ่ โม แฮเง ลาเร๊อ อู. เป เก่ เมฮู๊เนอ เฮ๊เรอ อาแซ่เน๊อ เปกือแซ๊แถ่ หนิ เฮ๊อ เป จาต่อเท๊ เด๊อ อา เตเกบี๊เกอเร๊อ เปเหน่. เออเนอเฮ๊อ, โทเรอ เป เตแม๊ชือ เด๊อ จอแปแหร่ เก่ เมแลเปล๊กา เป เออเนอหมา อาแซ่เน๊อ เป โก่แถ่ กู๊โก่ ต่อเท๊ เด๊อ อา เตเกบี๊ เกอเร๊อ เป กู่กล๊อ เออเนอเฮ๊อ.

ꤚꤥꤗꤢꤩ꤬ 12:3

เด๊อ จอแปแหร่ อาบุ๊ยอาเตอเรอ ขว่าคยาเร๊อ อา แด่แถ่ แว เร๊อ แว เก่ ทวา เพรโด่แนพู๊ เต๊เห่ เตเพร อาขว่าอาคยา, แว เฮ๊ ซี ปว๋า เตเพร เน๊อ, เตเนดุ เล๊อ แต่ ซีเหน่ เร๊อ บ๊า ซี โตเบ่ เตเน เกอเร๊อ ซีเหน่เนอ แต่เหม่ นี๋. โท๊โต่ ซี โตเบ่ เตเนหนิ ซีเหน่ บ๊า อาโตอาเบ่ เนอแพ๊. แด๊เฮอ แลแม๊ เกอเร๊อ ซี เตหยื่อเตแหน่ เด๊อ จอแปแหร่ เด๊อะ ซี เนอหม่า อาดุ บ๋า เตเนอ เตเนแซ่ แลแค บ๊าเนอแพ๊ นี๋.

เปโตร อาเหร่อเล๊อ ต๊าบ่า 1:13

เมฮู๊เนอเรอ ตี๊หรี่แตแร หนื่ออื่อ แลแค ซี เหล่เตเน เต๊เห่ เด๊อ ซี เหล่แรเต อาเงเนอ. จ่าฉ่าเผระ แลแค ซีเหน่ เร๊อ แด่แถ่ แลแค ซี เตแม๊ชือ เด๊อ เตบุ๊ยดุเตอเรอทู เด๊อ จอแปแหร่ เก่ เด๊อะ ซี ช๋า เหย่ซู่ครี๊ เก่ แฮ คยาแซ๊ ปา เออ อาลูเน๊อ.

โครินธ์ อาเหร่อเล๊อ ต๊าบ่า 15:34

เตเน ตาโตตาเบ่ คยาแซ๊ แลแค ซี ซิปล่อ เร๊อ วีแก แก ซี เมเตซื๊อ เนอ เต๊เห่. เมเตเฮ๊เรอ เด๊อ ซีเกล เต๊เห่เห่เนอ โต่กู๊แหน่ อา ซิเง ตาเต เกอ ลา อู จอแปแหร่ อาหรี่อาแก โต่. เตโอ่ทวาแถ่ ฮู๊เออ เนอหม่า ซี โตเบ่ ซิเตเร แหน่ เจ๊อ.

เปโตร เนอบ่า ต๊าบ่า 1:6

เด๊อ เตซิคว๊าซิเง อาขุเนอ, แด่ปล๊อ เอ๊แถ่โป่ เตค๊อเป่ เกอเร๊อ เหน่, เด๊อ เตค๊อเป่ เกอเร๊อ เหน่ อาขุเนอ, แด่ปล๊อ เอ๊แถ่โป่ เตแด่ทูซิปล่อ, เด๊อ เตแด่ทูซิปล่อ อาขุเนอ, แด่ปล๊อ เอ๊แถ่โป่ เตโอ่เซอเพร โตเบ่ เร๊อ จอแปแหร่,

ꤒꤤꤒꤢꤨ 2:7

เน ลาติเรอ, เน เมเต อิเตเต๋. เบ่เบ่, แซ่ฮู๊ เพรคู หน่าเจ่ เต๊เห่ เก่ แม๊บือเกอ เนเนอ เรอ, เม แพ๊ เตแร๊ เนอเต๊เห่ นี๋. เบ๊อะเน อิซว๊าอี๊แส่ อู เบ๊อะเนอ, แด่จ๊อจื้อ เน ซิปล่อ โทเรอ จ่าฉ่าเผระ ฉาอ่อ เนเหน่ นี๋.

ꤒꤤꤒꤢꤨ 1:8

หม่าแน๊เรอ, อา โตเบ่ ทวา แกแย เด๊อ อา เอ๊โมฉื่อ ซิเผระซิแหม่, อา โตเบ่ ทวา แกแย เด๊อ อา โม เต เด๊อ อาแร๊, อา โตเบ่ ค๊อเบ๊แจ่ อาซิปล่อ, อา โตเบ่ โอ่จ๊อโอ่เต เร๊อ บูโพ๊ เร๊อ อารอ เบ๊หนิ อาเหน่,

ทิโมธี อาเหร่อเล๊อ ต๊าบ่า 3:4

อา เบ่ เป๊อแร๊แจ่ เกอเร๊อ อา หี่ด๊อหี่แพพู๊ เต๊เห่ โทเรอ อา เบ่ โบ่ดุ อิซว๊าแถ่ เกอเร๊อ อาพู๊ เต๊เห่ เด๊อ อา เก่ หนิดา ลู โหง่ เร๊อ อา เก่ แด่ดุหยื่อแหน่เร๊อ ลู เด๊อ เตล๋อ ปลี อากู.

ทิโมธี อาเหร่อเล๊อ ต๊าบ่า 1:5

เตเฮ๊ตา โหง่เออ อา เหล่เซเร แม๊ชือ หม่า แซ่ฮู๊ อา เก่ ถู่แรแถ่ เตโม อาเง เนอแพ๊. เตโม เออเนอหมา อา แฮเถ่ เด๊อ แกแย ซิปล่อ เนอเต๊เห่ อากู. โทเรอ อา แฮเถ่ เด๊อ แกแย โอ่ เร๊อ เตซิเง เตแร๊ เร๊อ เตมู๊แหม่ เร๊อ อา นว๊าพย๊า เต เด๊อ อาแร๊ เนอเต๊เห่ อากู. โท๊โต่ อา แฮเถ่ เด๊อ แกแย โอ่ เร๊อ เตหยื่อเตแหน่ หม่าแหน่ เนอเต๊เห่ อากู.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:6

ฮู๊เนอเรอ เป โต โอ่เมอ โชตาปา หนิเกอ ฮู๊ อูโร เต๊เห่ โอ่เมอ โชตาปา เนอโต่. เป โตเบ่ โอ่ส่าเซ เร๊อ เป๊อตี๊หรี่ เกอ เร๊อดื่อ เปเหน่.

ฟีลิปปี 4:8

โป่แหว่ซี๋, หนิดา แลแค แว เตเฮ๊เบ่ เด๊อคยา ตื๊อดื่อเล๊อ เออเต๊เห่ นี๋. เด๊อ ซี ซิปล่อกู เนอ ซี โต เตเน แคร๋ ฮู๊เตเฮ๊เนอ, ซี โต เตเน ตื๊อแพ๊ เตเด๊อ อาหม่าอาจ๊อ เต๊เห่, เตเด๊อ อู แด่หยื่อแด่แหน่ อา เต๊เห่, เตเด๊อ อาโตอาเบ่ เต๊เห่, เตเด๊อ อา โพ๊แปละโพ๊ เต๊เห่, เตเด๊อ อู ซิหยื่อโมเร๊อ เต๊เห่, เตแด่ซิปล่อสู่เทอ เด๊อ อาตว่าอาแร๊ เต๊เห่, เตเด๊อ อาแร๊ แหน่เจ๊อ เต๊เห่, เตเด๊อ อู โตเบ่ ถู่เซ๊แถ่ เต๊เห่ เนอแพ๊ นี๋.

โครินธ์ เนอบ่า ต๊าบ่า 5:13

อู เก่ เฮ๊ เป เร๊อ แกแย ตีมุย เก่เฮ๊เรอ, เหล่เฮ๊โอ่ เน๊อ โต่, ล๋อ เป เม เออเต๊เห่ เนอหม่า จอแปแหร่ อาเง แพ๊. อู เก่ เฮ๊ เป เร๊อ เป เมเต โต เก่เฮ๊เรอ, อา หม่าเฮ๊อ, เป เม ม๊า เป่ แหน่ เด๊อ อา เก่ หนิบุ๊ยหนิเตอเรอ เด๊อ ซีเงเนอ.

โครินธ์ อาเหร่อเล๊อ ต๊าบ่า 9:25

ล๋อ แกแย เด๊อ อา แกล่ดี๊เจ เต๊เห่เนอ, อา เบ่ ค๊อเกอเร๊อ อาซิปล่อ, อา เบ่ อิซว๊าแล เกอเร๊อ แลแค อาซิปล่อ อา เตซิหยื่อซิลอ เต๊เห่. แซ่ฮู๊ อา เก่ พย๊าหนิ อู เก่ เมลีเมเตเค เหย่ซี เร๊อ กู๊โก่ เด๊อ อาโน๊ตากา, อาปย๊าอาแกแจ่ เออเต๊เห่ อาเงเนอ แพ๊ เร๊อ, อา ค๊อ เกอเร๊อ แลแค อาเหน่ ฮู๊เนอ. หม่าแน๊เรอ เป เด๊อ อา หยื่อเอ่ เหย่ซู่ครี๊ เต๊เห่เนอ, เป เก่ พย๊าหนิ อู เก่ เมลีเมเตเค เป เร๊อ กู๊โก่ เด๊อ อาโน๊ตากาแจ่ โต่ เต๊เห่ ปา.

เพรโด่แนพู๊ เต๊เห่ 24:25

เร๊อ เบ๊อะคูเปาโล เฮ๊เบ่ เป่ โป่ ลู เร๊อ เตจ๊อเต, เตเป๊อแลหนิ เหน่ เร๊อ เตเมจากาคยาม๊อเนอ เด๊อ อา เก่ แฮ ปา อาหรี่อาแก เออ เบ๊อะเนอ, คุ๊ยดุ เฟลิกส์ ซิอิเช เร๊อ อา เฮ๊ ลู เน๊อ, “เออตื๊อหื่อ เร๊อ เน กาหนิ เฮ๊อ. แว ค๊าขิ เก่ โอ่ ปา เฮ๊เรอ, แว เก่ เอ๊แฮโป่ คยา เน ปา.”

ꤜꤢꤨꤊꤢ꤬ 8:35

เตเมอาเหน่ ฮู๊เออ เร๊อ แกแย เต๊เห่ เถ่จว๊าแม๊ แลแค. เหย่ซี แฮโต่ เด๊อ เหย่ซู่ โอ่ เร๊อ อา แม๊เถอะ แลแค แกแยเพ เด๊อ โลเน๊ เต๊เห่ เถ่จว๊าแก เด๊อ ลูกู เนอเตเพร ซิปล่อแร๊ กาคยา เฮ๊อ เร๊อ อา โอ่แนโอ่ เบ๊อะเหย่ซู่ อาช๊า เร๊อ อา กือแซ๊แถ่ แร๊ ลอ คยาแซ๊ อาเห่อจา. เหย่ซี แม๊เถอะ ลู เร๊อ อา ซิอิเช ลอปลี เจ๊อ ลูเหล่.

ꤗꤢ꤬ꤊꤢꤨ 5:15

เร๊อ เหย่ซี จว๊า เด๊อ เหย่ซู่ อา โอ่ เร๊อ อา แม๊เถอะ แกแยเพ เร๊อ โลเน๊ เถ่จว๊าแก เด๊อ ลูเหน่ เนอเตเพร โอ่แน โอ่ เบ๊อะเนอ. เร๊อ อา อากืออาแซ๊ แร๊คยา อาเห่อจา เร๊อ อาซิปล่อ แร๊กาคยา คยาแซ๊. แกแย เต๊เห่ แม๊เถอะ อา เร๊อ อา ชี๊เช ลอปลี เจ๊อ ลูเหล่.

ทิโมธี อาเหร่อเล๊อ ต๊าบ่า 3:8

แซ่ฮู๊เนอเฮ๊อ แกแย ทวา ทวาดุทวาเต เด๊อ อา เมจว่า เพรหยื่อเอ่ตู๊หมู่ตอกล๊อ เต๊เห่เนอ, อู ปว๋า เตเพร โตเบ่ แด่ดุ เหย่ซี, เร๊อ เหย่ซี โตเบ่ เฮ๊เบ่จ๊อ โหง่, เหย่ซี โตเบ่ โอ ตาลว๊าตาแกหนิ แท๊ทือเส่เทอแย โต่, โทเรอ อา โตเบ่ แลโฮ กู๊หว่ากู๊เว เอ่หนิ รือ เด๊อ อูขุ โต่.

ทิโมธี อาเหร่อเล๊อ ต๊าบ่า 1:2

แว ราจว๊า เป่ ลีเออ เด๊อ คูทิโมธี เด๊อ อาแซ่เน๊อ แว พู๊เพรคู ต๊อต่อ เด๊อ เตหยื่อเตแหน่ อากู เตเพร อา โอ่. เพ จอแปแหร่ เร๊อ เป แบ่เจ่ เหย่ซู่ครี๊ เก่ เด๊อะแลดื่อ อา เตบุ๊ยเตเตอเรอ เร๊อ เตซิยอ เร๊อ เตตู๊จุเตอเจ๊อ นี๋.

ทิโมธี อาเหร่อเล๊อ ต๊าบ่า 1:10

เน๊อ, แกแย เด๊อ อา จว๊าซื๊อ เพรเหมาะเพรคู เต๊เห่ เน๊อ, แกแย เด๊อ อา ซิปล่อก่า เด๊อ อาพู๊อาเมขุ เต๊เห่, เพรคู เร๊อ เพรคู ซื๊อแคลู, แกแย ปื่ออิเชเอ่ อู เน๊อ รือ เต๊เห่, แกแย เด๊อ อา แลโฮเต เต๊เห่ เน๊อ แกแย เด๊อ อา จว๊า ข่าเฮ๊โลบูบย่า เต๊เห่, เก่หม่าโต่เรอ อา เมเต เด๊อ อาโร เต๊อเจ่อเจ่อ เด๊อ อา ลูโค๊ เน๊อ เตอิซว๊าอี๊แส่ อาจ๊ออาเต เต๊เห่ อาเง แพ๊.

ทิโมธี อาเหร่อเล๊อ ต๊าบ่า 1:14

เร๊อ เป แบ่เจ่ กลอแล แล๊แล เอ๊แหน่เจ๊อ เฮ๊อ อาบุ๊ยอาเตอเรอ เด๊อ แวลู เน๊อ อา เด๊อะเฮ๊อ แว เตหยื่อเตแหน่ เน๊อ เตโม เด๊อ อา โอ่ เด๊อ เหย่ซู่ครี๊ อากู เนอเต๊เห่ เฮ๊อ.

ทิโมธี อาเหร่อเล๊อ ต๊าบ่า 5:1

ซิพรวา แต่ เพรคู โหมะเผระ แต่เหม่ นี๋, หม่าแน๊เรอ กุยซิยอ เฮ๊เบ่ แด่ดุหยื่อแหน่ อา ฮู๊ เน กุยซิยอ เนเพ เนอ นี๋. เพรคู เด๊อ อาหน่าเจ่ เต๊เห่เนอ แด่ อา ฮู๊ เนโป่ เร๊อ เนเหน่ เนอ นี๋.

ฟีเลโมน 1:9

เป ย๋อ โม หนิเกอเร๊อ คยาแซ๊ลู เตเพร เร๊อ เตเพร อาขว่าอาคยา, แว กุยซิยอแพ๊ เน แพ๊. กู๊แหน่เร๊อ แว หม่าเฮ๊อ คูเปาโล เออ, แว โหมะเผระเฮ๊อ, โท๊โต่ เด๊อ เหย่ซู่ครี๊ อาขว่าอาคยาเร๊อ, อู ล๋อ ด๊อตาปา แว เด๊อ ทอกู เร๊อ แว กุยซิยอ เน แพ๊.