ꤒꤤꤒꤢꤨ 2:15 - ลีเทส่อพ๊าอาเซ เร๊อ เห่ขุทวาลู๊

¹⁵ อิซว๊าอี๊แส่ เป่เกอ แลแค เหย่ซี เออเนอเต๊เห่. เด๊อะอ๊าเด๊อะเหร่ เป่ เหย่ซีเนอ. ซิพรวา แลแค เหย่ซี เร๊อ นอจ่อ ลอ เน เตอเรอฉว่าชอ เนอ นี๋. นอเตเนปีตี๊ แต่อู เร๊อ เนเหน่ แต่เหม่ นี๋.

Eastern Kayah Shadaw Dialect

¹⁵ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ꤊꤣꤧ꤭ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬꤯ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ꤔꤣꤧ꤬꤯ ꤞꤤꤖꤚꤝꤢ꤭ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤚꤣꤧ꤬ ꤔꤢꤪ꤭ꤢꤩ꤬ ꤜꤢꤪ꤭ ꤔꤢꤧ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤔꤣꤧ꤬ ꤔꤤ꤮꤯ ꤔꤢꤪ꤭ꤒꤣꤧ꤬ꤔꤢꤩ꤬ꤕꤣꤧ꤬ꤒꤤ ꤒ꤫ꤢꤧ꤬ ꤢꤨ꤭ ꤔꤢꤧ ꤔꤢꤧ꤬ꤔ꤫ꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

ꤒꤤꤒꤢꤨ 2:15 ပူးပေါင်းရင်းမြစ်များ

ทิโมธี เนอบ่า ต๊าบ่า 4:2

แด๊โฉ่โด่แน แลแค เตซิครือมีลา นี๋. ค๊าขิ แร๊ เบ่เบ่, ค๊าขิ แร๊โต่ เบ่เบ่, ตูรู๊ โด่แน แฮเง ตื๊อดื่อ ลาโป่ เตซิครือมีลา เออเนอ นี๋. โทเร๊อ ซิพรวาหนิ เหย่ซี นี๋, อิซว๊าอี๊แส่ แร๊กาคยา เหย่ซี นี๋, เร๊อ เด๊อะอ๊าเด๊อะเหร่ เหย่ซี, อิซว๊าอี๊แส่ เหย่ซี เน๊อ เตแด่ทูซิปล่อ เนอ นี๋.

ꤒꤤꤒꤢꤨ 1:13

อา เฮ๊ เต เออเต๊เห่ เนอหม่า อา โตแพ๊ อาขว่าอาคยา, แซ่ฮู๊ เหย่ซี เก่ โอ่จ๊อโอ่เต เด๊อ เตหยื่อเตแหน่ อากูเนอ, ซิพรวาชอ เหย่ซี นี๋.

ทิโมธี อาเหร่อเล๊อ ต๊าบ่า 5:20

เหย่ซี เก่ เม เตซื๊อ เก่เฮ๊เรอ, ซิพรวา เหย่ซี เร๊อ อิซว๊า แร๊ กาคยา เหย่ซี เด๊อ แกแย ตูปลูเต๊เผ่ อา เป๊เส่เง เนอ นี๋. แซ่ฮู๊ แกแย เด๊อ อาโร เต๊เห่ เก่ ซิอิเช อาเงเนอ ตูรู๊ เม แลแค ฮู๊เนอ นี๋.

มัทธิว 7:29

เมเตเฮ๊เรอ, อา อิซว๊าอี๊แส่ แซ่เกอฮู๊ เพรอิซว๊า เตซว๊าเตแส่ อาซ๊าร๊า เนอเต๊เห่ อิซว๊า เนอ โต่. อา อิซว๊า แซ่เจ๊อเร๊อ แกแย เด๊อ อา โอ่ เร๊อ อา เตอเรอฉว่าชอ เตเพร อิซว๊า เนอเจ๊อ.

ꤗꤢ꤬ꤊꤢꤨ 1:22

เร๊อ แกแย เต๊เห่ อาคย๊าอายื๊อ ลอปลี เจ๊อ เหย่ซู่ อา เตอิซว๊าอี๊แส่ เออเนอเต๊เห่ เจ๊อ. อา อิซว๊า แซ่เจ๊อ เร๊อ แกแย เด๊อ อา โอ่ เร๊อ อา เตอเรอฉว่าชอ เนอเต๊เห่ อิซว๊า เนอ เจ๊อ. โท๊โต่ อา อิซว๊า โค๊ดื่อ เร๊อ เพร อิซว๊า เตซว๊าเตแส่ อาซ๊าร๊า เนอเต๊เห่ เจ๊อ.

ꤜꤢꤨꤊꤢ꤬ 4:36

เหย่ซี คย๊าอายื๊อ ลอปลี เจ๊อ เร๊อ เหย่ซี เฮ๊ เกอเร๊อ เป่ลู เน๊อ, “อา เตอิซว๊าอี๊แส่ เออโต๊โก่เรอ เตอิซว๊าอี๊แส่ เจ๊อ ฮู๊เต เต๊อเจ่อเตเต? อา เฮ๊เบ่ แพ๊ อาโหง่ เร๊อ อา นอเถ่จว๊าแก แพ๊ โลเน๊ เร๊อ โลเน๊ มู๊แหม่รีแจ่ เออเต๊เห่ เถ่จว๊าแก เจ๊อเจ๊อ.”

ꤗꤢ꤬ꤊꤢꤨ 1:27

ล๋อ แกแย โอ่เบ๊อะเตจ๊อเบโฮกู เนอเต๊เห่ อาคย๊าอายื๊อ ลอปลี เจ๊อ เร๊อ อา เฮ๊หนิเกอเร๊อ เป่ลู เน๊อ, “เออ หม่า อิเตเต? เออ หม่า เตอิซว๊าอี๊แส่ อาเซ แอ? อาแซ่เน๊อ อา โอ่ เจ๊อ เร๊อ อา เตอเรอฉว่าชอ เนอเจ๊อ. อา เฮ๊ตา แพ๊ อาโหง่ เร๊อ อา นอเถ่จว๊าแก โลเน๊ มู๊แหม่รีแจ่ เออเต๊เห่ แพ๊ เร๊อ อา หนิดา เจ๊อ ลูโหง่โหง่,” เหย่ซี เฮ๊ ฮู๊เนอ.

โครินธ์ อาเหร่อเล๊อ ต๊าบ่า 16:11

ซี เบ่ เตเน ปีตี๊หนิ ลู เตเพร่ว โต่. แซ่ฮู๊ อา เก่ กาโต่เบ๊ คยา เด๊อ แว โอ่, โท๊โต่ แซ่ฮู๊ อา เก่ จว๊า แฮเง โมโม แร๊แร๊ โป่ แกล๊ เด๊อ เง ตากยา อาเงเนอ, ซี เบ่ เมจว่า ลู, เมเตเฮ๊เรอ แว โอ่ป่อแม๊ชือ อา เร๊อ อาโค โป่แหว่ ครี๊พู๊ เด๊อ อาโร เต๊เห่ เก่ กาโต่ โหร่ลอ ลู เด๊อ แว โอ่.

เปโตร อาเหร่อเล๊อ ต๊าบ่า 4:11

อูเปเป๋ เบ่เบ่, อา เก่ แด๊โฉ่โด่แน เป่ อู เฮ๊เนอ, อา เบ่ แด๊โฉ่โด่แน เป่ อู ฮู๊ จอแปแหร่ เฮ๊เบ่ อู เร๊อ อา นอแด๊โฉ่โด่แน แฮเง เร๊อ เนเนอ. เร๊อ อู เปเป๋ เบ่เบ่ เด๊อ อา เก่ เมหลู่เล๊ เตเม เฮ๊เนอ, อา โตเบ่ เม เร๊อ อ๊าเหร่ เด๊อ จอแปแหร่ เด๊อะตา ลู เนอเต๊เห่. เก่ เมฮู๊เนอ เฮ๊เรอ, เด๊อ เหย่ซู่ครี๊ อาขว่าอาคยา, อู เก่ ถู่เซ๊แถ่ จอแปแหร่ เร๊อ ล๋อ เต เด๊อ ซี เม เออเต๊เห่ อาขว่าอาคยา ปา. จอแปแหร่ เก่ พย๊า หนิดื่อ เตเตอเรอดุ เตอเรอทู เร๊อ เตโพรเตเตอเรอ ตูจูเพร แตแลเคร๊ นี๋. อาเมน.