ꤒꤤꤒꤢꤨ 2:12 - ลีเทส่อพ๊าอาเซ เร๊อ เห่ขุทวาลู๊12 จอแปแหร่ อาบุ๊ยอาเตอเรอเออ, อา อิซว๊า เป่ เร๊อ เป เก่วีแก แกล๊ เด๊อ อา มู๊แหม่ เต๊เห่ เร๊อ เห่ขุ อา เตซิหยื่อซิลอ เต๊เห่. กู๊แหน่เรอ จอแปแหร่ อาบุ๊ยอาเตอเรอ อิซว๊า เป เด๊อ เป โตเบ่ ค๊อเบ๊ข่าเบ๊ หนิ เด๊อ เปซิปล่อ. เร๊อ เป โตเบ่ โอ่เซอเพร จ๊อจ๊อเตเต, โท๊โต่ เป โตเบ่ โอ่เซอเพร ฮู๊ อาโต จอแปแหร่ อาซิปล่อ เนอ. အခန်းကိုကြည့်ပါ။Eastern Kayah Shadaw Dialect12 ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ꤣꤧ꤭, ꤢ꤬ ꤤ꤬ꤞꤝꤢ ꤕꤢꤩ꤬ ꤔꤢꤧ ꤕꤢꤩ꤬ ꤊ꤫ꤢꤦ꤬ ꤠꤤ꤭ꤊꤢꤧ꤭ ꤊꤜꤢꤧ ꤘꤣ ꤢ꤬ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤟꤢꤩ꤬ꤋꤢꤨ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤒꤣꤧ꤬ꤟꤢꤩ꤬꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤤ꤬ꤞꤝꤢ ꤕꤢꤩ꤬ ꤔꤢꤧ ꤕꤢꤩ꤬ ꤒꤥ꤭ꤙꤢꤩ꤬ ꤋꤢꤪ꤭ ꤒꤥ꤭ꤙꤢꤩ꤬ ꤋꤢꤧꤙꤢꤩ ꤡ꤫ꤢꤧ꤬ ꤚꤣꤧꤘꤢꤦ꤬ ꤕꤢꤩ꤬ ꤞꤤꤕꤜꤢꤪ꤬ ꤚꤣꤧ꤬ ꤕꤢꤩ꤬ ꤒꤥ꤭ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤡꤢꤪꤡꤢꤪꤒꤢꤩ꤬ꤒꤢꤩ꤬, ꤓꤥ꤭ꤒꤥ꤬ ꤕꤢꤩ꤬ ꤒꤥ꤭ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤢꤨ ꤢ꤬ꤒꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤔꤣꤧ꤬꤯ အခန်းကိုကြည့်ပါ။ |
ꤒꤤꤒꤢꤨ 2:12
59 ပူးပေါင်းရင်းမြစ်များ
แว เฮ๊เบ่ เป่ ซี เร๊อ เหมาะเฮ๊เหมาะลี อา เตเฮ๊เบ่ เต๊เห่, เมเตเฮ๊เรอ ซี หม่า แกแย เห่ขุพู๊ เร๊อ, ซี ซิเงโปลยู เกออู จอแปแหร่ อา เตเต๊เห่ โต่ อาขว่าอาคยา, แว เฮ๊เบ่ เป่ ซี ฮู๊เนอ แพ๊. เด๊อ หนู่เคเนอ หม่า ซี นอทวา ซี เหน่กล่อ อาครืออาขรว่า เออเต๊เห่ เร๊อ ซีแบ่เจ่ เด๊อ อา มู๊แหม่รีแจ่ เนอเต๊เห่ อาหลู่. ซี นอเม เหย่ซี เร๊อ เตปาต๊าเปอเตอ, มู๊แหม่รีแจ่ เต๊เห่ เร๊อ ซี เมซื๊อเมปล๊า ลอ จอแปแหร่ อา เตซว๊าเตแส่ ปว๊าเต๊อเจ่อ. ฮู๊เนอเรอ กู๊แหน่เออ ซี เหน่กล่อ ครือขรว่า เออเต๊เห่เนอ, นอทวา ลาติ อา เร๊อ แบ่เจ่ เด๊อ อาแร๊ เออเตเพร อาหลู่ เออเนอ นี๋. แซ่ฮู๊ ซี เก่ ทวาแถ่ แกแยบูโพ๊ อาเงเนอเรอ, นอทวาแถ่ มอ ซี เหน่กล่อ ครือขรว่า เออเต๊เห่ เร๊อ เตจ๊อเตเต เออ อาหลู่ เออเนอ นี๋.
เมเตเฮ๊เรอ เด๊อ เหร่อเคเนอ เป เต๊เห่ หม่า แกแยบูบย่า แกแย จูเอ่ เกออู โหง่ โต่ เต๊เห่. เป หม่า แกแย เด๊อ อา ครวาซื๊อเกอ แกแย แลโฮ เต๊เห่ อาคยา. เป ทวา โทเฮ๊อ แกแย เด๊อ อา ซิหยื่อซิลอ เมโม เกอเร๊อ เหน่ เต๊เห่ อาหลู่เล๊ เฮ๊อ. เป โอ่เซอเพร เมลอแก อาม๊อเนอม๊อเซ เนอ เป เม เตมู๊แหม่รีแจ่ เนอ เตซิค๊าซิเถ่ อู เต๊เห่ เฮ๊อ. โท๊โต่ อู ซิเถ่ เป เร๊อ เป ซิเถ่ฉื่อ อู.
โอ่เซอเพร แม๊บือเกอ เต ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ อาเหล่โกล โอ่เซอเพร เนอแต่เหม่ นี๋. แซ่ฮู๊ ซี เก่ โอ่เซอเพร โค๊ดื่อ เร๊อ เหย่ ซีเนอ เร๊อ, นอถู่แหล่ เต๊เปล่เซ โค๊แก ซี เหล่เตเน เต๊เห่เนอ เร๊อ จอแปแหร่ เนอ นี๋. ซี เก่ เมฮู๊เนอ ตื๊อหม่า ซี ซิเงแฮเบ๊ แพ๊ เต เด๊อ จอแปแหร่ ซิหยื่อ นอเม ซีเนอ เต๊เห่ แพ๊. ตื๊อเรอ ซี เก่ ซิเงแฮ เตแร๊, เตเมโม จอแปแหร่ อาซิปล่อ, เร๊อ เตซิเง เล๊อบาแฮ จอแปแหร่ อา เตซิหยื่อ เต๊เห่ ปา แพ๊.
ซีเง เกอลาติ เร๊อ, ครี๊ เด๊อะแล โทเฮ๊อ อา แหย่โยบูโพ๊ เด๊อ ซีโหล่ เฮ๊อ, เร๊อ อา แหย่โยบูโพ๊ โอ่หม่าโอ่กลอ เด๊อ ซีกู อาขว่าอาคยา, อู โหล่ อิซว๊า ปา ซี เตเพร่ว โต่, เมเตเฮ๊เรอ อา แหย่โยบูโพ๊ อิซว๊า เฮ๊อ ซี เตปว๋า เต๊อเจ่อเฮ๊อ. โท๊โต่ อา อิซว๊า ซี เออเนอหม่า, เตหมะเตจ๊อ, เตแลโฮแลแห่ หม่าโต่. ฮู๊เนอเร๊อ โอ่หม่าโอ่กลอ แลแค เด๊อ ครี๊ อากู ฮู๊ อา แหย่โยบูโพ๊ อิซว๊า โทเฮ๊อ ซี เนอ นี๋.
เฮ๊แก เนโหง่ เน๊อ แกแย ดุแหย่แถ่เซ เด๊อ เห่ขุ เออเต๊เห่เนอ, เร๊อ เฮ๊ เหย่ซี เน๊อ พย๊าแด่ดุแถ่โล แต่ ซีเหน่ แต่เหม่, ซิเลแถ่ หนิ แต่ ซี เตดุแหย่แถ่เซ เนอเต๊เห่ แต่เหม่. เตดุแหย่แถ่เซ เออเต๊เห่เนอ, อา โอ่โล แพ๊ เตอเปลอฮู๊ ปา เร๊อ อา เก่ โอ่เหม่แก ปา เฮ๊ เหย่ซี ฮู๊เนอ นี๋. หม่าแน๊เรอ เหย่ซี โตเบ่ แม๊ชือแถ่ เด๊อ จอแปแหร่ อา โอ่. แซ่ฮู๊ เป เก่ ซิครือซิลอ อาเงเนอ, จอแปแหร่ เด๊อ ตาปอตาเป เป่ เจ๊อ เป ปว๋า โตโพ๊ เจ๊อ.
หม่าแน๊เรอ กู๊แหน่เออ, ครี๊ อาเหน่แบ่เจ่ เร๊อดื่อ แฮ ข่าเซอ อาเหน่ อาขว่าอาคยา, จอแปแหร่ เมโครเกล กาคยา คยาแซ๊ เฮ๊อ ซี เร๊อ อาเหน่กล่อ เร๊อดื่อ เจ๊อ เฮ๊อ. เด๊อ จอแปแหร่ อา เป๊เส่เง ปาเนอ, แซ่ฮู๊ ซี เก่ บูโพ๊ เร๊อ ซี เก่ ลว๊าแก เร๊อ เตซื๊อ, โท๊โต่ อู เก่ แด่แจ่ ปา แต่ เตซื๊อ เด๊อ ซีโอ่ เตเพร่ว แต่เหม่ เนอ, จอแปแหร่ เมโครเกล กาคยา คยาแซ๊เฮ๊อ ซี ฮู๊เนอ เฮ๊อ.
โคแบ๊ซว๊า ซี๋, ล๊อ จอแปแหร่ อ๊อแล เต๊เห่ เนอหม่า เปเง ลอ เฮ๊อ. ฮู๊เนอเรอ, เป เก่ จว๊า ตาพาแก เร๊อ เปเหน่กล่อ อา เตซิหยื่อ มู๊แหม่รีแจ่ เต๊เห่ เร๊อ เป ซิปล่อ อา เตเตเน มู๊แหม่รีแจ่ เออเนอ เต๊เห่ โป๋. เร๊อ เด๊อ เป ซิอิเช แด่ซิแหน่ซิเตเร จอแปแหร่ เออ อาขว่าอาคยาเร๊อ เป เก่ ทวาแถ่ แลแค ดื่อ แกแย เด๊อ อา บูโพ๊ เต๊เห่ โป๋.
หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.
หม่าแน๊เรอ แกแย เด๊อ อา ซิหยื่อ ดุแหย่แถ่เซ เต๊เห่เนอ, อา แลตาโนเฮ๊อ เด๊อ เตอิลออี๊โหล่ อากูเฮ๊อ. โท๊โต่ อา แลตา โนเฮ๊อ เด๊อ เตซิหยื่อซิลอ เด๊อ อา แกเด เออเนอ เต๊เห่ อากู เน๊อ เตซิหยื่อซิลอ เด๊อ อา เมเบ่เช กาคยา เกอเร๊อ คยา ลู เออเนอ อากู เฮ๊อ. อา เตซิหยื่อซิลอ เออเนอ อา จอกลอหม่าเฮ๊อ ลู เน๊อ สู่เปลอ เฮ๊อ เร๊อ เตซิหยื่อซิลอ เออเนอ อา แฉ่ตาเฮ๊อ เหย่ซี เด๊อ เตปย๊าเตหลู่ เร๊อ เตแลโพร๊แลแพร อากู เออเนอเฮ๊อ.
เตจ๊อบู่จ๊อเบ เด๊อ เพ จอแปแหร่ แด่ เฮ๊อ เน๊อ เต เด๊อ อา อาโพ๊อาแปละ เล๊อเล๊อบาบา เต๊เห่ เนอหม่า หม่าเฮ๊อ เตแม๊ตู่หนิ ฮู๊โอ่แคร๊โอ่แต่ เต๊เห่ เร๊อ เพรเหมาะโอ่แคร๊ เด๊อ อา โต่เบ่ เร๊อ เตแป่เตเช เต๊เห่, โท๊โต่ แกแย เด๊อ อา ค๊อเป่ เกอเร๊อ อาเหน่ เร๊อ อา โอ่ตาพายาเบ๊ เร๊อ เห่ขุ อา เตมู๊แหม่รีแจ่ ซี เนอเต๊เห่ เฮ๊อ.
ကြော်ငြာတွေ