ꤒꤤꤒꤢꤨ 1:9 - ลีเทส่อพ๊าอาเซ เร๊อ เห่ขุทวาลู๊

⁹ แซ่ฮู๊ อา เก่ เด๊อะอ๊าเด๊อะเหร่เบ๊ อู เร๊อ เตอิซว๊าอี๊แส่ เด๊อ อาโต เต๊เห่, โท๊โต่ แซ่ฮู๊ อา เก่ อิซว๊าอี๊แส่ กาคยาฉื่อแจ่ คยา แกแย เด๊อ อา เฮ๊ โตโมจู๊แก่ เตหรี่เตแก เออเต๊เห่ อาเงเนอ, อา โตเบ่ หยื่อเอ่ ปื่อหม่าปื่อกลอ หนิ แร๊ เตหรี่เตแก เด๊อ อู หยื่อเอ่เกอ อา เร๊อ ฮู๊ อู อิซว๊าอี๊แส่ โทเฮ๊อ ลู เนอเต๊เห่.

Eastern Kayah Shadaw Dialect

⁹ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ꤙꤢꤩ ꤢꤨ꤭ ꤔꤢꤧ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ꤒꤥ꤭ ꤒꤣꤧ꤬ꤟꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤤ꤬ꤞꤝꤢꤤ꤬ꤞꤢꤧ꤬ ꤊꤢ꤬ꤋꤛꤢ꤭ꤏꤢꤦ꤬ꤡ꤫ꤢꤧ꤬ ꤋꤛꤢ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ꤏꤢꤦ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤒꤥ꤭ꤙꤢꤩ꤬ ꤛ꤫ꤢꤦ꤬ꤢꤩ꤬ ꤕ꤫ꤢꤦ꤬ꤗꤢ꤬ ꤚꤢꤧ ꤚꤣꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤢꤨ꤭ ꤛ꤫ꤢꤦ꤬ꤢꤩ꤬ꤚꤣꤧ ꤢ꤬ ꤚꤣꤧ꤬ ꤟꤢꤨ ꤢꤨ꤭ ꤤ꤬ꤞꤝꤢ ꤓꤥ꤭ꤟꤣꤧ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯

ꤒꤤꤒꤢꤨ 1:9 ပူးပေါင်းရင်းမြစ်များ

เธสะโลนิกา เนอบ่า ต๊าบ่า 2:15

ฮู๊เนอเรอ โป่แหว่ ซี๋, เป อิซว๊าอี๊แส่ แด๊โฉ่โด่แน โทเป่เฮ๊อ ซี เร๊อ เป กู๊อู่กู๊เผ่ เนอเต๊เห่ เบ่เบ่, หม่าโต่เรอ เป อิซว๊าอี๊แส่ โทเป่เฮ๊อ ซี เร๊อ ลี เด๊อ เป รา จว๊า เป่ ซี เออเต๊เห่ อากูเนอ เบ่เบ่, โอ่หม่าโอ่กลอ เกอ แลแค อู เร๊อ ปื่อหม่า หนิ แร๊ เกอ แลแค อู นี๋.

ทิโมธี เนอบ่า ต๊าบ่า 1:13

ฮู๊ เน อิซว๊า หนิโทเฮ๊อ เด๊อ แวโอ่ เต๊เห่เนอ, ปื่อหม่า เร๊อ ครวาแม๊บือ เม เกอดื่อ นี๋. เร๊อ เน โตเบ่ หยื่อเอ่ แฮเงหนิ ครี๊ เร๊อ เน โตเบ่ โมหนิเร๊อ แกแย เด๊อ อาโร เต๊เห่. เน เน๊อ เหย่ซู่ครี๊ ทวาแถ่ เฮ๊อ ลู เต๊อเจ๋อ โต อาขว่าอาคยา เน เมเบ๊เต แพ๊.

ทิโมธี อาเหร่อเล๊อ ต๊าบ่า 6:3

แกแย เต๊เห่เห่ เนอ อา อิซว๊าอี๊แส่ ซื๊อ แลแค อู. เหย่ซี อาเตอิซว๊าอี๊แส่ เออเนอ, อาโต เกอ เร๊อ เป แบ่เจ่ เหย่ซู่ ครี๊ อา เตอิซว๊าอี๊แส่ เด๊อ อาหม่าอาจ๊อ เออเนอ โต่. เตอิซว๊าอี๊แส่ เด๊อ อา เก่ เมจว่า เป่ เกออู ฮู๊ จอแปแหร่ ซิหยื่อ นอ โอ่เซอเพร อู เต๊เห่เนอ เหย่ซี อิซว๊า เป่ เกออู โต่โต่.

ทิโมธี อาเหร่อเล๊อ ต๊าบ่า 1:10

เน๊อ, แกแย เด๊อ อา จว๊าซื๊อ เพรเหมาะเพรคู เต๊เห่ เน๊อ, แกแย เด๊อ อา ซิปล่อก่า เด๊อ อาพู๊อาเมขุ เต๊เห่, เพรคู เร๊อ เพรคู ซื๊อแคลู, แกแย ปื่ออิเชเอ่ อู เน๊อ รือ เต๊เห่, แกแย เด๊อ อา แลโฮเต เต๊เห่ เน๊อ แกแย เด๊อ อา จว๊า ข่าเฮ๊โลบูบย่า เต๊เห่, เก่หม่าโต่เรอ อา เมเต เด๊อ อาโร เต๊อเจ่อเจ่อ เด๊อ อา ลูโค๊ เน๊อ เตอิซว๊าอี๊แส่ อาจ๊ออาเต เต๊เห่ อาเง แพ๊.

เตเด๊อะโลแถ่ 3:3

เมฮู๊เนอเรอ เตเนแถ่เบ่ หนิคยา เตเด๊อ อู อิซว๊า โทเฮ๊อ เนเนอ เต๊เห่ เร๊อ เตเด๊อ เน หนิโฮ โทเฮ๊อ เนอเต๊เห่. จูเอ่ เตเออเต๊เห่ เร๊อ ถู่แหล่แต๊แกละ เนซิปล่อ เนอ. เก่ เน โอ่เมอ ตื๊อดื่อปา เฮ๊เนอหม่า แว เก่ แฮ เด๊อ เนโอ่ ฮู๊ เพรเอ่โห่ เตเพร เนอ ปา. แว แฮ เบ๊อะเกเต ปาเนอ เน ซิเงโต่.

ทิโมธี อาเหร่อเล๊อ ต๊าบ่า 1:15

แซ่ฮู๊ เหย่ซู่ครี๊ เก่ แฮ เมแลเปล๊กา แกแย เตซื๊อเตปล๊าพู๊ เต๊เห่ เรอ, อา แฮแล เด๊อ เห่ขุ เออ เฮ๊อ. เตเฮ๊เบ่ เออเนอหมา อาจ๊ออาเต เร๊อ แกแย ล๋อ ปลี โตเบ่ พย๊าฉื่อ ลอ อา ซีปล่อชีเม. เพรเมซื๊อเตพู๊ ล๋อ ปลี อาเกลเนอหม่า แว หม่า แกแย เด๊อ อา เมซื๊อ ดุเล๊ออู เตเพร เฮ๊อ.

ꤒꤤꤒꤢꤨ 2:1

หม่าแน๊เรอ คูติตัส, เน เรอ อิซว๊าโตอิซว๊าเบ่ เป่ อู เนอ เตอิซว๊าอี๊แส่ เด๊อ อาจ๊ออาเต เนอเต๊เห่ นี๋.

ꤒꤤꤒꤢꤨ 1:11

โตเบ่ นอโอ่โส่แก เหย่ซี เตเฮ๊เบ่ เนอเต๊เห่, เมเตเฮ๊เรอ เตอิซว๊าอี๊แส่ เด๊อ อา โตอิซว๊า โต่ เต๊เห่เนอ เหย่ซี จว๊าอิซว๊า อู อาขว่าอาคยา, เหย่ซี จว๊า เมซู๊ซ๊า ดู๊แด ลอ อู ตี๊หี่แตแพ ลอ อา เตหยื่อเตแหน่ เจ๊อ. เหย่ซี ซิหยื่อ พย๊าหนิ แลแค รือ เร๊อ อา จว๊า เล อิซว๊า อู แพ๊.

ทิโมธี เนอบ่า ต๊าบ่า 4:3

ม๊อเนอม๊อเซ เด๊อ แกแย หนิดา ปา เตอิซว๊าอี๊แส่ เตหมะเตจ๊อ เออโต่เนอ, อา เก่ แฮเต่อ ปา. เร๊อ เหย่ซี ซิปล่อ ก๊อหย่อ แลแค เด๊อ อา เก่ แด่ปล๊อ โอ่โหร่แถ่เอ๊ เร๊อดื่อ อาซ๊าร๊า เต๊เห่ เด๊อ อา แด๊โฉ่โด่แน เป่ เหย่ซี ฮู๊ เหย่ซี ซิปล่อ ก๊อหย่อ ซิหยื่อ หนิดา เนอ เต๊เห่ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:21

เจแม๊ โทลอ เตปว๋า เต๊อเจ่อ เร๊อ พย๊าฉื่อเกอ เต เด๊อ อาแร๊ เนอเต๊เห่ นี๋.

เตเด๊อะโลแถ่ 3:11

“งยาแต่โต่เนอ แว เก่ แฮ ปา. แซ่ฮู๊ อู เก่ พย๊าเผ่แก แต่ เน กู๊โก่เท แต่เหม่เนอ, ปื่อหม่า หนิ แร๊ เต เด๊อ ซี พย๊าหนิ โทเฮ๊อ, เตอิซว๊าอี๊แส่ เด๊อ อาโตอาเบ่ เนอ เต๊เห่ นี๋.

เตเด๊อะโลแถ่ 2:25

หม่าแน๊เรอ ปื่อหม่าปื่อกลอ หนิ แร๊ แลแค เต เด๊อ อาโอ่ เร๊อ ซี เนอเต๊เห่ โต่เด๊อ แว แฮแล ปา โตโพ๊ เนอ นี๋.

ꤛꤢꤨꤘꤢ꤬ 1:3

แว โคแบ๊ซว๊าโม ซี๋, เมแลเปล๊กา เด๊อ เป ล๋อ ปลี พย๊าหนิ โหร่ลอ ลู เออ อาหรี่อาแก เออเนอ, แว ซิหยื่อ ราจว๊า เป่ แหน่เจ๊อ ซี หม่าแน๊เรอ กู๊แหน่เออ แว แม๊เถอะ เร๊อ แว เบ่ ราจว๊าโค๊ เต๊เปล่ เป่เกอ ซี เด๊อ อาโร เต๊อเจ่อ. เร๊อ แว ซิหยื่อ เด๊อะอ๊าเด๊อะเหร่ หนิ ซี เร๊อ เตซิครือมีลา เด๊อ จอแปแหร่ เด๊อะตา เจ๊อ ตื๊อหื่อโต เป่เฮ๊อ เร๊อ ล๋อ อาแกแย เด๊อ อา หยื่อเอ่ เกอเร๊อ เออเต๊เห่เนอ, ซี เก่ ช๊าแตแน ฉื่อแร๊ อา นี๋.

ทิโมธี เนอบ่า ต๊าบ่า 2:25

เบ๊อะอา อิซว๊า แร๊ กาคยา แกแย เด๊อ อา เท๊ฉื่อ อา เต๊เห่ เบ๊อะเนอ, อา โต เฮ๊เบ่ ซิโดซิ งา อู. แตแร๋ หม่า, จอแปแหร่ เก่ เด๊อะหนิ เป่ เหย่ซี ค๊าขิ แร๊ เด๊อ อา เก่ ถู่แหล่ เต๊เปล่ อาซิปล่อปา เร๊อ อา เก่ ซิเง แถ่คยา เตหมะเตจ๊อ ปา.

ทิโมธี เนอบ่า ต๊าบ่า 2:2

พย๊าหนิ เตอิซว๊า เด๊อ เน หนิโฮ โทเฮ๊อ เด๊อ แว เฮ๊โฉ่เป่ โทเฮ๊อ เน เด๊อ เพรข่าเฮ๊โล แกแยโอ่โร๊ อา เป๊เส่เง เนอเต๊เห่ นี๋. เร๊อ เด๊อะตา แฮเง เต เออเต๊เห่เนอ เน๊อ แกแย เด๊อ อาตาอาเต เหล่ซิเลหนิ อา เร๊อ อา อิซว๊าแจ่ แฮเง เป่ อู เนอเต๊เห่ อา กู๊ยากู นี๋.

ทิโมธี อาเหร่อเล๊อ ต๊าบ่า 4:9

เตเฮ๊เบ่ เออเนอหมา อาจ๊ออาเต เร๊อ แกแย ล๋อ ปลี โตเบ่ พย๊าฉื่อ ลอซิปล่อสู่เทอ อา,

ทิโมธี อาเหร่อเล๊อ ต๊าบ่า 1:19

เร๊อ ปื่อหม่าหนิ เน เตหยื่อเตแหน่ เน๊อ เน ซิปล่อ อา เหล่เตเน อาโพ๊อาแปละ เนอเต๊เห่ นี๋. แกแย เต๊เห่เห่เนอ, อา ปลวาแก แลแค อาเต เออเต๊เห่ อาขว่าอาคยา อา เตหยื่อเตแหน่ ปย๊าแก ลอ แพ๊.

เพรโด่แนพู๊ เต๊เห่ 18:28

เมเตเฮ๊เรอ, อา เตเฮ๊เบ่โด่แน เคร๊แขระ อู เต๊เห่เนอ อา โอ่เร๊อ อาเตอเรออาฉว่าอาชอ, โท๊โต่ อา ยูโลเบ๊ เป่ อู ลีเทส่อพ๊า ข่าเฮ๊โล เต๊เห่ เร๊อ เหย่ซู่ หม่า ครี๊, โท๊โต่ เหย่ซู่ หม่า เพร เด๊อ จอแปแหร่ นว๊าแถ่ ลู เร๊อ อา เก่ เมแลเปล๊กาซี แกแย อาขว่าอาคยา, อา เคร๊แขระ เป่แก ลอ แกแยยิวพู๊ เต๊เห่ เด๊อ แกแย ตูปลูเต๊เผ่ อา เป๊เส่เง.

โครินธ์ อาเหร่อเล๊อ ต๊าบ่า 14:24

หม่าแน๊เรอ, เฮ๊โก๊หลื่อ, แกแย อาโร เด๊อ อา หนิโฮน๊อ เกออู โหง่โค๊ตีกลี๊ เออเต๊เห่ โตโพ๋โต่ เต๊เห่, หม่าโต่เรอ แกแย เด๊อ อา หยื่อเอ่ เกอล๋าย ครี๊ โต่ เต๊เห่ เก่ แฮจ๊อเบ เต่อเกอ ซี เฮ๊เรอ ซี เก่ เฮ๊โพร จอแปแหร่ อาลาอาโหง่ ปว๋า เตเพร เฮ๊เนอ, เหย่ซี เก่ ซิเงแล เกอเร๊อ แลแค อาเหน่ เร๊อ เหย่ซี หม่า เพรเมเตซื๊อ เต๊เห่ ปา. เด๊อ ซี เฮ๊โพร เออ อาขว่าอาคยาเร๊อ เหย่ซี เก่ ซิหยื่อ ถู่แหล่แต๊แกละกา แลแค อาซิปล่อ ปา.

ทิโมธี เนอบ่า ต๊าบ่า 3:14

หม่าแน๊เรอ เนเออ, ตูรู๊ จว๊าแฮเง ลา โป่ เด๊อ เตหมะเตจ๊อ เด๊อ เน อิซว๊า โทเฮ๊อ, เร๊อ เน หยื่อเอ่แหน่ อาหม่าอากลอ โทเฮ๊อ เนอเต๊เห่ นี๋, เมเตเฮ๊เรอ เน ซิเงดื่อเฮ๊อ เน๊อ ซ๊าร๊า เด๊อ อา อิซว๊า เน เต๊เห่ เนอหม่า ซ๊าร๊า เด๊อ อาโตอาเบ่ เต๊เห่ อาขว่าอาคยา, ตูรู๊ จว๊าแฮเง ลา ฮู๊เนอ นี๋.