ꤒꤤꤒꤢꤨ 1:4 - ลีเทส่อพ๊าอาเซ เร๊อ เห่ขุทวาลู๊

⁴ คูติตัส, แว ราจว๊า ลี เออต๊าบ่า เด๊อ เนโอ่. เน เตหยื่อเตแหน่ ลอ แซ่เจ๊อเร๊อ เป เตอเจ๋อโต อาขว่าอาคยา, เนเนอ อา แซ่เจ๊อเร๊อ แวพู๊ ต๊อต่อ เร๊อ แวเหน่ เจ๊อ. เพ จอแปแหร่ เร๊อ เพรเมแลเปล๊กา เป แบ่เจ่เหย่ซู่ครี๊ เออ เก่ เด๊อะดื่อ เน เตบุ๊ยเตเตอเรอ เร๊อ เตตู๊จุเตอเจ๊อ นี๋.

Eastern Kayah Shadaw Dialect

⁴ ꤋꤢꤨ꤭ꤒꤤꤒꤢꤨ꤮, ꤠꤢꤧ꤭ ꤚꤢ꤭ꤡꤝꤢ ꤜꤤ꤬ ꤣꤧ꤭ꤒꤣ꤬ꤙꤢ꤬ ꤘꤣ ꤔꤢꤧ꤬ꤥ꤬꤯ ꤔꤢꤧ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤜꤢ꤭ ꤞꤢꤧꤡꤣꤧꤔꤢꤧ ꤕꤢꤩ꤬ ꤒꤣ꤬ꤡꤣ꤬ꤡꤢꤦ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤔꤢꤧ꤬ꤔꤣꤧ꤬ ꤢ꤬ ꤞꤢꤧꤡꤣꤧꤔꤢꤧ ꤠꤢꤧ꤭ꤖꤢꤨ ꤒꤣꤧ꤬ꤒ꤫ꤢꤪ꤬ ꤔꤢꤧ ꤠꤢꤧ꤭ꤔ꤫ꤢꤩ꤬ ꤡꤣꤧ꤯ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤖꤚꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ ꤊ꤫ꤢꤦ꤬ ꤘꤣꤧꤘꤢꤦ꤬ ꤔꤢꤧ꤬ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤔꤢꤧ ꤒꤢꤩ꤬ꤒꤣꤧ꤬ꤡꤣꤧꤒꤣꤧ꤬ꤡ꤫ꤢꤨ꤬ ꤔꤤ꤮꤯

ꤒꤤꤒꤢꤨ 1:4 ပူးပေါင်းရင်းမြစ်များ

ทิโมธี เนอบ่า ต๊าบ่า 1:2

แว ราจว๊า เป่ แวพู๊คู คูทิโมธี เด๊อ แหย่โย ตากยา, เด๊อ แว โม เกอเร๊อ อา เออเตเพร อา โอ่. เพ จอแปแหร่ เน๊อ เป แบ่เจ่ เหย่ซู่ครี๊ เก่ เด๊อะแลดื่อ เน เตบุ๊ยเตเตอเรอ, เตซิยอกล่าเบ่, เน๊อ เตตู๊จุเตอเจ๊อ นี๋.

ꤛꤢꤨꤘꤢ꤬ 1:3

แว โคแบ๊ซว๊าโม ซี๋, เมแลเปล๊กา เด๊อ เป ล๋อ ปลี พย๊าหนิ โหร่ลอ ลู เออ อาหรี่อาแก เออเนอ, แว ซิหยื่อ ราจว๊า เป่ แหน่เจ๊อ ซี หม่าแน๊เรอ กู๊แหน่เออ แว แม๊เถอะ เร๊อ แว เบ่ ราจว๊าโค๊ เต๊เปล่ เป่เกอ ซี เด๊อ อาโร เต๊อเจ่อ. เร๊อ แว ซิหยื่อ เด๊อะอ๊าเด๊อะเหร่ หนิ ซี เร๊อ เตซิครือมีลา เด๊อ จอแปแหร่ เด๊อะตา เจ๊อ ตื๊อหื่อโต เป่เฮ๊อ เร๊อ ล๋อ อาแกแย เด๊อ อา หยื่อเอ่ เกอเร๊อ เออเต๊เห่เนอ, ซี เก่ ช๊าแตแน ฉื่อแร๊ อา นี๋.

เปโตร เนอบ่า ต๊าบ่า 1:11

ฮู๊เนอเรอ จอแปแหร่ เก่ ซิครือซิลอ เอ๊โมฉื่อ ซี เด๊อ เป แบ่เจ่ เหย่ซู่ครี๊ เด๊อ อา หม่าเฮ๊อ เพรเมแลเปล๊กา เป เออเตเพร อาเทออาเก่ เด๊อ อา โอ่ ตูจูเพร แตแลเคร๊ อากู เออเนอ ปา.

เปโตร เนอบ่า ต๊าบ่า 1:1

เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.

โครินธ์ เนอบ่า ต๊าบ่า 2:13

หม่าแน๊เรอ แว ซิปล่อกู่ ซิปล่อแก โกโน๋ โต่, เมเตเฮ๊เรอ แว แม๊เถอะ เป โป่แหว่ คูติตัส โต่. ฮู๊เนอเรอ แว เฮ๊โมเฮ๊แร๊แก แกแย โอ่ เบ๊อะวีโตรอัส เนอเต๊เห่ เร๊อ แว เถ่จว๊าแก เด๊อ มาซิโดเนีย เก่.

เปโตร เนอบ่า ต๊าบ่า 3:18

หม่าแน๊เรอ, ดุแถ่ แฮเงโป่ แลแค เด๊อ เตบุ๊ยดุเตอเรอทู อากู เร๊อ เด๊อ เตซิเง เพร เด๊อ อา เมแลเปล๊กา เป หม่าดื่อ เป แบ่เจ่ เหย่ซู่ครี๊ เออ อากู นี๋. กู๊แหน่เออ ตาแฮเงเนอ, อู เก่ ถู่เซ๊แถ่ ดื่อ เป แบ่เจ่ เหย่ซู่ครี๊ ตูจูเพร แตแลเคร๊ นี๋. อาเมน.

โครินธ์ เนอบ่า ต๊าบ่า 8:23

คูติตัส หม่า เพร เด๊อ อา เม เต่อเกอ เต เร๊อ แว เร๊อ อา เมจว่า ซี เตเพร. เป โป่แหว่ เด๊อ อา ครวาแฮเกอ ลู เนอ ซิเนอ หม่า, เพรหยื่อเอ่เต ตู๊หมู่ตอกล๊อ เบ๊อะเออ เต๊เห่ นอแฮ เหย่ซี แพ๊. เหย่ซี หม่า แกแย เต๊เห่ เด๊อ อา แด่ดุ แหน่เจ๊อ ครี๊ เต๊เห่ เจ๊อ.

ꤚꤥꤗꤢꤩ꤬ 1:12

แว ซิหยื่อ เฮ๊ ฮู๊เต เฮ๊เรอ เป เด๊อะอ๊าเด๊อะเหร่ เมจว่าเลอ เมจว่าเก่ คยาแซ๊ลู ซี เตหยื่อ เร๊อ แว เตหยื่อ ฮู๊เนอ เต๊อะเจ่อแพ๊.

ꤛꤥ꤭ꤟꤢ꤬ 4:42

เหย่ซี เฮ๊ เพรเหมาะ เนอเตเพร เน๊อ, “เป หยื่อเอ่ เหย่ซู่ กู๊แหน่เออ เนอหม่า หม่าเด๊อ เน แด๊โฉ่ เป่ เป อาขว่าอาคยา เนอ หม่าโต่. เด๊อ เป หนิโฮ อา เตแด๊โฉ่โด่แน เร๊อ เปเหน่ โทเรอ เป ซิเง เร๊อ อา หม่า ครี๊ เด๊อ อา เมแลเปล๊กา เห่ขุพู๊ เออเนอ เตเพร หม่าแหน่ เฮ๊อ, อาขว่าอาคยา เนอแพ๊.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:14

เด๊อ จอแปแหร่ อาเป๊เส่เง เนอ, เป หยื่อเอ่แลหนิ เร๊อดื่อ เปเหน่ เร๊อ เป กุย อิเตเต๋ เบ่เบ่, เก่ อาโต เร๊อ ลูซิปล่อ เฮ๊เนอหม่า, อา เกล๊ หนิดา แหน่ เป เตกุยจ๊อเบ เฮ๊อ.

เปโตร เนอบ่า ต๊าบ่า 3:2

แว ซิปล่อโอ่ เด๊อ ซี เก่ ซิเหน่แถ่ เพรโพร บูโพ๊ เต๊เห่ อา เตเฮ๊โฉ่โด่แน หนื่ออื่อ โทเฮ๊อ เด๋อ งย๊าเค เต๊เห่, โทเรอ เป แบ่เจ่ เร๊อ เพรเม แลเปล๊กา เป เออเตเพร อาโหง่เฮ๊แก เด๊อ ซี เพรโด่แน เต๊เห่ เด๊อ โทเฮ๊อ ซี เนอเต๊เห่.

เปโตร เนอบ่า ต๊าบ่า 2:20

เด๊อ เหย่ซี ซิเง เป แบ่เจ่ เร๊อ เหย่ซู่ครี๊ เด๊อ อา เมแลเปล๊กา เป เออเตเพร อาขว่าอาคยา, เหย่ซี แลเปล๊เถ่แกเฮ๊อ เร๊อ เห่ขุ อา เตมู๊แหม่รีแจ่ เออเต๊เห่ เฮ๊อ. หม่าแน๊เรอ กู๊แหน่เออ เหย่ซี เก่ โนเม โต๊โผ่ตอตอ เต่อคย๊าแซ๊ เร๊อ เตมู๊แหม่รีแจ่ เออเต๊เห่ เฮ๊เรอ เตมู๊แหม่ เออเต๊เห่ ทวาแกเฮ๊อ ลูแบ่เจ่ เฮ๊อ. แกแย ฮู๊เนอเต๊เห่ อา เตโอ่เซอเพร เนอหม่า, อา จาเล๊อ ปา เจ๊อ เร๊อ อา เหล่โกลเลอ เนอ เจ๊อ.

ꤒꤤꤒꤢꤨ 1:3

จอแปแหร่ เด๊อ อา เมแลเปล๊กา เป เออเตเพร เด๊อซิเง เป่ เป เตหรี่เตแก เออเนอหมา, อา ม๊อเนอม๊อเซโตเบ่เฮ๊อ เร๊อ อา หยื่อเอ่เกอ แว เร๊อ อา นอตา แว เด๊อ แว เก่ เด๊อซิเง เป่ ซี เร๊อ เตหรี่เตแก เออเนอ เฮ๊อ.

โคโลสี 1:2

แว รา จว๊าหนิ เป่ เป โป่แหว่ ครี๊พู๊ เด๊อ อา บูโพ๊ เร๊อ อาจ๊อ เร๊อ อาโหง่ เร๊อ อา โอ่ แลแค เด๊อ วีโคโลสี อากู เนอเต๊เห่ อา โอ่. เปเพ จอแปแหร่ อาบุ๊ยดุอาเตอเรอทู เร๊อ อา เตโมเตแร๊ เก่ โอ่เกอดื่อ เร๊อ ซี นี๋.

เอเฟซัส 1:2

เปเพ จอแปแหร่ เร๊อ แบ่เจ่ เหย่ซู่ครี๊ เก่ เด๊อะดื่อ ซี เตบุ๊ยเตเตอเรอ เร๊อ เตตู๊จุเตอเจ๊อ นี๋.

ꤊꤢ꤬ꤜꤢ꤬ꤒꤤ 2:3

คูติตัส เด๊อ อา โอ่เกอ เร๊อ แว เออเตเพร เนอหม่า, แกแยเมวเจอะโร กรีกพู๊ เจ๊อ เตเพร หม่าแน๊เรอ เตดื๊อตีลี๊พ๊า เนอ, อู นอตื๊อดื่อ น๊อ อา เตเพร่ว โต่.

โครินธ์ เนอบ่า ต๊าบ่า 12:18

เบ๊อะแว กุยซิยอ คูติตัส เด๊อ อา เก่ แฮ เด๊อ ซี โอ่, เร๊อ แว ปลวาแฮ เต่อเกอ เพรหยื่อเอ่ เออ เตเพร เน๊อ อา อาเค เนอหม่า, คูติตัส แฮเมเอ่ แหน่ ซีขุ แอ? อา แฮ เมเอ่ ซีขุ เตอเจ๋อ โต่. อา เตก๊อถ่อโอ่แน, อาเตแด่ อา ซิปล่อสู่เทอ เต๊เห่ เนอหม่า อาแซ่เน๊อ แว แพ๊, แวเฮ๊แต?

โครินธ์ เนอบ่า ต๊าบ่า 8:16

จอแปแหร่ เด๊อะ ซิปล่อฉว่า คูติตัส เด๊อ อา เมจว่า ซี ฮู๊ เป ซิปล่อฉว่า เมจว่า ซี เนอ อาขว่าอาคยา, เป เฮ๊บุ๊ยเฮ๊เตอเรอ แหน่เจ๊อ จอแปแหร่.

โครินธ์ เนอบ่า ต๊าบ่า 8:6

ฮู๊เนอ อาขว่าอาคยา, แซ่ฮู๊ คูติตัส เก่ เมโทปลื๊อ จว่า ซี เตซิปล่อฉว่า เมจว่า อู เออเต๊เห่ อาเงเนอ เป นอครวา เฮ๊อ อา เฮ๊อ. เมเตเฮ๊เรอ เพร เด๊อ อา เป๊อแถ่ เด๊อะอ๊าเด๊อะเหร่ เหร่อเล๊อ ซี เร๊อ ซี เก่ เมจว่า เป่ เกอ เพรหยื่อเอ่ เออ เด๊อ อา โอ่ แลแค เด๊อ วีเยรูซาเล็ม อากู เนอเต๊เห่ เตเพร เนอหม่า คูติตัส เฮ๊อ.

โครินธ์ เนอบ่า ต๊าบ่า 7:6

หม่าแน๊เรอ จอแปแหร่ เด๊อ อา เด๊อะฉว่าเด๊อะชอแถ่ แกแย เด๊อ อา ซิปล่อปย๊า เต๊เห่ เออเตเพรเนอ, อา เด๊อะอ๊าเด๊อะเหร่ เฮ๊อ เป เฮ๊อ, เมเตเฮ๊เรอ คูติตัส แฮโตเกอ เฮ๊อ เป เฮ๊อ.

โครินธ์ เนอบ่า ต๊าบ่า 4:13

ลีเทส่อพ๊ากู เฮ๊ เน๊อ, “แว หยื่อเอ่ จอแปแหร่, เร๊อ แว เก่ เฮ๊โฉ่โล เป่ อู ปา,” อา แซ่ฮู๊ เนอเฮ๊อ, เป หยื่อเอ่ จอแปแหร่ อาขว่าอาคยา, เป เก่ เฮ๊โฉ่โล เป่ เกออู เร๊อ ครี๊ อา เตซิครือมีลา อาหรี่อาแก ปา.

ꤚꤥꤗꤢꤩ꤬ 1:7

โคแบ๊ซว๊าโม เด๊อ อา โอ่ เด๊อ วีโรม อากู ซี, จอแปแหร่ โม เกอเร๊อ ซี, โท๊โต่ อา เอ๊ เฮ๊อ ซี เด๊อ ซี เก่ ทวาแถ่ อาแกแย เร๊อดื่อ เฮ๊อ. แว ราจว๊า เป่ลอ ซี ลีเออต๊าบ่า. เปเพ จอแปแหร่ เร๊อ เป แบ่เจ่ เหย่ซู่ครี๊ เก่ เด๊อะดื่อ ซี เตบุ๊ยเตเตอเรอ เร๊อ เตตู๊จุเตอเจ๊อ นี๋.

ꤜꤢꤨꤊꤢ꤬ 2:11

เออเตเซ เด๊อ คูดาวิด อาวีกู เนอ, เพรเมแลเปล๊กา อา แบ่เจ่ หม่าเฮ๊อ ครี๊ เออ แฮ โอ่ เป๊เจ่แล เฮ๊อ.

ꤊꤢ꤬ꤜꤢ꤬ꤒꤤ 3:26

เด๊อ เตหยื่อเตแหน่ อาขว่าอาคยา, ซี ล๋อ ปลี ทวาลอเฮ๊อ เตเตอเจ๋อโต เร๊อ ครี๊ เฮ๊อ เร๊อ ซี ทวาลอเฮ๊อ จอแปแหร่ อาพู๊อาเลอ เต๊เห่ เฮ๊อ.

ꤊꤢ꤬ꤜꤢ꤬ꤒꤤ 3:28

แกแยยิวพู๊ เร๊อ แกแย เมว เจ่อโร กรีกพู๊ เต๊เห่, หลู่ เร๊อ เพร พย๊าหนิ เตปาลาพู๊ เต๊เห่, เพรคู เร๊อ เพรเหมาะ, ล๋อ เต เออเต๊เห่ เนอหม่า อากลว่าโค๊ เร๊อ ลู โต่, เมเตเฮ๊เรอ ล๋อ ซี เออเต๊เห่ เนอหม่า ซี ทวาแถ่ ลอ เฮ๊อ เตเตอเจ๋อโต เร๊อ ครี๊ เฮ๊อ.

ทิโมธี อาเหร่อเล๊อ ต๊าบ่า 1:12

เป แบ่เจ่ เหย่ซู่ครี๊ เด๊อะ เฮ๊อ แว เตเหร่เตแบ เด๊อ แว เก่ เม อาเตเม อาเง อาขว่าอาคยา, แว เฮ๊บุ๊ยเฮ๊เตอเรอ อา. โท๊โต่ อา แด่ แว ฮู๊ แกแย เด๊อ อาจ๊อ เร๊อ อาโหง่ เตเพร เร๊อ อา นว๊าแถ่ แว เด๊อ แว เก่ เม เป่ อาเตเม อาขว่าอาคยา, เฮ๊บุ๊ยเฮ๊เตอเรอ อา.

ทิโมธี เนอบ่า ต๊าบ่า 1:1

แว หม่า คูเปาโล. แว ราจว๊า หนิเป่ ซี ลีเออต๊าบ่า. จอแปแหร่ ซิปล่อโอ่ แว เด๊อ แว เก่ ทวาแถ่ เหย่ซู่ครี๊ อา เพรโด่แนพู๊ เตเพร, โทเรอ จอแปแหร่ อ๊อแล โทเฮ๊อ เน๊อ อา เก่ เด๊อะ เป ซิปล่อเซอเพร เด๊อ เหย่ซู่ครี๊ อากู ปา อาหรี่อาแก เออเนอ, แว แด๊โฉ่ ลอเป่เฮ๊อ อู ปว๋า เตเพร เฮ๊อ.

ทิโมธี เนอบ่า ต๊าบ่า 4:10

เมเตเฮ๊เรอ, คูเดมาส โมหนิเร๊อ เต, ปว๋า เต๊อเจ่อ เด๊อ เห่ขุเออ อาขว่าอาคยา, อา จว๊า ตาพาแก เฮ๊อ เน๊อ แว เฮ๊อ, เร๊อ อา จว๊าเฮ๊อ เด๊อ วีเธสะโลนิกา เฮ๊อ. คูเครสเซนส์ เร๊อ อา จว๊าเฮ๊อ เด๊อ กาลาเทียเก่ เร๊อ คูติตัส เร๊อ อา จว๊าเกอลาติ เด๊อ ดาลมาเทียเก่ เฮ๊อ.

ꤒꤤꤒꤢꤨ 2:13

เบ๊อะเป โอะป่อแม๊ชือ เฮ๊อ เตเด๊อะบุ๊ยเด๊อะเตอเรอ อาม๊อเนอ หม่าดื่อเฮ๊อ ช๋า เปเพ จอแปแหร่ ดุเนอ เพรเมแลเปล๊กา เป แบ่เจ่เหย่ซู่ครี๊ อาเตเด๊อะบุ๊ยเด๊อะเตอเรอ อา แฮโอะโลแถ่ เฮ๊อ เนอปา เบ๊อะเนอ, เป เบ่ โอะเซอเพร ฮู๊ อา เฮ๊ เป เออเนอ เต๊เห่.