ꤒꤤꤒꤢꤨ 1:16 - ลีเทส่อพ๊าอาเซ เร๊อ เห่ขุทวาลู๊

¹⁶ เหย่ซี เฮ๊ เร๊อ อา ซิเง จอแปแหร่ ตื๊อดื่อเรอ แรเต เด๊อ เหย่ซี เม เต๊เห่เนอ อา โอ่โลแถ่ เร๊อ เหย่ซี ซิเง จอแปแหร่ เตกี๋ โต่. เหย่ซี เนอเต๊เห่หม่า เล๊ซิหย่อซิบี, โทเรอ แกแย เด๊อ อา หนิดา เกออู โหง่ โต่ เต๊เห่, เหย่ซี เตเร แรเต อาแร๊ เต๊อเจ่อเจ่อเนอ อา เมเบ๊ เกออู โต่.

Eastern Kayah Shadaw Dialect

¹⁶ ꤛꤢꤩ꤬ꤞꤤ꤭ ꤟꤢꤩ ꤔꤢꤧ ꤢ꤬ ꤞꤤꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤘꤢꤦꤚꤣꤧ꤬ ꤒꤢꤩ꤬ꤗꤢꤩ꤬ ꤘꤣ ꤛꤢꤩ꤬ꤞꤤ꤭ ꤗꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤥ꤬ꤜꤥ꤭ꤓꤢꤧ꤬ ꤔꤢꤧ ꤛꤢꤩ꤬ꤞꤤ꤭ ꤞꤤꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤊꤤ꤬꤮ ꤒꤥ꤬꤯ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ꤗꤢ꤬ ꤜ꤫ꤢꤩ꤬ꤞꤤꤛ꤫ꤢꤪ꤬ꤞꤤꤙꤤ꤭, ꤓꤥ꤭ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤘꤢ꤭ ꤊꤣꤧ꤭ꤢꤨ꤭ ꤍ꤫ꤥ꤬ ꤒꤥ꤬ ꤒꤣꤧ꤬ꤟꤢꤩ꤬, ꤛꤢꤩ꤬ꤞꤤ꤭ ꤊ꤫ꤢꤦ꤬ꤚꤢꤩ꤭ ꤗꤢꤩ꤬ꤒꤢꤩ꤬ ꤢ꤬ꤚꤢꤧ ꤒꤣ꤬ꤡꤣ꤬ꤡꤣ꤬ꤔꤣꤧ꤬ ꤢ꤬ ꤗꤢꤩ꤬ꤙꤢꤩ ꤊꤣꤧ꤭ꤢꤨ꤭ ꤒꤥ꤬꤯ Unfinished

ꤒꤤꤒꤢꤨ 1:16 ပူးပေါင်းရင်းမြစ်များ

ꤚꤥꤗꤢꤩ꤬ 1:28

โท๊โต่ เหย่ซี ซิเง โทเฮ๊อ จอแปแหร่ อาหรี่อาแก หม่าแน๊เรอ, อา พย๊าฉื่อ แลแค โต่, อา แด่ เต เตอเจ๋อ โต่ อาขว่าอาคยา, จอแปแหร่ นอเป๊อแก เหย่ซี เร๊อ เหย่ซี อาเหล่เตเน มู๊แหม่รีแจ่ เร๊อดื่อ เต๊เห่ เร๊อ อาปลวา เม แลแค เหย่ซี เร๊อ เต เด๊อ อา โต เมโต่ เนอเต๊เห่ เฮ๊อ.

เอเฟซัส 5:6

นออิลออี๊โหล่ แต่ ซีเหน่ เร๊อ แกแย เด๊อ อา เฮ๊เบ่แลโฮ เร๊อ อาโหง่แลช๊า โอ่โต่ เต๊เห่เนอ แต่เหม่ นี๋. แกแย เด๊อ อา เม เตมู๊แหม่รีแจ่ ฮู๊เนอ เต๊เห่, เร๊อ อา หนิดา เกอ อู จอแปแหร่ อาโหง่ โต่ เต๊เห่เนอ, จอแปแหร่ เก่ ซิปล่อดุ เหย่ซี ปา เร๊อ อา เก่ เมเมจากาคยาเหย่ซี ปา.

ทิโมธี อาเหร่อเล๊อ ต๊าบ่า 1:9

เป ซิเง เร๊อ เตซว๊าเตแส่ เออเต๊เห่เนอ, อู เด๊อะโอ่แถ่ อา เด๊อ แกแยจ๊อแกแยเต เต๊เห่ อาเงเนอ หม่าโต่. โท๊โต่ อู เด๊อะโอ่แถ่ เป่ แกแย เด๊อ อา เมซื๊อ เตซว๊าเตแส่ เต๊เห่ เน๊อ แกแย เด๊อ อา หนิดา เกออู โต่ เต๊เห่. โทเรอ แกแย เด๊อ อา แด่หยื่อแด่แหน่ เกออู จอแปแหร่ โต่ เต๊เห่, เน๊อ แกแย เด๊อ อา เม เตซื๊อเตปล๊า เต๊เห่, เน๊อ อา จ๊อเบ เกออู จอแปแหร่ โต่ เต๊เห่, เน๊อ อา เตเน เกออู จอแปแหร่ โต่ เต๊เห่, เน๊อ อา เมเซอ อาเพ เก่หม่าโต่เรอ อาโหมะ เต๊เห่, เน๊อ อา เมเซอ แกแย เต๊เห่,

ทิโมธี อาเหร่อเล๊อ ต๊าบ่า 5:8

แกแย เตเพรเพร เก่ อาแม๊อาตู่หนิ เร๊อเกอ อากลุยอาแล โต่ เฮ๊เนอ, อา เท๊บี๊แกเฮ๊อ ครี๊พู๊ อา เตอิซว๊าอี๊แส่ เฮ๊อ. เร๊อ อา หม่า แกแย เด๊อ อา จาเล๊อ ปา เจ๊อ เน๊อ แกแย เด๊อ อา หยื่อเอ่เกออู ครี๊ โต่ เตเพร เจ๊อ. อา จาเล๊อ หม่า แกแย เด๊อ อา แม๊หนิ เด๊อะเกอ อา หี่ด๊อหี่แพพู๊ อาพู๊อาเม โต่ เนอเต๊เห่ เฮ๊อ.

ทิโมธี เนอบ่า ต๊าบ่า 3:17

เมเตเฮ๊เรอ แซ่ฮู๊ จอแปแหร่ อาแกแย เก่ เล๊อแถ่บาแถ่ เร๊อ เก่ โอ่ ตี๊หรี่แตแร อาเหน่ เน๊อ อา เก่ เมเต อาแร๊ ปว๋า เต๊อเจ่อ อาเงเนอเรอ, อา อิซว๊า เป่ อู เฮ๊อ.

ꤒꤤꤒꤢꤨ 3:1

แซ่ฮู๊ เพรหยื่อเอ่ เต๊เห่ อา นอเป๊อ เกอเร๊อ เกอ แลแค อาเหน่ เร๊อ คุ๊ยจ๊อแผ่ เต๊เห่ เรอ อา เก่ จูเอ่ เกอ แลแค เหย่ซี อาโหง่, โท๊โต่ แซ่ฮู๊ เหย่ซี เก่ โอ่ ตี๊หรี่แตแร แลแค อาเหน่ เด๊อ อา เก่ เมเตแร๊ ปว๋า เต๊อเจ่อ อาเงเนอ, เด๊อ ซิเหน่แถ่ คยาแซ๊ เหย่ซี นี๋.

ꤒꤤꤒꤢꤨ 3:3

เมเตเฮ๊เรอ เด๊อ เหร่อเคเนอ เป เต๊เห่ หม่า แกแยบูบย่า แกแย จูเอ่ เกออู โหง่ โต่ เต๊เห่. เป หม่า แกแย เด๊อ อา ครวาซื๊อเกอ แกแย แลโฮ เต๊เห่ อาคยา. เป ทวา โทเฮ๊อ แกแย เด๊อ อา ซิหยื่อซิลอ เมโม เกอเร๊อ เหน่ เต๊เห่ อาหลู่เล๊ เฮ๊อ. เป โอ่เซอเพร เมลอแก อาม๊อเนอม๊อเซ เนอ เป เม เตมู๊แหม่รีแจ่ เนอ เตซิค๊าซิเถ่ อู เต๊เห่ เฮ๊อ. โท๊โต่ อู ซิเถ่ เป เร๊อ เป ซิเถ่ฉื่อ อู.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:4

แกแย เตเพรเพร เก่เฮ๊เน๊อ แว ซิเงเฮ๊อ จอแปแหร่ อา เฮ๊ หม่าแน๊เรอ อา เก่ จูเอ่ ลู โหง่ เฮ๊แกโต่ เฮ๊เนอ, อา หม่า แกแย แลโฮ เร๊อ เตหมะเตจ๊อ โอ่ เด๊อ ลูเหน่ลู เตอเจ๋อ โต่.

ꤛꤢꤨꤘꤢ꤬ 1:4

เมเตเฮ๊เรอ, แกแย เด๊อ อา แด่ดุหยื่อแหน่ จอแปแหร่ โต่ เต๊เห่เนอ, อา แฮโนโห่ เฮ๊อ เด๊อ ซีเกล เฮ๊อ. แซ่ฮู๊ เหย่ซี เก่ เฮ๊เบ่ แลเปล๊ อาเหน่ เร๊อ อา เตโอ่เซอเพร แลโพร๊แลแพร เต๊เห่ อาเงเนอเรอ, อา ถู่แหล่ เต๊เปล่ ปย๊าแก เป แบ่เจ่ จอแปแหร่ อาบุ๊ยอาเตอเรอ เออเนอเต๊เห่ อาหรี่อาแก เฮ๊อ. โท๊โต่ เหย่ซี เออเต๊เห่เนอ อา หยื่อเอ่ เกออู เป ทวาดุทวาเต แบ่เจ่ เหย่ซู่ครี๊ เออเนอ โต่. ฮู๊ ลีเทส่อพ๊า แด๊โฉ่ หนื่ออื่อ เฮ๊อ เตเมจากาคยา เต๊เห่เนอ เหย่ซี เก่ พย๊าหนิ ลอปลี เจ๊อ ปา.

เตเด๊อะโลแถ่ 21:27

หม่าแน๊เรอ เด๊อ วีกู เนอ เต เด๊อ อา บูโพ๊ โต่ เนอเต๊เห่ โนหนิ เตอเจ๋อ โต่. แกแย เด๊อ อา เม เตมู๊แหม่รีแจ่ เบ่เบ่, อา แลโฮแลแฮ เต๊เห่ เบ่เบ่, โนหนิ เตเพร่ว โต่. โนหนิ แพ๊ตื๊อ แกแย เด๊อ อามุย โอ่ เด๊อ ซิหมิ อา ลีเซอเพร เออต๊าบ่า อากู เนอเต๊เห่ แพ๊.

เตเด๊อะโลแถ่ 21:8

หม่าแน๊เรอ แกแย เด๊อ อา โต๊โหร่ เต๊เห่, แกแย เด๊อ อาจ๊อ เร๊อ อา เตหยื่อเตแหน่ โต่ เต๊เห่, แกแย เด๊อ อาซิปล่อ มู๊แหม่ เต๊เห่, แกแย เด๊อ อา เมเซอ แกแย เต๊เห่, แกแย เด๊อ อา จว๊าซื๊อ เพรเหมาะเพรคู เต๊เห่, แกแย เด๊อ อา ทวา โลเน๊มู๊แหม่รีแจ่ ซ๊าร๊า เอ่อูแหย่โย เต๊เห่, แกแย เด๊อ อา จ๊อเบ เตแหย่โย เต๊เห่, เร๊อ แกแย เด๊อ อา แลโฮ อู เต๊เห่เนอ อาเหล่โอ่เหล่แบ่ หม่าเฮ๊อ หมิเผ่ เด๊อ อา หม่า เตเซอ เนอโพ๊โตโพ๊ เด๊อ อู ชื๊ออือ อา เร๊อ หย่าซู๊แบ เออเต๊เผ่ เนอ เฮ๊อ.”