ꤒꤤꤒꤢꤨ 1:12 - ลีเทส่อพ๊าอาเซ เร๊อ เห่ขุทวาลู๊

¹² เหย่ซี แกแยกลื๊อขุ เพรโพร เร๊อดื่อ เด๊ออาเกล เตเพรเนอ อา เฮ๊ เน๊อ, “แกแยครีต กลื๊อขุ เต๊เห่หม่า แกแยแลโฮ ปว๋า โตโพ๊, เหย่ซี หม่า อาแซ่เน๊อ เตมีเตแหม่ เด๊อ อา ฮามู๊แหม่ เต๊เห่ โทเรอ เหย่ซี หม่า แกแย เจเกลพู๊ เด๊อ อา เอ่ตาลว๊า โอตาแก เต๊เห่.”

Eastern Kayah Shadaw Dialect

¹² ꤛꤢꤩ꤬ꤞꤤ꤭ ꤊꤚꤢꤩ꤬ꤒꤢꤩ꤬ꤊꤜꤢꤦꤖꤢꤨ ꤖꤚꤢꤩ꤬ꤖꤚꤥ꤬ ꤚꤣꤧꤘꤢꤦ꤬ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤟꤢꤩ ꤔꤢꤧ, “ꤊꤚꤢꤩ꤬ꤒꤢꤩ꤬ꤊꤜꤢꤦꤖꤢꤨ ꤒꤣꤧ꤬ꤟꤢꤩ꤬ꤗꤢ꤬ ꤊꤣꤧ꤬ꤛꤢꤧ꤭ꤜꤣꤧ꤬ꤟꤥ꤭ ꤕꤝꤢ꤭꤮ ꤒꤣ꤬ꤖꤥ, ꤛꤢꤩ꤬ꤞꤤ꤭ ꤗꤢ꤬ ꤢ꤬ꤞꤢꤧꤔꤢꤧ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤘꤣ ꤢ꤬ ꤟꤢ꤭ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤊꤜꤢꤩ꤭ꤜꤢꤩ꤭ꤙꤢꤧꤖꤢꤨ ꤘꤣ ꤢ꤬ ꤢꤩ꤬ꤒꤣꤧ꤬ꤜꤝꤢ ꤥ꤭ꤒꤣꤧ꤬ꤜꤝꤢ ꤒꤣꤧ꤬ꤟꤢꤩ꤬꤯”

ꤒꤤꤒꤢꤨ 1:12 ပူးပေါင်းရင်းမြစ်များ

ทิโมธี อาเหร่อเล๊อ ต๊าบ่า 4:2

เตอิซว๊าอี๊แส่ เออเต๊เห่ เนอหม่า อา แฮ เด๊อ แกแย แลโฮแลแห่ เต๊เห่ อา โอ่. เบ๊อะเหย่ซี เมซื๊อเจ๊อเต เบ๊อะเนอ, อา เตเน เร๊อ อา เมซื๊อเต ตีกี๋ โต่.

ꤚꤥꤗꤢꤩ꤬ 16:18

เมเตเฮ๊เรอ แกแย ฮู๊เนอ เต๊เห่ หม่า อา เม แบ่เจ่ ครี๊ อาเตเม หม่าโต่. โท๊โต่ อา ลือเมโม เมเป่ หนิแลแค อาซิปล่อ เกอเร๊อ แลแค อาเหน่กล่อ อา เตซิหยื่อซิลอ เต๊เห่ แพ๊. อา เฮ๊เบ่โม เฮ๊เบ่แจ่ อู, ถู่เซ๊หนิ อู เร๊อ เหย่ซี อี๊หล่าแลโฮหนิ แกแย เด๊อ อา จูเอ่ยู เตเนอเต๊เห่ ปา.

เพรโด่แนพู๊ เต๊เห่ 17:28

ฮู๊ แกแย เตเพร เฮ๊โทเฮ๊อ เน๊อ, ‘เด๊อ จอแปแหร่ อาขว่าอาคยาเร๊อ, เป โอ่เซอเพรเบ๊, เร๊อ เป กู๊ก่ารู๊แรเบ๊,’ อา เฮ๊ ฮู๊เนอ. ฮู๊ ซี เพรราโหง่อิโร เต๊เห่ เฮ๊แก เน๊อ, ‘เป หม่า อาพู๊อาเลอ เต๊เห่,’ อา ราแก ฮู๊เนอ.

เปโตร เนอบ่า ต๊าบ่า 2:15

เหย่ซี เถ่จว๊าเปแก เร๊อ แกล๊โต เร๊อ อา จว๊า ซิปล่อ ตาปาแก. เหย่ซี จว๊าครวาเกอ แกล๊ เด๊อ เพโบโซร์ อาพู๊คู คูบาลาอัม ครวา เนอโตโบ. แกล๊ เนอโตโบ หม่า แกล๊ เด๊อ อา แม๊ดุ รือ เร๊อ อา พย๊าหนิ แลแค รือ เด๊อ เตจ๊อเตเต อากู หม่าโต่.

เปโตร เนอบ่า ต๊าบ่า 2:12

เหย่ซี หม่า อาแซ่เน๊อ เตมีเตดอ เด๊อ อา เตเนแจ่ เกออู โต่ เต๊เห่. โทเรอ อา เม แลแค ฮู๊ อาเหล่โกล ซิหยื่อโอ่ เนอ เร๊อ อา โอ่เป๊เจ่แล เด๊อ อู เหล่ลือปื่อ เมเซอ เหย่ซี อาเง แพ๊. แกแย เออเต๊เห่ เนอหม่า อาเท๊อาแตแอ ฉื่อ, เป๊อเจ่ออิแช๊ ฉื่อ เต เด๊อ อา ซิเง ตาปลู๊โต่ เต๊เห่. อู เก่ เมเซอแก เหย่ซี ฮู๊ อู เมเซอ เตมีเตแหม่ เนอ ปา.

เพรโด่แนพู๊ เต๊เห่ 2:11

(เป เออเต๊เห่ เนอหม่า เต๊เห่เห่เร๊อ แกแยยิวพู๊, เต๊เห่เห่เร๊อ แกแยยิวพู๊ หม่าโต่ ตื๊อดื่อเร๊อ เป โนเกอ เด๊อ แกแยยิวพู๊ อา เตจ๊อบู่จ๊อเบ อากู.) แกแย เด๊อ อาโร โป่ เต๊เห่ เนอหม่า ครีตเตกลื๊อพู๊ เน๊อ อาระเบียพู๊ ซีเต๊เห่. หม่าแน๊เร๊อ เป ปว๋า เตเพร จว๊าหนิโฮ โต่ เหย่ซี เออเต๊เห่ แด๊โฉ่โด่แน จอแปแหร่ อาเตเม อาโค๊ตีกลี๊ เต๊เห่ เน๊อ ล๋อ เป เออเต๊เห่ อาโหง่โหง่.”

เพรโด่แนพู๊ เต๊เห่ 27:7

อา จว๊ายอ เป่ ซื๊อลือ เป เร๊อ ม๊อเนอม๊อเซ งยาแฮเฮ๊อ เร๊อ เด๊อคยาเนอ เป จว๊าโต่ แหย่แหน่เจ๊อ เด๊อ เหล่โอ่ โต๊โผ่, เบ๊อะอาผื่อ เร๊อ วีคนีดัส เนอ. เก่แลเซ๊ ย๋อ พอฉื่อ เป เร๊อ เป จว๊า เป่แฮ แจ่ปาโต่ อาขว่าอาคยา, เป จว๊า ตาดวาเฮ๊อ เด๊อ ครีตกลื๊อ ซิแล ตากยา. ครีตกลื๊อ เออเนอ อา โอ่ จว๊าโต เด๊อ สัลโมเน กลื๊อ ตอนอ เนอตือกลื๊อ.

เพรโด่แนพู๊ เต๊เห่ 27:12

ช๊า เก๊โหร่เค แฮโต่ปาเนอ, แลบ๊าโอ่โก๊ ส่อเกลอดุ เหล่โอ่ เบ๊อะเนอ เนอหม่า อา ตาโตตาเบ่ โต่. เหย่ซี ซิปล่อโต เอ๊เล๊อ เน๊อ เก่ เถ่จว๊าแก เบ๊อะเนอ, เร๊อ เก่ แอ๊จื๊อ จว๊าโต่เบ๊ เด๊อ วีฟีนิกส์ เฮ๊เนอ, ช๋า เก๊โหร่เค ปาเรอ เก่ จว๊าโอ่โก๊เหร่อ เบ๊อะเนอ ปา. วีฟีนิกส์ หม่า หม่าดื่อ ส่อเกลอดุ เบ๊อะครีตกลื๊อ เนอเต๊เห่ แลบ๊าจว๊าโอ่โก๊ ตาดวาแร๊ อาเหล่โอ่. วีเออเนอ, อา โอ่ โตเด จว๊า ซิโน ซิแล เน๊อ ซิโน ซิแถ่ ตากยา.

เพรโด่แนพู๊ เต๊เห่ 27:13

เก่ เป๊อแถ่ แลเซ๊ ซิโดซิโด แฮ เด๊อ แบ๊แล ตากยา เร๊อ แกแย เต๊เห่ เตเน แลแค เร๊อ เออโตโพ๊เนอ, เก่ เถ่จว๊า หม่า อาหนิ เฮ๊อ อา เตเน แลแค ฮู๊เนอ. เร๊อ เหย่ซี จุ่ยแถ่เถ่แก ลอ เด๊อ อู เหล่จุ่ย โอ่โก๊หม่า เน๊อ ส่อเกลอดุเออ เร๊อ อา ปลวาโกจว๊าแก ส่อเกลอดุเออ จว๊ารว๊า ครีตกลื๊อทือ เนอตากยา.

ฟีลิปปี 3:19

เหย่ซี อาแกล๊ เออเนอ อา เก่ ตื๊อดื่อแก เบ๊อะเตปย๊าเตหลู่ หม่าดื่อเฮ๊อ ง่าหร่ากู เนอ ปา. เหย่ซี แบ่เจ่ หม่า อาเหน่กล่อ อา เตซิหยื่อซิลอ เออเนอ เต๊เห่ เฮ๊อ. เตเด๊อ เหย่ซี โต ซิเตเร เกอเร๊อ เจ๊อ เนอเต๊เห่ เร๊อ อา พย๊าแถ่โล เกอเร๊อ แลแค ปา เจ๊อ อาเหน่. โท๊โต่ เหย่ซี เตเน โชชื่อ แพ๊ เต เด๊อ แกแยเห่ขุพู๊ เตเนดุ เร๊อเนอเต๊เห่ แพ๊.

ꤒꤤꤒꤢꤨ 1:5

แว แด่แก เฮ๊อ เน เบ๊อะครีตกลื๊อ เออเนอหม่า แซ่ฮู๊ เน เก่ จว๊า ตี๊หรี่ เมโตเมเบ่ โทปลื๊อแก ลอ เต เด๊อ อา โหล่เมปา เด๊อ วีเออ ปว๊าวี อากู เนอเต๊เห่ แพ๊. เร๊อ เน เก่ แด่แถ่ เพรหยื่อเอ่ตู๊หมู่ตอกล๊อ โหมะพรูโหมะเผระ เต๊เห่ ฮู๊ แว ยูแกล๊ยูโกล โทเฮ๊อ เน เนอ นี๋.