ꤚꤥꤗꤢꤩ꤬ 9:30 - ลีเทส่อพ๊าอาเซ เร๊อ เห่ขุทวาลู๊

³⁰ เก่ เมฮู๊เนอเรอ, เป เก่ เฮ๊ ฮู๊เต? แกแยยิวพู๊ หม่าโต่ เต๊เห่เนอ, อา แม๊ปู เกออู แกล๊ เด๊อ จอแปแหร่ แด่จ๊อแด่เต อู เออเนอโตโบ โต่ หม่าแน๊เรอ เหย่ซี พย๊าหนิ เฮ๊อ. เด๊อ เหย่ซี เตหยื่อเตแหน่ อาขว่าอาคยา, เร๊อ จอแปแหร่ แด่จ๊อแด่เต เฮ๊อ เหย่ซี เฮ๊อ.

Eastern Kayah Shadaw Dialect

³⁰ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤊ꤫ꤢꤦ꤬ ꤟꤢꤩ ꤟꤢꤨꤒꤢꤩ꤭? ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤧꤕꤢꤨ꤭ ꤊꤣꤧ꤭ꤢꤨ꤭ ꤊꤜꤢꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤢꤨ꤭ ꤣꤧ꤭ꤔꤣꤧ꤬ꤒꤣ꤬ꤙꤥ꤭ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤛꤢꤩ꤬ꤞꤤ꤭ ꤔ꤫ꤤ꤬ꤙꤢꤩ꤬ ꤟꤣꤧ꤯ ꤘꤣ ꤛꤢꤩ꤬ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤟꤣꤧ ꤛꤢꤩ꤬ꤞꤤ꤭ ꤟꤣꤧ꤯

ꤚꤥꤗꤢꤩ꤬ 9:30 ပူးပေါင်းရင်းမြစ်များ

ฟีลิปปี 3:9

แว เตจ๊อเตเต เออเนอ, แว ซิเลแถ่หนิ ปา เด๊อ แว หนิดา ครวาเม เกอ เตซว๊าเตแส่ อาขุ เออเนอ หม่าโต่เฮ๊อ. หม่าโต่เรอ, แว ย๋อ หยื่อเอ่เฮ๊อ ครี๊ เฮ๊อ อาขว่าอาคยา, เร๊อ แว พย๊าหนิเฮ๊อ เตจ๊อเตเต เฮ๊อ. เตจ๊อเตเต เด๊อ จอแปแหร่ เด๊อะ เออเนอหม่า อา ซิเลแถ่หนิ เด๊อ เตหยื่อเตแหน่ อาลู แพ๊.

ꤟꤤꤙꤚꤢꤨ 11:7

เด๊อ เพโนอาห์ อาเตหยื่อ อาขว่าอาคยา, จอแปแหร่ เด๊อะรอ หนื่ออื่อ ลู เตเด๊อ อา แม๊เถอะ ซิเง ล๋ายโต่ เด๊อ อา เก่ ทวาแถ่ ช๋า เนอปา เนอเต๊เห่. อา เบ่หยื่อเบ่แหน่ จอแปแหร่, อา หนิดา ลูโหง่ เร๊อ อา เมแถ่ ส่อเกลอดุ เด๊อ อา เก่ เมแลเปล๊กา เน๊อ อา หี่ด๊อหี่แพพู๊ อาเง เต๊เบ่. เด๊อ เพโนอาห์ เตหยื่อ อาขว่าอาคยา, อา เด๊อะโล เน๊อ จอแปแหร่ เก่ เมจากาคยา แกแย เห่ขุพู๊ เต๊เห่ ปา. เร๊อ เด๊อ อาเตหยื่อ ขว่าคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพร เฮ๊อ.

ꤊꤢ꤬ꤜꤢ꤬ꤒꤤ 2:16

หม่าแน๊เรอ เป แกแยยิวพู๊ เด๊อ อา หยื่อเอ่ ครี๊ เออเต๊เห่ เนอหม่า, เป ซิเง เร๊อ จอแปแหร่ แด่จ๊อแด่เต แกแย เตเพรเนอหม่า อา แด่จ๊อแด่เต ลู เน๊อ อา ลือครวา เมเกอ เตซว๊าเตแส่ อาคยาเนอ หม่าโต่. หม่าแพ๊ ตื๊อ อา หยื่อเอ่แหน่ เหย่ซู่ครี๊ เออเนอ แพ๊ เป เออเต๊เห่เนอ เบ่เบ่, แซ่ฮู๊ จอแปแหร่ เก่ แด่จ๊อแด่เต เกอ เป เร๊อ เป เตหยื่อเตแหน่ ครี๊ เออ อาคยา เนอเรอ, เป หยื่อเอ่แหน่ เกอเฮ๊อ เหย่ซู่ครี๊ เฮ๊อ. หม่า เด๊อ เป ครวาเมเกอ เตซว๊าเตแส่ อาคยาเนอ หม่าโต่, เมเตเฮ๊เรอ เด๊อ อู ลือครวา เมเบ๊ เตซว๊าเตแส่ อาคยา เร๊อ อู ทวาแถ่เบ๊ แกแยจ๊อแกแยเต เนอ อา โอ่ เตเพร่ว โต่.

ꤚꤥꤗꤢꤩ꤬ 4:11

อา ดื๊อตีลี๊พ๊า เนอหม่า อาเนอ เด๊อ คยา แพ๊. เบ๊อะอา ดื๊อตีลี๊ แต่ลา พ๊า โต่ เบ๊อะเนอ, เด๊อ อาเตหยื่อ อาขว่าอาคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพรเฮ๊อ. ฮู๊เนอเรอ อา เมม๊าเมแดแก ลู เร๊อ เตดื๊อตีลี๊พ๊า ฮู๊เนอ เต๊อเจ่อ แพ๊. ฮู๊เนอเรอ แกแย เด๊อ อา ดื๊อตีลี๊ เกอ เจ๊ออู พ๊า โต่ หม่าแน๊เรอ, อา หยื่อเอ่ จอแปแหร่ เต๊เห่เนอ, เพอับราฮัม ทวา เป่ ลอ แกแย ฮู๊เนอ เต๊เห่ อาเพ เฮ๊อ. ฮู๊เนอ อาขว่าอาคยา, จอแปแหร่ แด่จ๊อแด่เต เกอเฮ๊อ เหย่ซี เฮ๊อ.

เอเฟซัส 2:12

เตเน กาคยา เกอเร๊อ แลแค ซีเหน่ เด๊อ เหร่อเคเนอ เนอเต๊เห่, เบ๊อะเนอเค หม่า ซี ซิเง เกอแต่อู ครี๊ โต่, เร๊อ ซี โอ่เต่อเกอ เด๊อ อิสราเอล เนอเต๊เห่ อาเกล ล๋ายโต่. เด๊อ จอแปแหร่ เร๊อ อาแกแย เต๊เห่ เอ่กลอเอ่หม่า ลูโหง่ เร๊อ อา อ๊อแล เกอเร๊อ อาแกแย เต๊เห่ อาเกลเนอหม่า, ซี โอ่เต่อเกอ ล๋ายโต่โต่. ซี โอ่เซอเพร เด๊อ เห่ขุเออ เนอ, ซี โอ่เซอเพร โชโด จอแปแหร่, ซี โอ่เซอเพร โชโด เตแม๊ชือ แลแค แพ๊.

ꤊꤢ꤬ꤜꤢ꤬ꤒꤤ 5:5

หม่าแน๊เรอ เด๊อ แหย่โยบูโพ๊ แบ่เจ่ อาขว่าอาคยาเร๊อ, เป หยื่อเอ่เกอเร๊อ เปเหน่ เร๊อ จอแปแหร่ เก่ แด่จ๊อแด่เต เป, เมเตเฮ๊เรอ เป หยื่อเอ่หนิ เหย่ซู่ครี๊. เป โอ่ป่อแม๊ชือ หม่าแหน่ เจ๊อ เตเออเนอ เฮ๊อ.

ꤚꤥꤗꤢꤩ꤬ 10:20

เด๊อคยา เร๊อ เพรโพร อิสยาห์ เฮ๊คือเฮ๊ฮา เล๊อโป่ เจ๊อ เร๊อ อา เฮ๊ เน๊อ, “แกแยยิวพู๊ หม่าโต่ เด๊อ อา แอ๊จื๊อ แม๊ปูเกอ แว โต่ เต๊เห่เนอ, อา แม๊เถอะเฮ๊อ แว เฮ๊อ, เร๊อ แว โอ่โลแถ่ เป่ แกแยยิวพู๊ หม่าโต่ เต๊เห่ เด๊อ อา แม๊ปู แด๊เฮอเกอ แว โต่ เต๊เห่ เฮ๊อ.”

ꤚꤥꤗꤢꤩ꤬ 10:6

หม่าแน๊เรอ แกแย เด๊อ จอแปแหร่ แด่จ๊อแด่เต อา เน๊อ อา เตหยื่อเตแหน่ ขว่าคยา เต๊เห่เนอ, อา โตเบ่ แด๊เฮอหนิ เน๊อ, “อูเป เตเร แถ่ (เอ๊ตา ครี๊) เด๊อ ม๊อขุเป?” ฮู๊เนอโต่.

ꤚꤥꤗꤢꤩ꤬ 9:14

เก่ เมฮู๊เนอเรอ เป เบ่ เฮ๊ ฮู๊เต? จอแปแหร่ เม เตโต๊โก่เรอ อาจ๊อโต่, เป เก่ เฮ๊ ฮู๊เนอ แอ? เป เฮ๊ ฮู๊เนอ หม่า อาโต โต่.

เปโตร อาเหร่อเล๊อ ต๊าบ่า 4:3

เด๊อ เหร่อเคเนอ, ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ เมลอแกเด ม๊อเนอม๊อเซ เนอ ซี เม ลอแกเด โป่ เกอลอ โทเฮ๊อ ฮู๊เนอเฮ๊อ. ซี โอ่เซอเพร แกเด ลอ อาม๊อเนอม๊อเซ แคร๋, เร๊อ อิเต เฮ๊เนอหม่า, ซี เตโอ่ แซแรซิบี แร๊โต่, ซี ซิปล่อ ปาต๊าเปอเตอ, ซี เตเอ่มือโอแพร๊, ซี เมป่วยเมลา เด๊อ อา โอ่เร๊อ เตเอ่ตาลว๊าโอตาแก เต๊เห่, ซี เตจ๊อเบ เตแหย่โยแหย่กี เด๊อ เหล่ซิหย่อซิบี หนิ อา เต๊เห่เนอ เฮ๊อ.

ทิโมธี อาเหร่อเล๊อ ต๊าบ่า 6:11

หม่าแน๊เรอ เน เร๊อ เน ทวาเฮ๊อ จอแปแหร่ อาแกแย เฮ๊อ อาขว่าอาคยา, แกล่จว๊า ตาพาแก เน๊อ ล๋อ เตเออ เต๊เห่ นี๋. แซ่ฮู๊ เน เก่ โอ่ เร๊อ เตจ๊อเตเต, เตหยื่อเอ่ จอแปแหร่, เตหยื่อเตแหน่, เตโมเตเกล, เตข่าเบ๊เต, เตซิโดซิงา ซี เต๊เห่เนอ เร๊อ แอ๊จื๊อ ครวาลือปื่อ เตเออเต๊เห่ นี๋.

ꤊꤢ꤬ꤜꤢ꤬ꤒꤤ 3:24

ฮู๊เนอ อาขว่าอาคยา, เตซว๊าเตแส่ เออเนอ อาแซ่เน๊อ เพร โอ่ป่อหม่าหนิ เป เตเพรเนอ เฮ๊อ. โทเรอ แซ่ฮู๊ จอแปแหร่ เก่ แด่จ๊อแด่เต เป เร๊อ เป เตหยื่อเตแหน่ ครี๊ อาคยา เนอ เร๊อ, เตซว๊าเตแส่ เออเนอ อา ซูจว๊าเฮ๊อ เป เด๊อ ครี๊ อา โอ่ เฮ๊อ.

ꤊꤢ꤬ꤜꤢ꤬ꤒꤤ 3:8

ลีเทส่อพ๊า เฮ๊หนื่ออื่อ โทดื่อ เฮ๊อ มู๊หนู่มู๊ส่าเค ปา เนอ, จอแปแหร่ เก่ แด่จ๊อแด่เต แกแยยิวพู๊ หม่าโต่ เต๊เห่เนอ เร๊อ เหย่ซี อาเตหยื่อเตแหน่ อาคยา ปา, อา เฮ๊หนื่ออื่อ ฮู๊เนอ. จอแปแหร่ อาลาอาโหง่ เด๊อะ ซิเงเหร่อ เตซิครือมีลา อาหรี่อาแก เด๊อ เพ อับราฮัม อา โอ่ เร๊อ อา เฮ๊ เน๊อ, “เด๊อ เนขว่าเนคยา เนอ, แว เก่ เด๊อะบุ๊ยเด๊อะเตอเรอ แฮเง ลอ ล๋อ แกแยเมวเจอะ เต๊เห่ เร๊อ เน ปา.” อา เฮ๊ ลู ฮู๊เนอ.

ꤚꤥꤗꤢꤩ꤬ 10:10

เมเตเฮ๊เรอ, แกแย เด๊อ อา หยื่อเอ่ เด๊อ อา ซิปล่อกู เต๊เห่เนอ, จอแปแหร่ เก่ แด่จ๊อแด่เต ลู. โทเรอ แกแย เด๊อ อา อ๊อแล เร๊อ อากู๊อู่ เต๊เห่เนอ, อา พย๊าหนิเฮ๊อ เตแลเปล๊กา เฮ๊อ.

ꤚꤥꤗꤢꤩ꤬ 9:31

หม่าแน๊เรอ แกแยยิวพู๊ เออเต๊เห่เนอ, แซ่ฮู๊ อา เก่ พย๊าหนิ จอแปแหร่ อา เตแด่จ๊อแด่เต เหย่ซี อาเงเนอเรอ, เหย่ซี แอ๊จื๊อ ลือครวาเม แลแค เตซว๊าเตแส่ เต๊เห่ หม่าแน๊เรอ อา พย๊าหนิ แจ่ แตแค๋ โต่.

ꤚꤥꤗꤢꤩ꤬ 5:1

ฮู๊เนอเรอ จอแปแหร่ แด่จ๊อแด่เต เฮ๊อ เป เร๊อ เป เตหยื่อเตแหน่ อาคยา เฮ๊อ. เป โอ่โอ่เพรโอ่ดือ โอ่โครโอ่เกล เต่อ คยาแซ๊ เฮ๊อ เร๊อ จอแปแหร่ เฮ๊อ. เพร เม ทวาแถ่ เป่ เป ฮู๊เออเนอหม่า หม่าเฮ๊อ เป แบ่เจ่ เหย่ซู่ครี๊ เฮ๊อ.

ꤚꤥꤗꤢꤩ꤬ 4:22

เพอับราฮัม อา เตหยื่อเตแหน่ ย๊อ โอ่ฮู๊เนอ อาขว่าอาคยา, “จอแปแหร่ แด่ อา ฮู๊ แกแยจ๊อแกแยเต เตเพร.”

ꤚꤥꤗꤢꤩ꤬ 4:13

จอแปแหร่ อ๊อแล เพอับราฮัม เร๊อ อากลุยอาแล เต๊เห่ เด๋อ เนอเค เน๊อ, เห่ขุ เออต๊าบ่าลอ, อา เก่ ทวาแถ่ เหย่ซีเต ปา. หม่าแน๊เรอ เด๊อ เหย่ซี จูเอ่ ลือครวา เมเกอ เตซว๊าเตแส่ อาคยา เร๊อ, อา เก่ ทวาแถ่ เหย่ซีเต ปา, อา อ๊อแล ลู ฮู๊เนอ หม่าโต่. จอแปแหร่ แด่จ๊อแด่เต เหย่ซี เร๊อ อา เตหยื่อเตแหน่ อาขว่าอาคยา, อา อ๊อแล เร๊อ อา เก่ เด๊อ เหย่ซี ปา แพ๊.

ꤚꤥꤗꤢꤩ꤬ 4:9

เตเด๊อะบุ๊ยเด๊อะเตอเรอ เออเนอหมา พย๊าหนิแจ่ แพ๊ตื๊อ แกแยยิวพู๊ เด๊อ อา ดื๊อตีลี๊พ๊า เนอเต๊เห่ แพ๊ แอ? อา พย๊าหนิ ตื๊อ แกแยยิวพู๊ เนอเต๊เห่ หม่าโต่. แกแยยิวพู๊ หม่าโต่ เด๊อ อา ดื๊อตีลี๊ เกอ อู พ๊า โต่ เนอเต๊เห่ หม่า, อา โอ่ป่าเต่อ เกอเกอ. เป เฮ๊โทดื่อเฮ๊อ เนอ, เด๊อ เพอับราฮัม อาเตหยื่อ อาขว่าอาคยา, จอแปแหร่ แด่จ๊อแด่เต ลู.

ꤚꤥꤗꤢꤩ꤬ 3:5

หม่าแน๊เรอ เป แกแยยิวพู๊ อา เตจ๊อเตเต โต่ เต๊เห่เนอ, อา เก่ เด๊อะโล ลอหล่าตี๊กลิ เจ๊อ จอแปแหร่ อา เตจ๊อเตเต เก่เฮ๊เรอ เป เตเร เฮ๊เร๊อ อา ฮู๊เต? จอแปแหร่ ซิปล่อดุ เร๊อ อา เมจากาคยา เปเออ เนอหม่า อาซื๊อ แพ๊, เป เก่ เฮ๊ ฮู๊เนอ แอ? (แว เฮ๊เบ่ ฮู๊ แกแย เหล่โกล เฮ๊เนอ แพ๊.)