ꤚꤥꤗꤢꤩ꤬ 9:3 - ลีเทส่อพ๊าอาเซ เร๊อ เห่ขุทวาลู๊

³ เมเตเฮ๊เรอ, เด๊อ แว โป่แหว่ แกแยยิวพู๊, หม่าเฮ๊อ แวเมวเจอะ เร๊อดื่อ, แวสุ่ยแวเทอ เร๊อดื่อ เออเต๊เห่ อาเงเนอ, จอแปแหร่ เก่ อิชอ ฮามู๊แหม่แก เด๊อ แวเออ หม่า อาหนิ แพ๊. โท๊โต่ จอแปแหร่ เก่ ปาตือ แว เร๊อ ครี๊ เร๊อ เหย่ซี เก่ หนิ เตเมแลเปล๊กา ปา เก่เฮ๊เรอ อา ปาตือแก แว หม่า อาหนิ แพ๊. แว ซิหยื่อ ข่าเป่ แหน่เจ๊อ เด๊อ เหย่ซีเง เจ๊อ.

Eastern Kayah Shadaw Dialect

³ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤘꤣ ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤛꤢꤨꤘꤢ꤬ꤖꤢꤨ, ꤗ꤫ꤢ꤬ꤟꤣꤧ ꤠꤢꤧ꤭ꤗꤤ꤭ꤡꤣ꤬ ꤚꤣꤧꤘꤢꤦ꤬, ꤠꤢꤧ꤭ꤞꤝꤤ꤬ꤠꤢꤧ꤭ꤓꤣꤧ꤭ ꤚꤣꤧꤘꤢꤦ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊꤢꤩ꤬ ꤤ꤬ꤏꤢꤪ꤭ꤟꤢ꤭ꤊꤢꤧ꤭ ꤘꤣ ꤠꤢꤧ꤭ꤣꤧ꤭ ꤗꤢ꤬ ꤢ꤬ꤔ꤫ꤤ꤬ ꤖꤢꤧ, ꤓꤥ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊꤢꤩ꤬ ꤓꤢꤪꤕꤢꤩ꤭ꤊꤢꤧ꤭ ꤠꤢꤧ꤭ ꤔꤢꤧ ꤋꤚꤤ ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔ꤫ꤤ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢ꤭ ꤊꤢꤩ꤬ꤟꤢꤩꤚꤣꤧ꤬ ꤢ꤬ ꤓꤢꤪꤕꤢꤩ꤭ꤊꤢꤧ꤭ ꤠꤢꤧ꤭ ꤗꤢ꤬ ꤢ꤬ꤔ꤫ꤤ꤬ ꤖꤢꤧ, ꤠꤢꤧ꤭ ꤞꤤꤛ꤫ꤢꤦ꤬ ꤋꤢꤧꤕ꤫ꤢꤩ꤬ ꤔꤢꤧ꤬ꤡꤣꤧ ꤘꤣ ꤛꤢꤩ꤬ꤞꤤ꤭ꤑꤢꤩ꤭ ꤡꤣꤧ꤯

ꤚꤥꤗꤢꤩ꤬ 9:3 ပူးပေါင်းရင်းမြစ်များ

เห่ขุทวาลู่ 29:14

เร๊อ เพลาบัน เฮ๊ ลู เน๊อ, “เน หม่า แวสุ่ยแวเทอ หม่าแหน่เจ๊อ.” เร๊อ คูยาโคบ โอ่เกอ เน๊อ ลู เบ๊อะเนอ เตเล.

เพรโด่แนพู๊ เต๊เห่ 13:26

“โป่แหว่ เพอับราฮับ อากลุยอาแล ซีเต๊เห่ เร๊อ แกแยยิวพู๊ หม่าโต่ เด๊อ อา โอ่ เบ๊อะเออ เร๊อ อา จ๊อบู่จ๊อเบแถ่ เกอ จอแปแหร่ เต๊เห่ ล๋อ ปลี ซี๋, เตเมแลเปล๊กา อาหรี่อาแก เออเนอ, อู ซูแฮ เป่ เด๊อ เปเง แพ๊.

เพรโด่แนพู๊ เต๊เห่ 22:5

แว เฮ๊เบ่จ๊อเฮ๊เบ่เต แพ๊ เนอหม่า, เพรหลู่แต กู่กล๊อดุเล๊อ เออเนอ เด๊อ แกแยยิวพู๊ เน๊อ อา ทวา ทวาดุทวาเต ล๋อ ปลี เต๊เห่ เย๊อเบ๊ อาซิปล่อสู่เทอ เด๊อ แวเง แพ๊. เมเตเฮ๊เรอ, แซ่ฮู๊ แว เก่ จว๊าปื่อ แกแย เด๊อ อา โครครวา เกอ เหย่ซู่ครี๊ อาคยา เนอเต๊เห่ เร๊อ แว เก่ จอกลอ เหย่ซี เร๊อ สู่เปลอต่อเท๊, โทปาเรอ แว เก่ เอ๊กาแด๊เฮอ เจแม๊ เหย่ซี เด๊อ วีเยรูซาเล็ม ปา เนอเรอ, เหย่ซี ทวา ทวาดุทวาเต เนอเต๊เห่ ราจว๊าหนิ ลีเต๊เห่ เร๊อ อา เด๊อะจว๊า เร๊อ แว. ลี เออเต๊เห่เนอ, อา ราจว๊า เป่ อาโป่แหว่ แกแยยิวพู๊ เด๊อ อา ทวา ทวาดุทวาเต เร๊อ อา โอ่ แลแค เด๊อ วีดามัสกัส เด๊อ แว เตเร จว๊า วีเออ ตีวี อากู เนอเต๊เห่ อา โอ่.”

เพรโด่แนพู๊ เต๊เห่ 28:21

เร๊อ เหย่ซี เฮ๊ฉื่อ ลู เน๊อ, “เป พย๊าหนิน๊อ เร๊อ ลี โอ่ เด๊อ ยูดาห์เก่ แฮ เร๊อ อา แด๊โฉ่ เป่ เป เร๊อ เนหรี่เนแก เนอ อา โอ่ ต๊าบ๋า โต่. เป โป่แหว่ แกแยยิวพู๊ เด๊อ อา แฮ เบ๊อะเออ เต๊เห่เนอ, อา เฮ๊น๊อ เป่ เร๊อ เป เร๊อ เน เมซื๊อเมปล๊าเต อาหรี่อาแก เตเพร่ว โต่.

ꤚꤥꤗꤢꤩ꤬ 1:3

เตซิครือมีลา เออเนอหมา อา หม่าเฮ๊อ อาพู๊คู หม่าดื่อ เป แบ่เจ่ เหย่ซู่ครี๊ เออ อาหรี่อาแก เด๊อ อา แฮแล กลว่าอาเหน่ ฮู๊ แกแย เออเนอ เตเพร เฮ๊อ. เร๊อ อา แฮ โอ่เป๊เจ่แล เด๊อ คุ๊ย ดาวิด อากลุยอาแล อากู เออเนอ เตเพร เฮ๊อ.

ꤚꤥꤗꤢꤩ꤬ 11:1

ฮู๊เนอเรอ แว เก่ แด๊เฮอ แลแค ซี เน๊อ, หม่า จอแปแหร่ วีแก แก เฮ๊อ อา แกแยเมวเจอะพู๊ เร๊อดื่อ เออ เฮ๊อ แอ? อา วีแก เน๊อ เหย่ซี ตีกี๋โต่. เตเนแม๊ แลแค แม๊ แวเออ, แว หม๋า อิสราเอลพู๊ เตเพร แพ๊ กอกอ. แว หม่า เพอับราฮัม อากลุยอาแล, คูเบนยามิน อากลุย กาแล แพ๊.

ꤚꤥꤗꤢꤩ꤬ 11:14

ฮู๊ จอแปแหร่ เมแร๊ โทเป่เฮ๊อ ซี แกแยยิวพู๊ หม่าโต่ เต๊เห่ อาเงเนอ, แว แม๊ชือ เน๊อ แซ่ฮู๊ แว เก่ เม ซิเคว๊ หนิเป่ เกอดื่อ แวโค แกแยยิวพู๊ เร๊อดื่อ เต๊เห่ อาเง, โท๊โต่ แซ่ฮู๊ แว เก่ อี๊ลอกาหนิ เกอ เหย่ซี เต๊เห่เห่ เน๊อ อา เก่ พย๊าหนิ เกออู เตเมแลเปล๊กา อาเง เนอเรอ, แว เตเนดุ เกอเร๊อ แหน่เจ๊อ เตเม เด๊อ จอแปแหร่ เด๊อ แว เออเนอ เจ๊อ.

ꤚꤥꤗꤢꤩ꤬ 16:11

ซูจว๊าหนิ เป่เกอ แว เตเฮ๊โมเฮ๊แร๊ เด๊อ คูเฮโรดิโอน อา โอ่ นี๋. อา หม่า แกแยยิวพู๊ แซ่เน๊อ แว แพ๊แพ๊. ซูจว๊าหนิ เป่ เกอ แว เตเฮ๊โมเฮ๊แร๊ เด๊อ โป่แหว่ ครี๊พู๊ เด๊อ อา โอ่ เด๊อ คูนารซิลสัส อาหี่ เนอเต๊เห่ นี๋.

ꤚꤥꤗꤢꤩ꤬ 16:21

คูทิโมธี เด๊อ อา เมโหร่เกอ เต เร๊อ แว เออเตเพร ซูแฮ เกอ อา เตเฮ๊โมเฮ๊แร๊ เด๊อ ซี โอ่. โทเรอ คูลูสิอัส, คูยาโสน เร๊อ คูโสสิปาเทอร์ เออเต๊เห่ ซูแฮหนิ เกอเกอ. เหย่ซี หม่า แกแยยิวพู๊ เต๊เห่ แซ่เน๊อ แวเออ เฮ๊อ.

ꤚꤥꤗꤢꤩ꤬ 16:7

ซู จว๊า หนิเป่ เกอ แว เตเฮ๊โมเฮ๊แร๊ เด๊อ คูอันโดรนิคัส เร๊อ หม่อยูเนีย นี๋. เหย่ซี หม่า แกแยยิวพู๊ แซ่เน๊อ แว เออเนอ แพ๊. อู ด๊อตา โหร่เกอ เหย่ซี เร๊อ แว เด๊อ ทอกู หนิ. เหย่ซี หม่า เพรโด่แนพู๊ เต๊เห่ เด๊อ อู แด่ดุหยื่อแหน่ แหน่เจ๊อ เต๊เห่. เหย่ซี ครวาเหร่อเล๊อ ครี๊ อาคยา เร๊อ แว หนิ.

ꤚꤥꤗꤢꤩ꤬ 9:2

แว ซิเปลซิหย่อ โกโน๋ โต่. อาเช แว ซิปล่อเออ, อา โอ่เหม่ เป่ปา เจ๊อโต่ เฮ๊อ.

โครินธ์ อาเหร่อเล๊อ ต๊าบ่า 12:3

แว ซิหยื่อ นอซิเงโปล เกอ ซี เร๊อ แกแย เด๊อ อา อิชอ มู๊แหม่ เหย่ซู่ แตแค๋ โต่ เนอเต๊เห่ หม่า, ตื๊อแพ๊ แกแย เด๊อ แหย่โยบูโพ๊ แบ่เจ่ ยูแกล๊ยูโกล ลู เนอเต๊เห่ แพ๊. แหย่โยบูโพ๊ แบ่เจ่ เก่ ยูแกล๊ยูโกล แกแย เตเพรเพร โต่ เฮ๊เนอ, อา อ๊อแลเบ๊ แลแค เร๊อ เหย่ซู่ หม่า แบ่เจ่ เตเพร, ฮู๊เนอ เตเพร่ว โต่.

โครินธ์ อาเหร่อเล๊อ ต๊าบ่า 16:22

อูเปเป๋ เบ่เบ่, เด๊อ อา โมเร๊อ แบ่เจ่ โต่ เนอ, เตอิชอฮามู๊แหม่ เก่ เบ่ดื่อ ลู นี๋. “มารานาส่า” เก๋อ เป แบ่เจ๋! แฮเมอ นี๋.

โครินธ์ เนอบ่า ต๊าบ่า 12:15

แวลอแวแก แวรือแวเท, แวอ๊าแวเหร่, เตปว๋า เต๊อเจ่อ เด๊อ ซีเง เนอ, แว ซิครือซิลอ แพ๊. แว โม เจ๊อ ซี บ๊าเออ เจ๊อ หม่าแน๊เรอ ซี เตโม แว เนอ อา แซ่ เร๊อ อาปีตี๊ กาแล โต่บย่า ฮู๊เต?

ꤊꤢ꤬ꤜꤢ꤬ꤒꤤ 1:8

หม่าแน๊เรอ เป เบ่เบ่, ม๊อขุเตเน่วพู๊ เตเพรเพร เบ่เบ่, เก่ แด๊โฉ่โด่แน เตซิครือมีลา เด๊อ อา เก่ โค๊ดื่อ เร๊อ เป แด๊โฉ่โด่แน โทเป่เฮ๊อ ซีเนอ เต๊เห่ เฮ๊เนอหม่า จอแปแหร่ เก่ เมจากาคยา ดื่อ อา ปา นี๋.

ꤊꤢ꤬ꤜꤢ꤬ꤒꤤ 1:9

เด๊อ อาเหร่อเค เนอหม่า เป่ เฮ๊โทเฮ๊อ ซี เฮ๊อ เร๊อ กู๊แหน่เออ แว เฮ๊ คยาแซ๊ ซี เนอ, แกแย เตเพรเพร เด๊อ อา เก่ แด๊โฉ่โด่แน เป่ ซี เตซิครือมีลา เด๊อ อา โค๊ดื่อ เร๊อ ซี พย๊าฉื่อ โทเฮ๊อเนอ เฮ๊เนอหม่า, จอแปแหร่ เก่ เมจากาคยาดื่อ อา ปา นี๋.

ꤊꤢ꤬ꤜꤢ꤬ꤒꤤ 3:10

หม่าแน๊เรอ แกแย เด๊อ อา ซิเลแถ่ เร๊อดื่อ เตซว๊าเตแส่ เด๊อ อา เก่ พย๊าหนิ เตจ๊อเตเต อาเง เต๊เห่เนอ, จอแปแหร่ เก่ มือ เหย่ซี ปา. เมเตเฮ๊เนอเรอ ลีเทส่อพ๊ากู เฮ๊ เน๊อ, “แกแย เตเพรเพร เด๊อ อา โอ่เซอเพร ครวาลือเม เกอ เตซว๊าเตแส่ อาคยา ปวาตามา โต่ เตเพรเนอ, จอแปแหร่ เก่ เมจากาคยา อา ปา,” อา เฮ๊ ฮู๊เนอ.

ꤊꤢ꤬ꤜꤢ꤬ꤒꤤ 3:13

ล๋อ เตซว๊าเตแส่ เต๊เห่เนอ, อู ลือครวา เมเบ๊ เตเพร่ว โต่ อาขว่าอาคยา, จอแปแหร่ เก่ เมจากาคยา ลอ อูปว๋า เตเพร ปา, หม่าแน๊เรอ ครี๊ อี๊ถ่า เฮ๊อ เป เฮ๊อ. เด๊อ อา ข่าเป่ เป เตจา เด๊อ อี๊ถื่อดีเต่ลู เออ อาขว่าอาคยาเร๊อ, อา แฮโน ข่าเป่เฮ๊อ เป เตเมจากาคยา เด๊อ อา เก่ กาเบ่ เป ปา เออเนอ อาเง เฮ๊อ. เมเตเฮ๊เรอ ลีเทส่อพ๊ากู เฮ๊ เน๊อ, “แกแย เตเพรเพร เด๊อ อู มือเซอแถ่ อา เด๊อ อี๊ถื่อดีเต่ อาโอ่ เนอ, เตเมจากาคยา เบ่เฮ๊อ อา เฮ๊อ,” อา เฮ๊ ฮู๊เนอ.

เอเฟซัส 6:5

หลู่ ซี๋, หนิดา แลแค ซี เห่ขุ แบ่เจ่ เออเต๊เห่ อาโหง่ นี๋. ชิอิเช เหย่ซี เร๊อ เบ่เบ่หยื่อเบ่แหน่ เหย่ซี นี๋. ฮู๋ ซี หนิดา ครี๊ อาโหง่ เนอ, หนิดา ซิกอล๊อแกแน เหย่ซี อาโหง่ นี๋.