ꤚꤥꤗꤢꤩ꤬ 9:24 - ลีเทส่อพ๊าอาเซ เร๊อ เห่ขุทวาลู๊

²⁴ เป หม่า แกแย เด๊อ จอแปแหร่ เอ๊ เจ๊อ เป เต๊เห่ เฮ๊อ. อา เอ๊ ตื๊อ แกแยยิวพู๊ เต๊เห่ อาเกลเนอ หม่าโต่, เด๊อ แกแยยิวพู๊ หม่าโต่ เต๊เห่ อาเกลเนอหม๋า, อา เอ๊ หนิ เต่อเกอ ดื่อดื่อ.

Eastern Kayah Shadaw Dialect

²⁴ ꤕꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤩ ꤡꤣꤧ ꤕꤢꤩ꤬ ꤒꤣꤧ꤬ꤟꤢꤩ꤬ ꤟꤣꤧ꤯ ꤢ꤬ ꤢꤩ ꤒꤢꤦ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬ ꤗ꤫ꤢ꤬ꤒꤥ꤬, ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬ꤗꤢ꤬, ꤢ꤬ ꤢꤩ ꤔ꤫ꤤ꤬ ꤒ꤫ꤥ꤬ꤊꤣꤧ꤭ ꤘꤢꤦ꤬ꤘꤢꤦ꤬꤯

ꤚꤥꤗꤢꤩ꤬ 9:24 ပူးပေါင်းရင်းမြစ်များ

โคโลสี 3:11

เด๊อ เตโอ่เซอเพร อาเซกู เนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เต๊เห่เนอ เบ่เบ่, แกแย ดื๊อตีลี๊พ๊า เร๊อ ดื๊อตีลี๊พ๊าโต่ เต๊เห่เนอ เบ่เบ่, เทอเก่โรพู๊ เต๊เห่ เบ่เบ่, แกแย มี เต๊เห่ เบ่เบ่, หลู่ เร๊อ แกแย ปาลา เต๊เห่เนอ เบ่เบ่, เป โตเบ่ เตเน ปา เน๊อ อา โค๊ลู ตีกี๋ โต่. แกแย เด๊อ อา หยื่อเอ่ ครี๊ ปว๋า เตเพร เนอ, ครี๊ โอ่เซอเพร เฮ๊อ เด๊อ ลูเหน่กู เฮ๊อ. ฮู๊เนอ อาขว่าอาคยา, ครี๊ หม่า เต เด๊อ อา โหล่ดุเล๊อ อู เฮ๊อ.

เตเด๊อะโลแถ่ 19:9

โทเรอ เตเน่วพู๊ เฮ๊ แว เน๊อ, “ราม๊าแก เมอ เออเนอ. แกแย เด๊อ อู เอ๊แฮ เต่อเกอ ลู เด๊อ ซิหมิพู๊ เออโตโด อาป่วย เออเต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ.” โทเรอ เตเน่วพู๊ เฮ๊ โป่ เน๊อ, “โหง่ เออเต๊เห่ หม่า จอแปแหร่ อาลาอาโหง่ หม่าแหน่ เจ๊อ.”

เปโตร อาเหร่อเล๊อ ต๊าบ่า 5:10

จอแปแหร่ หม่า เตบุ๊ยเตเตอเรอ ล๋อ ปลี อา แบ่เจ่ เร๊อ อา เอ๊ ซี เด๊อ อา เก่ เด๊อะเกอ ซี อาเตเตอเรอดุ เตอเรอทู ตูจูเพร เด๊อ เหย่ซู่ครี๊ อากู เออเนอ ปา. เบ๊อะซี ข่าเบ่ เตจาเตจือ แตแปล๊เตอเปลอฮู๊ เออ เก่ ตาลว๊า โทเฮ๊อ ปาเนอ, จอแปแหร่ อาเหน่แบ่เจ่ เร๊อดื่อ อา เก่ เมหม่าเมกลอ แตแน แร๊คยา ซี ปา, โทเรอ อา เก่ เด๊อะฉว่าเด๊อะชอแถ่ ซีอ๊าซีเหร่ ปา.

ꤟꤤꤙꤚꤢꤨ 3:1

ฮู๊เนอ อาขว่าอาคยา, โป่แหว่ ครี๊พู๊ เด๊อ จอแปแหร่ เอ๊ ซี เออเต๊เห๋ เตเน แม๊มอ แลแค เหย่ซู่ เด๊อ จอแปแหร่ นอแฮ ทวา ลู เน๊อ เพรเฮ๊โฉ่โด่แหน่ จอแปแหร่ อาลาอาโหง่ เน๊อ เพรหลู่แต กู่กล๊อดุเล๊อ เออเตเพรเนอ.

ꤊꤢ꤬ꤜꤢ꤬ꤒꤤ 3:28

แกแยยิวพู๊ เร๊อ แกแย เมว เจ่อโร กรีกพู๊ เต๊เห่, หลู่ เร๊อ เพร พย๊าหนิ เตปาลาพู๊ เต๊เห่, เพรคู เร๊อ เพรเหมาะ, ล๋อ เต เออเต๊เห่ เนอหม่า อากลว่าโค๊ เร๊อ ลู โต่, เมเตเฮ๊เรอ ล๋อ ซี เออเต๊เห่ เนอหม่า ซี ทวาแถ่ ลอ เฮ๊อ เตเตอเจ๋อโต เร๊อ ครี๊ เฮ๊อ.

โครินธ์ อาเหร่อเล๊อ ต๊าบ่า 1:9

จอแปแหร่ เออเตเพร หม่า เหล่หยื่อเอ่หนิ แหน่เจ๊อ. อา หม่า เพร เด๊อ อา เอ๊ ซี เร๊อ อา ซิหยื่อ นอ แบ๊ซว๊าแบ๊โค ซี เน๊อ อาพู๊คู หม่าดื่อเฮ๊อ เป แบ่เจ่ เหย่ซู่ครี๊ เออเตเพรเนอ เฮ๊อ.

ꤚꤥꤗꤢꤩ꤬ 10:12

เมเตเฮ๊เรอ แกแยยิวพู๊ เร๊อ แกแยยิวพู๊ หม่าโต่ เต๊เห่เนอ อา เหล่โค๊เหล่คยา ลูเนอ, อาโอ่ เตอเจ๋อ โต่. ล๋อ เพร หยื่อเอ่เตฮู๊ เออเต๊เห่ เนอหม่า อา แบ่เจ่ โอ่โหร่ลู เตเพรเพร่ว แพ๊. แกแย เด๊อ อา กุยแถ่ ลู เตเมจว่า เต๊เห่เนอ, อา เด๊อะบุ๊ยเด๊อะเตอเรอ ตาป่อตาเป เป่ เจ๊อ เหย่ซี เจ๊อ.

เพรโด่แนพู๊ เต๊เห่ 15:14

คูซีโมน เปโตร เฮ๊โฉ่โปลโล โทเซ เป่ แพ๊ เป เร๊อ จอแปแหร่ เป๊อแถ่ เด๊อะโล เป่ เฮ๊อ อา เตแม๊เตตู่หนิ เออเนอ เด๊อ แกแยยิวพู๊ หม่าโต่ เต๊เห่ อา โอ่ เฮ๊อ. เมเตเฮ๊เร๊อ เด๊อ แกแยยิวพู๊ หม่าโต่ อาเกล เต๊เห่เห่เนอ, แซ่ฮู๊ อา เก่ ทวาแถ่ หนิเกอดื่อ จอแปแหร่ อาเต อาเงเนอเร๊อ, อา นอ หยื่อเอ่แลแค เฮ๊อ เหย่ซี เฮ๊อ.

เห่ขุทวาลู่ 49:10

อู เก่ พย๊าตาพาแก แจ่ปา คูยูดาห์ อาเตอเรอฉว่าชอแจ่ เตเพร่ว โต่. โท๊โต่ คุ๊ยอิแท๊โบ เนอ อา เก่ โอ่หม่าโอ่กลอ เด๊อ อากลุยอาลุ๊ย เต๊เห่ อากู๊ขู่กู ปา. เน เก่ เป๊อ โต่เด๊อ เมวเจ่อ เต๊เห่ พย๊าแฮ เป่ ลู เชหยู่ ปา. เร๊อ เมวเจ่อ เต๊เห่ เก่ แด่ดุหยื่อแหน่ ลอ เน ปา.