ꤚꤥꤗꤢꤩ꤬ 9:16 - ลีเทส่อพ๊าอาเซ เร๊อ เห่ขุทวาลู๊

¹⁶ ฮู๊เนอเรอ เป เหล่ซิเลแถ่ เกอเร๊อ เป แกแย อา เตซิหยื่อ, หม่าโต่เรอ, อาเต แอ๊จื๊อแอ๊เหร่ เต๊เห่ เนอหม่า อาหนิ โต่. เตล๋อ ปลี เด๊อ เป เหล่ซิเล แถ่หนิ เนอหม่า ตื๋อแพ๊ จอแปแหร่ อา เตซิยอ แพ๊.

Eastern Kayah Shadaw Dialect

¹⁶ ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤜ꤫ꤢꤩ꤬ꤞꤤꤜꤢꤩ꤬ꤓꤢꤧ꤬ ꤚꤣꤧꤘꤢꤦ꤬ ꤕꤢꤩ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ ꤒꤢꤩ꤬ꤞꤤꤛ꤫ꤢꤦ꤬, ꤗ꤫ꤢ꤬ꤒꤥ꤬ꤚꤣꤧ꤬, ꤢ꤬ꤒꤢꤩ꤬ ꤢꤧꤡꤢꤦꤢꤧꤚꤢꤩ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤔ꤫ꤤ꤬ ꤒꤥ꤬꤯ ꤒꤢꤩ꤬ꤜꤢꤪ꤭꤮ ꤕꤜꤤ꤭ ꤘꤣ ꤕꤢꤩ꤬ ꤜ꤫ꤢꤩ꤬ꤞꤤꤜꤢꤩ꤬ ꤓꤢꤧ꤬ꤚꤣꤧ ꤔꤣꤧ꤬ꤗꤢ꤬ ꤒꤢꤦꤖꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛꤢꤪ꤬ ꤖꤢꤧ꤯

ꤚꤥꤗꤢꤩ꤬ 9:16 ပူးပေါင်းရင်းမြစ်များ

เอเฟซัส 2:8

เมเตเฮ๊เรอ, เด๊อ ซี หยื่อเอ่ ครี๊ เร๊อ จอแปแหร่ อาบุ๊ยอาเตอเรอดุทู แหน่เจ๊อ เด๊อ ซีขุเออ อาขว่าอาคยา, อา เมแลเปล๊กา เฮ๊อ ซี เฮ๊อ. เด๊อ ซี แหน่แบ่เจ่ เร๊อดื่อ ลอ แอ๊จื๊อแอ๊เหร่ ขว่าคยา เร๊อ ซี พย๊าหนิ เตแลเปล๊กา หม่าโต่. เออ หม่า จอแปแหร่ เด๊อะตาครา แพ๊ ซี แพ๊.

ฟีลิปปี 2:13

เมเตเฮ๊เรอ, แซ่ฮู๊ ซี เก่ ซิปล่อฉว่า ซิหยื่อ หนิดา ครวาเม เกอ ฮู๊ จอแปแหร่ อา เตซิหยื่อ เด๊อ อาแร๊ เต๊เห่ อาเงเนอ, อา เม เป่เฮ๊อ เต เด๊อ ซีกู ปว๋า โต๊โพ๊ เจ๊อ เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 1:18

เด๊อ เป หนิโฮ เตซิครือมีลา เตหมะเตจ๊อ อาขว่าอาคยาเร๊อ, จอแปแหร่ เด๊อะทวาแถ่ เฮ๊อ เป เน๊อ อาพู๊ จู๋ ดื่อ ฮู๊ อาซิปล่อ เร๊อดื่อ เนอเฮ๊อ. แซ่ฮู๊ เป เก่ ทวาแถ่ ส่อเส่ เด๊อ อาเส่เหร่อเล๊อ อู เต๊เห่ เด๊อะ เตแบ๊แล ล๋อ ปลี เออเต๊เห่ อาเกล เนอเรอ, อา เด๊อะทวาแถ่ เฮ๊อ เป เน๊อ อาพู๊ แพ๊.

ꤚꤥꤗꤢꤩ꤬ 9:11

เบ๊อะอาพู๊ ดีคยา เออซิเนอ โอ่เป๊เจ่แล แต่ล๋ายโต่ เบ๊อะเนอ, โทเรอ เบ๊อะอาพู๊ เออซิเนอ เม แต่ลา เตซื๊อ เร๊อ เตแร๊ ล๋ายโต่ เบ๊อะเนอ, จอแปแหร่ เฮ๊หนื่ออื่อ เหร่อ อาโหมะ เน๊อ, “อาแหว่เพร่ว เตเพร เบ่แร เป่ อาโป่ เนอเตเพร อาเตเม ปา.” แซ่ฮู๊ อู เก่ ซิเง เร๊อ จอแปแหร่ นว๊าแถ่ จู๋ ดื่อ อาซิปล่อ ฮู๊ อา เต เตเนหนื่ออื่อ โทเฮ๊อ เนอเรอ, อา เมเฮ๊อ ฮู๊ อา เต เตเนหนื่ออื่อ เออเนอ เฮ๊อ. เด๊อ แกแย เตเพรเพร เมโทเฮ๊อ เตเต๊อเจ่อเจ่อ อาขว่าอาคยาเร๊อ, อา นว๊าแถ่ ลู หม่าโต่. โท๊โต่, อา โอ่ เด๊อ จอแปแหร่ อา กู่ยากู เร๊อ อา นว๊าแถ่ เกอเร๊อ ลู แพ๊.

ꤜꤢꤨꤊꤢ꤬ 10:21

เบ๊อะเนอเค, เด๊อ แหย่โยบูโพ๊แบ่เจ่ อาขว่าอาคยา, เร๊อ เหย่ซู่ เล๊อบา เร๊อ เตซิครือซิลอ เร๊อ อา เฮ๊ เน๊อ, “เก๋อ ม๊อขุ แบ่เจ่, เห่ขุ แบ่เจ่, แวเพ จอแปแหร่, แว เฮ๊บุ๊ยเฮ๊เตอเรอ เน, เต เด๊อ เน แด่ ด๊อโอ๊ด๊อบี๊ เป่ เพรลีแมลีเพ๊ เต๊เห่ เร๊อ เพรแม๊ปูซิเง เต๊เห่เนอ, เน เด๊อะโลแถ่ เป่เฮ๊อ เร๊อ แกแย เด๊อ อา เตเนปีตี๊ เกอเร๊อ อาเหน่ แซ่เน๊อ เป๊เจ่พู๊ เนอเต๊เห่เฮ๊อ อาขว่าอาคยา, แว เฮ๊บุ๊ยเฮ๊เตอเรอแถ่ เน. เก๋อ เพ๋, เน ซิปล่อโอ่ ซิปล่อโต หม่าแหน่เฮ๊อ เร๊อ อาเก่เบ่ ทวาแถ่แหน่ ฮู๊เออเฮ๊อ อาขว่าอาคยา, แว เฮ๊บุ๊ยเฮ๊เตอเรอ แหน่เจ๊อ เน.

ꤛꤥ꤭ꤟꤢ꤬ 3:8

เก่แลเซ๊ เนอ อา แลเซ๊จว๊า จู๋ ดื่อ อาเต แพ๊. เน หนิโฮ อาพรา ตื๊อดื่อเรอ อา โอ่ เบ๊อะเตแฮ หม่าโต่เรอ อา เตเร จว๊าโต เบ๊อะเนอ เน ซิเงโต่. ล๋อ แกแย กาโอ่เป๊เจ่ เซเต๊เปล่ เร๊อ จอแปแหร่ อา แหย่โยบูโพ๊แบ่เจ่ เต๊เห่ เนอหม่า อา แซ่ฮู๊ เนอเฮ๊อ”

มัทธิว 4:8

โลเน๊มู๊แหม่ กู่กล๊อ เอ๊จว๊า โป่แซ๊ ลู เด๊อ โฉ่แถ่โล เตเม อาลู, เร๊อ อา เด๊อะโล ลู เร๊อ เทอเก่ ปว๊าเต๊เก่ เด๊อ เห่ขุเออ เร๊อ อา เตลีเตเค เร๊อ อา เตดุแหย่แถ่เซ เต๊เห่.

มัทธิว 11:27

เร๊อ จอแปแหร่ เหย่ซู่ เฮ๊ เหย่ซี เน๊อ, “แวเพ เด๊อะตาลอ เฮ๊อ แว เตปว๋า เต๊อะเจ่อ เฮ๊อ. แกแย ซิเง แว เตเพร๊โต่, ซิเงตื๊อแพ๊ แวเพ จอแปแหร่ เตเพรเพร แพ๊” เร๊อ แกแย เด๊อ อา ซิ เง เพ จอแปแหร่ เนอหม่า ตื๊อแพ๊ อา พู๊ เพรคู เน๊อ แกแย เด๊อพู๊ คู นว๊า แถ่ลู เด๊อ อา เก่ เด๊อะโล เป่ ลู เนอ เต๊เห่ แพ๊.

ꤊꤢ꤬ꤜꤢ꤬ꤒꤤ 2:2

จอแปแหร่ เด๊อะโลแถ่ แว เนอ แว โตเบ่ จว๊า เบ๊อะเนอ อาขว่าอาคยาเร๊อ, แว จว๊า แพ๊. เบ๊อะแว โอ่ เบ๊อะเนอ อาเค, แว แม๊เถอะโห่หนิ เร๊อ แกแย เด๊อ อู แด่ เหย่ซี เร๊อ เพรหยื่อเอ่ตู๊หมู่ตอกล๊อ ทวาดุทวาเต เต๊เห่ เร๊อ แว เฮ๊โฉ่โปลหนิ เป่ เหย่ซี เร๊อ เตซิครือมีลา ฮู๊ แว แด๊โฉ่โด่แน เป่ อู ปว๋า โพ๊ เด๊อ แกแยยิวพู๊ หม่าโต่ เต๊เห่ อาเกล เนอแพ๊. แว เตเฮ๊โฉ่โด่แน เด๊อ อา ตาลว๊าแก โทเนอ เต๊เห่ เบ่เบ่, กู๊แหน่เออ เต๊เห่เนอ เบ่เบ่, แว ซิหยื่อ นอทวาแถ่ แกเด โต่.