ꤚꤥꤗꤢꤩ꤬ 8:8 - ลีเทส่อพ๊าอาเซ เร๊อ เห่ขุทวาลู๊

⁸ แกแย เด๊อ อา นอเป๊อ อาเหน่ เร๊อ พ๊าหย่า อา เตซิหยื่อซิลอ มู๊แหม่ เต๊เห่เนอ, อา เมซิครือ เบ๊เกอ จอแปแหร่ แตแค๋ โต่.

Eastern Kayah Shadaw Dialect

⁸ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔꤢꤪ꤭ꤕꤣ ꤢ꤬ꤔ꤫ꤢꤩ꤬ ꤔꤢꤧ ꤖꤢꤛꤢ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤩ꤬ꤞꤤꤋꤚꤢꤦ꤭ ꤙꤢꤩꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤋꤢꤧ꤮ ꤒꤥ꤬꤯

ꤚꤥꤗꤢꤩ꤬ 8:8 ပူးပေါင်းရင်းမြစ်များ

ꤚꤥꤗꤢꤩ꤬ 7:5

เมเตเฮ๊เนอเรอ เป ย๋อ ซิเงแฮ เตซว๊าเตแส่ เฮ๊ เป อาขว่าอาคยา, เบ๊อะเป โอ่เซอเพร ฮู๊ แกแย อา สุ่ยเทอพ๊าหย่า อา เตซิหยื่อซิลอ เบ๊อะเนอ, เป เตซิหยื่อซิลอ มู๊แหม่รีแจ่ เต๊เห่ โอ่เอ๊แฮ เร๊อ โอ่เอ๊แฮ. เร๊อ เต เออเต๊เห่เนอ, อา ซูจว๊า เป เด๊อ ปอรากยากู ตูจูเพร แพ๊.

ꤚꤥꤗꤢꤩ꤬ 8:9

หม่าแน๊เรอ, ซีเนอ, พ๊าหย่า อา เตซิหยื่อซิลอ มู๊แหม่ เป๊อหนิเกอ ซี โต่. จอแปแหร่ อา แหย่โยบูโพ๊ เก่ โอ่เซอเพร เด๊อ ซีเหน่ลู เฮ๊เรอ, อา แหย่โยบูโพ๊ แบ่เจ่ เออเนอ เก่ เป๊อหนิ ซี ปา. อูเปเป๋ เบ่เบ่, เด๊อ อา พย๊าหนิ เกออู ครี๊ อา แหย่โยบูโพ๊ โต่ เต๊เห่เนอ อา ทวา ครี๊ อาเต หม่าโต่.

โคโลสี 1:10

แซ่ฮู๊ ซี เก่ โอ่เซอเพร เกอติ เร๊อ แบ่เจ่ โทเรอ แซ่ฮู๊ ซี เก่ เมโม ลู ซิปล่อ อาเงเนอ, เป กุยจ๊อเบ จอแปแหร่ ฮู๊เนอ. โท๊โต่ แซ่ฮู๊ ซี เก่ เมเตแร๊ ปว๊าเต๊อเจ่อ, เร๊อ ซี เก่ เส่แถ่แร๊ เร๊อ ซี เก่ ดุแถ่ดื่อ เด๊อ เตซิเง จอแปแหร่ อากู อาเงเนอ, เป กุยจ๊อเบ เป่ โป่ เด๊อ ซีเง.

ꤛꤥ꤭ꤟꤢ꤬ 3:3

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ ตื๊อหื่อ โต่ เต๊เห่เนอ, อา แม๊เถอะเบ๊ จอแปแหร่ อาเทออาเก่ เตเพร่ว โต่.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:22

โท๊โต่ เป ย๋อ จูเอ่ อาโหง่เฮ๊แก เร๊อ เป ย๋อ เมโต ลูซิปล่อ อาขว่าอาคยา, เป กุย เต อิเตเต๋ เบ่เบ่ เนอ, เป เก่ พย๊าหนิ เต เด๊อ อา โอ่ เนอเต๊เห่ ปา.

ꤛꤥ꤭ꤟꤢ꤬ 8:29

โทเร๊อ เพร เด๊อ อา นอแฮ แว เออเตเพรเนอ, อา โอ่เกอ เร๊อ แว. แว เมโต ลูซิปล่อ ปว๋า โตโพ๊ เจ๊อ อาขว่าอาคยา อา วี๊แก แว โต่.”

โครินธ์ อาเหร่อเล๊อ ต๊าบ่า 7:32

เห่ขุ อา ตาหมื่อตาเต เออเต๊เห่เนอ, แว ซิหยื่อ นอกู่นอแก ซี โต่. แกแย เด๊อ อาเม โอ่ โต่ เตเพรเนอ, อา ซิหยื่อ ครวาลือ เมโต แบ่เจ่ อาซิปล่อ อาขว่าอาคยา, อา เบ่ บูโพ๊ อา เตเตเน เต๊เห่ เด๊อ แบ่เจ่ อาเง.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:1

โป่แหว่ ซี, เด๊อ คยาเล๊อเนอ, ซี โตเบ่ โอ่เซอเพร โต เร๊อ จอแปแหร่ อาซิปล่อ ฮู๊เตเนอ, เป อิซว๊า โทเฮ๊อ ซี เฮ๊อ. เร๊อ กู๊แหน่เออ ซี โอ่เซอเพร เนอหม่า อา หม่าเฮ๊อ. กู๊แหน่เออ เป กุยซิยอ ซี เร๊อ เป ครอครวาเกอ ซีคยา เด๊อ แบ่เจ่ เหย่ซู่ อาเหล่โอ่ เนอ, ซี เก่ เม แฮเง เอ๊แถ่เอ๊แถ่ โป่ ฮู๊เนอ.

มัทธิว 3:17

โทเรอ โหง่พราเถ่ ตือมือ เด๊อ ม๊อขุเนอ เร๊อ อา เฮ๊ เน๊อ, “เออเตเพร หม่า แวพู๊คู เด๊อ แว โมหนิเกอเร๊อ อา โท๊โต่ แวพู๊ เด๊อ แว แม๊ดุ เกอเร๊อ อา เตเพร.”

ꤟꤤꤙꤚꤢꤨ 13:16

เมเตแร๊ เต๊เห่ เบ่เบ่, เตเมจว่า ลู เตเพร เร๊อ เตเพร เต๊เห่เนอ เบ่เบ่ โชตาปา แลแค แต่เหม่ นี๋, เมเตเฮ๊เรอ เออเต๊เห่ เนอหม่า เตหลู่เตแต เด๊อ อาโต จอแปแหร่ อาซิปล่อ.

โคโลสี 3:20

ฮู๊ซี๋ หนิดา แลแค โหมะเพ อาโหง่ เด๊อ เตปว๋า เต๊อเจ่อ อากู นี๋, เมเตเฮ๊เรอ, หนิดา โหมะเพ โหง่ หม่า อาโต เน๊อ แบ่เจ่ อาซิปล่อ.

ฟีลิปปี 4:18

ล๋อ ซี ซูแฮ เป่ แว เต๊เห่เนอ แว พย๊าหนิ ลอ เฮ๊อ, เร๊อ อา เล๊อบา ตาลว๊าซิลือ เจ๊อ เด๊อ แวเง เจ๊อ. ล๋อ ซี เด๊อะ เต๊เห่เนอ คูเอปาโฟรดิทัส พย๊าแฮ เป่ เฮ๊อ แว, เร๊อ กู๊แหน่เออ, ล๋อ แว โหล่เบ่ เต๊เห่เนอ อาโอ่ ลอปลี เฮ๊อ. เตเด๊อะ เออเต๊เห่เนอ, อา แซ่เน๊อ เตหลู่โนมื๊อ เด๊อ อู หลู่แถ่ เด๊อ จอแปแหร่ โอ่ เนอเฮ๊อ. เตหลู่ เด๊อ อาโต จอแปแหร่ อาซิปล่อ, เร๊อ อา เมโม ลู ซิปล่อ เนอเต๊เห่ เฮ๊อ.

ꤚꤥꤗꤢꤩ꤬ 1:21

เหย่ซี ซิเงเฮ๊อ จอแปแหร่ หม่าแน๊เรอ เหย่ซี แด่หยื่อแด่แหน่ เกอ ลู ฮู๊ จอแปแหร่ เตเพร โต่. อา เฮ๊บุ๊ยเฮ๊เตอเรอ เกอ ลู โต่โต่. ฮู๊เนอเรอ เหย่ซี อาเหล่เตเน เต๊เห่เนอ, อา ทวาแถ่ ลอ เตโอ่เล๊อโอ่กลอ. โท๊โต่ เหย่ซี อาเหล่เตเน โอ่เล๊อโอ่กลอ. เออเต๊เห่เนอ, เตคี๊เตลอ เมบี๊แก เฮ๊อ เหย่ซี เฮ๊อ.