ꤚꤥꤗꤢꤩ꤬ 8:6 - ลีเทส่อพ๊าอาเซ เร๊อ เห่ขุทวาลู๊

⁶ แกแย เด๊อ อา เตเน โชชื่อแพ๊ เหน่กล่อพ๊าหย่า อา เตซิหยื่อซิลอ มู๊แหม่ เต๊เห่เนอ, อา โอ่เซอเพร เต่อเกอ ปา เน๊อ จอแปแหร่ ตูจูเพร โต่ เฮ๊อ. หม่าแน๊เรอ แกแย เด๊อ แหย่โยบูโพ๊ แบ่เจ่ เป๊อหนิ ลู เหล่เตเน เต๊เห่เนอ, อา เก่ พย๊าหนิ เตโมเตเป เออตือทือ ปา. โท๊โต่ อา เก่ โอ่เต่อเกอ เร๊อ จอแปแหร่ ตูจูเพร ปา.

Eastern Kayah Shadaw Dialect

⁶ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤣꤧ꤬ꤔꤢꤩ꤬ ꤏꤥ꤭ꤏꤢꤦꤖꤢꤧ ꤔ꤫ꤢꤩ꤬ꤊꤜ꤫ꤢꤪ꤬ꤖꤢꤛꤢ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤒ꤫ꤣ꤬ꤔ꤫ꤤ꤬ꤊꤣꤧ꤭ ꤕꤢ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤥ꤬ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤕꤣꤚꤣꤧ ꤜꤢꤨ꤭ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤗꤥ꤬ꤒꤢꤩ꤬ꤊꤜꤢꤩ꤭ ꤣꤧ꤭ꤒꤣ꤬ꤓꤢꤦ꤭ ꤕꤢ꤭, ꤓꤥ꤭ꤒꤥ꤬ ꤢ꤬ ꤊ꤫ꤢꤦ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭꤯

ꤚꤥꤗꤢꤩ꤬ 8:6 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 6:8

เมเตเฮ๊เรอ แกแย เด๊อ อา โหล่ตา สุ่ยเทอพ๊าหย่า อา เตซิหยื่อซิลอ เต๊เห่เนอ, อา เก่ เก๊ กาคยา เบ่น๊อ เกอเร๊อ คยาแซ๊ดื่อ เตปย๊าเตหลู่ เนอเต๊เห่ ปา. หม่าแน๊เรอ แกแย เด๊อ อา โหล่ตา เตครวาเมเกอ ฮู๊ แหย่โยบูโพ๊ แบ่เจ่ อา เตยูแกล๊ยูโกล ลู เต๊เห่เนอ, อา เก่ เก๊เบ่น๊อ เร๊อคยาแซ๊ดื่อ ซิปล่อเซอเพร ตูจูเพร ปา.

ꤚꤥꤗꤢꤩ꤬ 8:7

เมเตเฮ๊เรอ, แกแย เด๊อ อา เตเน โชชื่อแพ๊ เหน่กล่อพ๊าหย่า อา เตซิหยื่อ มู๊แหม่รีแจ่ เต๊เห่เนอ, อา ทวาแถ่ เพร เด๊อ อา ซิเถ่ จอแปแหร่. เมเตเฮ๊เรอ อา จูเอ่ น๊อเกอ จอแปแหร่ อา เตซว๊าเตแส่ แตแค๋โต่. อา จู๋ หม่า อา จูเอ่ เบ๊เกอ แหน่ โต่โต่.

ꤚꤥꤗꤢꤩ꤬ 8:13

เมเตเฮ๊เนอ, เก่ ซี โอ่เซอเพร ฮู๊ ซี พ๊าหย่า อา เตซิหยื่อซิลอ มู๊แหม่ เฮ๊เนอ, ซี เก่ เซอแก ปา. หม่าแน๊เรอ เด๊อ จอแปแหร่ อา แหย่โยบูโพ๊ เมจว่า เฮ๊อ ซี เร๊อ ซี เก่ เมเซอแก เหน่กล่อพ๊าหย่า อา เตซิหยื่อซิลอ มู๊แหม่รีแจ่ เออเต๊เห่ เฮ๊เนอหม่า, ซี เก่ เซอเพร ปา.

ꤚꤥꤗꤢꤩ꤬ 13:14

ครวา แม๊บือเกอ เหย่ซู่ครี๊ อา เตโอ่เซอเพร เออเนอ นี๋. ฮู๊ ซี กือแซ๊แถ่ เห่อจา เนอ, กือแซ๊แถ่ เต๊เปล่ เกอลาติ เด๊อ แบ่เจ่ เหย่ซู่ครี๊ เร๊อ เตเน ปา แต่ แลแค เตลือ เมโม สุ่ยหย่าเทอ อา เตซิหยื่อซิลอ อาแกล๊อาโกล เต๊เห่ แต่เหม่ นี๋.

ꤚꤥꤗꤢꤩ꤬ 6:23

เมเตเฮ๊เรอ, เตซื๊อ อาคว๊าอาเก่ หม่า เตเซอ. หม่าแน๊เรอ เตบุ๊ยเตเตอเรอ อาเชหยู่ เด๊อ จอแปแหร่ เด๊อะตาครา เป เออเนอหมา หม่าเฮ๊อ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อากู เออเนอเฮ๊อ.

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

ꤛꤥ꤭ꤟꤢ꤬ 14:27

แว แด่แก เป่ ซี ซิปล่อ อา เตตู๊จุเตอเจ๊อ เฮ๊อ. เร๊อ แว เด๊อะ เป่ เฮ๊อ ซี แว เตตู๊จุเตอเจ๊อ เฮ๊อ. แว เด๊อะ ซี เออเนอหมา อาแซ่เน๊อ แกแย เด๊อ ซี เนอเต๊เห่ หม่าโต่. ซิปล่อกู่ ซิปล่อแก แต่ แลแค แต่เหม่. ซิอิเช แต่ แลแค แต่เหม่เหม่.

ꤚꤥꤗꤢꤩ꤬ 6:21

เบ๊อะเนอเค เน พย๊าหนิ เกออู เตตว่าเตแร๊ เตอเจ๋อ โต่. เด๊อ เน เม ฮู๊เนอ อาขว่าอาคยา, กู๊แหน่เรอ ซี เตเน ซิเตเร เกอ เร๊อ เฮ๊อ ซีเหน่ เฮ๊อ. เตเม ฮู๊เนอเต๊เห่ หม่า อา ซูจว๊า อู เด๊อ เตเซอ ตูจูเพร อาเหล่โอ่ แพ๊.

ꤚꤥꤗꤢꤩ꤬ 14:17

เมเตเฮ๊เรอ, จอแปแหร่ อาเทออาเก่กู เนอ, เหล่เอ่เหล่โอ หม่า เต เด๊อ อา โหล่ดุเล๊ออู หม่าโต่. เต เด๊อ อา โหล่ดุเล๊อ อู หม่า, เตจ๊อเตเต, เตโอ่โส่โอ่เคร, เร๊อ เตซิครือซิลอ เด๊อ แหย่โยบูโพ๊ แบ่เจ่ เด๊อะ เป เออเต๊เห่ เนอแพ๊.

ꤚꤥꤗꤢꤩ꤬ 7:5

เมเตเฮ๊เนอเรอ เป ย๋อ ซิเงแฮ เตซว๊าเตแส่ เฮ๊ เป อาขว่าอาคยา, เบ๊อะเป โอ่เซอเพร ฮู๊ แกแย อา สุ่ยเทอพ๊าหย่า อา เตซิหยื่อซิลอ เบ๊อะเนอ, เป เตซิหยื่อซิลอ มู๊แหม่รีแจ่ เต๊เห่ โอ่เอ๊แฮ เร๊อ โอ่เอ๊แฮ. เร๊อ เต เออเต๊เห่เนอ, อา ซูจว๊า เป เด๊อ ปอรากยากู ตูจูเพร แพ๊.

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

ꤚꤥꤗꤢꤩ꤬ 7:11

เมเตเฮ๊เรอ, เตซื๊อ แม๊เถอะหนิ อา เหล่โอ่แร๊ เด๊อ อา เก่ ตาเต แถ่หนิ โหง่เฮ๊แก เออ อาขว่าอาคยา, อา อี๊ลอแลโฮ แพ๊ แว. โทเรอ อา นอเอ่ โหง่เฮ๊แก เออ เร๊อ อา เมเซอแก แว แพ๊.

ꤚꤥꤗꤢꤩ꤬ 5:10

เด๊อ อาเหร่อเค เนอหม่า, เป ทวา แกแย เด๊อ อา ซิเถ่ จอแปแหร่ เต๊เห่. เด๊อ อาพู๊คู ข่าเซอ อาซิปล่อ เด๊อ เปเง อาขว่าอาคยา, อา เม โครเกล กาคยา คยาแซ๊ เฮ๊อ เป เฮ๊อ. กู๊แหน่เออ เป ทวาเฮ๊อ อาโค แบ๊ซว๊า เฮ๊อ. เป ซิเง ตาเต เจ๊อเฮ๊อ. เร๊อ เป เหล่แลเปล๊เบ๊ แพ๊ เร๊อ อาพู๊คู อา เตโอ่เซอเพร อาคยา แพ๊.

ꤚꤥꤗꤢꤩ꤬ 5:1

ฮู๊เนอเรอ จอแปแหร่ แด่จ๊อแด่เต เฮ๊อ เป เร๊อ เป เตหยื่อเตแหน่ อาคยา เฮ๊อ. เป โอ่โอ่เพรโอ่ดือ โอ่โครโอ่เกล เต่อ คยาแซ๊ เฮ๊อ เร๊อ จอแปแหร่ เฮ๊อ. เพร เม ทวาแถ่ เป่ เป ฮู๊เออเนอหม่า หม่าเฮ๊อ เป แบ่เจ่ เหย่ซู่ครี๊ เฮ๊อ.

ꤛꤥ꤭ꤟꤢ꤬ 17:5

เพ๋, ฮู๊ แว เตอเรอดุ เตอเรอทู โอ่เต่อเกอ เร๊อ เน เด๊อ เห่ขุ ทวาแถ่ แต่ล๋ายโต่ ปา เบ๊อะเนอ, เด๊อะคยามอ แว เตอเรอดุ เตอเรอทู เออเนอ เด๊อ เนเบ๊เส่เง กู๊แหน่เออ แต๋.”

ꤚꤥꤗꤢꤩ꤬ 8:27

โทเรอ จอแปแหร่ เด๊อ อา แม๊ปู ทื๊อเจแม๊ เป ซิปล่อ อา เหล่เตเน เออเตเพรเนอ, อา ซิเง ตาเต เต เด๊อ แหย่โยบูโพ๊ แบ่เจ่ ซิหยื่อ กุยเป่ เปเง เออเนอเต๊เห่, เมเตเฮ๊เรอ แหย่โยบูโพ๊ แบ่เจ่ กุยเป่ จอแปแหร่ อาแกแย บูโพ๊ เต๊เห่ อาเง ฮู๊ จอแปแหร่ อา เตซิหยื่อโอ่ เนอแพ๊.