ꤚꤥꤗꤢꤩ꤬ 8:5 - ลีเทส่อพ๊าอาเซ เร๊อ เห่ขุทวาลู๊

⁵ แกแย เด๊อ อา โอ่เซอเพร ฮู๊ เหน่กล่อพ๊าหย่า อา เตซิหยื่อ มู๊แหม่ เต๊เห่เนอ, อา เตเน โชชื่อ แพ๊ เตซิหยื่อซิลอ เด๊อ อา มู๊แหม่ เต๊เห่ แพ๊. หม่าแน๊เรอ แกแย เด๊อ อา โอ่เซอเพร ฮู๊ แหย่โยบูโพ๊ แบ่เจ่ ยูแกล๊ยูโกล ลู เต๊เห่เนอ, อา เตเน โชชื่อแพ๊ ฮู๊ แหย่โยบูโพ๊ แบ่เจ่ อา เตซิหยื่อ เนอเต๊เห่ แพ๊.

Eastern Kayah Shadaw Dialect

⁵ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤢꤨ ꤔ꤫ꤢꤩ꤬ꤊꤜ꤫ꤢꤪ꤬ꤖꤢꤛꤢ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤣꤧ꤬ꤔꤢꤩ꤬ ꤏꤥ꤭ꤏꤢꤦ ꤖꤢꤧ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤘꤣ ꤢ꤬ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤛꤢꤨ꤭ꤊꤜꤢꤧꤛꤢꤨ꤭ꤊꤜꤥ꤭ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤣꤧ꤬ꤔꤢꤩ꤬ ꤏꤥ꤭ꤏꤢꤦꤖꤢꤧ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

ꤚꤥꤗꤢꤩ꤬ 8:5 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 2:14

หม่าแน๊เรอ อูเปเป๋ เบ่เบ่, เด๊อ อา พย๊าหนิ เกออู แหย่โยบูโพ๊ แบ่เจ่ เด๊อ อา ซิปล่อกู โต่. เต๊เห่เนอ, อา พย๊าฉื่อ เกออู แหย่โยบูโพ๊ แบ่เจ่ อา เตอิซว๊าอี๊แส่ โต่. แกแย ฮู๊เนอ เต๊เห่เนอ, อา ซิเงโปลเบ๊ เกออู อาโหง่แลช๊า โต่, อา เตเน แลแค แพ๊ เน๊อ อา โอ่เล๊อโอ่กลอ แพ๊, เมเตเฮ๊เรอ, เพร เด๊อ อา เฮ๊โปลเบ๊ เป่ เหย่ซี เนอหม่า ตื๊อแพ๊ แหย่โยบูโพ๊ แบ่เจ่ เตเพร แพ๊.

ꤛꤥ꤭ꤟꤢ꤬ 3:6

แกแย เห่ขุพู๊ โอ่เป๊เจ่แล เกอเร๊อ คยาดื่อ แกแย เห่ขุพู๊ แพ๊. หม่าแน๊ เตโอ่ เป๊เจ่แล เร๊อ แหบ่โยบูโพ๊ แบ่เจ่เนอ, อา เด๊อะ โอ่ เซอเพร อู เด๊อ แหย่โย ตากยา.

ꤚꤥꤗꤢꤩ꤬ 8:9

หม่าแน๊เรอ, ซีเนอ, พ๊าหย่า อา เตซิหยื่อซิลอ มู๊แหม่ เป๊อหนิเกอ ซี โต่. จอแปแหร่ อา แหย่โยบูโพ๊ เก่ โอ่เซอเพร เด๊อ ซีเหน่ลู เฮ๊เรอ, อา แหย่โยบูโพ๊ แบ่เจ่ เออเนอ เก่ เป๊อหนิ ซี ปา. อูเปเป๋ เบ่เบ่, เด๊อ อา พย๊าหนิ เกออู ครี๊ อา แหย่โยบูโพ๊ โต่ เต๊เห่เนอ อา ทวา ครี๊ อาเต หม่าโต่.

ꤗꤢ꤬ꤊꤢꤨ 8:33

หม่าแน๊เรอ เหย่ซู่ ตีรี๊โทตีรี๊แล เร๊อ อา แม๊เร เร๊อ อา โคเจ่ เต๊เห่ เร๊อ อา ซิพรวา กาคยาฉื่อ คูเปโตร เน๊อ, “เก๋อ โลเน๊มู๊แหม่ กู่กล๊อ, เถ่จว๊า ตาพาแก เร๊อ แว, เมเตเฮ๊เรอ เน เหล่เตเน เต๊เห่เนอ อาแซ่เน๊อ แกแย อา เหล่เตเน เนอ แพ๊, อา แซ่เกอ เร๊อ จอแปแหร่ อา เหล่เตเน เต๊เห่เนอ หม่าโต่.”

โครินธ์ เนอบ่า ต๊าบ่า 10:3

เป หม่า แกแย เห่ขุพู๊ เต๊เห่ แพ๊ เนอหม่า หม่าแหน่ว๊า, หม่าแน๊เรอ เป ช๊าฉื่อ เต เออเนอ, เป ช๊า ฮู๊ แกแย เห่ขุพู๊ เต๊เห่ ช๊าเนอ หม่าโต่.

เปโตร เนอบ่า ต๊าบ่า 2:10

ล๋อ แกแย เด๊อ อา ครวาเมเกอ ฮู๊ เหย่ซี ซิปล่อ อา เตซิหยื่อ ปาต๊า มู๊แหม่ อาคยา เร๊อ อา เม จู๊แก่ฉื่อ จอแปแหร่ อา เตอเรอฉว่าชอ เต๊เห่เนอ, จอแปแหร่ เก่ เมจากาคยา จาเล๊อ เหย่ซี ปา. แกแย ฮู๊เนอเต๊เห่ หม่า แกแย ฮา, แกแย พย๊าแถ่ม๊อแถ่โผ่ อาเหน่ เต๊เห่. ม๊อขุพู๊ เด๊อ อู แด่ดุแด่ทู เกอเร๊อ เจ๊อ ลู เต๊เห่เจ๊อ เนอ, เหย่ซี เป๊อเจ่ออิแช๊ แลแค, อา ซิอิเช เกอ เจ๊ออู ตีกี๋ โต่.

เอเฟซัส 5:9

เมเตเฮ๊เรอ, เตลี อา เตเส่เตโพ เต๊เห่ เนอหม่า หม่าเฮ๊อ ล๋อ เตตว่าเตแร๊, อาจ๊ออาเต เร๊อ ซิปล่อ จ๊อจื้อ เออเต๊เห่ เนอเฮ๊อ.

โครินธ์ อาเหร่อเล๊อ ต๊าบ่า 15:48

แกแยเห่ขุพู๊ ล๋อ ปลี เนอ อา โอ่ เร๊อ อาเหน่กล่อ เด๊อ อาแซ่เน๊อ แกแยเห่ขุพู๊ อาเหร่อเล๊อ เด๊อ อู แบ๊ตา ลู เร๊อ เห่หมื่อ เนอ เตเพร เฮ๊อ. หม่าแน๊เรอ แกแย เด๊อ อา ครวา เหย่ซู่ครี๊ อาคยา เต๊เห่เนอ, ช๋า ม๊อขุ ปา, อาเหน่กล่อ เก่ แซ่เน๊อ แกแย โอ่ เด๊อ ม๊อขุ แฮแล เนอเตเพร ปา.

ꤊꤢ꤬ꤜꤢ꤬ꤒꤤ 5:17

เมเตเฮ๊เรอ สุ่ยเทอพ๊าหย่า อา เตซิหยื่อซิลอ เออเนอหมา, อา ลูจว๊า โค๊แก เร๊อ แหย่โยบูโพ๊ แบ่เจ่ อา เตซิหยื่อซิลอ. เร๊อ แหย่โยบูโพ๊ แบ่เจ่ อา เตซิหยื่อซิลอ เออเนอ อา ลูจว๊า โค๊แก คยาแซ๊ดื่อ เร๊อ เหน่กล่อพ๊าหย่า อา เตซิหยื่อซิลอ. เตเออ เนอเจ่อเนอ อา เร ลู โต่ อาขว่าอาคยา, ฮู๊ ซี ซิหยื่อ เม เนอ ซี เมแจ่ ปา โต่ เฮ๊อ.