ꤚꤥꤗꤢꤩ꤬ 8:38 - ลีเทส่อพ๊าอาเซ เร๊อ เห่ขุทวาลู๊

³⁸ เตเซอ เบ่เบ่, เตเซอเพร เบ่เบ่, ม๊อขุเตเน่วพู๊ เบ่เบ่, โลเน๊มู๊แหม่รีแจ่ เบ่เบ่, เตเมทวาแถ่ อาเหน่ กู๊แหน่เออ เต๊เห่ เบ่เบ่, ช๋า เนอปา เต๊เห่ เบ่เบ่, เตโพรเตเตอเรอ เต๊เห่ เบ่เบ่, แว หยื่อเอ่ ตาเต เร๊อ อา ท๊อเปแกแจ่ เป เร๊อ จอแปแหร่ อาเตโม โต่.

Eastern Kayah Shadaw Dialect

³⁸ ꤒꤢꤩ꤬ꤞꤣꤧ꤭ ꤙꤢꤩ꤬ꤙꤢꤩ꤬, ꤒꤢꤩ꤬ꤞꤣꤧ꤭ꤖꤚꤢꤩ꤬ ꤙꤢꤩ꤬ꤙꤢꤩ꤬, ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤙꤢꤩ꤬ꤙꤢꤩ꤬, ꤜꤥ꤭ꤔꤢꤩꤜꤥ꤭ꤔꤢ꤬ ꤙꤢꤩ꤬ꤙꤢꤩ꤬, ꤒꤢꤩ꤬ꤗꤢꤩ꤬ꤓꤝꤢ꤭ꤓꤢꤧ꤬ ꤢ꤬ꤔ꤫ꤢꤩ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤏꤢ꤮ ꤔꤥ꤬ꤕꤢ꤭ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤠꤢꤧ꤭ ꤛ꤫ꤢꤦ꤬ꤢꤩ꤬ ꤒꤢ꤭ꤒꤢꤩ꤬ ꤔꤢꤧ ꤢ꤬ ꤓꤢꤪꤕꤢꤩ꤭ꤊꤢꤧ꤭ꤡ꤫ꤢꤧ꤬ ꤕꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤥ꤬ ꤒꤥ꤬꤯

ꤚꤥꤗꤢꤩ꤬ 8:38 ပူးပေါင်းရင်းမြစ်များ

ꤛꤥ꤭ꤟꤢ꤬ 10:28

แว เด๊อะ เหย่ซี ซิปล่อเซอเพร ตูจูเพร. อา เก่ เซอ ปา โตโพ๋ โต่. อู แฮ จุ่ยเถ่ แจ่ ปา เหย่ซี เด๊อ แว กู๊ยากู เตเพร่ว โต่.

ꤚꤥꤗꤢꤩ꤬ 14:8

เป เก่ เซอเพร เฮ๊เรอ, เป โอ่เซอเพร เด๊อ แบ่เจ่ อาเง. เป เก่ เซอ เฮ๊เรอ เป เซอ เด๊อ แบ่เจ่ อาเง. ฮู๊เนอเรอ เป เซอเพร เบ่เบ่, เป เซอ เบ่เบ่, เป หม่า แบ่เจ่ อาเต เต๊เห่.

ทิโมธี เนอบ่า ต๊าบ่า 1:12

เมฮู๊เนอเรอ เด๊อ เตเออเต๊เห่ อาขว่าอาคยา, แว ข่าเบ่เฮ๊อ เตเออ เต๊เห่ เฮ๊อ. หม่าแน๊เรอ แว ซิเตเร โต่, เมเตเฮ๊เรอ, แว ซิเงเฮ๊อ เพร เด๊อ แว หยื่อเอ่ อา เออเตเพร เฮ๊อ. โทเรอ แว หยื่อเอ่เฮ๊อ เน๊อ เต เด๊อ อา เด๊อะแล เด๊อ แว กู๊ยากู เออเต๊เห่เนอ, อา เก่ โอ่ป่อหม่า หนิโต่เร๊อดื่อ เด๊อ ม๊อเนอ ตื๊อดื่อปา เนอเตอเนอ ปา.

เปโตร อาเหร่อเล๊อ ต๊าบ่า 3:22

เหย่ซู่ครี๊ กา กี๊แถ่เฮ๊อ เด๊อ ม๊อขุ เร๊อ อา กา โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา เฮ๊อ. เร๊อ อา เป๊อตี๊หรี่ ลอ เตเน่วพู๊ เต๊เห่ เร๊อ เตเตอเรอฉว่าชอ เต๊เห่, เร๊อ เตโพรเตเตอเรอ เต๊เห่ เฮ๊อ.

โคโลสี 1:16

เมเตเฮ๊เรอ, ล๋อ เตเด๊อ อา โอ่ เด๊อ ม๊อขุ เนอเต๊เห่ เบ่เบ่, เด๊อ เห่ขุ เต๊เห่ เบ่เบ่, เต เด๊อ เป แม๊เถอะแจ่ อา เต๊เห่ เร๊อ เป แม๊เถอะแจ่ อา โต่ เต๊เห่ เบ่เบ่, แกแย เด๊อ อา โอ่ เร๊อ อา เตโพรเตเตอเรออาฉว่าชอ เต๊เห่ เบ่เบ่, อา โอ่ เร๊อ อา เตฉว่าเตชอ เต๊เห่ เบ่เบ่, เพรเป๊อตี๊หรี่เต ล๋อ ปลี เนอเต๊เห่ เบ่เบ่, จอแปแหร่ นอแบ๊แล บ่อทือแฮเง เร๊อ ครี๊ แพ๊. โทเรอ ล๋อ เต เออเต๊เห่เนอ อา แบ๊ตา เร๊อ อาเหน่ เร๊อดื่อ เร๊อ อา แบ๊ตา เร๊อ อาเง แพ๊.

โคโลสี 2:15

เบ๊อะเหย่ซู่ อาเซอ เด๊อ อี๊ถื่อดีเต่ลู เบ๊อะเนอ, ล๋อ โลเน๊โลหน่า เด๊อ อา โอ่ เน๊อ อา เตอเรอฉว่าชอ เต๊เห่เนอ, จอแปแหร่ ปื่อเผ่แก ลอปลี เฮ๊อ เหย่ซี อาเตเตอเรอฉว่าชอ เนอเต๊เห่ เร๊อ อา เด๊อะโล โล๊ลี เป่ เฮ๊อ แกแย ปว๋า เตเพร เน๊อ อา เมเป่แก เฮ๊อ เหย่ซี เฮ๊อ.

เอเฟซัส 1:21

ล๋อ เพรเป๊อเต เด๊อ ม๊อขุ เต๊เห่, ล๋อ ม๊อขุ อา เตอเรอฉว่าชอ เต๊เห่, ล๋อ ม๊อขุ อา เตโพรเตอเรอ เต๊เห่ เร๊อ ม๊อเล อาแบ่เจ่ เออเต๊เห่ ล๋อ ปลี อาขุเนอ, ครี๊ ทวาดุเล๊อ ล๋อ ปลี เด๊อ เหย่ซีขุ เฮ๊อ. มีลาดุมีลาทู เออเนอ, มุย เด๊อ อู เก่ โป๊แถ่ อา เออตือทือ เนอเบ่เบ่, เด๊อคยาตือทือ ปา เนอเบ่เบ่, แถ่โล เล๊อ เจ๊อเฮ๊อ เร๊อ มุย เด๊อ อู เป๊อแถ่ อา เนอเต๊เห่ เจ๊อ เฮ๊อ.

โครินธ์ เนอบ่า ต๊าบ่า 4:13

ลีเทส่อพ๊ากู เฮ๊ เน๊อ, “แว หยื่อเอ่ จอแปแหร่, เร๊อ แว เก่ เฮ๊โฉ่โล เป่ อู ปา,” อา แซ่ฮู๊ เนอเฮ๊อ, เป หยื่อเอ่ จอแปแหร่ อาขว่าอาคยา, เป เก่ เฮ๊โฉ่โล เป่ เกออู เร๊อ ครี๊ อา เตซิครือมีลา อาหรี่อาแก ปา.

ꤚꤥꤗꤢꤩ꤬ 4:21

จอแปแหร่ เก่ เม ฮู๋ อา อ๊อแลเนอ ปาเนอ, อา หยื่อเอ่ลอ เจ๊อ ซิปล่อซีเมเจ๊อ.

โครินธ์ เนอบ่า ต๊าบ่า 11:14

เหย่ซี เมฮู๊เนอ เร๊อ แว คย๊ายื๊อ เน๊อ เตอเจ๋อ โต่ โลเน๊มู๊แหม่รีแจ่ กู่กล๊อ กลว่าแลโฮ เจ๊อ อาเหน่ ฮู๊ ม๊อขุเตเน่วพู๊ เด๊อ อา เตเค เต๊เห่เนอ หม๋า อา เมแจ่ แพ๊.

ꤟꤤꤙꤚꤢꤨ 11:13

ล๋อ แกแย เด๊อ จอแปแหร่ อ๊อแล เด๊อ อา เก่ เด๊อะ ลู เออเต๊เห่เนอ อา หยื่อเอ่ ตื๊อดื่อหนิ จอแปแหร่ โต่ เจ๊อ เบ๊อะอา เซอ แลแค เนอเตอเนอ เจ๊อ. เต เด๊อ จอแปแหร่ อ๊อแลแก ลู เด๊อ อา เก่ เด๊อะ เหย่ซี เออเต๊เห่เนอ, อา พย๊าหนิ ล๋ายโต่, หม่าแน๊เรอ เหย่ซี แม๊เถอะ หนื่ออื่อ เหร่อ งย๋า ลาเฮ๊อ เร๊อ อา ซิครือ พย๊าฉื่อ หนื่ออื่อ เหร่อเฮ๊อ เตอ๊อแล เออเต๊เห่ เฮ๊อ. เหย่ซี อ๊อแล แลแค เร๊อ เหย่ซี หม่า อา จว๊า ทวา ซิเผระ เด๊อ อูเทออูเก่ แพ๊, เร๊อ เหย่ซี แฮ โอ่โก๊ล๊าเกอ เบ๊อะเห่ขุเออ แตแปล๊เตอเปลอฮู๊ แพ๊, อา เฮ๊ แลแค ฮู๊เนอ.

ꤚꤥꤗꤢꤩ꤬ 6:23

เมเตเฮ๊เรอ, เตซื๊อ อาคว๊าอาเก่ หม่า เตเซอ. หม่าแน๊เรอ เตบุ๊ยเตเตอเรอ อาเชหยู่ เด๊อ จอแปแหร่ เด๊อะตาครา เป เออเนอหมา หม่าเฮ๊อ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อากู เออเนอเฮ๊อ.

ꤚꤥꤗꤢꤩ꤬ 14:7

เป โอ่เซอเพร ตื๊อดื่อ เปเง หม่าโต่. โทเรอ เป เซอตื๊อดื่อ เปเง หม่าโต่.

โครินธ์ อาเหร่อเล๊อ ต๊าบ่า 15:24

โทปาเรอ, เห่ขุ เก่ ตื๊อดื่อแก ปา. เบ๊อะเนอเค ปา, ครี๊ เก่ เมเป่แก ลอ ล๋อ เพรเป๊อเต เต๊เห่, เตโพร เต๊เห่ เร๊อ เตเตอเรอฉว่าชอ เนอเต๊เห่ ปา. เร๊อ อา เก่ เด๊อะตาแก เทอเก่เออ เด๊อ เพ จอแปแหร่ อา กู๊ยากู ปา.