ꤚꤥꤗꤢꤩ꤬ 8:37 - ลีเทส่อพ๊าอาเซ เร๊อ เห่ขุทวาลู๊37 ล๋อ เตเออเต๊เห่ ทวาแถ่ หม่าแน๊เรอ ครี๊ เด๊อ อา โมเร๊อ เป เออเตเพร อาขว่าอาคยา, เป เก่ เมเป่ ลอหล่าตี๊กลิ แก ลอเฮ๊อ เตเออเต๊เห่ ปา. အခန်းကိုကြည့်ပါ။Eastern Kayah Shadaw Dialect37 ꤜꤢꤪ꤭ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤓꤝꤢ꤭ꤓꤢꤧ꤬ ꤒꤣꤧ꤬ꤘꤢꤦꤚꤣꤧ꤬ ꤋꤚꤤ ꤘꤣ ꤢ꤬ ꤗꤥ꤬ꤚꤣꤧ ꤕꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ꤕ꤫ꤢꤩ꤬ ꤜꤢꤪ꤭ꤜ꤫ꤢ꤬ꤒꤣꤧ꤬ꤊꤜꤤ꤬ꤊꤢꤧ꤭ ꤜꤢꤪ꤭ꤟꤣꤧ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤕꤢ꤭꤯ အခန်းကိုကြည့်ပါ။ |
ꤚꤥꤗꤢꤩ꤬ 8:37
25 ပူးပေါင်းရင်းမြစ်များ
หม่าแน๊เรอ, แว เฮ๊บุ๊ยเฮ๊เตอเรอ ถู่เซ๊แถ่ เต เด๊อ จอแปแหร่ เม เป่ เฮ๊อ เป เออเต๊เห่, เมเตเฮ๊เรอ เด๊อ เป ย๋อ ทวาแถ่เฮ๊อ เตเต๊อเจ่อ แพ๊เน๊อ ครี๊ อาขว่าอาคยา, จอแปแหร่ จว๊า เหร่อ เด๊อ เปเป๊เส่เง เร๊อ เป ครวาจว๊าเกอ ลู เด๊อ คยา เด๊อ อาแซ่เน๊อ อู ด๊อตา ครี๊ อาแกแย เด๊อ ทอกู เนอเต๊เห่ เฮ๊อ. จอแปแหร่ เด๊อะโล เฮ๊อ เป เร๊อ อู ปว๋า เตเพร เฮ๊อ. จอแปแหร่ นอแฮเง เฮ๊อ เป เด๊อ เป เก่ เลเด๊อะซิเง เป่ อู เร๊อ ครี๊ อาหรี่อาแก เด๊อ อาแซ่เน๊อ เตโนมื๊อโนชือ เออเนอ ปว๋า โต๊โผ่ เฮ๊อ.
เออเนอหมา อา แซ่เฮ๊อ เน๊อ แว เซอ เต่อเกอ เร๊อ ครี๊ เด๊อ อี๊ถื่อดีเต่ อาลู เฮ๊อ. แว โอ่เซอเพร หม่าปาโต่ เฮ๊อ หม่าแน๊เรอ ครี๊ โอ่เซอเพร เฮ๊อ เด๊อ แวกู เฮ๊อ. เตโอ่เซอเพร เด๊อ แว โอ่เซอเพร กู๊แหน่ เออเนอหมา หม่าแพ๊ แว โอ่เซอเพร เด๊อ เตหยื่อเอ่ จอแปแหร่ อาพู๊คู เด๊อ อา โมเร๊อ แว เร๊อ อา เด๊อะแลแก อา ซิปล่อเซอเพร เด๊อ แวเง เออเนอ เตเพร อาคยา แพ๊.
หม่าแน๊เรอ อา เฮ๊ฉื่อ แว เน๊อ, “ล๋อ เน โหล่เบ่ เต เด๊อ แว โอ่ เต๊เห่ เร๊อ เน เตจาเตจือ เออเต๊เห่ อาเง เนอหม่า, ตื๊อแพ๊ แวบุ๊ยแวเตอเรอ เด๊อ อา เมจว่า เน เออเนอ แพ๊. เบ๊อะเน อ๊าเจ่เหร่เจ่ ฮู๊เนอ อาเค, แว เตโพร ฉว่าชอ เก่ โอ่โลแถ่ เด๊อ เนกู ปา.” ฮู๊เนอ อาขว่าอาคยา แซ่ฮู๊ อู เก่ แม๊เถอะ แฮเง ตื๊อดื่อ โป่ ครี๊ อา เตโพร ฉว่าชอ โอ่ เด๊อ แวกู เออเนอ, แว เก่ เฮ๊เบ่ ถู่เซ๊ เกอเร๊อ แว เตอ๊าเจ่เหร่เจ่ อาหรี่อาแก เออเต๊เห่ ปา. แว เก่ เฮ๊เบ่ ถู่เซ๊ เกอเร๊อ แวเหน่ ฮู๊เนอเรอ แว ซิครือซิลอ แพ๊.
เหย่ซี เก่ ช๊า ซิหมิพู๊ เนอโตโด ปา, หม่าแน๊เรอ ซิหมิพู๊ เออโตโด เก่ ช๊าเป่แก เหย่ซี ปา, เมเตเฮ๊เรอ ซิหมิพู๊ เออเนอหม่า หม่า แบ่เจ่ เต๊เห่ อา แบ่เจ่, จ๊อแผ่ เต๊เห่ อาจ๊อแผ่, เร๊อ แกแย เด๊อ อา โอ่เกอ เร๊อ อา เนอเต๊เห่ หม่า หม่าเฮ๊อ แกแย เด๊อ จอแปแหร่ เอ๊ แหน่ เหย่ซี, โท๊โต่ จอแปแหร่ นว๊าแถ่ แหน่ เหย่ซี, โทเรอ เหย่ซี หม่า แกแย เด๊อ อาจ๊อ เร๊อ อาโหง่ เต๊เห่.
“แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”
ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู.
เปเพ จอแปแหร่ อาบุ๊ยอาเตอเรอ ขว่าคยาเร๊อ, อา เด๊อะตา เฮ๊อ เป อา เตเด๊อะอ๊าเด๊อะเหร่ ตูจูเพร เร๊อ เตแม๊ชือ เด๊อ อาตาอาเต เออเต๊เห่เนอ เฮ๊อ. เป แบ่เจ่ เหย่ซู่ครี๊ เร๊อ เปเพ จอแปแหร่ เด๊อ อา โมหนิเร๊อ เป เออเตเพร เก่ เด๊อะอ๊าเด๊อะเหร่ ดื่อ ซี นี๋. โท๊โต่ แซ่ฮู๊ ล๋อ ซี เตเอ่เตแร เนอเต๊เห่ เร๊อ ล๋อ ซี เตเฮ๊เบ่เฮ๊โช เต๊เห่ เก่ แร๊ อาเงเนอ, อา เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.
หม่าอูเป เตเพร ท๊อเปแกแจ่ เหย่ซู่ครี๊ อาเตโม เป เออเนอ เป? เบ๊อะเป ข่าเบ่ เจ๊อ เตแป่เตเช เบ๊อะเนอ เบ่เบ่, เตจาเตจือ เบ๊อะเนอ เนอเบ่เบ่, อู เมจาเมจือ เป เบ๊อะเนอ เบ่เบ่, เตโอ่วีโอ่กอ เบ่เบ่, โอ่แหร่กือ โอ่แหร่แซ๊ เบ่เบ่, เตต๊อหร่อเซ๊ ซิอิเช เบ๊อะเนอ เบ่เบ่, อู เมเซอ เมเหม่ เจ๊อ เป เบ๊อะเนอ เนอเบ่เบ่, อู ท๊อเปแกแจ่ เป เร๊อ เหย่ซู่ครี๊ อาเตโม เป เออเนอ เตเพร่ว โต่.
ကြော်ငြာတွေ