ꤚꤥꤗꤢꤩ꤬ 8:29 - ลีเทส่อพ๊าอาเซ เร๊อ เห่ขุทวาลู๊

²⁹ เมเตเฮ๊เรอ, แกแย เด๊อ อา เตเร หยื่อเอ่ จอแปแหร่ เต๊เห่เนอ, อา ซิเง หนื่ออื่อ เร๊อดื่อเฮ๊อ. โท๊โต่ อา แด่แลหนื่ออื่อ โทดื่อเฮ๊อ อาซิปล่อ มู๋ หนู่เค เร๊อ อา เก่ นอทวาแถ่ แซ่เกอ เหย่ซี เร๊อ อาพู๊คู เออเนอ ปา. ฮู๊เนอเรอ อาพู๊คูเออ ทวาแถ่เฮ๊อ พู๊แหว่เพร่ว เตเพร เด๊อ อาโป่แหว่ โอ่โหร่โอ่เอ๊ เออเต๊เห่ อาเกล เฮ๊อ.

Eastern Kayah Shadaw Dialect

²⁹ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤞꤤꤑꤢꤩ꤭ ꤥ꤬ꤔꤢꤩ꤬ ꤚ꤫ꤣꤧ꤬ꤘꤢꤦ꤬ꤟꤣꤧ꤯ ꤓꤥ꤭ꤒꤥ꤬ ꤢ꤬ ꤘꤢꤧ꤬ꤜꤢꤧ꤬ꤥ꤬ꤔꤢꤩ꤬ ꤚꤣꤧꤓꤥ꤭ꤘꤢꤦ꤬ꤟꤣꤧ ꤢ꤬ꤞꤤꤕꤜꤢꤪ꤬ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ ꤔꤢꤧ ꤢ꤬ ꤊ꤫ꤢꤦ꤬ ꤔꤢꤪ꤭ꤓꤝꤢ꤭ꤓꤢꤧ꤬ ꤞꤢꤧꤊꤣꤧ꤭ ꤛꤢꤩ꤬ꤞꤤ꤭ ꤔꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤣꤧ꤭ꤔꤣꤧ꤬ ꤕꤢ꤭꤯ ꤟꤢꤨꤔꤣꤧ꤬ꤚꤣꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ꤣꤧ꤭ ꤓꤝꤢ꤭ꤓꤢꤧ꤬ꤟꤣꤧ ꤖꤢꤨꤠ꤫ꤢꤧ꤬ꤖꤚ꤫ꤢꤩ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ꤕ꤫ꤥ꤬ꤗ꤫ꤢꤧ꤬ ꤢꤩꤖꤚꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤟꤣꤧ꤯

ꤚꤥꤗꤢꤩ꤬ 8:29 ပူးပေါင်းရင်းမြစ်များ

เอเฟซัส 1:11

เด๊อ ครี๊ ขว่าคยาเนอ, จอแปแหร่ นว๊าแถ่เฮ๊อ เป เร๊อ เป เก่ ทวาแถ่ อาแกแย เฮ๊อ. อา แด่แล โทเฮ๊อ อาซิปล่อ อาขว่าอาคยา, อา เม เฮ๊อ ฮู๊เนอ เฮ๊อ. อา เมทวาแถ่ ลอเฮ๊อ เตปว๊า เต๊อเจ่อ ฮู๊ อา ซิหยื่อ เมเนอ เฮ๊อ.

ทิโมธี เนอบ่า ต๊าบ่า 1:9

แซ่ฮู๊ เป เก่ ทวาแถ่ จอแปแหร่ อา เพรบูโพ๊พู๊ เร๊อดื่อ เต๊เห่ อาเงเนอเรอ, อา เมแลเปล๊กา เฮ๊อ เป เฮ๊อ, เร๊อ อา เอ๊ เฮ๊อ เป เฮ๊อ, เด๊อ เป เมโทเฮ๊อ เตเอ่เตแร เนอเต๊เห่ อาขว่าอาคยาเร๊อ, อา เอ๊ เป เนอ หม่าโต่. เออ หม่า หม่าดื่อ อา เตเตเนหนื่ออื่อ เน๊อ อาบุ๊ยเตอเรอ เร๊อดื่อ แพ๊. เบ๊อะอา แบ๊แล แต่ล๋าย เห่ขุ โต่เนอ, อา เด๊อะแล เป เตบุ๊ยเตเตอเรอ เออเนอ เด๊อ เหย่ซู่ครี๊ อากู เออเนอเฮ๊อ.

เปโตร อาเหร่อเล๊อ ต๊าบ่า 1:20

เบ๊อะจอแปแหร่ แบ๊ทวาแล แต่ล๋าย เห่ขุ โต่ เบ๊อะเนอ, อา นว๊าแถ่ หนื่ออื่อโทเฮ๊อ ครี๊ เออเฮ๊อ. หม่าแน๊เรอ ม๊อเนอม๊อเซ เด๊อ คยา ตื๊อดื่อ อา หม่าเฮ๊อ กู๊แหน่เค เออเต๊เห่เนอ, จอแปแหร่ เด๊อะโล เป่เฮ๊อ ซี เร๊อ ครี๊ เฮ๊อ.

เตเด๊อะโลแถ่ 13:8

ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ.

ทิโมธี เนอบ่า ต๊าบ่า 2:19

หม่าแน๊เรอ อู เม โกโยแจ่ เน๊อ จอแปแหร่ อา เตแก่ช๊า อาหม่าอากลอ เออเนอ โต่. เด๊อ เตแก่ช๊า เออ อาโอ่เนอ อู ราโอ่ เน๊อ, “แบ่เจ่ ซิเง เกอเร๊อดื่อ อาแกแย” เร๊อ “แกแย ปว๋า เตเพร เด๊อ อา เฮ๊ เร๊อ แว หม่า แบ่เจ่ อาแกแย เต๊เห่เนอหม่า, อา โตเบ่ ตีรี๊ จว๊าโค๊แก อาเหน่ เร๊อ เตซื๊อ เออเนอ.”

โครินธ์ อาเหร่อเล๊อ ต๊าบ่า 2:7

แว แด๊โฉ่โด่แน เป่ อู เร๊อ จอแปแหร่ อา เตลีแมลีเพ๊ เด๊อ อาจ่ออาแย เต๊เห่. เด๊อหนู่เด๊อะส่า เคเนอ, จอแปแหร่ เด๊อะโล เป่ แต่ล๋าย อู เน๊อ เตลีแมลีเพ๊ เออเต๊เห่ ล๋ายโต่. เด๋อ จอแปแหร่ แบ๊แล แต่ล๋ายเห่ขุ โต่ อาเค ปาเนอ, อา เตเนหนื่ออื่อ เป่ โทเฮ๊อ เด๊อ อา เก่ เม เป่ เป เตอเรอดุเตอเรอทู เออเต๊เห่ เฮ๊อ.

เปโตร อาเหร่อเล๊อ ต๊าบ่า 1:2

เพ จอแปแหร่ นว๊าแถ่ หนิ ซี ฮู๊ อา เตเตเนหนื่ออื่อ เร๊อดื่อเนอ เร๊อ จอแปแหร่ อา แหย่โยบูโพ๊ เมบูโพ๊แถ่ ซี, แซ่ฮู๊ ซี เก่ หนิดา เหย่ซู่ครี๊ อาโหง่ เร๊อ เด๊อ อาสุ่ย อาขว่าอาคยา, อา เก่ เมโพ๊เมปลี เป่ ซี. เตบุ๊ยเตเตอเรอ เร๊อ เตเพรอาดือ เก่ โอ่เล๊อะโอ่บา ดื่อ เร๊อ ซี นี๋.

โครินธ์ อาเหร่อเล๊อ ต๊าบ่า 15:49

เป ปว๋า เตเพร เป โอ่ เร๊อ เปเหน่กล่อ เด๊อ อาแซ่เน๊อ เพอาดัม อาเหน่กล่อ เนอ. หม่าแน๊เรอ เด๊อ คยา ปา เปเหน่กล่อ เออเนอ อา เก่ แซ่เร๊อ ครี๊ เด๊อ อา แฮแล เด๊อ ม๊อขุ เออเนอ เตเพร อาเหน่กล่อ ปา.

ꤚꤥꤗꤢꤩ꤬ 9:23

แซ่ฮู๊ จอแปแหร่ เก่ เด๊อะโลเร๊อ เป่ แกแย เด๊อ อา ซิยอ เกอเร๊อ ลู เนอเต๊เห่ เร๊อ อา เม โค๊ตีกลี๊ เป่ แหน่เจ๊อ เหย่ซี, เร๊อ อา แด่ทูซิปล่อ เป่ แหน่เจ๊อ เหย่ซี เจ๊อ. อา นว๊าแถ่ หนื่ออื่อ เหร่อ เฮ๊อ เหย่ซี เฮ๊อ เร๊อ อา เก่ เด๊อะ เป่ เหย่ซี เร๊อ อา เตอเรอดุทู เออเนอ ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:2

แว โคแบ๊ซว๊าโม ซี๋, กู๊แหน่เออ เป ทวา เฮ๊อ จอแปแหร่ อาพู๊ เต๊เห่ เฮ๊อ หม่าแน๊เรอ เป เก่ ทวาแถ่ แกแย ฮู๊เต ปา เต๊อเจ่อเต เนอ, อู เด๊อซิเง โอ่หนื่ออื่อแต่ล๋ายเป เตอเจ๋อ โต่. หม่าแน๊เรอ, เตเออเนอ เป ซิเง โทเฮ๊อ เนอ, ช๋า แบ่เจ่ เหย่ซู่ครี๊ แฮเด๊อะโอ่โลแถ่ เบ๊อะเนอ ปาเนอ, เป เก่ แซ่เน๊อ อา ปา, เมเตเฮ๊เรอ เป เก่ แม๊เถอะ หม่า เจ๊อ อา ฮู๊ อา หม่าแหน่ เนอ ปา.

โครินธ์ เนอบ่า ต๊าบ่า 3:18

กู๊แหน่เออ เต เด๊อ อา โฮ๊ ตาตือ บี๊ ล๋อ เป เด๊อ อา หยื่อเอ่ เหย่ซู่ เออเต๊เห่ อาเป๊เส่ เนอ อา โอ่ ปา เตอเจ๋อ โต่. ฮู๊เนอเรอ, กู๊แหน่เออ เป แม๊เถอะ แฮเง ลา เฮ๊อ แบ่เจ่ อา เตลีเตตาเค เร๊อ เป ทวาแถ่ แซ่เฮ๊อเร๊อ หม่าโด่ เด๊อ อา ลีช๊าเตเค กาคยา แบ่เจ่ อา เตลีเตเค เต๊เห่เนอ เฮ๊อ. เป แม๊เถอะ แฮเง ลา เฮ๊อ แบ่เจ่ อาลีเตเค, เร๊อ แหย่โยบูโพ๊ แบ่เจ่ เม เป่ เฮ๊อ เป เด๊อ เป เก่ แซ่แฮ เร๊อ แซ่แฮ, แซ่เฮ๊อ เร๊อ เป แบ่เจ่ เด๊อ อา เตอเรอดุทู เออเตเพรเนอ เฮ๊อ.

ꤚꤥꤗꤢꤩ꤬ 11:2

จอแปแหร่ วีแก เร๊อ อาแกแย เด๊อ อา นว๊าแถ่ โทเฮ๊อ เหย่ซี เด๊อ กูลู่เค เนอเต๊เห่ โต่. ลีเทส่อพ๊า เฮ๊ เพรโพร เอลียาห์ อาหรี่อาแก เนอหม่า ซี ซิเง แหน่ โต่ แอ? อา โปโอเปเชแถ่ จอแปแหร่ เร๊อ อาเมวเจอะ อิสราเอลพู๊ เต๊เห่ อาหรี่อาแก เร๊อ อา เฮ๊ เน๊อ,

ꤛꤥ꤭ꤟꤢ꤬ 17:16

ฮู๊ แว โอ่จิจือเต่อ เร๊อ เห่ขุ โต่ เนอ, เหย่ซี แซ่เกอดื่อ เร๊อ แว เฮ๊อ.

ฟีลิปปี 3:21

เหย่ซู่ครี๊ เก่ ถู่แหล่แก เปเหน่กล่อ เด๊อ อา อ๊าเจ่เหร่เจ่. เร๊อ อา เซอแจ่ เออเนอ เร๊อ เตโพรเตเตอเรอ ปา, เร๊อ อา เก่ เมทวาแถ่คยา เปเหน่กล่อ เออเนอ ฮู๊ อาเหน่กล่อ เร๊อดื่อ เด๊อ อา โอ่ เร๊อ อา เตอเรอดุทู เออเนอ ปา. อา เพรโพรฉว่าชอ เด๊อ อา เมจว่า ลู เด๊อ อา เก่ เป๊อะเบ่ ลอ เตล๋อ ปลี เออเนอ, อา เก่ ถู่แหล่ เต๊เปล่แก ลอ เปเหน่กล่อ เออเต๊เห่ ปา.

เอเฟซัส 4:24

เร๊อ อากืออาแซ๊ แลแค เตโอ่เซอเพร อาเซ ฮู๊ จอแปแหร่ แบ๊ตา แซ่เกอโทเฮ๊อ ซี เร๊อ อาเหน่กล่อ. เด๊อ อาจ๊ออาเต หม่าแหน่ เร๊อ เต บูโพ๊ หม่าแหน่ อากู เนอเต๊เห่ นี๋.

มัทธิว 12:50

เมเตเฮ๊เรอ แกแย เด๊อ อา เมโต ฮู๊ แวเพ เด๊อ ม๊อขุ เตเพร อา เตซิหยื่อ เนอเต๊เห่ หม่า, หม่าเฮ๊อ แวโป่แวแหม่ เต๊เห่ เร๊อ แวโหมะเฮ๊อ.”

ꤛꤥ꤭ꤟꤢ꤬ 17:26

แซ่ฮู๊ เน เตโม แวเออ เก่ โอ่ เด๊อ เหย่ซี อากู, โท๊โต่ แซ่ฮู๊ แว เก่ โอ่เกอ เด๊อ เหย่ซี อากู อาเงเนอ, แว เด๊อะซิเง เป่เฮ๊อ เหย่ซี เร๊อ เน, เร๊อ แว เก่ เด๊อซิเง เป่แฮ เป่ โป่ เหย่ซี เร๊อ เน ปา,” แบ่เจ่ เหย่ซู่ กุยจ๊อเบ เร๊อ อา เฮ๊ ฮู๊เนอ.

ꤚꤥꤗꤢꤩ꤬ 13:14

ครวา แม๊บือเกอ เหย่ซู่ครี๊ อา เตโอ่เซอเพร เออเนอ นี๋. ฮู๊ ซี กือแซ๊แถ่ เห่อจา เนอ, กือแซ๊แถ่ เต๊เปล่ เกอลาติ เด๊อ แบ่เจ่ เหย่ซู่ครี๊ เร๊อ เตเน ปา แต่ แลแค เตลือ เมโม สุ่ยหย่าเทอ อา เตซิหยื่อซิลอ อาแกล๊อาโกล เต๊เห่ แต่เหม่ นี๋.

มัทธิว 7:23

เบ๊อะเนอเคปา แว เก่แด๊โฉ่ฉื่อ เหย่ซี เน๊อ, ‘แว ซิเงน๊อ ซี แตแค๋ โต่. แกแย เด๊อ อา เม เตมู๊แหม่รีแจ่ ซี๋ เถ่จว๊า ตาพาแก ยา เร๊อ แว.’”

ꤛꤥ꤭ꤟꤢ꤬ 20:17

เร๊อ แบ่เจ่ เหย่ซู่ เฮ๊ ลู เน๊อ, “ปื่อ แต่ แว เหม่, เมเตเฮ๊เรอ แว กา เด๊อ แวเพ โอ่ ล๋ายโต่. จว๊า เด๊อ แว โป่แหว่ เนอเต๊เห่ อา โอ่ เร๊อ จว๊าเฮ๊ เป่ เหย่ซี เน๊อ, ‘แว เก่ กากี๊แถ่ เด๊อ แวเพ หม่า อาหม่าหม่า, เหย่ซี อาเพ หม่า อาหม่าหม่า, แว จอแปแหร่ หม่า อาหม่าหม่า, เหย่ซี จอแปแหร่ หม่า อาหม่าหม่า เออเตเพร อา โอ่ปา,’” อา เฮ๊ ลู ฮู๊เนอ.

ꤛꤥ꤭ꤟꤢ꤬ 17:19

แซ่ฮู๊ เหย่ซี เก่ ซู๊ปลีบูโพ๊ เกอ แลแค ซิปล่อ เร๊อ เนลาเนโหง่ อาเตหมะเตจ๊อ เออเนอ เนอ, แว เด๊อะแล ลอหล่าตี๊กลิ โทเฮ๊อ แว ซิปล่อเซอเพร เด๊อ เหย่ซี อาเหล่โอ่ เฮ๊อ.”

มัทธิว 25:40

“คุ๊ย เออเตเพร เก่ เฮ๊ฉื่อ เหย่ซี เน๊อ, ‘แว เฮ๊แหน่ เจ๊อ ซี, เด๊อ แว โป่แหว่ เต๊เห่ อาเกล, ซี เมจว่าน๊อ แกแย เด๊อ อู เตเน ปีติ้วเล๊อ ลู เตเพร เนอหม่า หม่าเฮ๊อ ซี เมจว่า แว เฮ๊อ.’

มัทธิว 28:10

โทเรอ แบ่เจ่ เฮ๊ เหย่ซี เน๊อ, “ซิอิเช แต่ แลแค แต่เหม่. กาแด๊โฉ่ เป่ แลแค เปโป่ เปแหว่ เด๊อ อาหยื่อเอ่ เนอ, จว๊า แลแค เด๊อ กาลิลีเก่ เนอ, ซี เก่ จว๊าแม๊เถอะ แว เบ๊อะเนอ ปา, เฮ๊โฉ่ เป เหย่ซี ฮู๊เนอ นี๋”

โครินธ์ อาเหร่อเล๊อ ต๊าบ่า 8:3

หม่าแน๊เรอ แกแย เตเพรเพร เด๊อ อา โม จอแปแหร่ เนอ, จอแปแหร่ ซิเง ลู เน๊อ อา หม่า อาแกแย เฮ๊อ.

โคโลสี 3:10

เร๊อ ซี กือแซ๊แถ่เฮ๊อ เตโอ่เซอเพร อาเซ เด๊อ จอแปแหร่ แบ๊เต๊เปล่เซ เออเนอ เฮ๊อ. แซ่ฮู๊ ซี เก่ ซิเง ตาเตแร๊ อาเงเนอ, จอแปแหร่ เมทวาแถ่ แซ่แฮ เฮ๊อ ซี เน๊อ อาเหน่ เฮ๊อ.