ꤚꤥꤗꤢꤩ꤬ 8:28 - ลีเทส่อพ๊าอาเซ เร๊อ เห่ขุทวาลู๊

²⁸ แกแย เด๊อ อา โม จอแปแหร่, เร๊อ จอแปแหร่ เอ๊ ลู เน๊อ อา เหล่เตเน แม๊ชือ หนื่ออื่อ อาเง เต๊เห่เนอ, เตเมทวาแถ่ อาเหน่ เน๊อ เหย่ซี ฮู๊เตเต๋ เบ่เบ่เนอ, จอแปแหร่ เม เป่ เตแร๊ เด๊อ เหย่ซี เง เนอหม่า, เป ซิเง แพ๊.

Eastern Kayah Shadaw Dialect

²⁸ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤥ꤬ ꤡꤢꤪꤗꤣꤧ꤬ꤚꤢꤧ꤬, ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢꤩ ꤜꤢꤨ꤭ ꤔꤢꤧ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤗꤢꤧꤏꤢꤦ꤭ ꤥ꤬ꤔꤢꤩ꤬ ꤢ꤬ꤑꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤒꤢꤩ꤬ꤗꤢꤩ꤬ꤓꤝꤢ꤭ꤓꤢꤧ꤬ ꤢ꤬ꤔ꤫ꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤟꤢꤨꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤕ꤫ꤢꤩ꤬ ꤒꤢꤩ꤬ꤚꤢꤧ ꤘꤣ ꤛꤢꤩ꤬ꤞꤤ꤭ ꤢ꤬ꤑꤢꤩ꤭ꤖꤢꤧ ꤔꤣꤧ꤬ꤗꤢ꤬, ꤕꤢꤩ꤬ ꤞꤤꤑꤢꤩ꤭ ꤖꤢꤧ꤯

ꤚꤥꤗꤢꤩ꤬ 8:28 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 5:10

จอแปแหร่ หม่า เตบุ๊ยเตเตอเรอ ล๋อ ปลี อา แบ่เจ่ เร๊อ อา เอ๊ ซี เด๊อ อา เก่ เด๊อะเกอ ซี อาเตเตอเรอดุ เตอเรอทู ตูจูเพร เด๊อ เหย่ซู่ครี๊ อากู เออเนอ ปา. เบ๊อะซี ข่าเบ่ เตจาเตจือ แตแปล๊เตอเปลอฮู๊ เออ เก่ ตาลว๊า โทเฮ๊อ ปาเนอ, จอแปแหร่ อาเหน่แบ่เจ่ เร๊อดื่อ อา เก่ เมหม่าเมกลอ แตแน แร๊คยา ซี ปา, โทเรอ อา เก่ เด๊อะฉว่าเด๊อะชอแถ่ ซีอ๊าซีเหร่ ปา.

ꤡꤛꤢꤩ꤭ꤗꤢ꤬ꤎꤣ꤬ 1:12

แกแย เด๊อ อา แด่ทูซิปล่อ เต๊เห่เนอ, ช๋า อา แม๊เถอะ ป่อชิเต่อเบ่ เน๊อ เตแป่เตเช เตอิลออี๊โหล่ เบ๊อะเนอปาเนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา, เมเตเฮ๊เรอ เบ๊อะเหย่ซี เมเป่แก โทเฮ๊อ เตแป่เตเช เตอิลออี๊โหล่ ฮู๊เออ เบ๊อะเนอ, จอแปแหร่ เก่ เด๊อ เหย่ซี เตเซอเพร ตูจูเพร. อาเชหยู่ เด๊อ อา อ๊อแล เน๊อ อา เก่ เด๊อ แกแย เด๊อ อา โมเร๊อ ลู เนอเต๊เห่ ปา.

เห่ขุทวาลู่ 50:20

ซี เตเน เน๊อ ซี เมหน่าเมจา แว ตื๊อดื่อเร๊อ ฮู๊ซี แม๊เถอะดื่อ กู๊แหน่เออ เนอเฮ๊อ, แซ่ฮู๊ แกแย อาซิปล่อเซอเพร เก่ แลเปล๊ โอ่โหร่ โอ่เอ๊ อาเงเนอเร๊อ, จอแปแหร่ดุ เมเต๊เปล่แก เด๊อ เตแร๊ ตากยา เฮ๊อ.

โครินธ์ อาเหร่อเล๊อ ต๊าบ่า 2:9

ฮู๊ ลีเทส่อพ๊า เฮ๊แก เด๊อ เนอเค เน๊อ, “เต เด๊อ จอแปแหร่ ตี๊หรี่แตแร หนื่ออื่อ เด๊อ อา เก่ เม เป่ แกแย เด๊อ อา โมเร๊อ ลู เต๊เห่ อาเงเนอ, อู แม๊เถอะน๊อ เตเพร๋ ล๋าย โต่, อู หนิโฮน๊อ เตเพร๋ ล๋าย โต่, อู เตเนเต่อน๊อ อา เตเพร๋ ล๋าย โต่.”

ꤚꤥꤗꤢꤩ꤬ 8:30

โท๊โต่, แกแย เด๊อ จอแปแหร่ แด่แล หนื่ออื่อ โทเฮ๊อ อาซิปล่อ เร๊อ เหย่ซี มู๋ หนู่เค เออเต๊เห่เนอ, อา เอ๊เฮ๊อ เหย่ซี เด๊อ อา เก่ ทวาแถ่เฮ๊อ อาแกแย เฮ๊อ. โทเรอ แกแย เด๊อ อา เอ๊ เกอเร๊อ เออเต๊เห่เนอ, อา แด่จ๊อแด่เต โทเฮ๊อ เหย่ซี เฮ๊อ. โท๊โต่ แกแย เด๊อ อา แด่จ๊อแด่เต โทเฮ๊อ เออเต๊เห่เนอ, อา เด๊อะเฮ๊อ เหย่ซี เร๊อ อา เตอเรอดุเตอเรอทู เต๊เห่ เฮ๊อ.

ทิโมธี เนอบ่า ต๊าบ่า 1:9

แซ่ฮู๊ เป เก่ ทวาแถ่ จอแปแหร่ อา เพรบูโพ๊พู๊ เร๊อดื่อ เต๊เห่ อาเงเนอเรอ, อา เมแลเปล๊กา เฮ๊อ เป เฮ๊อ, เร๊อ อา เอ๊ เฮ๊อ เป เฮ๊อ, เด๊อ เป เมโทเฮ๊อ เตเอ่เตแร เนอเต๊เห่ อาขว่าอาคยาเร๊อ, อา เอ๊ เป เนอ หม่าโต่. เออ หม่า หม่าดื่อ อา เตเตเนหนื่ออื่อ เน๊อ อาบุ๊ยเตอเรอ เร๊อดื่อ แพ๊. เบ๊อะอา แบ๊แล แต่ล๋าย เห่ขุ โต่เนอ, อา เด๊อะแล เป เตบุ๊ยเตเตอเรอ เออเนอ เด๊อ เหย่ซู่ครี๊ อากู เออเนอเฮ๊อ.

โครินธ์ อาเหร่อเล๊อ ต๊าบ่า 1:9

จอแปแหร่ เออเตเพร หม่า เหล่หยื่อเอ่หนิ แหน่เจ๊อ. อา หม่า เพร เด๊อ อา เอ๊ ซี เร๊อ อา ซิหยื่อ นอ แบ๊ซว๊าแบ๊โค ซี เน๊อ อาพู๊คู หม่าดื่อเฮ๊อ เป แบ่เจ่ เหย่ซู่ครี๊ เออเตเพรเนอ เฮ๊อ.

เตเด๊อะโลแถ่ 3:19

“ล๋อ แกแย เด๊อ แว โมเร๊อ อา เต๊เห่เนอ, แว อิซว๊า ซิพรวา ซิลี เร๊อ แว ปลี๊ เกอเร๊อ ลู. ฮู๊เนอ อาขว่าอาคยา แด่ชอ เน ซิปล่อ เร๊อ ถู่แหล่แต๊แกละกา เน อาซิปล่อ เนอ.

ꤊꤢ꤬ꤜꤢ꤬ꤒꤤ 1:15

หม่าแน๊เรอ, เบ๊อะแว โอ่เป๊เจ่แล แต่ล๋ายโต่ เบ๊อะเนออาเค, จอแปแหร่ นว๊าแถ่ โทเฮ๊อ แว เนอ อาบุ๊ยดุอาเตอเรอทู เฮ๊อ, เร๊อ อา เอ๊ เฮ๊อ แว เด๊อ แว เก่ แร เป่ ลู เตแร เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:9

จอแปแหร่ นว๊าแถ่ เป เร๊อ เป เก่ ข่าเบ่ อา เตซิปล่อดุ อาเตเมจากาคยา เออเนอ หม่าโต่. เด๊อ เป แบ่เจ่ เหย่ซู่ครี๊ ขว่าคยาเรอ, อา นว๊าแถ่ เป เร๊อ เป เก่ พย๊าหนิ ลาเฮ๊อ เตเมแลเปล๊กา เออเนอแพ๊.

ꤗꤢ꤬ꤊꤢꤨ 12:30

เร๊อ ซี เบ่ โม ลอซิปล่อสู่เทอ ซี จอแปแหร่ เร๊อ ซี ซิปล่อ เตเมลอ, โม ลอซิปล่อสู่เทอ อา เร๊อ ซี เตโอ่เซอเพร ล๋อ ปลี, โม ลอซิปล่อสู่เทอ อา เร๊อ ซี เหล่เตเน ล๋อ ปลี,’ เออเนอหมา โหง่เฮ๊แก อาเหร่อเล๊อ ตือมือ เด๊อ อา โหล่ดุเล๊อ อู เฮ๊อ.

เอเฟซัส 3:11

จอแปแหร่ แด่แล โทเฮ๊อ อาซิปล่อ เด๊อ อา เก่ เม ฮู๊เออ เนอหม่า เด๊อ อา แบ๊แล แต่ล๋าย เห่ขุโต่ เนอ ปา เจ๊อ. กู๊แหน่เออ เด๊อ เป แบ่เจ่ เหย่ซู่ครี๊ เมปลื๊อเมโทแก เป่ ลอเฮ๊อ เป อาขว่าอาคยา, จอแปแหร่ เมเล๊อเมบา เป่เฮ๊อ อา เตตี๊หรี่ หนื่ออื่อ เออเนอเฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 2:5

โป่แหว่โม ซี๋, หนิดา แลแค. แกแย เด๊อ อา โซพ๊าโซแร เด๊อ เห่ขุ เออเต๊เห่ เนอหม่า, แซ่ฮู๊ เหย่ซี เตหยื่อเตแหน่ เก่ฉว่าเก่ชอแถ่ เร๊อ เหย่ซี เก่ เมหนิ เทอเก่ เด๊อ จอแปแหร่ อ๊อแล หนื่ออื่อ เป่ แกแย เด๊อ อา โมเร๊อ ลู เนอเต๊เห่ อาเงเนอเรอ, จอแปแหร่ นว๊าแถ่ เหย่ซี เฮ๊อ เนอหม่า ซี ซิเง ตาเต ดื่อ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:19

จอแปแหร่ ย๋อ โมเร๊อ เป อาขว่าอาคยา, เป โม เกอเร๊อ ลู เตเพร เร๊อ เตเพร เฮ๊อ.

ทิโมธี เนอบ่า ต๊าบ่า 2:19

หม่าแน๊เรอ อู เม โกโยแจ่ เน๊อ จอแปแหร่ อา เตแก่ช๊า อาหม่าอากลอ เออเนอ โต่. เด๊อ เตแก่ช๊า เออ อาโอ่เนอ อู ราโอ่ เน๊อ, “แบ่เจ่ ซิเง เกอเร๊อดื่อ อาแกแย” เร๊อ “แกแย ปว๋า เตเพร เด๊อ อา เฮ๊ เร๊อ แว หม่า แบ่เจ่ อาแกแย เต๊เห่เนอหม่า, อา โตเบ่ ตีรี๊ จว๊าโค๊แก อาเหน่ เร๊อ เตซื๊อ เออเนอ.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:10

เตโม อาโหง่แลช๊า หม่าแหน่ หม่า จอแปแหร่ โม เป เร๊อ แซ่ฮู๊ เป เตซื๊อเตปล๊า ล๋อ ปลี เก่ ปลวาแก อาเงเนอ, อา นอแฮแล ข่าเซอ อาพู๊คู เด๊อเป เง. หม่าแน๊เรอ เป เตโม จอแปแหร่ เนอ อาดุ แซ่เน๊อ อาเตโม เป เออเนอ โต่.

ꤚꤥꤗꤢꤩ꤬ 9:11

เบ๊อะอาพู๊ ดีคยา เออซิเนอ โอ่เป๊เจ่แล แต่ล๋ายโต่ เบ๊อะเนอ, โทเรอ เบ๊อะอาพู๊ เออซิเนอ เม แต่ลา เตซื๊อ เร๊อ เตแร๊ ล๋ายโต่ เบ๊อะเนอ, จอแปแหร่ เฮ๊หนื่ออื่อ เหร่อ อาโหมะ เน๊อ, “อาแหว่เพร่ว เตเพร เบ่แร เป่ อาโป่ เนอเตเพร อาเตเม ปา.” แซ่ฮู๊ อู เก่ ซิเง เร๊อ จอแปแหร่ นว๊าแถ่ จู๋ ดื่อ อาซิปล่อ ฮู๊ อา เต เตเนหนื่ออื่อ โทเฮ๊อ เนอเรอ, อา เมเฮ๊อ ฮู๊ อา เต เตเนหนื่ออื่อ เออเนอ เฮ๊อ. เด๊อ แกแย เตเพรเพร เมโทเฮ๊อ เตเต๊อเจ่อเจ่อ อาขว่าอาคยาเร๊อ, อา นว๊าแถ่ ลู หม่าโต่. โท๊โต่, อา โอ่ เด๊อ จอแปแหร่ อา กู่ยากู เร๊อ อา นว๊าแถ่ เกอเร๊อ ลู แพ๊.

โครินธ์ เนอบ่า ต๊าบ่า 5:1

เปเหน่กล่อ เด๊อ อาแซ่เน๊อ หี่ เด๊อ เป โอ่ เกอเร๊อ อา เด๊อ เห่ขุ เออเตเม เนอ, ช๋า อู เมโพร๊แก เฮ๊อ อา ปา, อา ซิ เฮ๊ เฮ๊อ ช๋า เป เซอ ปาหม่า, เป ซิเง เร๊อ จอแปแหร่ เก่ เมโอ่เป่ เฮ๊อ เปหี่เซ หม่าเฮ๊อ เปเหน่กล่อ อาเซ เออเนอ เด๊อ ม๊อขุ เนอ เฮ๊อ. อา เก่ เม เร๊อ อาเหน่ เร๊อ หี่เซ หม่าเฮ๊อ เปเหน่กล่อ อาเซ เออเนอ, อา เซอแจ่ ปา โต่, อา เก่ โอ่หม่าโอ่กลอ ตูจูเพร ปา.

ꤊꤢ꤬ꤜꤢ꤬ꤒꤤ 5:8

จอแปแหร่ เด๊อ อา เอ๊ ซี เออเตเพร เนอหม่า, อา นอโอ่โก๊ เร๊อ ซี โต่.

เพรโด่แนพู๊ เต๊เห่ 13:48

เบ๊อะแกแยยิวพู๊ หม่าโต่ เออเต๊เห่ หนิโฮน๊อ เกอ เฮ๊อ เตเออ เบ๊อะเนอ, เหย่ซี ซิครือ เร๊อ ถู่เซ๊แถ่ แบ่เจ่ อาลาอาโหง่ เออเต๊เห่ เฮ๊อ. เร๊อ แกแย เด๊อ จอแปแหร่ นว๊าแถ่เฮ๊อ เหย่ซี เด๊อ อา เก่ พย๊าหนิเกอ แหย่โยบูโพ๊เซอเพร ตูจูเพร เต๊เห่เนอ, อา ทวา กา แลแค เพรหยื่อเอ่ เต๊เห่ เฮ๊อ.

ꤚꤥꤗꤢꤩ꤬ 11:29

เมเตเฮ๊เรอ จอแปแหร่ เด๊อะตาครา โทเฮ๊อ เชหยู่ เออเนอ เร๊อ แกแย เด๊อ อา นว๊าแถ่ เฮ๊อ ลู เออเต๊เห่เนอ, อา เฮ๊เบ่ ฉิกย๊า กาคยา ปา อาโหง่ ตีกี๋โต่ เฮ๊อ.

โครินธ์ อาเหร่อเล๊อ ต๊าบ่า 1:2

เป ราจว๊า เป่ ลีเออ เด๊อ จอแปแหร่ เพรหยื่อเอ่เต ตู๊หมู่ตอกล๊อ โอ่ เด๊อ วีโครินธ์ อากู เต๊เห่ อา โอ่, เน๊อ ล๋อ แกแย เด๊อ อา จ๊อเบแถ่ แบ่เจ่ เหย่ซู่ครี๊ เร๊อ อา โอ่ แลแค เด๊อ เหล่โอ่ ปว๋า โต๊โผ่ เนอเต๊เห่ อาโอ่. เหย่ซู่ เออเนอ, เป แบ่เจ่ หม่า อาหม่าหม่า, เหย่ซี แบ่เจ่ หม่า อาหม่าหม่า. เด๊อ เหย่ซู่ครี๊ อาขว่าอาคยา จอแปแหร่ เมบูโพ๊เฮ๊อ ซี เร๊อ อา เอ๊เฮ๊อ ซี เด๊อ ซี เก่ โอ่เซอเพร บูโพ๊ เอ๊แถ่ โป่ อาเง เฮ๊อ.

โครินธ์ อาเหร่อเล๊อ ต๊าบ่า 1:24

หม่าแน๊เรอ แกแย เด๊อ จอแปแหร่ เอ๊ โค๊ลู เด๊อ อา เก่ หยื่อเอ่ เตซิครือมีลา เออเต๊เห่ อาเงเนอ, แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, ครี๊ เซอ เด๊อ อี๊ถื่อดีเต่ลู เออเนอหมา หม่าเฮ๊อ จอแปแหร่ อา เตโพรเตเตอเรอ ฉว่าชอ เร๊อ อา เตลีแมลีเพ๊ เฮ๊อ.

ꤊꤢ꤬ꤜꤢ꤬ꤒꤤ 1:6

เด๊อ ซีขว่าซีคยา เร๊อ แว คย๊ายื๊อ แหน่เจ๊อ, เมเตเฮ๊เรอ, อางย๋า เร๊อ อางยา แต่ล๋ายโต่ เร๊อ, ซี แด่แกคยา จอแปแหร่ เด๊อ อา เอ๊ ซี เร๊อ ครี๊ อาบุ๊ยอาเตอเรอ เออเตเพร. เร๊อ ซี พย๊าฉื่อ เตอิซว๊าอี๊แส่ อาโร เต๊อเจ่อ เด๊อ ซี เตเน เร๊อ เตซิครือมีลา เออเนอ.

เอเฟซัส 4:1

ฮู๊เนอ อาขว่าอาคยา, แว กุยซิยอหนิเกอ ซี แซ่เน๊อ อู ด๊อตา แกแย เด๊อ ทอกู เด๊อ แบ่เจ่ อาเง เตเพรเนอ. จอแปแหร่ เอ๊เฮ๊อ ซี เด๊อ ซี เก่ ทวาแถ่ เพรหยื่อเอ่ เออ เต๊เห่ อาขว่าอาคยา, แว กุยซิยอ ซี เร๊อ ซี เก่ โอ่เซอเพร แด่แร๊เกอ ซี ซิปล่อ ฮู๊ เพรหยื่อเอ่ เออ เต๊เห่ โตเบ่ โอ่เซอเพร เนอ.

ฟีลิปปี 3:14

เด๊อ เหย่ซู่ครี๊ เม เป่ โทเฮ๊อ เด๊อ แวเง อาขว่าอาคยา, จอแปแหร่ เอ๊โน เฮ๊อ แว เด๊อ ม๊อขุ เร๊อ แว แอ๊จื๊อแอ๊เหร่ แฮเง โต่เด๊อ แว เก่ พย๊าหนิ เตเมหนิคว๊าเก่ เด๊อ ม๊อขุ เออเนอ ปา. แว แซ่เฮ๊อเร๊อ แกแย แกล่ดี๊เจ เตเพร เด๊อ อา เก่ พย๊าหนิ เกออู เตเมหนิคว๊าเก่ เร๊อ อา แกล่ แฮเง โต่เด๊อ อาตื๊อดื่อ เนอเตเพร เฮ๊อ.

ꤟꤤꤙꤚꤢꤨ 9:15

เด๊อ เตหรี่เตแก เออ อาขว่าอาคยา, เตเด๊อะบุ๊ยเด๊อะเตอเรอ ตูจูเพร เด๊อ จอแปแหร่ อ๊อแลแก เป่ โทเฮ๊อ แกแย เด๊อ อา เอ๊ ลู เต๊เห่ เก่ หนิเบ่ปา อาเงเนอ, ครี๊ พย๊าแฮหนิ เป่ เฮ๊อ จอแปแหร่ อาแกแย เต๊เห่ เตอ๊อแล อาเซ. เออเต๊อเจ่อ เด๊อ จอแปแหร่ อา โอ่ เฮ๊อ. แซ่ฮู๊ ครี๊ เก่ อี๊ถ่ากา เร๊อ ปลวาเถ่ ปาลา จว๊าแก แกแย โอ่ เด๊อ เตอ๊อแล อาเลอ อาเล เนอเต๊เห่ อาเงเนอ, อา เบ่ ข่าเซอแก อาซิปล่อ. เด๊อ อา ข่าเซอ อาซิปล่อ อาขว่าอาคยา, เหย่ซี พย๊าหนิ เบ๊เกอเฮ๊อ อู่เจเต๊เหย่, อา เตเด๊อะบุ๊ยเด๊อะเตอเรอ ตูจูเพร เด๊อ จอแปแหร่ อ๊อแล โทเฮ๊อ เออเต๊เห่เนอ เฮ๊อ.

เปโตร อาเหร่อเล๊อ ต๊าบ่า 2:9

หม่าแน๊เรอ ซี หม่าเมวเจอะ เต๊อเจ่อ เด๊อ จอแปแหร่ นว๊าแถ่ อา, เพรหลู่แตเต เด๊อ อาแซ่เน๊อ คุ๊ย เต๊เห่, เมวเจอะ เด๊อ อา บูโพ๊, โท๊โต่ จอแปแหร่ อาแกแย เร๊อดื่อ เจ๊อ เต๊เห่ เฮ๊อ. แซ่ฮู๊ ซี เก่ แด๊โฉ่โล จอแปแหร่ อา เตเมแร๊ โค๊ดื่อ เต๊เห่ อาเงเนอ, จอแปแหร่ นว๊าแถ่ ซี เฮ๊อ. จอแปแหร่ เอ๊เถ่แก ซี เด๊อ เตคี๊ อาเล เร๊อ อา ซูโน ซี เด๊อ อา เตลีเตเค โม อากู เฮ๊อ.

เปโตร อาเหร่อเล๊อ ต๊าบ่า 3:9

เมมู๊แหม่รีแจ่ ฉื่อ แต่ อู แต่เหม่ นี๋, อิชอ กาคยา ฉื่อ แต่ อู แต่เหม่, หม่าแน๊เรอ เด๊อะบุ๊ยเด๊อะเตอเรอ กาคยา ฉื่อ อู นี๋. เมเตเฮ๊เรอ จอแปแหร่ เอ๊ ซี เด๊อ ซี เก่ เมแร๊ กาคยาฉื่อ อู ฮู๊เนอ. แซ่ฮู๊ จอแปแหร่ เก่ เด๊อะบุ๊ยเด๊อะเตอเรอ ซี เนอ เร๊อ เม แลแค ฮู๊เนอ นี๋.