ꤚꤥꤗꤢꤩ꤬ 8:27 - ลีเทส่อพ๊าอาเซ เร๊อ เห่ขุทวาลู๊

²⁷ โทเรอ จอแปแหร่ เด๊อ อา แม๊ปู ทื๊อเจแม๊ เป ซิปล่อ อา เหล่เตเน เออเตเพรเนอ, อา ซิเง ตาเต เต เด๊อ แหย่โยบูโพ๊ แบ่เจ่ ซิหยื่อ กุยเป่ เปเง เออเนอเต๊เห่, เมเตเฮ๊เรอ แหย่โยบูโพ๊ แบ่เจ่ กุยเป่ จอแปแหร่ อาแกแย บูโพ๊ เต๊เห่ อาเง ฮู๊ จอแปแหร่ อา เตซิหยื่อโอ่ เนอแพ๊.

Eastern Kayah Shadaw Dialect

²⁷ ꤓꤥ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤗꤢꤧꤕꤢꤨ꤭ ꤓꤢꤦꤡꤢꤩ꤭ꤗꤢꤧ ꤕꤢꤩ꤬ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤒꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤞꤤꤛ꤫ꤢꤦ꤬ ꤊꤝꤤ꤭ꤕ꤫ꤢꤩ꤬ ꤕꤢꤩ꤬ꤑꤢꤩ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤊꤝꤤ꤭ꤕ꤫ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤥ꤬ ꤔꤣꤧ꤬ꤖꤢꤧ꤯

ꤚꤥꤗꤢꤩ꤬ 8:27 ပူးပေါင်းရင်းမြစ်များ

เอเฟซัส 2:18

เด๊อ ครี๊ เม เป่ โทเฮ๊อ เด๊อ เปเง เร๊อ แหย่โยบูโพ๊แบ่เจ่ เตเพร่ว แพ๊ เมจว่า เป แฮเง เป อาขว่าอาคยา, ล๋อ เป แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, เป แฮโนหนิ เฮ๊อ เด๊อ จอแปแหร่ อาเป๊เส่เง เฮ๊อ.

ꤚꤥꤗꤢꤩ꤬ 8:34

ฮู๊เนอเรอ, หม่าอูเป เตเร เมจากาคยา เหย่ซี เป? เตเพร่ว หม่า อู เมจากาคยา แจ่หนิ เหย่ซี โต่. เมเตเฮ๊เนอ, เหย่ซู่ครี๊ หม่า เพร เด๊อ อา เซอ เด๊อ เป เตซื๊อ อาเง เตเพร, โท๊โต่ จอแปแหร่ เมเซอเพร กาคยา ลู เด๊อ เตเซอ เตเพร. เร๊อ จอแปแหร่ เด๊อ ลู เหล่โอ่ เด๊อ อากู๊ขุ จ๊อทว๊า ตากยา. แซ่ฮู๊ จอแปแหร่ เก่ เมจว่า เป เนอ, เหย่ซู่ โน กุยซิยอ เป่ เฮ๊อ เป เง เฮ๊อ.

เพรโด่แนพู๊ เต๊เห่ 1:24

โทเร๊อ เหย่ซี กุยจ๊อเบ แลแค เน๊อ, “เก๋อ แบ่เจ๋, เน ซิเง ดื่อเฮ๊อ แกแย ซิปล่อ อา เตเตเน เต๊เห่ อาขว่าอาคยา, เด๊อ แกแย เออซิเนอ อาเกลเนอ เน นว๊าแถ่ โทเฮ๊อ อา เบ๊อะเตเพร,

เพรโด่แนพู๊ เต๊เห่ 15:8

จอแปแหร่ หม่า อา แม๊เถอะ ซิเงลอ อู ปว๋า เตเพร อาซิปล่อ. เด๊อ อา เด๊อะ เป่ แกแยยิวพู๊ หม่าโต่ เต๊เห่ แหย่โยบูโพ๊แบ่เจ่ อาขว่าอาคยา, อา เด๊อะโล เฮ๊อ เร๊อ อา ซิปล่อโอ่เฮ๊อ เหย่ซี ฮู๊ อา เด๊อะ โทเฮ๊อ เป แหย่โยบูโพ๊ เนอ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:4

เป เฮ๊เบ่ แพ๊ ฮู๊ อาโต จอแปแหร่ อาซิปล่อ เนอแพ๊, เมเตเฮ๊เรอ เป แม๊เถอะ เบ่น๊อ โทเฮ๊อ เตจาเตจือ เร๊อ เป ซิปล่อ ปย๊าเป่ โต่ อาขว่าอาคยา, อา หยื่อเอ่ ซิเลหนิ เป เร๊อ อา เด๊อะตาเฮ๊อ เตซิครือมีลา เออ เด๊อ เป กู๊ยากู เฮ๊อ. เป เฮ๊ ฮู๊ อาโต แกแย ซิปล่อ เนอหม่าโต่. เป เฮ๊ ฮู๊ อาโต จอแปแหร่ เด๊อ อา เจแม๊ เป ซิปล่อเออ เตเพร อา เตซิหยื่อ เนอแพ๊.

มัทธิว 6:8

เม เกอ แต่ แลแค ฮู๊ เหย่ซี เมเนอ แต่เหม่ นี๋, เมเตเฮ๊เรอ เบ๊อะซี กุย แต่ล๋ายโต่ เนอ, ซีเพ ซิเง เหร่อลอ ดื่อเฮ๊อ ซี กุย แต่ล๋ายโต่ เนอ.

เตเด๊อะโลแถ่ 2:23

แว เก่ เมเซอแก เต่อเกอ อา โคเจ่ เต๊เห่ ปาปา. ฮู๊เนอเรอ เพรหยื่อเอ่ตู๊หมู่ตอกล๊อ ปวาตู๊หมู่ เก่ ซิเง เร๊อ แว หม่า เพร เด๊อ อา ซิเง อู ปว๋า เตเพร อา เหล่เตเน เร๊อ อา เตซิหยื่อซิลอ เต๊เห่ เนอ ปา. ซี เตเพร เน๊อ เตเพร เมโท ลอแคร๊เฮ๊อ ฮู๊เต เนอ, แว เก่ เด๊อะเลอ กาคยาฉื่อ ซี ฮู๊ ซี เมโท เนอเต๊เห่ ปา.

ꤛꤥ꤭ꤟꤢ꤬ 14:13

เด๊อ แวขว่าแวคยา, เร๊อ แซ่ฮู๊ อู เก่ แม๊เถอะ แวเพ อาเตอเรอดุเตอเรอทู อาเงเนอ, ซี กุย เต อิเตเต๋ เบ่เบ่, ซี เก่ กุย เร๊อ แวมุย เฮ๊เนอ, แว เก่ เด๊อ ซี ปา.

ꤜꤢꤨꤊꤢ꤬ 16:15

เหย่ซู่เฮ๊ เหย่ซี เน๊อ, “ซี หม่า แกแย เด๊อ อา จ่าจ๊อจ่าเต แพ๊ อาเหน่ เด๊อ แกแย อา เป๊เส่เง เนอเต๊เห่ แพ๊, หม่าแน๊เรอ จอแปแหร่ ซิเง ลอปลี เฮ๊อ ซี ซิปล่อกู. เมเตเฮ๊เรอ, เต เด๊อ แกแย เตเน เร๊อ อางูดุงูชอเล๊อ อู เต๊เห่เนอ, เด๊อ จอแปแหร่ เป๊เส่เง เนอหม่า หม่า แพ๊ เตมู๊แหม่รีแจ่ เด๊อ อู เหล่ซิรอซิเร อา เนอเต๊เห่ แพ๊.

ꤡꤛꤢꤩ꤭ꤗꤢ꤬ꤎꤣ꤬ 5:16

ฮู๊เนอเนอ, อ๊อแล แลแค ซี เตซื๊อ เต๊เห่ เตเพร เร๊อ เตเพร, เร๊อ แซ่ฮู๊ ซี เก่ โอ่ฉว่าโอ่แพร กาคยา อาเงเนอ, กุยจ๊อเบ เป่ ลู เตเพร เร๊อ เตเพร นี๋. แกแยจ๊อแกแยเต เตเพร อา เตกุยจ๊อเบ เนอ อาโอ่ เน๊อ อา เตอเรอฉว่าชอ เร๊อ อา เมจว่าเบ๊ เอ๋ แหน่เจ๊อ เตเต๊เห่ เจ๊อ.

ꤟꤤꤙꤚꤢꤨ 4:13

ล๋อ เตทวาแถ่ เต๊เห่เนอ, อา โอ่ว๊าโอ๊บี๊ แจ่ แน๊ จอแปแหร่ โต่. เด๊อ อาเบ๊เงเนอ, อาแซ่เน๊อ เป โอ่กาโกล ลอปลี ปว๋า เตเพร แพ๊. เป เมโทเฮ๊อ เตเต๊เห่เน๊อ, เร๊อ เป เตเน โทเฮ๊อ เตเต๊เห่เนอ, อา แม๊เถอะ ซิเง ล๋อ ปลี เจ๊อ. เป เบ่ แฮ แด๊โฉ่ แถ่โล ลอ อา ปว๊า เต๊อเจ่อ ปา.

ꤚꤥꤗꤢꤩ꤬ 8:6

แกแย เด๊อ อา เตเน โชชื่อแพ๊ เหน่กล่อพ๊าหย่า อา เตซิหยื่อซิลอ มู๊แหม่ เต๊เห่เนอ, อา โอ่เซอเพร เต่อเกอ ปา เน๊อ จอแปแหร่ ตูจูเพร โต่ เฮ๊อ. หม่าแน๊เรอ แกแย เด๊อ แหย่โยบูโพ๊ แบ่เจ่ เป๊อหนิ ลู เหล่เตเน เต๊เห่เนอ, อา เก่ พย๊าหนิ เตโมเตเป เออตือทือ ปา. โท๊โต่ อา เก่ โอ่เต่อเกอ เร๊อ จอแปแหร่ ตูจูเพร ปา.

ꤛꤥ꤭ꤟꤢ꤬ 21:17

โทเรอ อา แด๊เฮอ โป่ ลู โซโพ๊โตโพ๊ เน๊อ, “เพยอห์น อาพู๊คู คูซีโมน, เน โม แว แอ?” แบ่เจ่ เหย่ซู่ ย๋อ แด๊เฮอ ลู เน๊อ, “เน โม แว แอ?” เนอ โซโพ๊เฮ๊อ อาขว่าอาคยา, อา โม ลูซิปล่อ โต่. เร๊อ อา เฮ๊ฉื่อ ลู เน๊อ, “แบ่เจ่, เน ซิเง ลอ เตปว๊าเต๊อเจ่อ, แว โม เน เนอหม่า เน ซิเง เฮ๊อ,” อา เฮ๊ ลู ฮู๊เนอ, เร๊อ แบ่เจ่ เหย่ซู่ เฮ๊ ลู เน๊อ, “แม๊ โบ่เอ่โบ่โอหนิ แว ซิหมิ เนอเต๊เห่ นี๋.