ꤚꤥꤗꤢꤩ꤬ 8:2 - ลีเทส่อพ๊าอาเซ เร๊อ เห่ขุทวาลู๊

² เมเตเฮ๊เรอ เด๊อ เป ทวาแถ่ เฮ๊อ ลู เตอเจ๋อ โต เน๊อ เหย่ซู่ครี๊ เฮ๊อ อาขว่าอาคยา, จอแปแหร่ อา แหย่โยบูโพ๊ เม เป่เฮ๊อ เปแกล๊ เด๊อ อาเซ โตโบ เฮ๊อ. โทเรอ อา เมแลเปล๊กา เฮ๊อ แว เร๊อ เตซื๊อ อาเหล่โกล เมโป๊เนอ เด๊อ อา ซูจว๊าเฮ๊อ แว เด๊อ เตเซอ เด๊อ แหย่โย ตากยา เออ อากู เนอเฮ๊อ.

Eastern Kayah Shadaw Dialect

² ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤕꤢꤩ꤬ ꤓꤝꤢ꤭ꤓꤢꤧ꤬ ꤟꤣꤧ ꤜꤢꤨ꤭ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤗꤢꤩ꤬ ꤕ꤫ꤢꤩ꤬ꤟꤣꤧ ꤕꤢꤩ꤬ꤊꤜꤢꤧ ꤘꤣ ꤢ꤬ꤞꤢꤩ꤭ ꤒꤣ꤬ꤙꤥ꤭ ꤟꤣꤧ꤯ ꤓꤥ꤭ꤚꤣꤧ꤬ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤣꤧ ꤠꤢꤧ꤭ ꤔꤢꤧ ꤒꤢꤩ꤬ꤞꤢꤦ ꤢ꤬ꤜ꤫ꤢꤩ꤬ꤊꤜꤥ꤭ ꤗꤢꤩ꤬ꤕꤣꤧ꤬ꤔ꤫ꤥ꤬ ꤘꤣ ꤢ꤬ ꤞꤢꤨ꤭ꤡꤝꤢꤟꤣꤧ ꤠꤢꤧ꤭ ꤘꤣ ꤒꤢꤩ꤬ꤥ꤬ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬ꤟꤣꤧ꤯

ꤚꤥꤗꤢꤩ꤬ 8:2 ပူးပေါင်းရင်းမြစ်များ

ꤚꤥꤗꤢꤩ꤬ 6:14

ซี โอ่เซอเพร เด๊อ เตซว๊าเตแส่ อาเล หม่า ปาโต่เฮ๊อ, ซี โอ่เซอเพร เฮ๊อ เด๊อ จอแปแหร่ อาบุ๊ยอาเตอเรอ อาเล เฮ๊อ. ฮู๊เนอเรอ เตซื๊อ เออเนอ อา ทวา ปา ซีแบ่เจ่ หม่าปาโต่เฮ๊อ.

โครินธ์ เนอบ่า ต๊าบ่า 3:17

แบ่เจ่ เด๊อ แว รา อาหรี่อาแก เออเตเพร เนอหม่า แหย่โยบูโพ๊ แบ่เจ่ เฮ๊อ. ล๋อ แกแย เด๊อ อา พย๊าหนิเฮ๊อ แหย่โยบูโพ๊ แบ่เจ่ เต๊เห่เนอ, แหย่โยบูโพ๊ ปลวาเถ่ปาลา จว๊า ลา ลู เฮ๊อ.

ꤚꤥꤗꤢꤩ꤬ 6:18

จอแปแหร่ ฉิย๊า อาปลวา เถ่จว๊าแก เฮ๊อ ซี เร๊อ เตซื๊อเตปล๊า อาหลู่ เออเนอ เฮ๊อ. กู๊แหน่เออ ซี ทวาเฮ๊อ เตจ๊อเตเต หลู่ เฮ๊อ.

โครินธ์ เนอบ่า ต๊าบ่า 3:6

แซ่ฮู๊ เป เก่ อิซว๊า โด่แนโปลเบ๊ เป่ อู เตอ๊อแล อาเซเออ อาเงเนอ, เพร เด๊อ อา เด๊อะตา เป เตแจ่เตลีแม เออเนอหมา จอแปแหร่ เออเตเพร เฮ๊อ. เตอ๊อแล อาเซ เด๊อ อา เด๊อะตา เออเนอหมา อาแซ่เน๊อ อู รา โอ่ คูโมเสส อา เตซว๊าเตแส่ เนอ หม่าโต่. เตอ๊อแล อาเซ เออเนอหมา อา ตาเต ซิเลเกอเร๊อ แหย่โยบูโพ๊ แบ่เจ่ เมเต เด๊อ เป ซิปล่อกู เออเนอ แพ๊. เป เก่ ซิเลเกอเร๊อ เตซว๊าเตแส่ เด๊อ อู ราโอ่ เออเนอ เฮ๊เนอเรอ เป เก่ พย๊าหนิ เตเซอ ปา, หม่าแน๊เรอ แหย่โยบูโพ๊ แบ่เจ่ เออเนอ อา พย๊าแฮหนิ เป่ เป ซิปล่อเซอเพร ตูจูเพร เฮ๊อ.

โครินธ์ อาเหร่อเล๊อ ต๊าบ่า 15:45

“แกแยเห่ขุพู๊ อาเหร่อเล๊อ เตเพร เด๊อ อู เอ๊ ลู เร๊อ เพอาดัม เออเนอ จอแปแหร่ เด๊อ ลู ซิปล่อเซอเพร,” ลีเทส่อพ๊ากู เฮ๊ฮู๊เนอ. หม่าแน๊เรอ เหย่ซู่ครี๊ เด๊อ อู เอ๊ ลู เร๊อ เพอาดัม เด๊อ คยาเล๊อ เออเตเพรเนอ, อา เด๊อะตา แฮเง เฮ๊อ แกแยเห่ขุพู๊ เต๊เห่ อา เตโอ่เซอเพร อาเซ เร๊อ แหย่โยบูโพ๊ แบ่เจ่ เฮ๊อ.

ꤛꤥ꤭ꤟꤢ꤬ 8:36

ฮู๊เนอเรอ จอแปแหร่ อาพู๊คู หม่า แวเออ เก่ ฉิโล๊ ปลวาเถ่แก เฮ๊อ ซี เน๊อ เตซื๊อเตโอ่หร่า เออ เฮ๊เนอ, ซี พย๊าหนิเฮ๊อ เตโอ่ปาลา หม่าแหน่ เฮ๊อ.

ꤛꤥ꤭ꤟꤢ꤬ 8:32

เร๊อ ซี เก่ ซิเง เตหม่า เตจ๊อปา. เร๊อ เตหม่า เตจ๊อ เก่ ปลวาเถ่ ซี ปา,” อา เฮ๊ เหย่ซี ฮู๊เนอ.

ꤚꤥꤗꤢꤩ꤬ 7:4

ฮู๊เนอเรอ, แว โป่แหว่ ซี๋, เบ๊อะครี๊ เซอ เด๊อ อี๊ถื่อดีเต่ลู เบ๊อะเนอ, อา แซ่เฮ๊อ เร๊อ ซี เซอ เต่อเกอเฮ๊อ เร๊อ ลู เฮ๊อ อาขว่าอาคยา, ซี โอ่ปา เด๊อ เตซว๊าเตแส่ อา เตเป๊อเตเบ่ อาเล โต่ เฮ๊อ. กู๊แหน่เออ ซี ทวาแถ่เฮ๊อ เต๊อเจ๋อโต เร๊อ อา เด๊อ จอแปแหร่ เมเซอเพร กาคยา ลู เด๊อ เตเซอ เออเนอ เตเพร เฮ๊อ. เด๊อ เตเมทวาแถ่ เฮ๊อ ฮู๊เออ อาขว่าอาคยา, ซี เก่ เส่เถ่โพเถ่ แลแค เต เด๊อ อาแร๊ เต๊เห่ เร๊อ อา ทวาบุ๊ย ทวาเตอเรอ เป่ เด๊อ จอแปแหร่ อาเง.

ꤚꤥꤗꤢꤩ꤬ 6:22

หม่าแน๊เรอ กู๊แหน่เออ จอแปแหร่ ฉิย๊า ปลวาเถ่จว๊าแก เฮ๊อ ซี เด๊อ เตซื๊อเตปล๊า อาหลู่เล๊ เฮ๊อ. เร๊อ ซี ทวาเฮ๊อ จอแปแหร่ อาหลู่เล๊ เด๊อ อาเซ เต๊เห่ เฮ๊อ. เด๊อ ซี ทวาเฮ๊อ ฮู๊เออ อาขว่าอาคยา, อา หนิบุ๊ยหนิเตอเรอ เด๊อ ซีเง หม่า หม่าเฮ๊อ อา ซูจว๊า ซี เด๊อ เตโอ่เซอเพร บูโพ๊ อา แกล๊เดกู เออเนอ เฮ๊อ. เร๊อ เด๊อ เป โอ่เซอเพร บูโพ๊ เฮ๊อ อาขว่าอาคยา, อา หนิบุ๊ย เฮ๊อ เด๊อ ซิเง หม่า หม่าเฮ๊อ ซี พย๊าหนิ ซิปล่อเซอเพร ตูจูเพร เออเนอ เฮ๊อ.

ꤛꤥ꤭ꤟꤢ꤬ 6:63

แหย่โยบูโพ๊แบ่เจ่ เนอ อา เด๊อะ ซิปล่อเซอเพร ตูจูเพร. แกแยเห่ขุพู๊ เนอ, อา เด๊อะ แจ่ ซิปล่อเซอเพร ตูจูเพร โต่. โหง่ เด๊อ แว เฮ๊เบ่ ซี เออเต๊เห่ เนอหม่า, แหย่โยบูโพ๊แบ่เจ่ อา เตเฮ๊เบ่ เต๊เห่ เร๊อ อา เด๊อะเบ๊ อู ซิปล่อเซอเพร ตูจูเพร.

ꤛꤥ꤭ꤟꤢ꤬ 4:14

หม่าแน๊เรอ แกแย เด๊อ อา เก่ โอเทอ เด๊อ แว เด๊อะโอ อา ปา เออเนอ, อา ซิโอ ปา เทอ โตโพ๋ โต่. เทอ เด๊อ แว เก่ เด๊อะโอ อา ปา เออเนอ, อา เก่ ทวาแถ่ เทอเถ่ขุ เด๊อ ลูกู ปา. เร๊อ อา เก่ เด๊อะ ลู ซิปล่อเซอเพร ตูจูเพร ตาแลเคร๊ ปา.”

ꤛꤥ꤭ꤟꤢ꤬ 4:10

เหย่ซู่ เฮ๊ฉื่อ ลู เน๊อ, “เน เก่ ซิเงบย่า จอแปแหร่ อา เตเด๊อะครา เชหยู่ โทเรอ เพร เด๊อ อา กุยโอ เนเทอ เออเตเพร หม่า อูเป เนอ เน เก่ ซิเง โป่บย่า เฮ๊หม่า, เน เก่ กุยโอ แว เทอ ปา เร๊อ แว เก่ เด๊อะโอ เน เทอ เด๊อ อา เด๊อะ อู ซิปล่อเซอเพร เออเนอ ปา.”

ꤊꤢ꤬ꤜꤢ꤬ꤒꤤ 5:1

แซ่ฮู๊ เป เก่ พย๊าหนิ เกอ เตปาลา เออ อาเงเนอ, เหย่ซู่ครี๊ เมแลเปล๊กา เฮ๊อ เป เด๊อ เป ทวา เตซว๊าเตแส่ อาหลู่เล๊ เออ อาเล เฮ๊อ. ฮู๊เนอเรอ โอ่หม่าโอ่กลอ แลแค เร๊อ ตีรี๊แม๊ กาคยา ทวา ปา แต่ แลแค หลู่เล๊ เออเนอ แต่เหม่ นี๋.

ꤊꤢ꤬ꤜꤢ꤬ꤒꤤ 2:19

เบ๊อะแว แอ๊จื๊อ ลือครวาเม เตซว๊าเตแส่ เบ๊อะเนออาเค, แว ลือ เมโต เบ๊แจ่ จอแปแหร่ อาซิปล่อ โตโพ๋ โต่. ฮู๊เนอเร๊อ แซ่ฮู๊ แว เก่ โอ่เซอเพรเบ๊ เป่ เด๊อ จอแปแหร่ อาเงเนอเรอ, แว เซอแกเฮ๊อ เด๊อ เตซว๊าเตแส่ อากู เฮ๊อ.

ꤚꤥꤗꤢꤩ꤬ 5:21

เมฮู๊เนอเรอ, ฮู๊ เตซื๊อเตปล๊า เพรเป๊อตี๊หรี่ ลอ แกแย ล๋อ ปลี เร๊อ อา นอโอ่ทวาแถ่ เฮ๊อ เตเซอ ฮู๊เนอ, กู๊แหน่เออ แซ่ฮู๊ เป เก่ พย๊าหนิ แฮเง เกอ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อา โอ่ เนอ, จอแปแหร่ อาบุ๊ยอาเตอเรอ เป๊อตี๊หรี่ เกอ เร๊อ เกอ เฮ๊อ เป เร๊อ เตจ๊อเตเต เฮ๊อ.

ꤚꤥꤗꤢꤩ꤬ 7:21

ฮู๊เนอเรอ แว แม๊เถอะ เร๊อ เตซื๊อ เด๊อ แกแย เหล่โกลเม โป๊เนอ เกอเร๊อ เออเนอ อา เม เด๊อ แวกู. เบ๊อะแว ซิหยื่อ เมเตแร๊ เบ๊อะเนอ, แว แม๊เถอะ โชชื่อ เจ๊อ เตมู๊แหม่ โอ่ เด๊อ แวกู เจ๊อ.

เตเด๊อะโลแถ่ 22:1

เตเน่วพู๊ เออเตเพร ยูโล เป่ แว เทอเซอเพร อาเทอแล เด๊อ อา เช๊อเกอเล๊อ แม๊เถอะ โน ล๊อปลู๊ แซ่เจ๊อเร๊อ หล่อซู๊บู แปล๊ลีชี๊ เนอแตแล เร๊อ อา โอ่ เด๊อ จอแปแหร่ เน๊อ อาซิหมิพู๊ อาคุ๊ยจ๊อแผ่ กู่แกล๊เท แถ่โลโอ่เนอ เร๊อ อา ทุ๊ยเถ่.

ꤚꤥꤗꤢꤩ꤬ 3:27

เก่เฮ๊ฮู๊เนอเรอ, เป เหล่พย๊าแถ่โล เกอเร๊อ เปเหน่ เนอ อาโอ่ เตอเจ๋อ โต่. เมเตเฮ๊เรอ จอแปแหร่ แด่จ๊อแด่เต แกแย เด๊อ อา หนิดา จูเอ่ เตซว๊าเตแส่ ขว่าคยา เนอ หม่าโต่. หม่าแน๊เรอ, แกแย ย๋อ หยื่อเอ่หนิ ครี๊ เซอ เป่ เด๊อ เหย่ซีเง อาขว่าอาคยา, จอแปแหร่ แด่จ๊อแด่เต เหย่ซี แพ๊.

เตเด๊อะโลแถ่ 11:11

หม่าแน๊เรอ เบ๊อะโซเนอ เร๊อ ต๊ากว่าเนอ โอ่บาเฮ๊อ เนอ, ซิปล่อเซอเพร โอ่ เด๊อ จอแปแหร่ อาโอ่ เออเนอ, อา แฮแล โน เด๊อ เหย่ซีเหน่ เร๊อ เหย่ซี ก๊อถ่อเซอเพร คยาแซ๊. เร๊อ แกแย ปว๋า เพร เด๊อ อา แม๊เถอะ เหย่ซี ก๊อถ่อคยา เออเต๊เห่เนอ, อา ต๊อหร่อเซ๊ ซิอิเช ลอปลี เจ๊อ.

ꤚꤥꤗꤢꤩ꤬ 7:23

หม่าแน๊เรอ แว แม๊เถอะ เหล่โกล เมโป๊เนอ เตซื๊อ เด๊อ อาโร เต๊อเจ่อ เด๊อ อา นอเม แว เหน่กล่อ อาครืออาขรว่า เออเต๊เห่ เร๊อ เตมู๊แหม่รีแจ่ เต๊เห่. เหล่โกล เมโป๊เนอ เตซื๊อ เออเนอ. อาช๊าอาปา เร๊อ แว ซิปล่อ เด๊อ อา ซิหยื่อเม เตแร๊ เออเนอ เตซื๊อ อาเหล่โกล เมโป๊เนอ เออเนอ, อา ช๊าเป่แก ลู เร๊อ อา นอทวาแก แว เร๊อ เตซื๊อ เด๊อ อาเหล่โกล เมโป๊เนอ เออเนอ อาหลู่เล๊ เฮ๊อ. เร๊อ เตซื๊อ เด๊อ อาเหล่โกล เมโป๊เนอ เด๊อ เออเนอ อา โอ่ เด๊อ แว เหน่กล่อ ครือขรว่า เต๊เห่ อากู.

ꤚꤥꤗꤢꤩ꤬ 8:1

ฮู๊เนอเรอ กู๊แหน่เออ, แกแย เด๊อ อา ทวาแถ่เฮ๊อ เตอเจ๋อ โต เร๊อ เหย่ซู่ครี๊ เต๊เห่เนอ, จอแปแหร่ เมจากาคยา ปา ลู แตแค๋ โต่ เฮ๊อ.

ꤚꤥꤗꤢꤩ꤬ 16:3

แว ซูจว๊า หนิเกอ แว เตเฮ๊โมเฮ๊แร๊ เออ เด๊อ เพอาควิลลา เร๊อ อาเม โหมะปริสสิลลา อา โอ่. เหย่ซี หม่า อา เมเต่อเกอ เต เร๊อ แว เด๊อ เหย่ซู่ครี๊ อาเง.

ꤊꤢ꤬ꤜꤢ꤬ꤒꤤ 6:2

วี๊แย๊ โหร่ลู เตเพร เร๊อ เตเพร อา เตวี๊เตแย๊ เต๊เห่ นี๋. ซี เก่ เมฮู๊เนอ เฮ๊เนอหม่า ซี เม เฮ๊อ ฮู๊ เหย่ซู่ครี๊ อิซว๊าอี๊แส่แก เนอเฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 1:25

เตซิครือมีลา หม่า จอแปแหร่ อา เตซว๊าเตแส่ เด๊อ อาเล๊ออาบา เร๊อ อา เมแลเปล๊กา แกแย เด๊อ เตซื๊อเตปล๊า อากู. แกแย เตเพรเพร เด๊อ อา แม๊ปูซิเง ตาเตแร๊ เตซว๊าเตแส่ เออ เร๊อ อา โชตาปาแก เตอิซว๊าอี๊แส่ เออ โต่ เต๊เห่, โท๊โต่ อา หนิดา ครวาเม เตอิซว๊าอี๊แส่ เออเตเพรเนอ, จอแปแหร่ เก่ เด๊อะบุ๊ยเด๊อะเตอเรอ อาเตแร เออเนอ ปา.