ꤚꤥꤗꤢꤩ꤬ 8:19 - ลีเทส่อพ๊าอาเซ เร๊อ เห่ขุทวาลู๊

¹⁹ ล๋อ จอแปแหร่ แบ๊แล ส่อเหมาะเหว่โบ, เตมีเตดอ เร๊อ แกแย ปว๋า เตเพร เออเนอ, อา ซิปล่อ ฉว่า โอ่ป่อ แม๊ชือ แหน่ เจ๊อ เร๊อ จอแปแหร่ เก่ เด๊อะโลแถ่ อา พู๊เหมาะพู๊คู เต๊เห่ ปา.

Eastern Kayah Shadaw Dialect

¹⁹ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤙꤢꤧꤜꤢꤧ꤬ ꤞꤢꤪ꤬ꤗ꤫ꤢꤪ꤬ꤠꤢꤩ꤬ꤙꤥ꤭, ꤒꤢꤩ꤬ꤖꤢꤨꤒꤢꤩ꤬ꤜꤣꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤣꤧ꤭ꤔꤣꤧ꤬, ꤢ꤬ ꤞꤤꤕꤜꤢꤪ꤬ ꤏꤝꤢ꤬ ꤥ꤬ꤛꤝꤢ꤭ ꤗꤢꤧꤏꤢꤦ꤭ ꤔꤢꤧ꤬ꤡꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤜꤥ꤭ꤓꤢꤧ꤬ ꤢ꤬ ꤖꤢꤨꤖꤚꤢꤩ꤬ꤗꤢꤪ꤬ꤖꤢꤨꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬ ꤕꤢ꤭꤯

ꤚꤥꤗꤢꤩ꤬ 8:19 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:2

แว โคแบ๊ซว๊าโม ซี๋, กู๊แหน่เออ เป ทวา เฮ๊อ จอแปแหร่ อาพู๊ เต๊เห่ เฮ๊อ หม่าแน๊เรอ เป เก่ ทวาแถ่ แกแย ฮู๊เต ปา เต๊อเจ่อเต เนอ, อู เด๊อซิเง โอ่หนื่ออื่อแต่ล๋ายเป เตอเจ๋อ โต่. หม่าแน๊เรอ, เตเออเนอ เป ซิเง โทเฮ๊อ เนอ, ช๋า แบ่เจ่ เหย่ซู่ครี๊ แฮเด๊อะโอ่โลแถ่ เบ๊อะเนอ ปาเนอ, เป เก่ แซ่เน๊อ อา ปา, เมเตเฮ๊เรอ เป เก่ แม๊เถอะ หม่า เจ๊อ อา ฮู๊ อา หม่าแหน่ เนอ ปา.

ꤚꤥꤗꤢꤩ꤬ 8:23

ล๋อ เตแบ๊ตา เออเต๊เห่ โปโอเปเช ตื๊อดื่อ หม่าโต่, เป ล๋อ ปลีเออ เบ่เบ่, เป โปโอเปเช เต่อเกอ ลอ ดื่อแพ๊. เป เด๊อ อา พย๊าหนิ แหย่โยบูโพ๊ แบ่เจ่ หม่าเฮ๊อ จอแปแหร่ เด๊อะครา เชหยู่ เด๊อ อาเหร่อเล๊อ เออเต๊เห่เนอ เบ่เบ่, เป โปโอเปเช เกอดื่อ เด๊อ ซิปล่อกูกู. เป โอ่ป่อแม๊ชือ โปโอเปเช เกอดื่อเฮ๊อ จอแปแหร่ เน๊อ ช๋า อา เก่ แฮ อี๊เฮ๊อ เป เร๊อ อาพู๊ ปา เตอเนอ, เร๊อ ช๋า อา เก่ แฮเด๊อะเฮ๊อ เป เหน่กล่อ อาเซ ปา เออเนอเฮ๊อ.

ฟีลิปปี 1:20

แว เตซิหยื่อ เร๊อ แว เตแม๊ชือ หม่า อิเต เฮ๊เรอ, เด๊อ ครี๊ อา เป๊เส่เง ปาเนอ, แว เกล๊ ซิเตเรน๊อ แหน่ ปา ตีกี๋ โต่ เฮ๊อ. แว เซอเพร เบ่เบ่, แว เซอ เบ่เบ่, แซ่ฮู๊ อู เก่ ถู่เซ๊แถ่หนิ ครี๊ อาเงเนอเรอ, แว ซิหยื่อ โอ่เซอเพร เล๊อบา เจ๊อ เร๊อ เตซิปล่อคือฮา ฮู๊ แว คือแฮ เกอเร๊อ ปว๋า โตโพ๊ เนอแพ๊.

เพรโด่แนพู๊ เต๊เห่ 3:21

ฮู๊ จอแปแหร่ เด๊อ ซิเงหนื่ออื่อ โทดื่อเฮ๊อ เน๊อ เพรโพร บูโพ๊ มู๋ หนู่เค เต๊เห่ เน๊อ เหย่ซู่ เออเนอ อา โตเบ่ โอ่ เด๊อ ม๊อขุ โต่เด๊อ แบ่เจ่ จอแปแหร่ เมเซ กาคยา ลอเฮ๊อ เตปว๋า เต๊อเจ่อ เบ๊อะเนอ ปา.

มัทธิว 5:9

แกแย เด๊อ อา เมเปเมดวา เต เต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ. เมเตเฮ๊เรอ จอแปแหร่ เก่ เอ๊ เหย่ซี เน๊อ อาพู๊ เต๊เห่ ปา.

ꤛꤥ꤭ꤟꤢ꤬ 1:12

หม่าแน๊เรอ แกแย เด๊อ อา เอ๊ฉื่อ ลู เต๊เห่ เร๊อ อา หยื่อเอ่แหน่ ลู เต๊เห่เนอ, อา เด๊อะทวาแถ่ เหย่ซี เร๊อ จอแปแหร่ อา พู๊เหมาะ พู๊คู เต๊เห่.

ꤚꤥꤗꤢꤩ꤬ 8:14

เมเตเฮ๊เรอ, แกแย เด๊อ อา โอ่เซอเพร ฮู๊ จอแปแหร่ อา แหย่โยบูโพ๊ ยูแกล๊ยูโกล ลู เต๊เห่ เนอหม่า, หม่าเฮ๊อ จอแปแหร่ อา พู๊เหมาะพู๊คู เต๊เห่ เฮ๊อ.

ꤚꤥꤗꤢꤩ꤬ 8:16

แหย่โยบูโพ๊ แบ่เจ่ เร๊อดื่อ อา เด๊อะโล, แด๊โฉ่โล โหร่เต่อ เป่เกอโป่ เร๊อ เป ซิปล่อ เออ เร๊อ เป หม่า จอแปแหร่ อา พู๊เหมาะพู๊คู เต๊เห่, ฮู๊เนอเฮ๊อ.

ꤚꤥꤗꤢꤩ꤬ 8:18

แว ซิเง แม๊เถอะ เร๊อ เตจาเตจือ เด๊อ เป ข่าเบ่ กู๊แหน่เค เออเนอ, แว เก่ โต๊โหล่แม๊ เร๊อ จอแปแหร่ เก่ เมลีเมเตเค เป ช๋า เนอปา ตือทือ เฮ๊เรอ, แว แด่ เร๊อ เต เตอเจ๋อโต่.

ꤚꤥꤗꤢꤩ꤬ 9:26

“เหล่โอ่ เด๊อ แว เฮ๊โทเฮ๊อ ซี มู๋ หนู่เค เน๊อ, ‘ซี หม่า แวแกแย หม่าโต่’ เนอโต๊โผะ เนอ, กู๊แหน่เรอ แว เก่ เอ๊ เหย่ซี เร๊อ ‘จอแปแหร่ เด๊อ อา เซอเพร เตเพร อา พู๊เหมาะพู๊คู เต๊เห่’ เฮ๊อ,” เพรโพร คูโฮเชยา เฮ๊ ฮู๊เนอ.

โครินธ์ อาเหร่อเล๊อ ต๊าบ่า 1:7

ฮู๊เนอ อาขว่าอาคยา, เบ๊อะซี โอ่ป่อแม๊ชือ แบ่เจ่ เหย่ซู่ครี๊ เก่ แฮเด๊อะโลแถ่ ปา เออเนอ, ล๋อ แหย่โยบูโพ๊ แบ่เจ่ อาเชหยู่ หนิครา เด๊อ ซี โอ่ เต๊เห่เนอ จอแปแหร่ เด๊อะ ลอ เฮ๊อ ซี เฮ๊อ.

โครินธ์ อาเหร่อเล๊อ ต๊าบ่า 1:8

ช๋า เป แบ่เจ่ เหย่ซู่ครี๊ แฮ อาม๊อเนอ ปา เตอเนอเนอ, แซ่ฮู๊ อู เหล่แด่ เตซื๊อ เด๊อ ซีโอ่ เก่ โอ่ ปา แต่เหม่ อาเงเนอ, แบ่เจ่ เก่ ปื่อหม่าปื่อกลอ เร๊อดื่อ ซี โต่เด๊อ อา ตื๊อดื่อ ปา.

โครินธ์ เนอบ่า ต๊าบ่า 6:18

เร๊อ แว เก่ ทวา ซีเพ ปา. เร๊อ ซี เก่ ทวา แวพู๊แวเลอ เต๊เห่ ปา,” แบ่เจ่ เด๊อ อาโพร เตเพร เฮ๊ ฮู๊เนอ.

ꤊꤢ꤬ꤜꤢ꤬ꤒꤤ 3:26

เด๊อ เตหยื่อเตแหน่ อาขว่าอาคยา, ซี ล๋อ ปลี ทวาลอเฮ๊อ เตเตอเจ๋อโต เร๊อ ครี๊ เฮ๊อ เร๊อ ซี ทวาลอเฮ๊อ จอแปแหร่ อาพู๊อาเลอ เต๊เห่ เฮ๊อ.

โคโลสี 3:4

ครี๊ หม่า เพร เด๊อ อา เด๊อ ซี ซิปล่อเซอเพร เตเพร เร๊อ ช๋า อา ตาแล คยาแซ๊ ปา เนอ, อา เก่ โอ่ เน๊อ อา เตอเรอดุเตอเรอทู ปา. เบ๊อะเนอ อาเค ปาเนอ, ซี เก่ โอ่โลแถ่ เต่อเกอ เน๊อ อา เตอเรอดุเตอเรอทู เออเนอ ปา.

ꤟꤤꤙꤚꤢꤨ 12:27

อา เฮ๊ เน๊อ, “โป่คยาแซ๊ ปา,” อาโหง่แลช๊า หม่า, อาเฮ๊โลโปล เจ๊อเฮ๊อ เน๊อ จอแปแหร่ เก่ เม โกโยแถ่ ลอ ล๋อ เตเบ่แบ๊ เนอเต๊เห่ ปา. เร๊อ อา เก่ โอ่เหม่แกลา ลอ ปา. อา โกโย แจ่โต่ เต๊เห่ เก่ โอ่แก ตื๊อดื่อแพ๊ อาเงเนอ, จอแปแหร่ เมโกโย ฮู๊เออเนอแพ๊.

เปโตร อาเหร่อเล๊อ ต๊าบ่า 1:7

เร๊อ ซี เตหยื่อเตแหน่ เออเนอหมา อา หม่าแหน่ แอ? หม่า อา หม่าแหน่ โต่ แอ? เนอ, เตแป่เตเช เก่ ข่าเฮ๊โลปา. เท เด๊อ อา ปย๊าแจ่ เจ๊อ เออเนอ, อู เบ่ โต ทื๊อแม๊ ปา อา หมิ, ฮู๊เนออาขว่าอาคยา, ซี เตหยื่อเตแหน่ เด๊อ อางูดุงูชอ เล๊อ เร๊อ เทเออ, แซ่ฮู๊ อา เก่ เด๊อะโล เร๊อ เตหยื่อ หม่าแหน่ อาเงเนอ, อู โตเบ่ ทื๊อแม๊ เกอ ดื่อ อา ฮู๊เนอ. โทเรอ ช๋า เหย่ซู่ครี๊ แฮ เด๊อะโล แถ่เฮ๊อ อาเหน่ เคปาเนอ, ซี เก่ พย๊าหนิ เตถู่เซ๊แถ่, เตเตอเรอดุเตอเรอทู เน๊อ เตแด่ดุแด่ทู ซี ปา.

เปโตร อาเหร่อเล๊อ ต๊าบ่า 1:13

เมฮู๊เนอเรอ ตี๊หรี่แตแร หนื่ออื่อ แลแค ซี เหล่เตเน เต๊เห่ เด๊อ ซี เหล่แรเต อาเงเนอ. จ่าฉ่าเผระ แลแค ซีเหน่ เร๊อ แด่แถ่ แลแค ซี เตแม๊ชือ เด๊อ เตบุ๊ยดุเตอเรอทู เด๊อ จอแปแหร่ เก่ เด๊อะ ซี ช๋า เหย่ซู่ครี๊ เก่ แฮ คยาแซ๊ ปา เออ อาลูเน๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:1

เพ จอแปแหร่ โม เกอเร๊อ โท เจ๊อเฮ๊อ เป บ๋า เต เนอ, แม๊มอ แลแค, อา โม เกอเร๊อ เป เออเนอ, โต่ เจ๊อ เด๊อ อู เบ่ เอ๊ เจ๊อ เป เร๊อ จอแปแหร่ อาพู๊อาเลอ เต๊เห่ เจ๊อ. เป ทวา หม่าแหน่ แหน่ เฮ๊อ จอแปแหร่ อาพู๊อาเลอ เต๊เห่ เฮ๊อ. แกแย เห่ขุพู๊ เต๊เห่ ซิเง จอแปแหร่ โต่ อาขว่าอาคยา, อา ซิเง เป โต่.

เตเด๊อะโลแถ่ 21:7

แกแย เตเพรเพร เด๊อ อา เมเป่ เตเนอ, อา เก่ พย๊าหนิ ลอล๋อ เตเออ เต๊เห่ เด๊อ แวโอ่ ปา. แว เก่ ทวา เหย่ซี แบ่เจ่ จอแปแหร่ ปา เร๊อ เหย่ซี เก่ ทวา แวพู๊ เต๊เห่ ปา.