ꤚꤥꤗꤢꤩ꤬ 8:18 - ลีเทส่อพ๊าอาเซ เร๊อ เห่ขุทวาลู๊

¹⁸ แว ซิเง แม๊เถอะ เร๊อ เตจาเตจือ เด๊อ เป ข่าเบ่ กู๊แหน่เค เออเนอ, แว เก่ โต๊โหล่แม๊ เร๊อ จอแปแหร่ เก่ เมลีเมเตเค เป ช๋า เนอปา ตือทือ เฮ๊เรอ, แว แด่ เร๊อ เต เตอเจ๋อโต่.

Eastern Kayah Shadaw Dialect

¹⁸ ꤠꤢꤧ꤭ ꤞꤤꤑꤢꤩ꤭ ꤗꤢꤧꤓ꤫ꤣꤧ꤬ ꤔꤢꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤘꤣ ꤕꤢꤩ꤬ ꤋꤢꤧꤙꤢꤩ꤬ ꤊꤢꤨꤔ꤫ꤢꤧ꤬ꤋꤢꤩ꤭ ꤣꤧ꤭ꤔꤣꤧ꤬, ꤠꤢꤧ꤭ ꤊꤢꤩ꤬ ꤒꤣꤧ꤬ꤜꤣꤧ꤬ꤗꤢꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤕꤢꤩ꤬ ꤏꤢ꤮ ꤔꤥ꤬ꤕꤢ꤭ ꤒꤣ꤬ꤓꤢꤦ꤭ ꤟꤢꤩꤚꤣꤧ꤬, ꤠꤢꤧ꤭ ꤘꤢꤧ꤬ ꤔꤢꤧ ꤒꤢꤩ꤬ꤒꤣ꤬ꤡꤣ꤬꤮ ꤒꤥ꤬꤯

ꤚꤥꤗꤢꤩ꤬ 8:18 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 4:13

หม่าแน๊เรอ, ช๋า ครี๊ แฮแล โอ่โลแถ่ เฮ๊อ เร๊อ เตอเรอดุเตอเรอทู ปาเนอ, แซ่ฮู๊ ซี เก่ ซิครือซิลอ เอ๊โทเอ๊โม เกออู ปา อาเง เนอเรอ, เต เด๊อ ซี ข่าจาข่าจือ เต่อเกอ เร๊อ ครี๊ ฮู๊เออ เต๊เห่เนอ, ตูรู๊ ซิครือ แลแค นี๋.

โคโลสี 3:4

ครี๊ หม่า เพร เด๊อ อา เด๊อ ซี ซิปล่อเซอเพร เตเพร เร๊อ ช๋า อา ตาแล คยาแซ๊ ปา เนอ, อา เก่ โอ่ เน๊อ อา เตอเรอดุเตอเรอทู ปา. เบ๊อะเนอ อาเค ปาเนอ, ซี เก่ โอ่โลแถ่ เต่อเกอ เน๊อ อา เตอเรอดุเตอเรอทู เออเนอ ปา.

เพรโด่แนพู๊ เต๊เห่ 20:24

หม่าแน๊เรอ แซ่ฮู๊ แว เก่ เมโทแก เตเม เด๊อ แบ่เจ่ เหย่ซู่ เด๊อะแลแก แวเออ อาเงเนอ, แว แด่ดุ ซิโล เกอ เร๊อ ปา เจ๊อ แว ซิปล่อ เซอเพร เออเนอ โต่ เฮ๊อ. เตเม เด๊อ อา นอเม แว เออเต๊เห่ เนอหม่า หม่าเฮ๊อ แว เบ่ ข่าเฮ๊โล เน๊อ จอแปแหร่ อาบุ๊ยอาเตอเรอ อา เตซิครือมีลา เออ อาหรี่อาแก เออเนอ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:2

แว โคแบ๊ซว๊าโม ซี๋, กู๊แหน่เออ เป ทวา เฮ๊อ จอแปแหร่ อาพู๊ เต๊เห่ เฮ๊อ หม่าแน๊เรอ เป เก่ ทวาแถ่ แกแย ฮู๊เต ปา เต๊อเจ่อเต เนอ, อู เด๊อซิเง โอ่หนื่ออื่อแต่ล๋ายเป เตอเจ๋อ โต่. หม่าแน๊เรอ, เตเออเนอ เป ซิเง โทเฮ๊อ เนอ, ช๋า แบ่เจ่ เหย่ซู่ครี๊ แฮเด๊อะโอ่โลแถ่ เบ๊อะเนอ ปาเนอ, เป เก่ แซ่เน๊อ อา ปา, เมเตเฮ๊เรอ เป เก่ แม๊เถอะ หม่า เจ๊อ อา ฮู๊ อา หม่าแหน่ เนอ ปา.

เปโตร อาเหร่อเล๊อ ต๊าบ่า 1:13

เมฮู๊เนอเรอ ตี๊หรี่แตแร หนื่ออื่อ แลแค ซี เหล่เตเน เต๊เห่ เด๊อ ซี เหล่แรเต อาเงเนอ. จ่าฉ่าเผระ แลแค ซีเหน่ เร๊อ แด่แถ่ แลแค ซี เตแม๊ชือ เด๊อ เตบุ๊ยดุเตอเรอทู เด๊อ จอแปแหร่ เก่ เด๊อะ ซี ช๋า เหย่ซู่ครี๊ เก่ แฮ คยาแซ๊ ปา เออ อาลูเน๊อ.

เธสะโลนิกา เนอบ่า ต๊าบ่า 2:14

เด๊อ เป แด๊โฉ่ เป่ ซี เตซิครือมีลา เออ ขว่าคยาเร๊อ, จอแปแหร่ เอ๊ เฮ๊อ ซี ฮู๊เนอ เฮ๊อ. เมเตเฮ๊เรอ แซ่ฮู๊ ซี เก่ พย๊าหนิ เกอ แบ่เจ่ เหย่ซู่ครี๊ อา เตเตอเรอดุเตอเรอทู เร๊อ อา เอ๊ เฮ๊อ ซี เฮ๊อ.

เปโตร อาเหร่อเล๊อ ต๊าบ่า 5:1

แว หม่า เพรหยื่อเอ่ตู๊หมู่ตอกล๊อ โหมะเผระ กู่กล๊อ เตเพร, โทเรอ แว หม่า เพรข่าเฮ๊โล เป่ ครี๊ อา เตข่าจาข่าจือ อาหรี่อาแก เตเพร. โท๊โต่ ช๋า จอแปแหร่ เด๊อะโล เฮ๊อ อู เร๊อ อา เตเตอเรอดุ เตอเรอทู เบ๊อะเนอปาเนอ, แว เบ่เบ่, แว เก่ โอ่เต่อเกอ เร๊อ อา เตเตอเรอดุ เตอเรอทู เออเนอ ปา. กู๊แหน่เรอ แว กุยซิยอ ซี เพรหยื่อเอ่ตู๊หมู่ตอกล๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เนอ,

ꤟꤤꤙꤚꤢꤨ 11:35

เด๊อ เตหยื่อ อาขว่าอาคยา, เพรเหมาะ เต๊เห่เห่เนอ, อากลุยอาแล เต๊เห่ เซอ โทเฮ๊อ หม่าแน๊เรอ อา พย๊าหนิ กาคยา คยาแซ๊ เหย่ซี เด๊อ เตเซอ อากู. เพรหยื่อเอ่ เออ เต๊เห่เห่เนอ, อู เมจาเมจือ เหย่ซี. อู เฮ๊ เหย่ซี เน๊อ เหย่ซี เก่ วีแก แลแค อาเตหยื่อ เฮ๊เรอ, อู เก่ ปลวาเถ่ ปาลา จว๊าแก เหย่ซี หม่าแน๊เรอ อา จูฉื่อ อู โต่. เด๊อ เหย่ซี เมฮู๊เนอ อาขว่าอาคยา, อู เมจาเมจือเซอ เหย่ซี. หม่าแน๊เรอ, ช๋า เหย่ซี เซอ ก๊อถ่อกาคยา เฮ๊อ ปา เตอเนอเนอ, แซ่ฮู๊ เหย่ซี เก่ พย๊าหนิ แลแค เตโอ่เซอ เพร เด๊อ อา โมเล๊อ เร๊อ เออตือทือ อาเงเนอเรอ, เหย่ซี เม แลแค ฮู๊เนอ แพ๊.

ꤚꤥꤗꤢꤩ꤬ 8:19

ล๋อ จอแปแหร่ แบ๊แล ส่อเหมาะเหว่โบ, เตมีเตดอ เร๊อ แกแย ปว๋า เตเพร เออเนอ, อา ซิปล่อ ฉว่า โอ่ป่อ แม๊ชือ แหน่ เจ๊อ เร๊อ จอแปแหร่ เก่ เด๊อะโลแถ่ อา พู๊เหมาะพู๊คู เต๊เห่ ปา.

ꤒꤤꤒꤢꤨ 2:13

เบ๊อะเป โอะป่อแม๊ชือ เฮ๊อ เตเด๊อะบุ๊ยเด๊อะเตอเรอ อาม๊อเนอ หม่าดื่อเฮ๊อ ช๋า เปเพ จอแปแหร่ ดุเนอ เพรเมแลเปล๊กา เป แบ่เจ่เหย่ซู่ครี๊ อาเตเด๊อะบุ๊ยเด๊อะเตอเรอ อา แฮโอะโลแถ่ เฮ๊อ เนอปา เบ๊อะเนอ, เป เบ่ โอะเซอเพร ฮู๊ อา เฮ๊ เป เออเนอ เต๊เห่.