ꤚꤥꤗꤢꤩ꤬ 8:11 - ลีเทส่อพ๊าอาเซ เร๊อ เห่ขุทวาลู๊

¹¹ จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เออเตเพร อา แหย่โยบูโพ๊ แบ่เจ่ เก่ โอ่เซอเพร เด๊อ ซีเหน่ลู เฮ๊เนอ, ซี เหน่กล่อเออ อา เก่ เซอ เจ๊อ ปา เบ่เบ่, เด๊อ แหย่โยบูโพ๊ แบ่เจ่ โอ่เซอเพร เด๊อ ซีเหน่ลู อาขว่าอาคยา, จอแปแหร่ เก่ เด๊อะเกอ ซี ซิปล่อเซอเพร ปา.

Eastern Kayah Shadaw Dialect

¹¹ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤛꤢꤩ꤬ꤏꤛꤢꤨꤋꤚꤤ ꤘꤣ ꤒꤢꤩ꤬ꤞꤣꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤛ꤫ꤢꤧ꤬ꤛꤥ꤬ ꤊꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤞꤤ꤭ꤊꤢꤨ꤭ ꤟꤢꤩꤚꤣꤧ꤬, ꤞꤤ꤭ ꤔ꤫ꤢꤩ꤬ꤊꤜ꤫ꤢꤪ꤬ꤣꤧ꤭ ꤢ꤬ ꤊ꤫ꤢꤦ꤬ ꤞꤣꤧ꤭ ꤡꤣꤧ ꤕꤢ꤭ ꤙꤢꤩ꤬ꤙꤢꤩ꤬, ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤞꤤ꤭ꤊꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤊꤣꤧ꤭ ꤞꤤ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤕꤢ꤭꤯

ꤚꤥꤗꤢꤩ꤬ 8:11 ပူးပေါင်းရင်းမြစ်များ

โครินธ์ เนอบ่า ต๊าบ่า 4:14

เป ย๋อ ทวาแถ่ เฮ๊อ เตเตอเจ๋อ โต เร๊อ แบ่เจ่ เหย่ซู่ เฮ๊อ อาขว่าอาคยา, เป ซิเง เร๊อ จอแปแหร่ เด๊อ อา เมเซอเพร กาคยา เป แบ่เจ่ เหย่ซู่ เออเตเพรเนอ, อา เก่ เมเซอเพร กาคยา เกอ เป ปา. โท๊โต่ อา เก่ เมเซอเพร กาคยา เต่อเกอ ซี เร๊อ เป เด๊อ เตเซอ ปา. เร๊อ อา เก่ เอ๊กา โอ่เต่อโหร่ลอ เป เด๊อ อา เป๊เส่เง ปา.

โครินธ์ เนอบ่า ต๊าบ่า 4:11

เป เตโอ่เซอเพร เออตือทือ แกแย เนอ, เป ย๋อ ครวา เหย่ซู่ คยา อาขว่าอาคยา, เป เบ่ แม๊เถอะเบ่ เน๊อ เตต๊อหร่อเซ๊ ซิอิเช เด๊อ อู เก่ เมเซอ เจ๊อ เป เจ๊อ. แซ่ฮู๊ อู เก่ แม๊เถอะ เร๊อ ครี๊ โอ่เซอเพร เด๊อ เปเหน่กล่อ เด๊อ เตอเนอเค ปา อา เซอแจ่เออ อากูเนอ, เป เบ่ แม๊เถอะเบ่ ฮู๊เออ แพ๊.

ꤚꤥꤗꤢꤩ꤬ 8:9

หม่าแน๊เรอ, ซีเนอ, พ๊าหย่า อา เตซิหยื่อซิลอ มู๊แหม่ เป๊อหนิเกอ ซี โต่. จอแปแหร่ อา แหย่โยบูโพ๊ เก่ โอ่เซอเพร เด๊อ ซีเหน่ลู เฮ๊เรอ, อา แหย่โยบูโพ๊ แบ่เจ่ เออเนอ เก่ เป๊อหนิ ซี ปา. อูเปเป๋ เบ่เบ่, เด๊อ อา พย๊าหนิ เกออู ครี๊ อา แหย่โยบูโพ๊ โต่ เต๊เห่เนอ อา ทวา ครี๊ อาเต หม่าโต่.

โครินธ์ อาเหร่อเล๊อ ต๊าบ่า 6:14

จอแปแหร่ เด๊อ อา เมเซอเพร กาคยา แบ่เจ่ เด๊อ เตเซอ เออเตเพรเนอ, อา เก่ เมเซอเพร กาคยา เกอ เป เด๊อ เตเซอ เร๊อ อา เตโพรเตเตอเรอ ฉว่าชอ เออเนอ ปา.

ꤚꤥꤗꤢꤩ꤬ 8:2

เมเตเฮ๊เรอ เด๊อ เป ทวาแถ่ เฮ๊อ ลู เตอเจ๋อ โต เน๊อ เหย่ซู่ครี๊ เฮ๊อ อาขว่าอาคยา, จอแปแหร่ อา แหย่โยบูโพ๊ เม เป่เฮ๊อ เปแกล๊ เด๊อ อาเซ โตโบ เฮ๊อ. โทเรอ อา เมแลเปล๊กา เฮ๊อ แว เร๊อ เตซื๊อ อาเหล่โกล เมโป๊เนอ เด๊อ อา ซูจว๊าเฮ๊อ แว เด๊อ เตเซอ เด๊อ แหย่โย ตากยา เออ อากู เนอเฮ๊อ.

ฟีลิปปี 3:21

เหย่ซู่ครี๊ เก่ ถู่แหล่แก เปเหน่กล่อ เด๊อ อา อ๊าเจ่เหร่เจ่. เร๊อ อา เซอแจ่ เออเนอ เร๊อ เตโพรเตเตอเรอ ปา, เร๊อ อา เก่ เมทวาแถ่คยา เปเหน่กล่อ เออเนอ ฮู๊ อาเหน่กล่อ เร๊อดื่อ เด๊อ อา โอ่ เร๊อ อา เตอเรอดุทู เออเนอ ปา. อา เพรโพรฉว่าชอ เด๊อ อา เมจว่า ลู เด๊อ อา เก่ เป๊อะเบ่ ลอ เตล๋อ ปลี เออเนอ, อา เก่ ถู่แหล่ เต๊เปล่แก ลอ เปเหน่กล่อ เออเต๊เห่ ปา.

ꤛꤥ꤭ꤟꤢ꤬ 5:21

ฮู๊ แวเพ เมเซอเพร กาคยา แกแย เด๊อ อา เซอ เร๊อ อา เด๊อ อู ซิปล่อเซอเพร เนอ, อาพู๊คูเออ อา เก่ เด๊อะเป่ เกออู ซิปล่อเซอเพร เด๊อ อา ซิปล่อโอ่ ซิหยื่อ เด๊อะ เป่ อู เนอเต๊เห่ ปา.

เพรโด่แนพู๊ เต๊เห่ 2:24

หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ, เร๊อ อา เมแลเปล๊กา ลู เด๊อ เตเซอ อา เตจาเตจื่อ อาเล, เมเตเฮ๊เร๊อ เตเซอ อาโหมะเพ ปื่อกลอหม่าแจ่ ปา ลู โต่ เฮ๊อ.

เอเฟซัส 2:5

เบ๊อะเนอเค เป จูเอ่ เกอ เจ๊อ อาโหง่ โต่, เป แซ่เจ๊อ เร๊อ แกแยเซอ เนอ เจ๊อ ตื๊อดื่อเรอ อา เด๊อะ เต่อเกอ เฮ๊อ เป เตโอ่เซอเพร อาอาเซ เร๊อ ครี๊ เฮ๊อ. จอแปแหร่ อาบุ๊ยดุอาเตอเรอทู อาขว่าอาคยาเร๊อ, เป พย๊าหนิเฮ๊อ เตแลเปล๊กา เฮ๊อ.

เตเด๊อะโลแถ่ 11:11

หม่าแน๊เรอ เบ๊อะโซเนอ เร๊อ ต๊ากว่าเนอ โอ่บาเฮ๊อ เนอ, ซิปล่อเซอเพร โอ่ เด๊อ จอแปแหร่ อาโอ่ เออเนอ, อา แฮแล โน เด๊อ เหย่ซีเหน่ เร๊อ เหย่ซี ก๊อถ่อเซอเพร คยาแซ๊. เร๊อ แกแย ปว๋า เพร เด๊อ อา แม๊เถอะ เหย่ซี ก๊อถ่อคยา เออเต๊เห่เนอ, อา ต๊อหร่อเซ๊ ซิอิเช ลอปลี เจ๊อ.

เปโตร อาเหร่อเล๊อ ต๊าบ่า 3:18

เมเตเฮ๊เรอ ครี๊ ข่าเซอ เป่ แพ๊ อาเหน่ เด๊อ อู เตซื๊อ อาเง โตโพ๊แพ๊ เร๊อ อาโทอาปลื๊อ ลา เฮ๊อ, อา โหล่ ข่าเซอ ปาแหน่โต่ เฮ๊อ. แซ่ฮู๊ อา เก่ ซูจว๊า ซี เด๊อ จอแปแหร่ อา โอ่ เร๊อ แกแย จ๊อเต เออเตเพรเนอ, อา แฮ ข่าเซอ เป่โทเฮ๊อ แกแย เตซื๊อพู๊ เต๊เห่ อาเง เฮ๊อ. อู เมเซอ อาเหน่กล่อ หม่าแน๊เรอ จอแปแหร่ เมเซอเพร กาคยา อา เด๊อ แหย่โยบูโพ๊ แบ่เจ่ อากู.

ꤛꤥ꤭ꤟꤢ꤬ 14:17

อา หม่า หม่าเฮ๊อ แหย่โยบูโพ๊แบ่เจ่ เฮ๊อ. อา เก่ อิซว๊าอี๊แส่ ยูแกล๊ยูโกล ซี เน๊อ เตหม่า เตจ๊อ เออเนอ ปา. แกแย เห่ขุพู๊ เต๊เห่ แม๊เถอะน๊อ ลู โต่โต่, ซิเงน๊อ ลู โต่โต่ อาขว่าอาคยา, อา เอ๊ฉื่อ ลู โต่ ปา. หม่าแน๊เรอ ซี ซิเงเฮ๊อ ลู, เมเตเฮ๊เรอ อา โอ่เซอเพร เต่อเกอ เร๊อ ซี เร๊อ อา เก่ แฮโอ่ เด๊อ ซี ซิปล่อกู ปา.

เตเด๊อะโลแถ่ 1:18

แว หม่า แกแย เด๊อ อา เซอเพร เตเพร. แว เซอ โทเฮ๊อ หม่าแน๊เรอ กู๊แหน่เออ แว เซอเพร ตูจูเพร แตแลเคร๊. แว โอ่เร๊อ เตอเรอฉว่าชอ เร๊อ เตโพร เร๊อ แว เป๊อะลอ เตเซอ เร๊อ โลเน๊มู๊แหม่รีแจ่ดอ เต๊เห่.

เปโตร อาเหร่อเล๊อ ต๊าบ่า 1:21

เด๊อ ครี๊ อาขว่าอาคยา, ซี หยื่อเอ่แหน่ จอแปแหร่ เด๊อ อา เม ก๊อถ่อเซอเพร กาคยา คยาแซ๊ ครี๊ เด๊อ เตเซอ เร๊อ อา แด่ดุแด่แถ่โล เล๊อ เฮ๊อ ลู เออเตเพร เฮ๊อ. ฮู๊เนอเร๊อ ซี เตหยื่อ เร๊อ ซี เตแม๊ชือ เออเนอ, อา โอ่ เฮ๊อ เด๊อ จอแปแหร่ อาลูเฮ๊อ.

โครินธ์ อาเหร่อเล๊อ ต๊าบ่า 15:16

แกแย เซอ เต๊เห่ เก่ ก๊อถ่อเซอเพร กาคยา โต่ เก่เฮ๊เรอ, ครี๊เน๋อ หม่า จอแปแหร่ เม ก๊อถ่อเซอเพร กาคยา ลู เด๊อ เตเซอ หม่าโต่ โต่.

ꤚꤥꤗꤢꤩ꤬ 6:12

ฮู๊เนอเรอ, แซ่ฮู๊ ซี เก่ ครวาเม เกอ ปา แต่ เตซิหยื่อ ปาต๊าเปอเตอ มู๊แหม่ เต๊เห่ แต่เหม่เนอ, นอเป๊อหนิ ปา แต่ ซี เหน่กล่อ เด๊อ อา เซอแจ่ เออเนอ เร๊อ เตซื๊อ เออเนอ แต่เหม่ นี๋.

ꤟꤤꤙꤚꤢꤨ 13:20

แซ่ฮู๊ ซี เก่ เมโตเมเบ่ เป่ดื่อ เตเป เตดวา อา จอแปแหร่ เออเตเพร อาซิปล่อ เนอเรอ, ล๋อ เตแร๊ เด๊อ ซี โหล่เบ่ เต๊เห่เนอ, อา เก่ เด๊อ ลอหล่าตี๊กลิ ดื่อ ซี นี๋. เด๊อ เหย่ซู่ครี๊ อาขว่าอาคยา, จอแปแหร่ เก่ เมดื่อเต เด๊อ เปกู ฮู๊ อา โตดื่อ เน๊อ ลูซิปล่อ เนอเต๊เห่ นี๋. จอแปแหร่ เมเซอเพร กาคยา โทเฮ๊อ เป แบ่เจ่ เหย่ซู่ เด๊อ เตเซอ เฮ๊อ. เร๊อ เด๊อ แบ่เจ่ เหย่ซู่ ข่าเซอ อาซิปล่อ เร๊อ อาสุ่ย เบ่ ทุ๊ยแล อาขว่าอาคยา, อา เมหม่าเมกลอแก โทเฮ๊อ จอแปแหร่ อา เตอ๊อแล อาเซ เด๊อ อา โอ่ ตูจูเพร เออเนอตือมือ เฮ๊อ. เด๊อ อา เมเฮ๊อ ฮู๊เนอ อาขว่าอาคยา, เหย่ซู่ ทวา เฮ๊อ เป เพรเกซิหมิ เด๊อ อาดุเล๊ออู เตเพร เฮ๊อ. เป หม่า เหย่ซีซิหมิ เต๊เห่ เฮ๊อ. อู เก่ แด่ดุแด่ทู ดื่อ เหย่ซู่ครี๊ อา ตูจูเพรเง นี๋.

โครินธ์ เนอบ่า ต๊าบ่า 5:4

เบ๊อะเป โอ่ปา เด๊อ หี่ หม่าเฮ๊อ เปเหน่กล่อ เด๊อ เห่ขุเออ เตเมกู เบ๊อะเนอ, เป แม๊เถอะเบ่ เร๊อ เตแป่เตเช อาขว่าอาคยา, เป โปโอเปเช เซ๊โหมะโขร่ฮา เจ๊อ. แว เฮ๊ เร๊อ เป ซิหยื่อ โอ่ตาพาแก ลา เฮ๊อ เร๊อ เปเหน่กล่อ เฮ๊อ ฮู๊เนอ หม่าโต่. แว ซิหยื่อ เฮ๊ เน๊อ, แซ่ฮู๊ เปเหน่กล่อ เด๊อ อา เซอแจ่เออ, อา เก่ ถู่แหล่ เต๊เปล่แก เร๊อ เปเหน่กล่อ เด๊อ อา เซอเพร ตูจูเพร ปา อาเง เออเนอ, เป ซิหยื่อ กาโอ่ ลา เฮ๊อ เด๊อ เหน่กล่อ อาเซ เออเนอ อากู เฮ๊อ, ฮู๊เนอ แพ๊.

ꤚꤥꤗꤢꤩ꤬ 8:1

ฮู๊เนอเรอ กู๊แหน่เออ, แกแย เด๊อ อา ทวาแถ่เฮ๊อ เตอเจ๋อ โต เร๊อ เหย่ซู่ครี๊ เต๊เห่เนอ, จอแปแหร่ เมจากาคยา ปา ลู แตแค๋ โต่ เฮ๊อ.

ꤚꤥꤗꤢꤩ꤬ 8:12

เมฮู๊เนอเรอ โคแบ๊ซว๊า ซี๋, เตเม แลเบ่ เป เด๊อ เป เก่ โอ่เซอเพร ฮู๊ จอแปแหร่ อา แหย่โยบูโพ๊ เฮ๊ เป เนอ. เปโตเบ่ โอ่เซอเพร หนิ ปา ฮู๊ สุ่ยเทอพ๊าหย่า อา เตซิหยื่อ มู๊แหม่ เนอโต่เฮ๊อ.

ꤚꤥꤗꤢꤩ꤬ 16:3

แว ซูจว๊า หนิเกอ แว เตเฮ๊โมเฮ๊แร๊ เออ เด๊อ เพอาควิลลา เร๊อ อาเม โหมะปริสสิลลา อา โอ่. เหย่ซี หม่า อา เมเต่อเกอ เต เร๊อ แว เด๊อ เหย่ซู่ครี๊ อาเง.

ꤚꤥꤗꤢꤩ꤬ 16:7

ซู จว๊า หนิเป่ เกอ แว เตเฮ๊โมเฮ๊แร๊ เด๊อ คูอันโดรนิคัส เร๊อ หม่อยูเนีย นี๋. เหย่ซี หม่า แกแยยิวพู๊ แซ่เน๊อ แว เออเนอ แพ๊. อู ด๊อตา โหร่เกอ เหย่ซี เร๊อ แว เด๊อ ทอกู หนิ. เหย่ซี หม่า เพรโด่แนพู๊ เต๊เห่ เด๊อ อู แด่ดุหยื่อแหน่ แหน่เจ๊อ เต๊เห่. เหย่ซี ครวาเหร่อเล๊อ ครี๊ อาคยา เร๊อ แว หนิ.

ꤚꤥꤗꤢꤩ꤬ 16:9

แว ซูจว๊าหนิ แว เตเฮ๊โมเฮ๊แร๊ เด๊อ คูอูรบานัส เด๊อ อา เม โหร่เกอ ครี๊ อา เตเอ่เตแร เร๊อ แว เออเนอ เตเพร เร๊อ แว โคแบ๊ซว๊าโม คูสทาคิส อา โอ่.

ꤚꤥꤗꤢꤩ꤬ 16:10

ซูจว๊าหนิ เป่เกอ แว เตเฮ๊โมเฮ๊แร๊ เด๊อ คูอาเป็ลเลส อา โอ่ เนอ นี๋. อา หม่าเพรแรเต เด๊อ อา ป่อเต่อ แม๊เถอะเบ่ น๊อ โทเฮ๊อ เตเมจาเมจือ เต๊เห่ เร๊อ อา ซิปล่อปย๊า เกออู โต่ เตเพร ขว่าคยา, แกแย เด๊อ เหล่ซิเลหนิ แหน่เจ๊อ อา เตเพรเจ๊อ. ซูจว๊าหนิ เป่เกอ แว เตเฮ๊โมเฮ๊แร๊ เออเนอ เด๊อ คูอาริสโทบูลูส เร๊อ อา หี่ด๊อหี่แพพู๊ เนอเต๊เห่ อา โอ่ นี๋.

ꤊꤢ꤬ꤜꤢ꤬ꤒꤤ 6:8

เมเตเฮ๊เรอ แกแย เด๊อ อา โหล่ตา สุ่ยเทอพ๊าหย่า อา เตซิหยื่อซิลอ เต๊เห่เนอ, อา เก่ เก๊ กาคยา เบ่น๊อ เกอเร๊อ คยาแซ๊ดื่อ เตปย๊าเตหลู่ เนอเต๊เห่ ปา. หม่าแน๊เรอ แกแย เด๊อ อา โหล่ตา เตครวาเมเกอ ฮู๊ แหย่โยบูโพ๊ แบ่เจ่ อา เตยูแกล๊ยูโกล ลู เต๊เห่เนอ, อา เก่ เก๊เบ่น๊อ เร๊อคยาแซ๊ดื่อ ซิปล่อเซอเพร ตูจูเพร ปา.