ꤚꤥꤗꤢꤩ꤬ 8:1 - ลีเทส่อพ๊าอาเซ เร๊อ เห่ขุทวาลู๊

¹ ฮู๊เนอเรอ กู๊แหน่เออ, แกแย เด๊อ อา ทวาแถ่เฮ๊อ เตอเจ๋อ โต เร๊อ เหย่ซู่ครี๊ เต๊เห่เนอ, จอแปแหร่ เมจากาคยา ปา ลู แตแค๋ โต่ เฮ๊อ.

Eastern Kayah Shadaw Dialect

¹ ꤟꤢꤨꤔꤣꤧ꤬ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ꤓꤢꤧ꤬ꤟꤣꤧ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤡꤢ꤭ ꤕꤢ꤬ ꤜꤢꤨ꤭ ꤒꤣꤧ꤬ꤋꤢꤧ꤮ ꤒꤥ꤬ ꤟꤣꤧ꤯

ꤚꤥꤗꤢꤩ꤬ 8:1 ပူးပေါင်းရင်းမြစ်များ

โครินธ์ เนอบ่า ต๊าบ่า 5:17

แกแย เตเพรเพร เด๊อ อา ทวาแถ่ เฮ๊อ เต๊อเจ๋อ แพ๊ เน๊อ ครี๊ เนอ, อา ทวาแถ่ เฮ๊อ แกแย เตเพร เด๊อ จอแปแหร่ แบ๊แล เต๊เปล่ เซ ลู เฮ๊อ. อา วีแก แก อา เตโอ่เซอเพร อาเลอ เต๊เห่ เร๊อ อา โอ่เซอเพร เต๊เปล่แก เด๊อ อาเซ เฮ๊อ.

ꤊꤢ꤬ꤜꤢ꤬ꤒꤤ 3:13

ล๋อ เตซว๊าเตแส่ เต๊เห่เนอ, อู ลือครวา เมเบ๊ เตเพร่ว โต่ อาขว่าอาคยา, จอแปแหร่ เก่ เมจากาคยา ลอ อูปว๋า เตเพร ปา, หม่าแน๊เรอ ครี๊ อี๊ถ่า เฮ๊อ เป เฮ๊อ. เด๊อ อา ข่าเป่ เป เตจา เด๊อ อี๊ถื่อดีเต่ลู เออ อาขว่าอาคยาเร๊อ, อา แฮโน ข่าเป่เฮ๊อ เป เตเมจากาคยา เด๊อ อา เก่ กาเบ่ เป ปา เออเนอ อาเง เฮ๊อ. เมเตเฮ๊เรอ ลีเทส่อพ๊ากู เฮ๊ เน๊อ, “แกแย เตเพรเพร เด๊อ อู มือเซอแถ่ อา เด๊อ อี๊ถื่อดีเต่ อาโอ่ เนอ, เตเมจากาคยา เบ่เฮ๊อ อา เฮ๊อ,” อา เฮ๊ ฮู๊เนอ.

ꤚꤥꤗꤢꤩ꤬ 5:1

ฮู๊เนอเรอ จอแปแหร่ แด่จ๊อแด่เต เฮ๊อ เป เร๊อ เป เตหยื่อเตแหน่ อาคยา เฮ๊อ. เป โอ่โอ่เพรโอ่ดือ โอ่โครโอ่เกล เต่อ คยาแซ๊ เฮ๊อ เร๊อ จอแปแหร่ เฮ๊อ. เพร เม ทวาแถ่ เป่ เป ฮู๊เออเนอหม่า หม่าเฮ๊อ เป แบ่เจ่ เหย่ซู่ครี๊ เฮ๊อ.

โครินธ์ อาเหร่อเล๊อ ต๊าบ่า 1:30

จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.

ꤚꤥꤗꤢꤩ꤬ 8:34

ฮู๊เนอเรอ, หม่าอูเป เตเร เมจากาคยา เหย่ซี เป? เตเพร่ว หม่า อู เมจากาคยา แจ่หนิ เหย่ซี โต่. เมเตเฮ๊เนอ, เหย่ซู่ครี๊ หม่า เพร เด๊อ อา เซอ เด๊อ เป เตซื๊อ อาเง เตเพร, โท๊โต่ จอแปแหร่ เมเซอเพร กาคยา ลู เด๊อ เตเซอ เตเพร. เร๊อ จอแปแหร่ เด๊อ ลู เหล่โอ่ เด๊อ อากู๊ขุ จ๊อทว๊า ตากยา. แซ่ฮู๊ จอแปแหร่ เก่ เมจว่า เป เนอ, เหย่ซู่ โน กุยซิยอ เป่ เฮ๊อ เป เง เฮ๊อ.

ꤛꤥ꤭ꤟꤢ꤬ 5:24

“แว เฮ๊จ๊อจ๊อ ซี, แกแย เด๊อ อา หนิโฮ แว ลาโหง่ เออเรอ อา หยื่อเอ่แหน่ เพร เด๊อ อา นอแฮแล แว เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร เฮ๊อ. เร๊อ อา แม๊เถอะ เบ่น๊อปา เด๊อ เตเมจากาคยาโต่. อา จว๊า ตาลว๊าเบ๊ เฮ๊อ เร๊อ เตเซอ เร๊อ อา จว๊าโน เฮ๊อ เด๊อ เตเซอเพร อากูเฮ๊อ.

ꤛꤥ꤭ꤟꤢ꤬ 15:4

โอ่จิจือหมะ แลแค เด๊อ แวกู เร๊อ แว เก่ โอ่จิจือหมะ เด๊อ ซีกู ปา. แท๊ทือแพ แตแพแพ เด๊อ อา จิจือหมะ เร๊อ แว โต่ เนอ, อา เส่แถ่ แจ่ เกอเร๊อดื่อ อาเหน่ แตแพ๋ โต่. ฮู๊เนอเฮ๊อ ซี เก่ โอ่ จิจือหมะ เด๊อ แวกู โต่ เฮ๊เนอ, ซี เส่เถ่เบ๊ แจ่ ส่อเส่ เด๊อ อา หม่าดื่อ เมเตแร๊ เออเนอ เตเพร่ว โต่.

ฟีลิปปี 3:9

แว เตจ๊อเตเต เออเนอ, แว ซิเลแถ่หนิ ปา เด๊อ แว หนิดา ครวาเม เกอ เตซว๊าเตแส่ อาขุ เออเนอ หม่าโต่เฮ๊อ. หม่าโต่เรอ, แว ย๋อ หยื่อเอ่เฮ๊อ ครี๊ เฮ๊อ อาขว่าอาคยา, เร๊อ แว พย๊าหนิเฮ๊อ เตจ๊อเตเต เฮ๊อ. เตจ๊อเตเต เด๊อ จอแปแหร่ เด๊อะ เออเนอหม่า อา ซิเลแถ่หนิ เด๊อ เตหยื่อเตแหน่ อาลู แพ๊.

ꤚꤥꤗꤢꤩ꤬ 8:14

เมเตเฮ๊เรอ, แกแย เด๊อ อา โอ่เซอเพร ฮู๊ จอแปแหร่ อา แหย่โยบูโพ๊ ยูแกล๊ยูโกล ลู เต๊เห่ เนอหม่า, หม่าเฮ๊อ จอแปแหร่ อา พู๊เหมาะพู๊คู เต๊เห่ เฮ๊อ.

โครินธ์ อาเหร่อเล๊อ ต๊าบ่า 15:22

แกแยเห่ขุพู๊ ปว๋า เตเพร อากลุยอาแล ตา กาแล แฮเง เด๊อ เป เพอาดัม อา โอ่ อาขว่าอาคยา, แกแย ปว๋า เตเพร เบ่ เซอ ลอ แพ๊. ฮู๊เนอเฮ๊อ, แกแย เด๊อ อา ทวา เฮ๊อ เตอเจ๋อแพ๊ เร๊อ ครี๊ เต๊เห่เนอ, ครี๊ เก่ เมเซอเพร กาคยา ลู ปา.

ꤊꤢ꤬ꤜꤢ꤬ꤒꤤ 5:16

ฮู๊เนอเรอ แว เฮ๊ ซี, โอ่เซอเพร แลแค ฮู๊ แหย่โยบูโพ๊ แบ่เจ่ ยูแกล๊ยูโกล หนิ ซี เนอ นี๋. ซี เก่ เมฮู๊เนอ ตื๊อเรอ ซี ลือครวา เม ปา ซี สุ่ยเทอพ๊าหย่า อา เตซิหยื่อซิลอ โต่ เฮ๊อ.

ꤚꤥꤗꤢꤩ꤬ 8:4

แซ่ฮู๊ เป เก่ เมเล๊อเมบา เป่ลอ เตซว๊าเตแส่ อาเตกุย เต๊เห่เนอ, จอแปแหร่ เม เป่โทเฮ๊อ เด๊อ เปเง เฮ๊อ. เป เด๊อ อา หนิดา ครวาเม เกอ ปา เหน่กล่อพ๊าหย่า อา เตซิหยื่อซิลอ โต่ เออเต๊เห่, เร๊อ เป เม ฮู๊ แหย่โยบูโพ๊ แบ่เจ่ ยูแกล๊ยูโกล เป เออเต๊เห่ อาเงเนอ, จอแปแหร่ เม เป่โท ลอเฮ๊อ เป เฮ๊อ.

ꤚꤥꤗꤢꤩ꤬ 8:39

เต โอ่ เด๊อ ม๊อเล เต๊เห่ เบ่เบ่, อา โอ่ เด๊อ เห่ขุ ต๊าบ่าเออ อาเล เต๊เห่เนอ เบ่เบ่, เตแบ๊แล เด๊อ อาโร เต๊เห่ เบ่เบ่, เด๊อ เป แบ่เจ่ เหย่ซู่ครี๊ เมโท เป่เฮ๊อ เต เด๊อ เปเง อาขว่าอาคยา, ล๋อ เต เออเต๊เห่เนอ, อา ท๊อเปแกแจ่ เป เร๊อ จอแปแหร่ อาเตโม โต่.

ꤊꤢ꤬ꤜꤢ꤬ꤒꤤ 5:25

เป โอ่เซอเพร เฮ๊อ เร๊อ แหย่โยบูโพ๊ แบ่เจ่ อาขว่าอาคยา, เป เบ่ ครวาเม ฮู๊ แหย่โยบูโพ๊ แบ่เจ่ ยูแกล๊ยูโกล เป เนอ.

ꤊꤢ꤬ꤜꤢ꤬ꤒꤤ 3:28

แกแยยิวพู๊ เร๊อ แกแย เมว เจ่อโร กรีกพู๊ เต๊เห่, หลู่ เร๊อ เพร พย๊าหนิ เตปาลาพู๊ เต๊เห่, เพรคู เร๊อ เพรเหมาะ, ล๋อ เต เออเต๊เห่ เนอหม่า อากลว่าโค๊ เร๊อ ลู โต่, เมเตเฮ๊เรอ ล๋อ ซี เออเต๊เห่ เนอหม่า ซี ทวาแถ่ ลอ เฮ๊อ เตเตอเจ๋อโต เร๊อ ครี๊ เฮ๊อ.

ꤛꤥ꤭ꤟꤢ꤬ 14:20

เบ๊อะเนอเตอเนอ ปาเนอ, ซี เก่ ซิเง เน๊อ แว โอ่ เด๊อ แวเพ อากู เร๊อ ซี โอ่ เด๊อ แวกู เร๊อ แว โอ่ เด๊อ ซีกู ปา.

ꤚꤥꤗꤢꤩ꤬ 7:20

เก่ แว เม ฮู๊ แว ซิหยื่อ เมเนอ โต่ เฮ๊เนอหม่า, อา เม เนอเตเพร หม่า แว หม่าแหน่ หม่าโต่. เนอหม่า เตซื๊อ เด๊อ อา โอ่ เด๊อ แวกู เนอเตเพร เม แพ๊.

ꤚꤥꤗꤢꤩ꤬ 7:17

ฮู๊เนอเรอ, เก่เฮ๊หม่าแหน่หม่า เพร เด๊อ อา เม เตเออ เตเพร เนอหม่า แว หม่าโต่. เนอหม่า เตซื๊อ เด๊อ อา โอ่ เด๊อ แวกู เออเนอ เตเพร เม แพ๊.

โครินธ์ เนอบ่า ต๊าบ่า 12:2

เด๊อ อาเหร่อเค เช๊อลุยหน่า เบ๊อะเนอ, อู เอ๊กา กี๊แถ่ แกแยเพ เด๊อ อา หยื่อเอ่ ครี๊ เตเพร เด๊อ ม๊อขุ โซโต่ โต๊โต่ โต๊โผ่. (อาเหน่กล่อ โอ่ป่าแถ่เต่อ เกอ แอ? หม่า อา โอ่ป่าแถ่เต่อ โต่ แอ เนอ, แว ซิเง โต่. ซิเง แพ๊ตื๊อ จอแปแหร่ เตเพร แพ๊.)

ꤚꤥꤗꤢꤩ꤬ 16:7

ซู จว๊า หนิเป่ เกอ แว เตเฮ๊โมเฮ๊แร๊ เด๊อ คูอันโดรนิคัส เร๊อ หม่อยูเนีย นี๋. เหย่ซี หม่า แกแยยิวพู๊ แซ่เน๊อ แว เออเนอ แพ๊. อู ด๊อตา โหร่เกอ เหย่ซี เร๊อ แว เด๊อ ทอกู หนิ. เหย่ซี หม่า เพรโด่แนพู๊ เต๊เห่ เด๊อ อู แด่ดุหยื่อแหน่ แหน่เจ๊อ เต๊เห่. เหย่ซี ครวาเหร่อเล๊อ ครี๊ อาคยา เร๊อ แว หนิ.

ꤚꤥꤗꤢꤩ꤬ 16:3

แว ซูจว๊า หนิเกอ แว เตเฮ๊โมเฮ๊แร๊ เออ เด๊อ เพอาควิลลา เร๊อ อาเม โหมะปริสสิลลา อา โอ่. เหย่ซี หม่า อา เมเต่อเกอ เต เร๊อ แว เด๊อ เหย่ซู่ครี๊ อาเง.

ꤚꤥꤗꤢꤩ꤬ 5:16

แว เก่ เฮ๊โป่ คยาแซ๊ เนอ, จอแปแหร่ อา เตเด๊อะครา เชหยู่ เออเนอ, เร๊อ แกแย เตเพร เมเตซื๊อ เนอหม่า อา แซ่ลู โต่. เบ๊อะอา เมเฮ๊อ เตซื๊อ เบ๊อะเนอ, จอแปแหร่ เมจากาคยา เฮ๊อ ลู ฮู๊ แกแย เด๊อ อา เมซื๊อเมปล๊า เต เตเพรเนอ เฮ๊อ. หม่าแน๊เรอ เบ๊อะแกแย เมเอ๊ เฮ๊อ เตซื๊อ เบ๊อะเนอ, จอแปแหร่ เด๊อะครา เป่ เหย่ซี เร๊อ อาบุ๊ยอาเตอเรอ อาเชหยู่เออ อาขว่าอาคยา, อา แด่จ๊อแด่เต เฮ๊อ เหย่ซี เฮ๊อ.

ꤚꤥꤗꤢꤩ꤬ 8:2

เมเตเฮ๊เรอ เด๊อ เป ทวาแถ่ เฮ๊อ ลู เตอเจ๋อ โต เน๊อ เหย่ซู่ครี๊ เฮ๊อ อาขว่าอาคยา, จอแปแหร่ อา แหย่โยบูโพ๊ เม เป่เฮ๊อ เปแกล๊ เด๊อ อาเซ โตโบ เฮ๊อ. โทเรอ อา เมแลเปล๊กา เฮ๊อ แว เร๊อ เตซื๊อ อาเหล่โกล เมโป๊เนอ เด๊อ อา ซูจว๊าเฮ๊อ แว เด๊อ เตเซอ เด๊อ แหย่โย ตากยา เออ อากู เนอเฮ๊อ.

ꤚꤥꤗꤢꤩ꤬ 8:9

หม่าแน๊เรอ, ซีเนอ, พ๊าหย่า อา เตซิหยื่อซิลอ มู๊แหม่ เป๊อหนิเกอ ซี โต่. จอแปแหร่ อา แหย่โยบูโพ๊ เก่ โอ่เซอเพร เด๊อ ซีเหน่ลู เฮ๊เรอ, อา แหย่โยบูโพ๊ แบ่เจ่ เออเนอ เก่ เป๊อหนิ ซี ปา. อูเปเป๋ เบ่เบ่, เด๊อ อา พย๊าหนิ เกออู ครี๊ อา แหย่โยบูโพ๊ โต่ เต๊เห่เนอ อา ทวา ครี๊ อาเต หม่าโต่.

ꤚꤥꤗꤢꤩ꤬ 8:11

จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เออเตเพร อา แหย่โยบูโพ๊ แบ่เจ่ เก่ โอ่เซอเพร เด๊อ ซีเหน่ลู เฮ๊เนอ, ซี เหน่กล่อเออ อา เก่ เซอ เจ๊อ ปา เบ่เบ่, เด๊อ แหย่โยบูโพ๊ แบ่เจ่ โอ่เซอเพร เด๊อ ซีเหน่ลู อาขว่าอาคยา, จอแปแหร่ เก่ เด๊อะเกอ ซี ซิปล่อเซอเพร ปา.

ꤊꤢ꤬ꤜꤢ꤬ꤒꤤ 3:26

เด๊อ เตหยื่อเตแหน่ อาขว่าอาคยา, ซี ล๋อ ปลี ทวาลอเฮ๊อ เตเตอเจ๋อโต เร๊อ ครี๊ เฮ๊อ เร๊อ ซี ทวาลอเฮ๊อ จอแปแหร่ อาพู๊อาเลอ เต๊เห่ เฮ๊อ.

เอเฟซัส 1:1

แว หม่า คูเปาโล. จอแปแหร่ ซิปล่อโอ่ เด๊อ แว เก่ ทวา เหย่ซู่ครี๊ อา เพรโด่แน เตเพร. แว ราจว๊าเป่ ลีเออต๊าบ่า เด๊อ จอแปแหร่ อาแกแย เด๊อ อา โอ่ แลแค เด๊อ วีเอเฟซัส อากูเนอเต๊เห่อาโอ่. ซี หม่า แกแย เต๊เห่ เด๊อ อา ทวาแถ่ เฮ๊อ เตอเจ๋อโต เร๊อ ครี๊ เฮ๊อ เรอ, ซี วีแก ซี เตหยื่อเอ่ เหย่ซู่ครี๊ โต่.