ꤚꤥꤗꤢꤩ꤬ 7:15 - ลีเทส่อพ๊าอาเซ เร๊อ เห่ขุทวาลู๊

¹⁵ หม่าเมเต เร๊อ แว จว๊า เมโต่ เตซื๊อ ฮู๊เออเนอ, แว ซิเง เกอเร๊อ แวเหน่ โต่. เมเตเฮ๊เรอ แว เม ฮู๊ แว ซิหยื่อ เมเนอ หม่าโต่. เต เด๊อ แว ซิหยื่อ เม ตีกี๋ โต่ เต๊เห่เนอ แว จว๊าเม เต่อเต่อ.

Eastern Kayah Shadaw Dialect

¹⁵ ꤗꤢ꤬ꤗꤢꤩ꤬ꤒꤢꤩ꤭ ꤚꤣꤧ꤬ ꤠꤢꤧ꤭ ꤡꤝꤢ ꤗꤢꤩ꤬ꤒ꤫ꤥ꤬ ꤒꤢꤩ꤬ꤞꤢꤦ ꤟꤢꤨꤣꤧ꤭ꤔꤣꤧ꤬, ꤠꤢꤧ꤭ ꤞꤤꤑꤢꤩ꤭ ꤚꤣꤧꤘꤢꤦ꤬ ꤠꤢꤧ꤭ꤔ꤫ꤢꤩ꤬ ꤒꤥ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤗꤢꤩ꤬ ꤟꤢꤨ ꤠꤢꤧ꤭ ꤞꤤꤛ꤫ꤢꤦ꤬ ꤗꤢꤩ꤬ꤔꤣꤧ꤬ ꤗ꤫ꤢ꤬ꤒꤥ꤬꤯ ꤒꤢꤩ꤬ ꤘꤣ ꤠꤢꤧ꤭ ꤞꤤꤛ꤫ꤢꤦ꤬ ꤗꤢꤩ꤬ ꤒꤣꤧ꤬ꤊꤤ꤬꤮ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤠꤢꤧ꤭ ꤡꤝꤢꤗꤢꤩ꤬ ꤒ꤫ꤥ꤬ꤒ꤫ꤥ꤬꤯

ꤚꤥꤗꤢꤩ꤬ 7:15 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 5:17

เมเตเฮ๊เรอ สุ่ยเทอพ๊าหย่า อา เตซิหยื่อซิลอ เออเนอหมา, อา ลูจว๊า โค๊แก เร๊อ แหย่โยบูโพ๊ แบ่เจ่ อา เตซิหยื่อซิลอ. เร๊อ แหย่โยบูโพ๊ แบ่เจ่ อา เตซิหยื่อซิลอ เออเนอ อา ลูจว๊า โค๊แก คยาแซ๊ดื่อ เร๊อ เหน่กล่อพ๊าหย่า อา เตซิหยื่อซิลอ. เตเออ เนอเจ่อเนอ อา เร ลู โต่ อาขว่าอาคยา, ฮู๊ ซี ซิหยื่อ เม เนอ ซี เมแจ่ ปา โต่ เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 3:2

เป เมซื๊อ กาคยาแฮเง ลอปลี เต ปว๋า เตเพร เฮ๊อ. หม่าแน๊เรอ แกแย เด๊อ อา เฮ๊เบ่ซื๊อน๊อ เกออู โตโพ๋ โต่ เตเพรเนอ, อา หม่า เฮ๊อ แกแย เด๊อ อาเล๊ออาบา เตเพร เน๊อ อารออาเรเบ๊ เกอเร๊อ ลอเฮ๊อ อา เหน่เชเพร เฮ๊อ.

ꤚꤥꤗꤢꤩ꤬ 12:9

โมค๊าโมโข่ แต่ อู แต่เหม่ นี๋. ซิหย่อแก เตมู๊แหม่รีแจ่ นี๋. ดี๊กลา หม่าหนิแร๊ แลแค เตแร๊ นี๋.

ꤛꤢꤨꤘꤢ꤬ 1:23

แอ๊จื๊อ เมจว่า เป่เกอ แกแย เด๊อ อา โหล่ เมแลเปล๊กา ฮู๊ เน เมแลเปล๊กา แกแย เด๊อ หมิกู เนอเต๊เห่ นี๋. โทเร๊อ ซิยอเกอ เร๊อ เป่ เกอโป่ แกแย เด๊อ อาโร เนอเต๊เห่ นี๋. หม่าแน๊เรอ เตเน ตาตาเตเต ตี๊กิ นี๋, เมเตเฮ๊เรอ เน โต ซิโตโคแก อาเห่ออาจา เด๊อ อา วี๊หม่า เร๊อ เหย่ซี เตซื๊อเตปล๊า เนอเต๊เห่ นี๋.

ꤚꤥꤗꤢꤩ꤬ 14:22

เต เออเต๊เห่เนอ, เน หยื่อเอ่ อา ฮู๊เต เบ่เบ่, โห่โห๋ แด่โอ่ เนอ, เนเหน่ เร๊อดื่อ เร๊อ จอแปแหร่ เก่ ซิเง หม่า โป่เฮ๊อ. แกแย เตเพร เก่ ซิเง เร๊อ อา เม เตเออเนอหม่า อา โตแพ๊, เร๊อ อา เมโทเร๊อ เด๊อ อา ซิปล่อกู เนอ, โมโม๋ อา โม แพ๊, เร๊อ อาซิปล่อ เร๊อดื่อ เก่ เจแม๊ ลู โต่ เฮ๊เนอ, อา พย๊าหนิ เตบุ๊ยเตเตอเรอ เฮ๊อ.

ทิโมธี เนอบ่า ต๊าบ่า 2:19

หม่าแน๊เรอ อู เม โกโยแจ่ เน๊อ จอแปแหร่ อา เตแก่ช๊า อาหม่าอากลอ เออเนอ โต่. เด๊อ เตแก่ช๊า เออ อาโอ่เนอ อู ราโอ่ เน๊อ, “แบ่เจ่ ซิเง เกอเร๊อดื่อ อาแกแย” เร๊อ “แกแย ปว๋า เตเพร เด๊อ อา เฮ๊ เร๊อ แว หม่า แบ่เจ่ อาแกแย เต๊เห่เนอหม่า, อา โตเบ่ ตีรี๊ จว๊าโค๊แก อาเหน่ เร๊อ เตซื๊อ เออเนอ.”

ꤟꤤꤙꤚꤢꤨ 1:9

เน โมเร๊อ เต เด๊อ อาโต เต๊เห่ เร๊อ เน ซิโตโคหนิ เต เด๊อ อาซื๊อ เต๊เห่. เด๊อ เออ อาขว่าอาคยาเร๊อ, จอแปแหร่ เด๊อ อา หม่า เน จอแปแหร่ เออ นว๊าแถ่ เฮ๊อ เน เร๊อ อา นอ ดุเล๊อทูเล๊อ เจ๊อเฮ๊อ เน เร๊อ เนซว๊าเนโค เต๊เห่ เฮ๊อ. อา แด่ดุแด่ทู เฮ๊อ เน, อา เด๊อะเฮ๊อ เน เตซิครือซิลอ เฮ๊อ,” อา เฮ๊ ลู ฮู๊เนอ.

ꤚꤥꤗꤢꤩ꤬ 7:16

เต เด๊อ แว ซิหยื่อ เมโต่ เต๊เห่ เร๊อ แว จว๊าเมโต่ เนอหม่า อา เด๊อะโลเฮ๊อ เร๊อเตซว๊าเตแส่ เออเนอ, อาแร๊ แพ๊ แว ซิปล่อโตเกอ ฮู๊เนอ เฮ๊อ.

ꤜꤢꤨꤊꤢ꤬ 11:48

ฮู๊เนอเร๊อ ซี ข่าเฮ๊โล โล๊ลี เจ๊อเฮ๊อ ซีเหน่ เร๊อ ซี ซิปล่อ โอ่จิจือ เต่อเกอ, ซี ซิปล่อ แซ่เกอเฮ๊อ เร๊อ ซีเพอซีโพ เด๋อ งย๊า เค เต๊เห่ เมเตซื๊อ เนอเต๊เห่ เฮ๊อ. เมเตเฮ๊เรอ ซีเพอซีโพ เต๊เห่ อา ย๋อ เมเซอ เพรโพร เนอเต๊เห่, ซี เร๊อ ซี อา แบ๊ เป่ เพรโพร เนอเต๊เห่ อาโลกู อา ย๋อ เมเนอ.

ꤛꤥ꤭ꤟꤢ꤬ 15:15

แว เอ๊ ปา ซี เร๊อ หลู่ โต่ เฮ๊อ, เมเตเฮ๊เรอ หลู่ เฮ๊เนอหม่า อา ซิเง เกอเร๊อ เกอ อาแบ่เจ่ อาเตเม อาหรี่อาแก คยา โต่. แว เก่ เอ๊โค๊ เฮ๊อ ซี เน๊อ ซี หม่า แว โคแบ๊ซว๊า เต๊เห่ เฮ๊อ, เมเตเฮ๊เรอ ล๋อ แว หนิโฮ เต เด๊อ แวเพ อา โอ่ เต๊เห่เนอ, แว แด๊โฉ่โล เป่ลอเฮ๊อ ซี เฮ๊อ.