ꤚꤥꤗꤢꤩ꤬ 6:6 - ลีเทส่อพ๊าอาเซ เร๊อ เห่ขุทวาลู๊

⁶ เมเตเฮ๊เรอ, แซ่ฮู๊ เตซื๊อ อา เตโพรเตเตอเรอ อาฉว่าอาชอ เออ เก่ เป๊อตี๊หรี่ ปา แต่ เป แต่เหม่, โท๊โต่ แซ่ฮู๊ เป เก่ ทวา ปา แต่ เตซื๊อ อาหลู่เล๊ แต่เหม่เนอ, ซี ซิเงเฮ๊อ เร๊อ เป เตโอ่เซอเพร อาเลอ เออเนอ, จอแปแหร่ มือเซอแถ่ เต่อเกอ โทเฮ๊อ เร๊อ ครี๊ เฮ๊อ.

Eastern Kayah Shadaw Dialect

⁶ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤞꤢꤧꤟꤢꤨ ꤒꤢꤩ꤬ꤞꤢꤦ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤢ꤬ꤏꤝꤢ꤬ꤢ꤬ꤏꤢꤪ꤭ ꤣꤧ꤭ ꤊ꤫ꤢꤦ꤬ ꤕꤣꤒꤣꤧ꤬ꤚꤤ꤬ ꤕꤢ꤬ ꤒ꤫ꤢꤧ꤬ ꤕꤢꤩ꤬ ꤒ꤫ꤢꤧ꤬ꤗꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤓꤝꤢ꤭ ꤕꤢ꤬ ꤒ꤫ꤢꤧ꤬ ꤒꤢꤩ꤬ꤞꤢꤦ ꤢ꤬ꤡ꤫ꤢꤦ꤬ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤞꤤ꤭ ꤞꤤꤑꤢꤩ꤭ꤟꤣꤧ ꤔꤢꤧ ꤕꤢꤩ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤜꤣꤧ꤬ ꤣꤧ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤦ꤭ꤞꤣꤧ꤭ꤓꤢꤧ꤬ ꤒ꤫ꤣ꤬ꤊꤣꤧ꤭ ꤓꤥ꤭ꤟꤣꤧ ꤔꤢꤧ ꤋꤚꤤ ꤟꤣꤧ꤯

ꤚꤥꤗꤢꤩ꤬ 6:6 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 2:20

เออเนอหมา อา แซ่เฮ๊อ เน๊อ แว เซอ เต่อเกอ เร๊อ ครี๊ เด๊อ อี๊ถื่อดีเต่ อาลู เฮ๊อ. แว โอ่เซอเพร หม่าปาโต่ เฮ๊อ หม่าแน๊เรอ ครี๊ โอ่เซอเพร เฮ๊อ เด๊อ แวกู เฮ๊อ. เตโอ่เซอเพร เด๊อ แว โอ่เซอเพร กู๊แหน่ เออเนอหมา หม่าแพ๊ แว โอ่เซอเพร เด๊อ เตหยื่อเอ่ จอแปแหร่ อาพู๊คู เด๊อ อา โมเร๊อ แว เร๊อ อา เด๊อะแลแก อา ซิปล่อเซอเพร เด๊อ แวเง เออเนอ เตเพร อาคยา แพ๊.

เอเฟซัส 4:22

อู อิซว๊าเฮ๊อ ซี เร๊อ ซี โตเบ่ โปล๊ตาแก ซี เตโอ่เซอเพร อาเลออาหลว่า เต๊เห่. เบ๊อะซี โอ่เซอเพร เด๊อ เตโอ่เซอเพร อาเลออาหลว่า กูเออ เบ๊อะเนอ, ซี ซิปล่อ อา เตซิหยื่อ มู๊แหม่ เต๊เห่เนอ อา อี๊หล่าปย๊าอี๊หล่าแก ซี เร๊อ อา เม มู๊แหม่รีแจ่ ลอ ซี ซิปล่อ.

ꤊꤢ꤬ꤜꤢ꤬ꤒꤤ 5:24

แกแย เด๊อ อา ทวา เหย่ซู่ครี๊ อาเต เต๊เห่ เนอหม่า อา สุ่ยเทอพ๊าหย่า อา เตซิหยื่อซิลอ เป๊อตี๊หรี่ ปา ลู โต่ เฮ๊อ. อา มือเซอแถ่แก เฮ๊อ อา สุ่ยเทอพ๊าหย่า อา เตซิหยื่อซิลอ ล๋อ ปลี เด๊อ อี๊ถื่อดีเต่ อาลู เฮ๊อ.

ꤊꤢ꤬ꤜꤢ꤬ꤒꤤ 6:14

แว เก่ เฮ๊เบ่แถ่โล เกอ ฮู๊ เหย่ซีเนอ เก่เฮ๊เรอ, แว เก่ เฮ๊เบ่แถ่โล แพ๊ เด๊อ แว โด่แน เป่ แบ่เจ่ เหย่ซู่ครี๊ อา อี๊ถื่อดีเต่ อาหรี่อาแก เออเนอ แพ๊. เหย่ซู่ เซอ เด๊อ อี๊ถื่อดีเต่ลู เฮ๊อ อาขว่าอาคยา, เตปว๋า เต๊อเจ่อ เด๊อ อา จิจือ เร๊อ เห่ขุ เออเต๊เห่เนอ, อา เซอแก เป่ลอเฮ๊อ เด๊อ แวเงเฮ๊อ, ฮู๊เนอเฮ๊อ, แว เร๊อ แว เซอแก เป่ลอเฮ๊อ เตเด๊อ อา จิจือ เร๊อ เห่ขุ เออเนอเต๊เห่ เฮ๊อเฮ๊อ.

โคโลสี 3:5

ฮู๊เนอ อาขว่าอาคยา, วีแก ซี เตโอ่เซอเพร เลอ อา เตซิหยื่อซิลอ หม่าดื่อ, เตจว๊าซื๊อ เพรเหมาะเพรคู, เตโอ่เซอเพร เด๊อ อา โพ๊แปละอาโพ๊อาแปละ โต่ เต๊เห่, ซิปล่อ ปาต๊าเปอเตอ, เตซิหยื่อซิลอ มู๊แหม่รีแจ่, เน๊อ ซิหยื่อ พย๊าหนิ โอ่เอ๊แถ่ โป่ เตดุแหย่แถ่เซ เต๊เห่. เตซิหยื่อพย๊าหนิ เอ๊แถ่โป่ เตดุแหย่แถ่เซ หม่า อาแซ่เน๊อ จ๊อเบ แหย่โย เฮ๊อ.

ꤚꤥꤗꤢꤩ꤬ 8:13

เมเตเฮ๊เนอ, เก่ ซี โอ่เซอเพร ฮู๊ ซี พ๊าหย่า อา เตซิหยื่อซิลอ มู๊แหม่ เฮ๊เนอ, ซี เก่ เซอแก ปา. หม่าแน๊เรอ เด๊อ จอแปแหร่ อา แหย่โยบูโพ๊ เมจว่า เฮ๊อ ซี เร๊อ ซี เก่ เมเซอแก เหน่กล่อพ๊าหย่า อา เตซิหยื่อซิลอ มู๊แหม่รีแจ่ เออเต๊เห่ เฮ๊เนอหม่า, ซี เก่ เซอเพร ปา.

ꤚꤥꤗꤢꤩ꤬ 6:22

หม่าแน๊เรอ กู๊แหน่เออ จอแปแหร่ ฉิย๊า ปลวาเถ่จว๊าแก เฮ๊อ ซี เด๊อ เตซื๊อเตปล๊า อาหลู่เล๊ เฮ๊อ. เร๊อ ซี ทวาเฮ๊อ จอแปแหร่ อาหลู่เล๊ เด๊อ อาเซ เต๊เห่ เฮ๊อ. เด๊อ ซี ทวาเฮ๊อ ฮู๊เออ อาขว่าอาคยา, อา หนิบุ๊ยหนิเตอเรอ เด๊อ ซีเง หม่า หม่าเฮ๊อ อา ซูจว๊า ซี เด๊อ เตโอ่เซอเพร บูโพ๊ อา แกล๊เดกู เออเนอ เฮ๊อ. เร๊อ เด๊อ เป โอ่เซอเพร บูโพ๊ เฮ๊อ อาขว่าอาคยา, อา หนิบุ๊ย เฮ๊อ เด๊อ ซิเง หม่า หม่าเฮ๊อ ซี พย๊าหนิ ซิปล่อเซอเพร ตูจูเพร เออเนอ เฮ๊อ.

ꤚꤥꤗꤢꤩ꤬ 6:12

ฮู๊เนอเรอ, แซ่ฮู๊ ซี เก่ ครวาเม เกอ ปา แต่ เตซิหยื่อ ปาต๊าเปอเตอ มู๊แหม่ เต๊เห่ แต่เหม่เนอ, นอเป๊อหนิ ปา แต่ ซี เหน่กล่อ เด๊อ อา เซอแจ่ เออเนอ เร๊อ เตซื๊อ เออเนอ แต่เหม่ นี๋.

ꤚꤥꤗꤢꤩ꤬ 7:14

เป ซิเง เร๊อ จอแปแหร่ อา แหย่โยบูโพ๊ เด๊อะตา เป เตซว๊าเตแส่ เออเต๊เห่ หม่าแน๊เรอ แว หม่า แกแย เห่ขุพู๊ เด๊อ อา เซอแจ่ เตเพร แพ๊. แว หม่า อาแซ่เน๊อ หลู่เล๊ เด๊อ อู อิเช จว๊าแก ลู เน๊อ อา เก่ จว๊าทวา เป่ เตซื๊อเตปล๊า แบ่เจ่ เออเตเพร อาหลู่เล๊ แพ๊.

โครินธ์ เนอบ่า ต๊าบ่า 5:14

ครี๊ อาเตโม เมเป่แก เฮ๊อ เป อาขว่าอาคยา, เป โอ่เซอเพร เป่ เด๊อ จอแปแหร่ อาเง ฮู๊เออ เฮ๊อ. เป ซิเง เร๊อ ครี๊ เซอ เป่ เด๊อ แกแย ปว๋า เตเพร อาเง อาโหง่แลช๊า หม่า หม่าเฮ๊อ แกแย ปว๋า เตเพร เซอ เต่อเกอ เฮ๊อ เร๊อ ครี๊ เฮ๊อ.

ꤒꤤꤒꤢꤨ 3:3

เมเตเฮ๊เรอ เด๊อ เหร่อเคเนอ เป เต๊เห่ หม่า แกแยบูบย่า แกแย จูเอ่ เกออู โหง่ โต่ เต๊เห่. เป หม่า แกแย เด๊อ อา ครวาซื๊อเกอ แกแย แลโฮ เต๊เห่ อาคยา. เป ทวา โทเฮ๊อ แกแย เด๊อ อา ซิหยื่อซิลอ เมโม เกอเร๊อ เหน่ เต๊เห่ อาหลู่เล๊ เฮ๊อ. เป โอ่เซอเพร เมลอแก อาม๊อเนอม๊อเซ เนอ เป เม เตมู๊แหม่รีแจ่ เนอ เตซิค๊าซิเถ่ อู เต๊เห่ เฮ๊อ. โท๊โต่ อู ซิเถ่ เป เร๊อ เป ซิเถ่ฉื่อ อู.