ꤚꤥꤗꤢꤩ꤬ 6:22 - ลีเทส่อพ๊าอาเซ เร๊อ เห่ขุทวาลู๊

²² หม่าแน๊เรอ กู๊แหน่เออ จอแปแหร่ ฉิย๊า ปลวาเถ่จว๊าแก เฮ๊อ ซี เด๊อ เตซื๊อเตปล๊า อาหลู่เล๊ เฮ๊อ. เร๊อ ซี ทวาเฮ๊อ จอแปแหร่ อาหลู่เล๊ เด๊อ อาเซ เต๊เห่ เฮ๊อ. เด๊อ ซี ทวาเฮ๊อ ฮู๊เออ อาขว่าอาคยา, อา หนิบุ๊ยหนิเตอเรอ เด๊อ ซีเง หม่า หม่าเฮ๊อ อา ซูจว๊า ซี เด๊อ เตโอ่เซอเพร บูโพ๊ อา แกล๊เดกู เออเนอ เฮ๊อ. เร๊อ เด๊อ เป โอ่เซอเพร บูโพ๊ เฮ๊อ อาขว่าอาคยา, อา หนิบุ๊ย เฮ๊อ เด๊อ ซิเง หม่า หม่าเฮ๊อ ซี พย๊าหนิ ซิปล่อเซอเพร ตูจูเพร เออเนอ เฮ๊อ.

Eastern Kayah Shadaw Dialect

²² ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤏꤤ꤬ꤜꤥ ꤕꤜꤝꤢ꤭ꤓꤢꤩ꤬ꤡꤝꤢꤊꤢꤧ꤭ ꤟꤣꤧ ꤞꤤ꤭ ꤔꤢꤧ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤢ꤬ꤡ꤫ꤢꤦ꤬ ꤟꤣꤧ꤯ ꤚꤣꤧ꤬ ꤞꤤ꤭ ꤓꤝꤢ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤡ꤫ꤢꤦ꤬ ꤘꤣ ꤢ꤬ꤞꤢꤩ꤭ ꤒꤣꤧ꤬ꤟꤢꤩ꤬ ꤟꤣꤧ꤯ ꤘꤣ ꤞꤤ꤭ ꤓꤝꤢ꤭ꤟꤣꤧ ꤟꤢꤨꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤘꤣ ꤞꤤꤑꤢꤩ꤭ ꤗꤢ꤬ ꤗ꤫ꤢ꤬ꤟꤣꤧ ꤢ꤬ ꤞꤢꤨ꤭ꤡꤝꤢ ꤞꤤ꤭ ꤘꤣ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤢ꤬ ꤊꤜꤢꤧꤘꤢꤩ꤭ꤊꤢꤨ꤭ ꤣꤧ꤭ꤔꤣꤧ꤬ ꤟꤣꤧ꤯ ꤚꤣꤧ꤬ ꤘꤣ ꤕꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ꤋꤚꤝꤢ꤭ ꤜꤢꤨ꤭ ꤋꤛꤢ꤭ ꤔꤢꤧ ꤞꤤꤕꤜꤢꤪ꤬ ꤏꤤ꤭ꤗꤢꤩ꤭ꤜꤢꤪ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤔ꤫ꤤ꤬ꤙꤝꤤ ꤟꤣꤧ ꤘꤣ ꤞꤤꤑꤢꤩ꤭ ꤗꤢ꤬ ꤗ꤫ꤢ꤬ꤟꤣꤧ ꤞꤤ꤭ ꤔ꤫ꤤ꤬ꤙꤢꤩ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤟꤣꤧ꤯

ꤚꤥꤗꤢꤩ꤬ 6:22 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 2:16

โอ่เซอเพร แลแค ฮู๊ แกแย หนิ เตปาลา เนอเต๊เห่ นี๋. หม่าแน๊เรอ นอเอ่ แต่ ซี เตปาลา เออเนอ เร๊อ อา เก่ เมโอ๊เมบี๊แก แต่ ซี เตซื๊อเนอ แต่เหม่. หม่าแน๊เรอ โอ่เซอเพร แซ่ แลแค เร๊อ จอแปแหร่ อาหลู่ เต๊เห่เนอ.

ꤚꤥꤗꤢꤩ꤬ 6:18

จอแปแหร่ ฉิย๊า อาปลวา เถ่จว๊าแก เฮ๊อ ซี เร๊อ เตซื๊อเตปล๊า อาหลู่ เออเนอ เฮ๊อ. กู๊แหน่เออ ซี ทวาเฮ๊อ เตจ๊อเตเต หลู่ เฮ๊อ.

ꤚꤥꤗꤢꤩ꤬ 8:2

เมเตเฮ๊เรอ เด๊อ เป ทวาแถ่ เฮ๊อ ลู เตอเจ๋อ โต เน๊อ เหย่ซู่ครี๊ เฮ๊อ อาขว่าอาคยา, จอแปแหร่ อา แหย่โยบูโพ๊ เม เป่เฮ๊อ เปแกล๊ เด๊อ อาเซ โตโบ เฮ๊อ. โทเรอ อา เมแลเปล๊กา เฮ๊อ แว เร๊อ เตซื๊อ อาเหล่โกล เมโป๊เนอ เด๊อ อา ซูจว๊าเฮ๊อ แว เด๊อ เตเซอ เด๊อ แหย่โย ตากยา เออ อากู เนอเฮ๊อ.

ꤛꤥ꤭ꤟꤢ꤬ 8:32

เร๊อ ซี เก่ ซิเง เตหม่า เตจ๊อปา. เร๊อ เตหม่า เตจ๊อ เก่ ปลวาเถ่ ซี ปา,” อา เฮ๊ เหย่ซี ฮู๊เนอ.

ꤊꤢ꤬ꤜꤢ꤬ꤒꤤ 5:13

แว โป่แหว่ ซี๋, แซ่ฮู๊ ซี เก่ พย๊าหนิ เตปาลา อาเงเนอเรอ, จอแปแหร่ เอ๊เฮ๊อ ซี เฮ๊อ. หม่าแน๊เรอ เด๊อ ซี พย๊าหนิ เตปาลา เออ อาขว่าอาคยาเร๊อ, นอเป๊อ แต่ ซีเหน่ เร๊อ ซี สุ่ยเทอพ๊าหย่า อา เตซิหยื่อซิลอ เนอเต๊เห่ แต่เหม่ นี๋. หม่าแน๊เรอ, ซี โต โม เกอเร๊อ ลู เตเพร เร๊อ เตเพร, ซี โต เมจว่าเกอ เกอเร๊อ ลู เตเพร เร๊อ เตเพร.

โครินธ์ อาเหร่อเล๊อ ต๊าบ่า 7:22

เมเตเฮ๊เร๊อ เน ทวา หลู่ หม่าแน๊เรอ, เบ๊อะเน หยื่อเอ่เฮ๊อ แบ่เจ่ เหย่ซู่ เบ๊อะเนอ, อา แด่เฮ๊อ เน ฮู๊ แกแย เตเพร เด๊อ อา หนิ เฮ๊อ เตปาลา เนอ เฮ๊อ. ฮู๊เนอเฮ๊อ แกแย เด๊อ อา ทวาน๊อ หลู่ โต่ เตเพรเนอ, เบ๊อะอา หยื่อเอ่เฮ๊อ แบ่เจ่ เหย่ซู่ครี๊ เบ๊อะเนอ, อา ทวาเฮ๊อ แบ่เจ่ เหย่ซู่ครี๊ อาหลู่ เฮ๊อ.

เปโตร อาเหร่อเล๊อ ต๊าบ่า 1:9

เมเตเฮ๊เรอ เด๊อ ซี หยื่อเอ่แหน่ เหย่ซู่ อาขว่าอาคยา, ซี พย๊าหนิเฮ๊อ ซี ซิปล่อเซอเพร เออเต๊เห่ อา เตแลเปล๊ เฮ๊อ.

ꤊꤢ꤬ꤜꤢ꤬ꤒꤤ 1:10

แว เฮ๊ ฮู๊เออ เนอหม่า อาแซ่เน๊อ แว แอ๊จื๊อ ครวาลือ เกอ แกแยเห่ขุพู๊ อาซิปล่อ ฮู๊เนอ แอ? แว ซิหยื่อ ครวาลือ เกอ แกแยเห่ขุพู๊ อาซิปล่อ ฮู๊เนอ หม่าโต่. แว ซิหยื่อ ครวาลือเกอ ฮู๊ จอแปแหร่ อาซิปล่อ เนอแพ๊. แว เก่ แอ๊จื๊อ ครวาลือ เมโม ตื๊อดื่อปา แพ๊ แกแยเห่ขุพู๊ เต๊เห่ อาซิปล่อ แพ๊ เฮ๊เนอหม่า, แว หม่า ครี๊ อาหลู่ เตเพร หม่าโต่.

ꤚꤥꤗꤢꤩ꤬ 6:14

ซี โอ่เซอเพร เด๊อ เตซว๊าเตแส่ อาเล หม่า ปาโต่เฮ๊อ, ซี โอ่เซอเพร เฮ๊อ เด๊อ จอแปแหร่ อาบุ๊ยอาเตอเรอ อาเล เฮ๊อ. ฮู๊เนอเรอ เตซื๊อ เออเนอ อา ทวา ปา ซีแบ่เจ่ หม่าปาโต่เฮ๊อ.

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

ꤚꤥꤗꤢꤩ꤬ 7:4

ฮู๊เนอเรอ, แว โป่แหว่ ซี๋, เบ๊อะครี๊ เซอ เด๊อ อี๊ถื่อดีเต่ลู เบ๊อะเนอ, อา แซ่เฮ๊อ เร๊อ ซี เซอ เต่อเกอเฮ๊อ เร๊อ ลู เฮ๊อ อาขว่าอาคยา, ซี โอ่ปา เด๊อ เตซว๊าเตแส่ อา เตเป๊อเตเบ่ อาเล โต่ เฮ๊อ. กู๊แหน่เออ ซี ทวาแถ่เฮ๊อ เต๊อเจ๋อโต เร๊อ อา เด๊อ จอแปแหร่ เมเซอเพร กาคยา ลู เด๊อ เตเซอ เออเนอ เตเพร เฮ๊อ. เด๊อ เตเมทวาแถ่ เฮ๊อ ฮู๊เออ อาขว่าอาคยา, ซี เก่ เส่เถ่โพเถ่ แลแค เต เด๊อ อาแร๊ เต๊เห่ เร๊อ อา ทวาบุ๊ย ทวาเตอเรอ เป่ เด๊อ จอแปแหร่ อาเง.

ꤚꤥꤗꤢꤩ꤬ 6:21

เบ๊อะเนอเค เน พย๊าหนิ เกออู เตตว่าเตแร๊ เตอเจ๋อ โต่. เด๊อ เน เม ฮู๊เนอ อาขว่าอาคยา, กู๊แหน่เรอ ซี เตเน ซิเตเร เกอ เร๊อ เฮ๊อ ซีเหน่ เฮ๊อ. เตเม ฮู๊เนอเต๊เห่ หม่า อา ซูจว๊า อู เด๊อ เตเซอ ตูจูเพร อาเหล่โอ่ แพ๊.

มัทธิว 25:46

“ฮู๊เนอเรอ เหย่ซี เก่ ข่าเบ่ เด๊อ เตเมจากาคยา ตูจูเพร ตาแลเคร๊ ปา, หม่าแน๊เรอ แกแย จ๊อเต เออเต๊เห่เนอ อา เก่ โนหนิ เด๊อ ม๊อขุ เร๊อ อาเก่ พย๊าหนิ ซิปล่อเซอเพร ตูจูเพรปา.”

ꤒꤤꤒꤢꤨ 1:1

แว หม่า คูเปาโล, แว ราจว๊า เป่ เน ลี เออต๊าบ่า. แว หม่า จอแปแหร่ อาหลู่ เน๊อ เหย่ซู่ครี๊ อา เพรโด่แนพู๊ เต๊เห่ เตเพร. จอแปแหร่ นว๊าแถ่ แว เร๊อ อา นอจว๊า เมจว่าเฮ๊อ แว เร๊อ แกแย เด๊อ อา นว๊าแถ่เฮ๊อ ลู เนอเต๊เห่ อา เตหยื่อเตแหน่, เร๊อ อา เก่ ซิเง แลแค เตจ๊ออาเต. เตจ๊อเตเต เออเนอหม่า หม่าเฮ๊อ อา เมจว่าเฮ๊อ เหย่ซี เด๊อ อา เก่ โอ่เซอเพร โต เร๊อ จอแปแหร่ อาซิปล่อ เออเนอเต๊เห่ เฮ๊อ.

โคโลสี 1:10

แซ่ฮู๊ ซี เก่ โอ่เซอเพร เกอติ เร๊อ แบ่เจ่ โทเรอ แซ่ฮู๊ ซี เก่ เมโม ลู ซิปล่อ อาเงเนอ, เป กุยจ๊อเบ จอแปแหร่ ฮู๊เนอ. โท๊โต่ แซ่ฮู๊ ซี เก่ เมเตแร๊ ปว๊าเต๊อเจ่อ, เร๊อ ซี เก่ เส่แถ่แร๊ เร๊อ ซี เก่ ดุแถ่ดื่อ เด๊อ เตซิเง จอแปแหร่ อากู อาเงเนอ, เป กุยจ๊อเบ เป่ โป่ เด๊อ ซีเง.

ฟีลิปปี 4:17

แว แม๊ปู เด๊อ อู เก่ เด๊อะครา แว เชหยู่ ฮู๊เนอ หม่าโต่. แซ่ฮู๊ จอแปแหร่ เก่ เด๊อ ซี เตเมหนิคว๊าเก่ เนอเร๊อ แว ซิปล่อฉว่า ซิหยื่อ แม๊เถอะ เล๊อตาเปล๋ เด๊อ ซี เก่ เม เอ๊แถ่โป่ เตแร๊ เต๊เห่ ฮู๊ ซี เม โทเฮ๊อ เนอเต๊เห่ เจ๊อตาเปล๊.

ฟีลิปปี 1:11

โท๊โต่ แว กุยจ๊อเบ เป่ เด๊อ ซีเง เนอ, เด๊อ เหย่ซู่ครี๊ อา เตโพรเตเตอเรอ ขว่าคยาเร๊อ, ซี เก่ เส่เถ่ แฮเง เกอ แลแค เตจ๊อเตเต อาเส่ เต๊เห่. เมเตเฮ๊เรอ เบ๊อะอู แม๊เถอะ ซี เส่เถ่ เตจ๊อเตเต อาเส่ เออเต๊เห่ เบ๊อะเนอ, อู เก่ แด่ดุหยื่อแหน่ จอแปแหร่, เร๊อ อู เก่ ถู่เซ๊แถ่หนิ ลู ปา.

เอเฟซัส 5:9

เมเตเฮ๊เรอ, เตลี อา เตเส่เตโพ เต๊เห่ เนอหม่า หม่าเฮ๊อ ล๋อ เตตว่าเตแร๊, อาจ๊ออาเต เร๊อ ซิปล่อ จ๊อจื้อ เออเต๊เห่ เนอเฮ๊อ.

โครินธ์ เนอบ่า ต๊าบ่า 3:17

แบ่เจ่ เด๊อ แว รา อาหรี่อาแก เออเตเพร เนอหม่า แหย่โยบูโพ๊ แบ่เจ่ เฮ๊อ. ล๋อ แกแย เด๊อ อา พย๊าหนิเฮ๊อ แหย่โยบูโพ๊ แบ่เจ่ เต๊เห่เนอ, แหย่โยบูโพ๊ ปลวาเถ่ปาลา จว๊า ลา ลู เฮ๊อ.

ꤚꤥꤗꤢꤩ꤬ 7:25

แว เฮ๊บุ๊ยเฮ๊เตอเรอ จอแปแหร่, เมเตเฮ๊เรอ เด๊อ เป แบ่เจ่ เหย่ซู่ครี๊ อาขว่าอาคยาเร๊อ, อา เมแลเปล๊กา เฮ๊อ แว เฮ๊อ. ฮู๊เนอเรอ เตเมทวาแถ่ อาเหน่ เร๊อ แว หม่า ฮู๊เตเฮ๊เร๊อ แว ซิปล่อ เออเนอ, อา ซิหยื่อ เม โชชื่อ แพ๊ จอแปแหร่ อา เตซว๊าเตแส่ หม่าแน๊เรอ แวพ๊าแวหย่า อา เตซิหยื่อซิลอ เออเนอ อา เม โชชื่อแพ๊ เต เด๊อ อาเหล่โกล เมโป๊เนอ เตซื๊อ เออเนอเต๊เห่ แพ๊.

ꤛꤥ꤭ꤟꤢ꤬ 15:16

ซี นว๊าแถ่ แว หม่าโต่. แว นว๊าแถ่ ซี เร๊อ แว แด่แถ่เฮ๊อ ซี เด๊อ ซี เก่ เถ่จว๊า แลแค เร๊อ จว๊า เส่แถ่อาโพแถ่ เอ๊ แลแค. แว แด่แถ่เฮ๊อ ซี เร๊อ ซี เก่ เส่จิจือหมะ แลแค เด๊อ อาตื๊อดื่อ. ซี เก่ เมฮู๊เนอ ตื๊อหม่า ซี กุย อิเตเต๊ เบ่เบ่, ซี เก่ กุย เร๊อ แวมุย เฮ๊เนอ, เพ เก่ เด๊อ ซี ปา.

ꤛꤥ꤭ꤟꤢ꤬ 15:2

แท๊ทือแพ เด๊อ อา จิจือหมะ เร๊อ แว เร๊อ อาเส่อาโพ เถ่โต่ เต๊เห่เนอ, อา เก่ ปาแก ลอ ปา. อาแพ เด๊อ อาเส่อาโพเถ่ เต๊เห่เนอ เบ่เบ่, แซ่ฮู๊ อา เก่ เส่เถ่ เอ๊แถ่โป่ อาเงเนอ อา กล๊าแก แลเก่ อาแพ เต๊เห่.

ꤛꤥ꤭ꤟꤢ꤬ 4:36

กู๊แหน่เออ เจ๊อ เบ่เบ่, เพรเก๊โบ๊ เตเพรเนอ อา พย๊าหนิ อาคว๊าอาเก่ เร๊อ อา แด่โอ่ปล๊อ เตเส่เตโพ เต๊เห่ เด๊อ อา หม่าเฮ๊อ ซิปล่อเซอเพร ตูจูเพร อาเง เออเนอ เฮ๊อ. ฮู๊เนอเร๊อ เพรช๊อโบ๊ เออ เร๊อ เพรเก๊โบ๊ เออ ซิเนอลอ เก่ ซิครือ โหร่ลอ ลู ปา.

มัทธิว 19:29

โท๊โต่ อูเปเป๋ เบ่เบ่, เด๊อ แวขว่า แวคยาเรอ, อา แด่แก อาหี่อาเพร๊ เบ่เบ่, อาโป่อาแหม่ เต๊เห่ เบ่เบ่, อาโหมะอาเพ เบ่เบ่, อาพู๊ อาเลอ เต๊เห่ เบ่เบ่, อา เก่ พย๊าหนิ เอ๊เล๊อ ปา เจ๊อ เร๊อ อา แด่แก เนอเต๊เห่ อาโพ๊ เด๊อ อาเยกู ปา, โทเรอ อา เก่ พย๊าหนิ ซิปล่อเซอเพร ตูจูเพร ปา.

มัทธิว 13:43

เบ๊อะเนอโตโพ๊ ปาเนอ, แกแยจ๊อแกแยเต เต๊เห่ อาเก่ลีอาเก่เตเค แซ่เน๊อ ต๊อเหมาะ เนอ เด๊อ เพ จอแปแหร่ อาเทออาเก่กู เนอ ปา. เน เก่ กู๊หลิโก่โอ่ เร๊อ หนิดา ดื่อ นี๋.

มัทธิว 13:40

“ฮู๊ อู เย๊เถ่ โอ่ปล๊อลอ โร๊ยเหมาะ เต๊เห่ เร๊อ อู ชื๊ออือแก เร๊อ หมิ เนอหม่า, ช๋า ม๊อเนอ ตื๊อดื่อ ปาหม่า อา เก่ ทวาแถ่ แซ่เกอ ฮู๊เนอ ปา.

เห่ขุทวาลู่ 50:17

เร๊อ เพ นอเฮ๊ เป เน๊อ, ‘ซี โตเบ่ เฮ๊ โยเซฟ ฮู๊เต เฮ๊เนอเร๊อ, แด่ทูซิปล่อ เร๊อ ปลวาแก เป่เหร่อ เนโป่เนแหม่ เต๊เห่ อาเตเมซื๊อเมปล๊า เด๊อ อาเมซื๊อเมปล๊า, อา เมหน่าเมจา เนเนอเต๊เห่ นี๋,’ ฮู๊เนออาขว่าอาคยา, กู๊แหน่เร๊อ แด่ทูซิปล่อ เร๊อ ปลวาแก เป่เหร่อ เนเพ อาจอแปแหร่ดุ อาหลู่เล๊ เต๊เห่ อาเตเมซื๊อเมปล๊า เนอเต๊เห่ นี๋.” เบ๊อะ คูโยเซฟ หนิโฮ เฮ๊อ โหง่ ฮู๊เออ เบ๊อะเนอ, อา เป๊เส่เทอตา เจ๊อ.

เตเด๊อะโลแถ่ 7:13

โทเรอ เด๊อ โหมะพรูโหมะเผร่ เนอเต๊เห่ อาเกล เตเพรเนอ อา แด๊เฮอ แว เน๊อ, “แกแย เด๊อ อา กือแซ๊ จาจวาบูทู เออเต๊เห่ เนอหม่า อูเป? เหย่ซี หม่า อา โอ่ เบ๊อะเตแฮ?”

ꤡꤛꤢꤩ꤭ꤗꤢ꤬ꤎꤣ꤬ 1:1

แว หม่า คูยากอบ, แว ทวา จอแปแหร่ เร๊อ แบ่เจ่ เหย่ซู่ครี๊ อาหลู่ เตเพร. แว เฮ๊โมเฮ๊แร๊ จว๊า เป่ จอแปแหร่ อาแกแย กลุยแล เช๊อเนอโหมะ เด๊อ อา จว๊าโอ่ปีชี แลแค เด๊อ เหล่โอ่ ปว๋า โต๊โผ่ เต๊เห่ อาโอ่.

โคโลสี 4:12

คูเอปาฟรัส หม่า ซี ดอกูพู๊ เตเพรเพร. อา หม่า อา ทวา ครี๊ อาหลู่ เตเพร. อา เฮ๊โมเฮ๊แร๊ แฮหนิ ซี. อา ซิปล่อฉว่า เร๊อ อา กุยจ๊อเบ โตโมโตโม เป่ เจ๊อ เด๊อ ซีเง เจ๊อ. แซ่ฮู๊ ซี เก่ โอ่หม่าโอ่กลอ เด๊อ ซี เตหยื่อเตแหน่ อากู เร๊อ ซี เก่ ดุแถ่เบ๊ แลแค เด๊อ แหย่โย ตากยา, โท๊โต่ แซ่ฮู๊ ซี เก่ หยื่อเอ่ ซิเงแฮ ตาเตโป่ จอแปแหร่ อา เตซิหยื่อ ปว๋า เต๊อเจ่อ อาเงเนอเรอ, อา กุยจ๊อเบ เป่ เด๊อ ซีเง.

ꤟꤤꤙꤚꤢꤨ 12:14

แอ๊จื๊อ โอ่โครโอ่เกล เกอ เน๊อ อู ปว๋า เตเพร นี๋. แอ๊จื๊อ โอ่เซอเพร บูโพ๊ แลแค นี๋. เมเตเฮ๊เรอ เตโอ่เซอเพร บูโพ๊ เก่ โอ่โต่ เฮ๊เนอ, อู แม๊เถอะแจ่ แบ่เจ่ เตเพร่ว โต่.