ꤚꤥꤗꤢꤩ꤬ 6:2 - ลีเทส่อพ๊าอาเซ เร๊อ เห่ขุทวาลู๊

² ฮู๊เนอ หม่าโต่. เป หม่า อาแซ่เน๊อ แกแย เด๊อ อา เซอ เร๊อ อา เม แฮเง แจ่ปา เตซื๊อ โต่ เออเนอ เตเพร เฮ๊อ. ฮู๊เนอเรอ เป จว๊า โอ่เซอเพร เม แฮเง แจ่ปา เตซื๊อ ฮู๊เต?

Eastern Kayah Shadaw Dialect

² ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤕꤢꤩ꤬ ꤗꤢ꤬ ꤢ꤬ꤞꤢꤧꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ ꤚꤣꤧ꤬ ꤢ꤬ ꤗꤢꤩ꤬ ꤟꤢꤧ꤭ꤑꤢꤩ꤭ ꤡ꤫ꤢꤧ꤬ꤕꤢ꤬ ꤒꤢꤩ꤬ꤞꤢꤦ ꤒꤥ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤡꤝꤢ ꤥ꤬ꤞꤣꤧ꤭ꤖꤚꤢꤩ꤬ ꤗꤢꤩ꤬ ꤟꤢꤧ꤭ꤑꤢꤩ꤭ ꤡ꤫ꤢꤧ꤬ꤕꤢ꤬ ꤒꤢꤩ꤬ꤞꤢꤦ ꤟꤢꤨꤒꤢꤩ꤭?

ꤚꤥꤗꤢꤩ꤬ 6:2 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:9

อูเป๋ เตเพร เบ่เบ่, อา เก่ ทวาเฮ๊อ จอแปแหร่ อาพู๊อาเลอ เฮ๊เนอ, อา เม แฮเง ปา เตซื๊อเตปล๊า โต่, เมเตเฮ๊เรอ เตโอ่เซอเพร อาเซ เด๊อ จอแปแหร่ เด๊อ เออเนอ อา โอ่กลอช๊อหม่าเฮ๊อ เด๊อ ลูเหน่กู เฮ๊อ. เร๊อ จอแปแหร่ หม่า อาเพ เฮ๊อ อาขว่าอาคยา, อา เม แฮเงแจ่ ปา เตซื๊อเตปล๊า โต่.

โคโลสี 3:3

เมเตเฮ๊เรอ, ซี เซอเต่อ โทเฮ๊อ เร๊อ ครี๊ เฮ๊อ เร๊อ กู๊แหน่เออ ซี พย๊าหนิ เต่อเกอเฮ๊อ ซิปล่อเซอเพร อาเซ เน๊อ ครี๊ เฮ๊อ. โท๊โต่ ซี ทวาแถ่ เฮ๊อ เตเตอเจ๋อโต เฮ๊อ เร๊อ จอแปแหร่ เฮ๊อ. แกแย เต๊เห่เนอ อา ซิเงโปล เกอเฮ๊อ ซิปล่อเซอเพร อาเซเออ ล๋ายโต่.

ꤚꤥꤗꤢꤩ꤬ 7:4

ฮู๊เนอเรอ, แว โป่แหว่ ซี๋, เบ๊อะครี๊ เซอ เด๊อ อี๊ถื่อดีเต่ลู เบ๊อะเนอ, อา แซ่เฮ๊อ เร๊อ ซี เซอ เต่อเกอเฮ๊อ เร๊อ ลู เฮ๊อ อาขว่าอาคยา, ซี โอ่ปา เด๊อ เตซว๊าเตแส่ อา เตเป๊อเตเบ่ อาเล โต่ เฮ๊อ. กู๊แหน่เออ ซี ทวาแถ่เฮ๊อ เต๊อเจ๋อโต เร๊อ อา เด๊อ จอแปแหร่ เมเซอเพร กาคยา ลู เด๊อ เตเซอ เออเนอ เตเพร เฮ๊อ. เด๊อ เตเมทวาแถ่ เฮ๊อ ฮู๊เออ อาขว่าอาคยา, ซี เก่ เส่เถ่โพเถ่ แลแค เต เด๊อ อาแร๊ เต๊เห่ เร๊อ อา ทวาบุ๊ย ทวาเตอเรอ เป่ เด๊อ จอแปแหร่ อาเง.

เปโตร อาเหร่อเล๊อ ต๊าบ่า 2:24

แซ่ฮู๊ เป เก่ จิจือปา แต่ เร๊อ เตซื๊อเตปล๊า เต๊เห่ แต่เหม่, โท๊โต่ แซ่ฮู๊ เป เก่ โอ่เซอเพรเบ๊ เกอ เด๊อ เตจ๊อเตเต ปา อาเงเนอเรอ, เบ๊อะอู มือเซอแถ่ ครี๊ เด๊อ อี๊ถื่อดีเต่ลู เบ๊อะเนอ, อา พย๊าแถ่แกเฮ๊อ เป เตซื๊อเตปล๊า เออเต๊เห่ เด๊อ อาเหน่ลู เฮ๊อ. เด๊อ อา ข่าเบ่ เตจาเตจือ เออเต๊เห่ อาขว่าอาคยา, อา แหย่โอ่เหม่แก ลอเฮ๊อ ซี เฮ๊อ.

ꤊꤢ꤬ꤜꤢ꤬ꤒꤤ 2:19

เบ๊อะแว แอ๊จื๊อ ลือครวาเม เตซว๊าเตแส่ เบ๊อะเนออาเค, แว ลือ เมโต เบ๊แจ่ จอแปแหร่ อาซิปล่อ โตโพ๋ โต่. ฮู๊เนอเร๊อ แซ่ฮู๊ แว เก่ โอ่เซอเพรเบ๊ เป่ เด๊อ จอแปแหร่ อาเงเนอเรอ, แว เซอแกเฮ๊อ เด๊อ เตซว๊าเตแส่ อากู เฮ๊อ.

ꤚꤥꤗꤢꤩ꤬ 7:6

หม่าแน๊เรอ กู๊แหน่ เออเนอ, จอแปแหร่ เมแลเปล๊ เฮ๊อ เป เร๊อ เตซว๊าเตแส่ เฮ๊อ, เมเตเฮ๊เรอ เป ย๋อ เซอ เต่อเฮ๊อเร๊อ ครี๊ อาขว่าอาคยา, เตซว๊าเตแส่ เออ จอกลอหม่า แซ่เกอ เป ฮู๊ เด๊อ เนอเคเนอ อา หนิปาโต่ เฮ๊อ. จอแปแหร่ เมแลเปล๊กา เฮ๊อ เป เร๊อ เตซว๊าเตแส่ เออ, เร๊อ แหย่โยบูโพ๊ แบ่เจ่ เมจว่าเฮ๊อ เป เร๊อ แกล๊ อาเซ เออโตโบ เฮ๊อ อาขว่าอาคยา, เป เมเฮ๊อ อาเตเม เออเฮ๊อ. เป เม จอแปแหร่ อา เตเอ่เตแร เร๊อ เด๊อ เป หนิดา ครวาเมเกอ เตซว๊าเตแส่ อาแกล๊ เลอ เออโตโบ อาขว่าอาคยาเร๊อ หม่า ปาโต่เฮ๊อ.

เปโตร อาเหร่อเล๊อ ต๊าบ่า 1:14

ซี หม่า แกแย เด๊อ อา หนิดา จอแปแหร่ อาโหง่ แซ่เน๊อ เป๊เจ่ฮู๊ เต๊เห่เนอ อาขว่าอาคยา, โอ่เซอเพร ปา แต่ แลแค เด๊อ เตซิหยื่อ มู๊แหม่ เต๊เห่ อากู ฮู๊ เด๊อ อาเหร่ออาเนอ เบ๊อะซี ซิเง แต่ล๋าย ครี๊ โต่ เบ๊อะเนอ เต๊เห่ แต่เหม่ นี๋.

โคโลสี 2:20

ซี เซอ เต่อเกอ เน๊อ เหย่ซู่ครี๊ เฮ๊อ เร๊อ อา เมแลเปล๊กา เฮ๊อ ซี เน๊อ โลเน๊โลหน่า เด๊อ อา เป๊อหนิ เห่ขุชีบ่า เออเนอเต๊เห่ อา กู๊ยากู เฮ๊อ. ซี จว๊า โอ่เซอเพร ปา แลแค ฮู๊ แกแย เด๊อ อา แซ่ปา เน๊อ เห่ขุพู๊ เออเต๊เห่เนอ ฮู๊เต? เร๊อ ซี จว๊า หนิดา ครวาเมเกอ ปา เตโด่เตดว๊า เต๊เห่ เมเต?

ꤊꤢ꤬ꤜꤢ꤬ꤒꤤ 6:14

แว เก่ เฮ๊เบ่แถ่โล เกอ ฮู๊ เหย่ซีเนอ เก่เฮ๊เรอ, แว เก่ เฮ๊เบ่แถ่โล แพ๊ เด๊อ แว โด่แน เป่ แบ่เจ่ เหย่ซู่ครี๊ อา อี๊ถื่อดีเต่ อาหรี่อาแก เออเนอ แพ๊. เหย่ซู่ เซอ เด๊อ อี๊ถื่อดีเต่ลู เฮ๊อ อาขว่าอาคยา, เตปว๋า เต๊อเจ่อ เด๊อ อา จิจือ เร๊อ เห่ขุ เออเต๊เห่เนอ, อา เซอแก เป่ลอเฮ๊อ เด๊อ แวเงเฮ๊อ, ฮู๊เนอเฮ๊อ, แว เร๊อ แว เซอแก เป่ลอเฮ๊อ เตเด๊อ อา จิจือ เร๊อ เห่ขุ เออเนอเต๊เห่ เฮ๊อเฮ๊อ.

ꤚꤥꤗꤢꤩ꤬ 5:11

เป เหล่ซิครือซิลอ เนอ อาโอ่ ตื๊อ เออเนอ หม่าโต่. เด๊อ แบ่เจ่ เหย่ซู่ครี๊ อาขว่าอาคยาเร๊อ, เป ซิครือซิลอ แบ๊ซว๊าหนิ เฮ๊อ เร๊อ จอแปแหร่ เฮ๊อ. เพร เด๊อ อา เม แบ๊ซว๊า กาคยา เป่ คยาแซ๊ เป เร๊อ จอแปแหร่ หม่า เหย่ซู่ครี๊ เออเนอ เฮ๊อ.

เห่ขุทวาลู่ 39:9

เบ๊อะ หี่ด๊อกู เออ แกแย เด๊อ อาดุ เล๊อ เน๊อ แว เนอ อา โอ่ปา เตเพร่ว โต่. แวแบ่เจ่ เด๊อะตา ลอปลี เด๊อ แวกู๊ยากู ปว๊า เต๊อเจ่อ. อา เด๊อะเต่อโต่ ตื๊อ เน แพ๊, เมเตเฮ๊เรอ เน ย๋อ ทวา อาเม เนอ. แว เกเร จว๊า เมโต่ เตซื๊อ มู๊แหม่รีแจ่ ดู๋ เออ เต๊อเจ่อ เด๊อ อา เม โตโมเต๊เก่ฉื่อ จอแปแหร่ดุ เออ ฮู๊เต?”

ꤜꤢꤨꤊꤢ꤬ 20:16

อา เก่ แฮ เมเซอแก ล๋อ แกแย เนอเต๊เห่ เร๊อ อา เก่ ปลวา เมเอ่โก๊ เต๊เปล่ติ แท๊ทือเผ่ เออเนอ เร๊อ แกแย เด๊อ อาโร เต๊เห่ ปา.” เบ๊อะแกแย โอ่โหร่ โอ่เอ๊ หนิโฮ เตเฮ๊เบ่เออ เบ๊อะเนอ, เหย่ซี เฮ๊ แลแค เน๊อ, “เป ซิหยื่อ นอทวาแถ่ อา ฮู๊เนอ โต่!”

ꤚꤥꤗꤢꤩ꤬ 6:15

ฮู๊เนอเรอ เป เก่ โอ่ปา เด๊อ เตซว๊าเตแส่ อาเล โต่ เฮ๊อ, เป โอ่เฮ๊อ เด๊อ เตบุ๊ยเตเตอเรอ อาเล เฮ๊อ เก่เฮ๊เรอ, กู๊แหน่เออ เป เมเตซื๊อ หม่า อาหนิ แพ๊ กอ? ฮู๊เนอ หม่าโต่.