ꤚꤥꤗꤢꤩ꤬ 6:16 - ลีเทส่อพ๊าอาเซ เร๊อ เห่ขุทวาลู๊

¹⁶ ซี ซิเงเน๊อ แอ? เบ๊อะซี เด๊อะแล เฮ๊อ ซีเหน่ เด๊อ แกแย เตเพรเพร อา กู๊ยากู เร๊อ ซี เก่ ทวา เฮ๊อ ลู หลู่เล๊ เบ๊อะเนอ, ซี หนิดา อูโร อาโหง่ หม่า อา หนิปาโต่ เฮ๊อ. ซี เบ่ หนิดา แพ๊ตื๊อ อาโหง่ แพ๊, แวเฮ๊โต่? ฮู๊เนอเรอ เบ๊อะซี ทวา เตซื๊อ อาหลู่เล๊ เบ๊อะเนอ, อา เก่ ซูจว๊าแก ซี เด๊อ เตเซอ ปา. หม่าแน๊เรอ ซี เก่ หนิดา จอแปแหร่ อาโหง่ เฮ๊เรอ อา เก่ นอโอ่เซอเพร ซี เด๊อ ซี เก่ เมโต ลู ซิปล่อ ปา.

Eastern Kayah Shadaw Dialect

¹⁶ ꤞꤤ꤭ ꤞꤤꤑꤢꤩ꤭ꤔꤢꤪꤒꤥ꤬ ꤟꤢꤧ꤭? ꤙꤣꤧ ꤞꤤ꤭ ꤘꤣꤧꤜꤢꤧ꤬ ꤟꤣꤧ ꤞꤤ꤭ꤔ꤫ꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤓꤝꤢ꤭ ꤟꤣꤧ ꤜꤢꤨ꤭ꤡ꤫ꤢꤦ꤬ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤔ꤫ꤤ꤬ꤘꤢ꤭ ꤢꤨ꤭ꤚꤥ꤬ ꤢ꤬ꤍ꤫ꤥ꤬ ꤗꤢ꤬ ꤢ꤬ ꤔ꤫ꤤ꤬ꤕꤢ꤬ꤒꤥ꤬ ꤟꤣꤧ꤯ ꤞꤤ꤭ ꤙꤢꤩ꤬ ꤔ꤫ꤤ꤬ꤘꤢ꤭ ꤖꤢꤧꤒꤢꤦ ꤢ꤬ꤍ꤫ꤥ꤬ ꤖꤢꤧ, ꤠꤢꤧ꤭ꤟꤢꤩꤒ꤫ꤥ꤬? ꤟꤢꤨꤔꤣꤧ꤬ꤚꤣꤧ꤬ ꤙꤣꤧ ꤞꤤ꤭ ꤓꤝꤢ꤭ ꤒꤢꤩ꤬ꤞꤢꤦ ꤢ꤬ꤡ꤫ꤢꤦ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤞꤢꤨ꤭ꤡꤝꤢꤊꤢꤧ꤭ ꤞꤤ꤭ ꤘꤣ ꤒꤢꤩ꤬ꤞꤣꤧ꤭ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤊꤢꤩ꤬ ꤔ꤫ꤤ꤬ꤘꤢ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ ꤟꤢꤩꤚꤣꤧ꤬ ꤢ꤬ ꤊ꤫ꤢꤦ꤬ ꤔꤢꤪ꤭ꤥ꤬ꤞꤣꤧ꤭ꤖꤚꤢꤩ꤬ ꤞꤤ꤭ ꤘꤣ ꤞꤤ꤭ ꤊ꤫ꤢꤦ꤬ ꤗꤢꤩ꤬ꤒꤥ꤭ ꤜꤢꤨ꤭ ꤞꤤꤕꤜꤢꤪ꤬ ꤕꤢ꤭꤯

ꤚꤥꤗꤢꤩ꤬ 6:16 ပူးပေါင်းရင်းမြစ်များ

ꤛꤥ꤭ꤟꤢ꤬ 8:34

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, ล๋อ แกแย เด๊อ อา เม เตซื๊อ เนอเต๊เห่ หม่า อา ทวาเฮ๊อ เตซื๊อ หลู่เล๊เฮ๊อ.

เปโตร เนอบ่า ต๊าบ่า 2:19

ซ๊าร๊า กลว่าแลโฮ อาเหน่ เออเต๊เห่เนอ, อา อ๊อแล เหย่ซี เร๊อ เหย่ซี เก่ พย๊าหนิ เตปาลา ปา, หม่าแน๊เรอ เหย่ซี เหน่แบ่เจ เร๊อดื่อ เนอ, อา ทวา เตมู๊แหม่รีแจ่ อา เหล่โกลเหล่แบ่ เต๊เห่ อาหลู่, เมเตเฮ๊เรอ เตอิเตเต๋ เบ่เบ่, อา ดา เป่เฮ๊อ เน เนอหม่า, อา ทวาเฮ๊อ เนแบ่เจ่ เฮ๊อ.

มัทธิว 6:24

“อู เมแจ่ เตแร เด๊อ แบ่เจ่ ซิเนอ โอ่ เตเพร่ว โต่. อา เก่ ซิโตโคแก เกอเร๊อ เตเพร ปา, เร๊อ อา เก่ โม เกอเร๊อ เตเพร ปา. อา เก่ ซิปล่อโนกู เกอเร๊อ เตเพร ปา, เร๊อ อา เก่ เมโตโมเต๊เก่ ฉื่อแก เกอเร๊อ เตเพร ปา. ซี แรเต เป่ จอแปแหร่ อาเงเง, รือ อาเงเง เนอเจ่อลอ เนอ, อาหนิ โต่.”

ꤚꤥꤗꤢꤩ꤬ 6:17

แว เฮ๊บุ๊ยเฮ๊เตอเรอ จอแปแหร่, เมเตเฮ๊เรอ, เด๊อ เหร่อ เคเนอ ซี ทวาน๊อ โทเฮ๊อ เตซื๊อ อาหลู่ โตโพ๊ หม่าแน๊เรอ กู๊แหน่เออ ซี หนิดา ลอ ซิปล่อซีเมเฮ๊อ จอแปแหร่ อา เตอิซว๊า อาเซ เด๊อ ซี พย๊าหนิ เออเนอเต๊เห่ เฮ๊อ.

เห่ขุทวาลู่ 4:7

เน เก่ เมโต เต เก่เฮ๊เรอ แว จู แหน่ เน โต่ แอ? เน เก่ เมโต เต โต่ เฮ๊เรอ เตซื๊อ เออเนอ อาแซ่เน๊อ แอ๊ซี เด๊อ อา โอ่ผื่อ เด๊อ เนช๊า เร๊อ อา เครปื่อเอ่ เน, เร๊อ อา ซิหยื่อ เป๊อหนิ เน หม่าแน๊เรอ เน เบ่ เมเป่แก ลู.”

ꤚꤥꤗꤢꤩ꤬ 11:2

จอแปแหร่ วีแก เร๊อ อาแกแย เด๊อ อา นว๊าแถ่ โทเฮ๊อ เหย่ซี เด๊อ กูลู่เค เนอเต๊เห่ โต่. ลีเทส่อพ๊า เฮ๊ เพรโพร เอลียาห์ อาหรี่อาแก เนอหม่า ซี ซิเง แหน่ โต่ แอ? อา โปโอเปเชแถ่ จอแปแหร่ เร๊อ อาเมวเจอะ อิสราเอลพู๊ เต๊เห่ อาหรี่อาแก เร๊อ อา เฮ๊ เน๊อ,

ꤚꤥꤗꤢꤩ꤬ 12:1

ฮู๊เนอเรอ, โป่แหว่ ซี๋, จอแปแหร่ อา เตซิยอ เป เนอ, อาดุอาแย ตาลว๊าซิลือ เจ๊อ เด๊อ เปเง อาขว่าอาคยา, แว กุยซิยอ ซี เร๊อ ซี เก่ เด๊อะแล ซี เหน่กล่อ เออ เด๊อ จอแปแหร่ อา โอ่ ฮู๊ เตหลู่ เด๊อ อา เซอเพร, ฮู๊ เตหลู่ เด๊อ อา บูโพ๊ เร๊อ ฮู๊ เตหลู่ เด๊อ อาโต ลูซิปล่อ อา เตซิหยื่อ เนอ นี๋. ซี โต จ๊อเบแถ่ จอแปแหร่ ฮู๊เออเนอหม่า หม่าเฮ๊อ แกล๊ เด๊อ อาโตอาเบ่ โตโบ เฮ๊อ.

โครินธ์ อาเหร่อเล๊อ ต๊าบ่า 3:16

ซี หม่า จอแปแหร่ อา เตหลู่เเตโฮ เร๊อ แหย่โยบูโพ๊ แบ่เจ่ เด๊อ อา โอ่ เด๊อ จอแปแหร่ อา โอ่ เออเตเพร แฮ โน โอ่เซอเพร เด๊อ ซีเหน่ลู เนอหม่า ซี ซิเง แหน่ โต่ แอ?

โครินธ์ อาเหร่อเล๊อ ต๊าบ่า 5:6

ซี จว๊า เฮ๊เบ่ แถ่โล โต่ ซีโหง่ ฮู๊เนอหม่า อาหม่า โต่. ซิเหน่แถ่ แลแค โหง่ ตือมือ เด๊อ อา เฮ๊ เน๊อ, “โฮหมื่อ ตีกี๊ฮู๊ แพ๊ เร๊อ อา เมโต๊โผ่ลอ ค๊อมู ต๊อกล่อ,” อู เฮ๊ เนอหม่า ซี ซิเง แวเฮ๊. ฮู๊เนอเรอ แกแย เออเตเพร อา เตซื๊อเนอ, อา เด๊อะทวาแถ่ เต่อเกอ ลอ เฮ๊อ ซี ตู๊หมู่ลอ อาเตซื๊อ เฮ๊อ.

โครินธ์ อาเหร่อเล๊อ ต๊าบ่า 6:2

จอแปแหร่ อาแกแย เต๊เห่เนอ, อา เก่ เมจากาคยา แกแย เห่ขุพู๊ ปาเนอหม่า ซี ซิเง โต่ แอ? ซี หม่า แกแย เต๊เห่ เด๊อ อา เบ่ เมจากาคยา เจ๊อ แกแย เห่ขุพู๊ โอ่ เด๊อ เห่ขุ เออต๊าบ่า ลอ เจ๊อ ปา อาขว่าอาคยา, เตหรี่เตแก ปีตี๊ เออเต๊เห่ แพ๊ เร๊อ ซี โตเบ่ เฮ๊เบ่โปล เป่ แหน่ อู โต่ แอ?

โครินธ์ อาเหร่อเล๊อ ต๊าบ่า 6:3

เด๊อ ม๊อขุ ปา เนอ, เป เบ่ เมจากาคยา เจ๊อ ม๊อขุ เตเน่วพู๊ เจ๊อ ปา เต๊เห่ เนอหม่า ซี ซิเง โต่ แอ? ฮู๊เนอเรอ เห่ขุเน๊ขุ อา เตกย๊างาลู ฮู๊เออ เต๊เห่ แพ๊ เร๊อ เป จว๊า เมจากาคยาหนิ โต่ เมเต?

โครินธ์ อาเหร่อเล๊อ ต๊าบ่า 6:9

แกแยฮา, แกแย มู๊แหม่รีแจ่ เต๊เห่เนอ อา ทวา หนิ เกออู จอแปแหร่ อา เทอพู๊เก่พู๊ เด๊อ ลูเทอลูเก่กู โต่ ปา เนอหม่า ซี ซิเง โต่ แอ? แซ่ฮู๊ ซี เก่ เมซื๊อ แต่ แลแค แต่เหม่ เนอ, เตเน ตาตา แลแค แว เฮ๊ ซี เออเนอ. แกแย เด๊อ อา ลือครวาเม เตซิหยื่อ ปาต๊าเปอเตอ เต๊เห่, แกแย เด๊อ อา จ๊อเบ เตแหย่โย เต๊เห่, แกแย เด๊อ อา จว๊าซื๊อ อูพู๊อูเม เต๊เห่, เพรคู เร๊อ เพรคู จว๊าซื๊อ แคลู เนอเต๊เห่,

โครินธ์ อาเหร่อเล๊อ ต๊าบ่า 9:13

ซี ซิเง ตาเต ดื่อ เฮ๊อ เร๊อ แกแย เด๊อ อา เม เตเอ่เตแร เด๊อ เตหลู่แต โฮกู เต๊เห่เนอ, อา เอ่ แลแค แพ๊ เหล่เอ่เหล่โอ เด๊อ อา โอ่ เด๊อ เตหลู่แต โฮกู เนอเต๊เห่ แพ๊. แกแย เด๊อ อาหลู่อาแตแถ่ เป่ อู เออเต๊เห่เนอ, เหย่ซี เอ่ เกอเร๊อ คยา แลแค แพ๊ เตหย่า เด๊อ อู แฮ หลู่แถ่ เออเนอ เต๊เห่ แพ๊ หม่า ซี ซิเง โต่ แอ?

โครินธ์ อาเหร่อเล๊อ ต๊าบ่า 9:24

อู แกล่ ดี๊เจ ลู เนอหม่า, อู แกล่ปลูแกล่เผ่ เจ๊อ หม่าแน๊เรอ อา แกล่ เป่ ลอ อู เนอหม่า อา โอ่ แพ๊ เตเพร แพ๊, เร๊อ อู เด๊อะ เตแกล่ หนิคว๊าเก่ ตื๊อ อา เตเพร แพ๊ เนอหม่า ซี ซิเงดื่อ เฮ๊อ! ช๋า โหน่ปา, แซ่ฮู๊ ซี เก่ พย๊าหนิ เกออู เตบุ๊ยเตเตอเรอ เด๊อ จอแปแหร่ อา โอ่ เนอ เร๊อ ซี โต แอ๊จื๊อแอ๊เหร่, จ่าเพรอ ครวาเกอ แลแค จอแปแหร่ อาคยา แซ่เร๊อ แกแย แกล่ดี๊เจ เด๊อ อา ซิหยื่อ แกล่ เป่ อู เร๊อ อา ซิหยื่อ พย๊าหนิ เตแกล่ หนิคว๊าเก่ เออเนอ เต๊เห่ จ่าเพรอ แกล่ เนอ.

มัทธิว 20:4

เร๊อ อา เฮ๊ เหย่ซี เน๊อ, ‘แฮ แรเกอ แลแค เด๊อ แว แท๊ทือเผ่ขุ เนอ เร๊อ แว เก่ แม๊ เด๊อะโตเด๊อะเบ่ เป่ดื่อ ซี อาคว๊าอาเก่ ปา.’