ꤚꤥꤗꤢꤩ꤬ 6:14 - ลีเทส่อพ๊าอาเซ เร๊อ เห่ขุทวาลู๊

¹⁴ ซี โอ่เซอเพร เด๊อ เตซว๊าเตแส่ อาเล หม่า ปาโต่เฮ๊อ, ซี โอ่เซอเพร เฮ๊อ เด๊อ จอแปแหร่ อาบุ๊ยอาเตอเรอ อาเล เฮ๊อ. ฮู๊เนอเรอ เตซื๊อ เออเนอ อา ทวา ปา ซีแบ่เจ่ หม่าปาโต่เฮ๊อ.

Eastern Kayah Shadaw Dialect

¹⁴ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤜꤢꤩ꤭ ꤗ꤫ꤢ꤬ ꤕꤢ꤬ꤒꤥ꤬ꤟꤣꤧ, ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤜꤢꤩ꤭ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤒꤢꤩ꤬ꤞꤢꤦ ꤣꤧ꤭ꤔꤣꤧ꤬ ꤢ꤬ ꤓꤝꤢ꤭ ꤕꤢ꤬ ꤞꤤ꤭ꤙꤢꤧ꤬ꤡꤢꤩ꤬ ꤗ꤫ꤢ꤬ꤕꤢ꤬ꤒꤥ꤬ꤟꤣꤧ꤯

ꤚꤥꤗꤢꤩ꤬ 6:14 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 5:18

แหย่โยบูโพ๊ แบ่เจ่ เก่ ซู ซี เฮ๊เรอ, ซี โอ่ ปา เด๊อ เตซว๊าเตแส่ อาเล โต่ เฮ๊อ.

ꤚꤥꤗꤢꤩ꤬ 8:2

เมเตเฮ๊เรอ เด๊อ เป ทวาแถ่ เฮ๊อ ลู เตอเจ๋อ โต เน๊อ เหย่ซู่ครี๊ เฮ๊อ อาขว่าอาคยา, จอแปแหร่ อา แหย่โยบูโพ๊ เม เป่เฮ๊อ เปแกล๊ เด๊อ อาเซ โตโบ เฮ๊อ. โทเรอ อา เมแลเปล๊กา เฮ๊อ แว เร๊อ เตซื๊อ อาเหล่โกล เมโป๊เนอ เด๊อ อา ซูจว๊าเฮ๊อ แว เด๊อ เตเซอ เด๊อ แหย่โย ตากยา เออ อากู เนอเฮ๊อ.

ꤟꤤꤙꤚꤢꤨ 8:10

ฮู๊เนอเรอ, แบ่เจ่ เฮ๊ เน๊อ เตอ๊อแล อาเซ เด๊อ แว เก่ อ๊อแล เน๊อ อิสราเอลพู๊ ซี เต๊เห่เนอ, แว เก่ เฮ๊ เหย่ซี ฮู๊เออ ปา, แว เก่ ฉู่โน แว เตซว๊าเตแส่ เต๊เห่ เด๊อ เหย่ซี อาซิปล่อ เตเตเน อากู ปา. แว เก่ ราม๊าราแดโอ่ แว เตซว๊าเตแส่ เต๊เห่ เด๊อ เหย่ซี ซิปล่อกู ปา. แว เก่ ทวา เหย่ซี อาจอแปแหร่ ปา เร๊อ เหย่ซี เก่ ทวา แวแกแย ปา.

ꤚꤥꤗꤢꤩ꤬ 6:12

ฮู๊เนอเรอ, แซ่ฮู๊ ซี เก่ ครวาเม เกอ ปา แต่ เตซิหยื่อ ปาต๊าเปอเตอ มู๊แหม่ เต๊เห่ แต่เหม่เนอ, นอเป๊อหนิ ปา แต่ ซี เหน่กล่อ เด๊อ อา เซอแจ่ เออเนอ เร๊อ เตซื๊อ เออเนอ แต่เหม่ นี๋.

ꤛꤥ꤭ꤟꤢ꤬ 8:36

ฮู๊เนอเรอ จอแปแหร่ อาพู๊คู หม่า แวเออ เก่ ฉิโล๊ ปลวาเถ่แก เฮ๊อ ซี เน๊อ เตซื๊อเตโอ่หร่า เออ เฮ๊เนอ, ซี พย๊าหนิเฮ๊อ เตโอ่ปาลา หม่าแหน่ เฮ๊อ.

ꤛꤥ꤭ꤟꤢ꤬ 1:17

จอแปแหร่ เด๊อะตา เตซว๊าเตแส่ เร๊อ คูโมเสส เร๊อ คูโมเสส เด๊อะตา แฮเง เน๊อ เป, ตื๊อดื่อเร๊อ เหย่ซู่ครี๊ หม่า หม่าเฮ๊อ แกแย เด๊อ อา เด๊อะตา เป่ เป เตบุ๊ยเตเตอเรอ เร๊อ เตหมะเตจ๊อ.

ꤊꤢ꤬ꤜꤢ꤬ꤒꤤ 3:23

เบ๊อะเตหยื่อเตแหน่ เออ แฮโต่ แต่ล๋ายโต่ เบ๊อะเนอ, เตซว๊าเตแส่ ด๊อโอ่หม่า ตื๊อดื่อปา เป แซ่เน๊อ แกแย โอ่ เด๊อ ทอกู เนอเต๊เห่ เฮ๊อ. เป โอ่ ตื๊อดื่อ เบ๊อะอา ทอกูเนอ โต่เด๊อ จอแปแหร่ เด๊อะโลแถ่ เตหยื่อเตแหน่ โตโพ๊ ปา.

ꤚꤥꤗꤢꤩ꤬ 8:12

เมฮู๊เนอเรอ โคแบ๊ซว๊า ซี๋, เตเม แลเบ่ เป เด๊อ เป เก่ โอ่เซอเพร ฮู๊ จอแปแหร่ อา แหย่โยบูโพ๊ เฮ๊ เป เนอ. เปโตเบ่ โอ่เซอเพร หนิ ปา ฮู๊ สุ่ยเทอพ๊าหย่า อา เตซิหยื่อ มู๊แหม่ เนอโต่เฮ๊อ.

มัทธิว 1:21

อา เก่ พู๊เพรคู ปา เร๊อ เน เบ่ เอ๊ อามุย เร๊อ เหย่ซู่ นี๋, เมเตเฮ๊เรอ อา เก่ เมแลเปล๊กา อาแกแย เต๊เห่ เด๊อ อา เตซื๊อเตโอ่หร่า อากู ปา.”

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

ꤊꤢ꤬ꤜꤢ꤬ꤒꤤ 4:21

ซี เด๊อ อา ซิหยื่อ นอทวาแถ่ เตซว๊าเตแส่ เออเนอ เร๊อ ซีแบ่เจ่ เต๊เห่ ซี๋ เตซว๊าเตแส่ เฮ๊ ฮู๊เตเนอหม่า ซี หนิโฮน๊อ เกออู โต่ แอ? แด๊โฉ่ เป่แม๊ แว.

ꤚꤥꤗꤢꤩ꤬ 11:6

เก่ จอแปแหร่ เมแลเปล๊กา เหย่ซี เร๊อ เตบุ๊ยเตเตอเรอ เก่เฮ๊เรอ, อาโหง่แลช๊า หม่า เด๊อ เหย่ซี เม เตแร๊ อาขว่าอาคยา, เนอหม่าโต่. เด๊อ เหย่ซี เมแร๊เต ขว่าคยา เก่เฮ๊เรอ จอแปแหร่ อาบุ๊ยอาเตอเรอ เนอ, อา หม่า ปา เตเด๊อะครา เชหยู่ หม่าปาโต่ เฮ๊อ.

ꤚꤥꤗꤢꤩ꤬ 4:16

ฮู๊เนอเรอ, เป พย๊าหนิแจ่ จอแปแหร่ อา เตอ๊อแล เน๊อ เป เตหยื่อ เตอเจ๋อ แพ๊. เมเตเฮ๊เรอ แซ่ฮู๊ เป เก่ พย๊าหนิ เกอ เตเออเนอ เร๊อ อาบุ๊ยอาเตอเรอ อาขว่าอาคยา ตื๊อแพ๊ อาเงเนอ, เป เบ่ โอ่ เร๊อ เตหยื่อ. โท๊โต่, ล๋อ เพอับราฮัม อากลุยอาแล เต๊เห่เนอ, อา เก่ พย๊าหนิ ลอ เตอ๊อแล เออ ปา. แกแย เด๊อ อา ลือครวาเมเกอ แกแยยิวพู๊ อาเตซว๊าเตแส่ เนอเต๊เห่ เก่ พย๊าหนิ ตื๊อดื่อ หม่าโต่, แกแย เด๊อ อา หยื่อเอ่ แซ่เกอ เร๊อ เพอับราฮัม เนอเต๊เห่ เก่ พย๊าหนิ ลอเกอ ปา ปา. เพอับราฮัม หม่า เป ล๋อ ปลี อาเพ.

ꤚꤥꤗꤢꤩ꤬ 6:15

ฮู๊เนอเรอ เป เก่ โอ่ปา เด๊อ เตซว๊าเตแส่ อาเล โต่ เฮ๊อ, เป โอ่เฮ๊อ เด๊อ เตบุ๊ยเตเตอเรอ อาเล เฮ๊อ เก่เฮ๊เรอ, กู๊แหน่เออ เป เมเตซื๊อ หม่า อาหนิ แพ๊ กอ? ฮู๊เนอ หม่าโต่.

ꤛꤥ꤭ꤟꤢ꤬ 1:14

แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.

ꤚꤥꤗꤢꤩ꤬ 5:17

เด๊อ เพรคู เพอาดัม เม เตซื๊อเตปล๊า อาขว่าอาคยา, แกแย ล๋อ ปลี เบ่เซอ เนอหม่า อาโต แพ๊. หม่าแน๊เรอ แกแย เด๊อ อา ซิปล่อโอ่ พย๊าฉื่อ จอแปแหร่ เด๊อะ ลู เร๊อ อาบุ๊ยดุ เตอเรอทู เออเนอ, เร๊อ อา เด๊อะครา ลู เตจ๊อเตเต อาเชหยู่ เออเต๊เห่เนอ, อา เก่ โอ่เซอเพร ตูจูเพร เกอ เร๊อ เหย่ซู่ครี๊ ปา. โท๊โต่ อา เก่ เป๊อ เต่อเกอ เต เร๊อ เหย่ซู่ครี๊ ปา. เมเตเฮ๊เรอ แกแย เตเพร เด๊อ อา หม่า ครี๊ เออเนอ, อา เม เป่ โทเฮ๊อ เต เด๊อ เปเง เฮ๊อ.

ꤚꤥꤗꤢꤩ꤬ 5:18

ฮู๊เนอเรอ แกแย เตเพร หม่าเฮ๊อ เพอาดัม เออ เมซื๊อเต เต๊อเจ่อ อาขว่าอาคยา, จอแปแหร่ เมจากาคยา เฮ๊อ แกแย ปว๋า เตเพร เฮ๊อ. ฮู๊เนอเฮ๊อ, แกแย เตเพร เด๊อ อา หม่าเฮ๊อ เหย่ซู่ครี๊ เออ อา เมเฮ๊อ เตจ๊อเตเต เต๊อเจ่อ อาขว่าอาคยา, จอแปแหร่ แด่จ๊อแด่เต ลอเฮ๊อ แกแย ปว๋า เตเพร เฮ๊อ. เร๊อ เหย่ซี เก่ พย๊าหนิ แลแค ซิปล่อเซอเพร ตูจูเพร ปา.