ꤚꤥꤗꤢꤩ꤬ 6:10 - ลีเทส่อพ๊าอาเซ เร๊อ เห่ขุทวาลู๊

¹⁰ เด๊อ อา เซอ อาขว่าอาคยา, เตซื๊อ อา เตโพรเตเตอเรอ ฉว่าชอ แลจู่ ลอเฮ๊อ ลูเหล่ เฮ๊อ. อา เซอ โตโพ๊แพ๊ เร๊อ อาโทอาปลื๊อ ลอเฮ๊อ, อา โหล่เซอ ปาโต่เฮ๊อ. หม่าแน๊เรอ กู๊แหน่เออ อา เซอเพร เร๊อ อา โอ่เซอเพร เป่ เด๊อ จอแปแหร่ อาเง เฮ๊อ.

Eastern Kayah Shadaw Dialect

¹⁰ ꤘꤣ ꤢ꤬ ꤞꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤒꤢꤩ꤬ꤞꤢꤦ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤜꤣꤧ꤬ꤡ꤫ꤢꤨ꤬ ꤜꤢꤪ꤭ꤟꤣꤧ ꤜꤢꤨ꤭ꤜ꤫ꤢꤩ꤬ ꤟꤣꤧ꤯ ꤢ꤬ ꤞꤣꤧ꤭ ꤒꤣ꤬ꤖꤥꤖꤢꤧ ꤚꤣꤧ꤬ ꤢ꤬ꤓꤥ꤭ꤢ꤬ꤕꤜꤢꤦ ꤜꤢꤪ꤭ꤟꤣꤧ, ꤢ꤬ ꤜ꤫ꤥ꤬ꤞꤣꤧ꤭ ꤕꤢ꤬ꤒꤥ꤬ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤢ꤬ ꤞꤣꤧ꤭ꤖꤚꤢꤩ꤬ ꤚꤣꤧ꤬ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤕ꤫ꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤑꤢꤩ꤭ ꤟꤣꤧ꤯

ꤚꤥꤗꤢꤩ꤬ 6:10 ပူးပေါင်းရင်းမြစ်များ

โครินธ์ เนอบ่า ต๊าบ่า 5:21

ครี๊เนอ อาเตซื๊อ โอ่ เต๊อเจ๋อ โต่. หม่าแน๊เรอ, แซ่ฮู๊ อา เก่ ปล๊าลีแก เป่ เป เตซื๊อ อาโหน่อาฉู่ เต๊เห่ อาเงเนอ, จอแปแหร่ นอข่าเซอ ลู เด๊อ เป เตซื๊อ อาเง. เด๊อ ครี๊ เม เป่ เฮ๊อ เป ฮู๊เนอ อาขว่าอาคยา, เป เก่ ทวาแถ่ เฮ๊อ เตเต๊อเจ๋อ แพ๊เน๊อ ครี๊ เฮ๊อ เร๊อ, จอแปแหร่ เก่ แด่จ๊อแด่เต เฮ๊อ เป เด๊อ อาเป๊เส่เง ปา.

เปโตร อาเหร่อเล๊อ ต๊าบ่า 4:6

ฮู๊เนอเรอ อู แด๊โฉ่โด่แน เป่โทเฮ๊อ แกแย เด๊อ อา เซอ กู๊แหน่เออ เต๊เห่เนอ เร๊อ เตซิครือมีลา เฮ๊อ เนอหม่า เด๊อเออ อาขว่าอาคยา เฮ๊อ. อู มือเฮ๊อ เหย่ซี เหน่กล่อพ๊าหย่า ฮู๊ อู เมจากาคยา โทเฮ๊อ แกแย ปว๋า เตเพร เนอเต๊เห่เฮ๊อ. หม่าแน๊เรอ เหย่ซี ซิปล่อเซอเพร เต๊เห่เนอ อา เก่ โอ่เซอเพร แซ่เน๊อ จอแปแหร่ โอ่เซอเพร เนอ ปา.

เปโตร อาเหร่อเล๊อ ต๊าบ่า 3:18

เมเตเฮ๊เรอ ครี๊ ข่าเซอ เป่ แพ๊ อาเหน่ เด๊อ อู เตซื๊อ อาเง โตโพ๊แพ๊ เร๊อ อาโทอาปลื๊อ ลา เฮ๊อ, อา โหล่ ข่าเซอ ปาแหน่โต่ เฮ๊อ. แซ่ฮู๊ อา เก่ ซูจว๊า ซี เด๊อ จอแปแหร่ อา โอ่ เร๊อ แกแย จ๊อเต เออเตเพรเนอ, อา แฮ ข่าเซอ เป่โทเฮ๊อ แกแย เตซื๊อพู๊ เต๊เห่ อาเง เฮ๊อ. อู เมเซอ อาเหน่กล่อ หม่าแน๊เรอ จอแปแหร่ เมเซอเพร กาคยา อา เด๊อ แหย่โยบูโพ๊ แบ่เจ่ อากู.

โครินธ์ เนอบ่า ต๊าบ่า 5:15

เป เด๊อ อา เซอเพร เออเต๊เห่เนอ, แซ่ฮู๊ เป เก่ ครวา โอ่เซอเพร แฮเง ปา แต่ ฮู๊ เป ซิปล่อ อา เตซิหยื่อซิลอ เนอเต๊เห่ แต่เหม่, แซ่ฮู๊ เป เก่ ครวา โอ่เซอเพร แฮเง เกอ ฮู๊ เพร เด๊อ อา ข่าเซอ โทเป่เฮ๊อ เด๊อ เปเง เร๊อ อา ก๊อถ่อเซอเพร กาคยา โทเฮ๊อ เออเตเพร อาเงเนอ, แบ่เจ่ ข่าเซอ เป่ เฮ๊อ เด๊อ เป ปว๋า เตเพร อาเง เฮ๊อ.

ꤚꤥꤗꤢꤩ꤬ 8:3

เด๊อ หม่าอิเต อาขว่าอาคยา เฮ๊เรอ, แซ่ฮู๊ เป เก่ โอ่โก๊แก เด๊อ เป เม เตซื๊อ เออ อาเงเนอ, เป หนิดา ครวาเมเกอ เจ๊อ เตซว๊าเตแส่ เออ อาคยา เจ๊อ เนอ, อา เตอเรอฉว่าชอ เด๊อ อา เก่ เมจว่า เป่ เปเนอ อาโอ่โต่, เมเตเฮ๊เรอ อาอ๊าอาเหร่ เด๊อ อา เก่ เมเป่แก พ๊าหย่า อา เตซิหยื่อซิลอ เออเนอ อาโอ่โต่. ฮู๊เนอเรอ จอแปแหร่ เม เร๊อ อาเหน่, อา นอแฮแล อา พู๊เพรคู เร๊อ อา แฮแล กลว่าอาเหน่ ฮู๊ เห่ขุพู๊ แซ่เน๊อ เป เด๊อ อา เม เตซื๊อ เออเต๊เห่. หม่าแน๊เรอ เตซื๊อ อาเหล่โกล เมโป๊เนอ เออ เป๊อแจ่ ลู โต่. อา แฮ ข่าเป่ เป เตซื๊อเตปล๊า, เร๊อ อา เมปย๊าแก เฮ๊อ เตซื๊อ อา เตเป๊อตี๊หรี่ เป เออเต๊เห่ เฮ๊อ.

ꤚꤥꤗꤢꤩ꤬ 6:11

แซ่เน๊อเนอเฮ๊อ, ซี โตเบ่ เฮ๊แลหนิ แลแค ซีเหน่ เนอ, เตซื๊อ อาเต เต๊เห่เนอ, เป เบ่แด่แก อา ฮู๊ แกแยเซอ เด๊อ อา เมแจ่ปา เตซื๊อ โต่ เนอ. หม่าแน๊เรอ ซี เร๊อ เหย่ซู่ครี๊ หม่า ซี ทวาแถ่เฮ๊อ ลู เต เต๊อเจ๋อ โต เฮ๊อ อาขว่าอาคยา, ซี โตเบ่ โอ่เซอเพร เมลี เมตาเคแถ่ แลแค จอแปแหร่.

ꤜꤢꤨꤊꤢ꤬ 20:38

แกแย ปว๋า เตเพร โอ่เซอเพร ตูจูเพร ลอ เด๊อ จอแปแหร่ อาเป๊เส่เง อาขว่าอาคยา, อา หม่า แกแยเซอ เต๊เห่ อาจอแปแหร่ หม่าโต่, แกแย เซอเพร เต๊เห่ อาจอแป่แหร่.”

ꤚꤥꤗꤢꤩ꤬ 6:9

เมเตเฮ๊เรอ เป ซิเง เร๊อ ครี๊ ก๊อถ่อกาคยา เด๊อ เตเซอ เร๊อ อา เซอแจ่ ปาโต่เฮ๊อ. เตเซอโหมะเพ เป๊อตี๊หรี่ แจ่ปา ลู โต่ เฮ๊อ.