ꤚꤥꤗꤢꤩ꤬ 5:8 - ลีเทส่อพ๊าอาเซ เร๊อ เห่ขุทวาลู๊

⁸ หม่าแน๊เรอ จอแปแหร่ โม เจ๊อ เป บ๋า เต เฮ๊เรอ, เบ๊อะเป ทวาปา เจ๊อ เพรเมเตซื๊อ เตโอ่หร่าพู๊ เบ๊อะเนอ ปา เจ๊อ เนอเรอ, ครี๊ แฮข่าเซอ อาซิปล่อ เด๊อ เปเง. เออ หม่า จอแปแหร่ เด๊อะโลเป่เฮ๊อ เป เน๊อ อาเตโม เป เฮ๊อ.

Eastern Kayah Shadaw Dialect

⁸ ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤥ꤬ ꤡꤣꤧ ꤕꤢꤩ꤬ ꤙꤢ꤮ ꤒꤢꤩ꤭ ꤟꤢꤩꤚꤣꤧ꤬, ꤙꤣꤧ ꤕꤢꤩ꤬ ꤓꤝꤢ꤭ꤕꤢ꤬ ꤡꤣꤧ ꤖꤚꤢꤩ꤬ꤗꤢꤩ꤬ꤒꤢꤩ꤬ꤞꤢꤦ ꤒꤢꤩ꤬ꤥ꤬ꤚꤢ꤬ꤖꤢꤨ ꤢ꤬ꤋꤢꤩ꤭ ꤕꤢ꤬ ꤡꤣꤧ ꤔꤣꤧ꤬ꤚꤣꤧ꤬, ꤋꤚꤤ ꤟꤢꤧ꤭ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤘꤣ ꤕꤢꤩ꤬ꤑꤢꤩ꤭꤯ ꤣꤧ꤭ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ꤟꤣꤧ ꤕ꤫ꤢꤩ꤬ ꤔꤢꤧ ꤢ꤬ꤒꤢꤩ꤬ꤗꤥ꤬ ꤕꤢꤩ꤬ ꤟꤣꤧ꤯

ꤚꤥꤗꤢꤩ꤬ 5:8 ပူးပေါင်းရင်းမြစ်များ

ꤛꤥ꤭ꤟꤢ꤬ 15:13

เตโม เด๊อ อาดุเล๊อ เน๊อ แกแย เตเพรเพร เด๊อ อา ข่าเซอแก เจ๊อ ซิปล่อ เด๊อ อา โคแบ๊ซว๊า เต๊เห่ อาเงเนอ อา โอ่ ปา โต่ เฮ๊อ.

ꤛꤥ꤭ꤟꤢ꤬ 3:16

“จอแปแหร่ โมเกอเร๊อ ลอ เจ๊อ แกแย เห่ขุพู๊ ล๋อปลี, ล๋อ แกแย เด๊อ อา หยื่อเอ่ อาพู๊คู เต๊เห่เนอ, แซ่ฮู๊ อา เก่ พย๊าหนิ ซิปล่อเซอเพร ตูจูเพร เร๊อ อา เตปย๊าเตแก แต่เหม่ เนอ, อา เด๊อะแลแก อาพู๊คู โอ่ ตื๊อ เตเพร เออเนอ เด๊อ แกแย เห่ขุพู๊ เต๊เห่ อาเงเฮ๊อ.

ꤚꤥꤗꤢꤩ꤬ 5:6

เมเตเฮ๊เรอ, เบ๊อะเป เมจว่า แลเบ๊ แจ่ เกอเร๊อ ปา เปเหน่ โต่ เบ๊อะเนอ, เหย่ซู่ครี๊ แฮข่าเซอ ม๊อเนอม๊อเซ โตเป่ แกแยจา แกแยจือ เต๊เห่ อาเง.

เปโตร อาเหร่อเล๊อ ต๊าบ่า 3:18

เมเตเฮ๊เรอ ครี๊ ข่าเซอ เป่ แพ๊ อาเหน่ เด๊อ อู เตซื๊อ อาเง โตโพ๊แพ๊ เร๊อ อาโทอาปลื๊อ ลา เฮ๊อ, อา โหล่ ข่าเซอ ปาแหน่โต่ เฮ๊อ. แซ่ฮู๊ อา เก่ ซูจว๊า ซี เด๊อ จอแปแหร่ อา โอ่ เร๊อ แกแย จ๊อเต เออเตเพรเนอ, อา แฮ ข่าเซอ เป่โทเฮ๊อ แกแย เตซื๊อพู๊ เต๊เห่ อาเง เฮ๊อ. อู เมเซอ อาเหน่กล่อ หม่าแน๊เรอ จอแปแหร่ เมเซอเพร กาคยา อา เด๊อ แหย่โยบูโพ๊ แบ่เจ่ อากู.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:16

เตโมเนอ เป ซิเงแจ่ อา ฮู๊เต เฮ๊เรอ, เหย่ซู่ครี๊ เด๊อะแลแก อา ซิปล่อเซอเพร เด๊อ เปเง, เร๊อ เป โตเบ่ เด๊อะแลแก เกอ เป ซิปล่อเซอเพร เด๊อ เป โป่แหว่ ครี๊พู๊ เต๊เห่ อาเง.

เอเฟซัส 2:7

จอแปแหร่ เออเนอ อาแร๊ แหน่เจ๊อ เด๊อ เป ทวา ลูแกแย เออเต๊เห่ อาขุ. ครี๊ เม เป่ โทเฮ๊อ เต เด๊อ เปเง อาขว่าอาคยา, จอแปแหร่ เด๊อะโลตา เฮ๊อ อา เตเมโมเมแร๊ เป เออเต๊เห่ เฮ๊อ. แซ่ฮู๊ จอแปแหร่ เก่ เด๊อะโล เป แกแยเห่ขุพู๊ ช๋า เนอปา ตือทือ เต๊เห่ เร๊อ อาบุ๊ยดุอาเตอเรอทู เออเต๊เห่ ปาเนอ เนอ, อา เม เป่ เด๊อ เปเง ฮู๊เออ แพ๊.

ꤚꤥꤗꤢꤩ꤬ 4:25

เด๊อ เป เตซื๊อเตปล๊า อาขว่าอาคยาเร๊อ, จอแปแหร่ นอมือเซอ อู เร๊อ อา พู๊เพร. แซ่ฮู๊ อา เก่ แด่จ๊อแด่เต เป อาเงเนอ, อา เมเซอเพร กาคยา เฮ๊อ ลู เด๊อ เตเซอ เฮ๊อ.

ทิโมธี อาเหร่อเล๊อ ต๊าบ่า 1:16

หม่าแน๊เรอ แซ่ฮู๊ จอแปแหร่ เก่ เด๊อะโลแถ่ แบ่เจ่ เหย่ซู่ครี๊ อา เตแด่ทูซิปล่อ อาเล๊ออาบา เด๊อ แวโอ่ อาเงเนอ, อา ซิยอเกอเร๊อ แว. เมเตเฮ๊เรอ แว หม่า แกแย เด๊อ อา เมเตซื๊อ ดุเล๊ออูโร เตเพร เฮ๊อ. แซ่ฮู๊ แว เก่ ทวาแถ่ เป่ อู เหล่แม๊บือ เด๊อ เพรหยื่อกา อา เด๊อคยา เต๊เห่ อาเง, โทเรอ แซ่ฮู๊ เหย่ซี เก่ พย๊าหนิเกอ ซิปล่อเซอเพร ตูจูเพร ตาแลเคร๊ อาเง เนอเรอ จอแปแหร่ ซิยอเกอเร๊อ แว แพ๊.

ꤚꤥꤗꤢꤩ꤬ 5:20

แซ่ฮู๊ แกแย ล๋อ ปลี เก่ ซิเง เร๊อ เหย่ซี เมซื๊อ เอ๊แหน่เจ๊อ อาเงเนอ, จอแปแหร่ เด๊อะตาเป่ เฮ๊อ เหย่ซี เตซว๊าเตแส่ เออเนอ เฮ๊อ. หม่าแน๊เรอ เบ๊อะเหย่ซี เมเตซื๊อ เอ๊แถ่ เร๊อ เอ๊แถ่ เบ๊อะเนอ, จอแปแหร่ อา เตบุ๊ยเตเตอเรอ เออ อา ลื๋อ โอ่เอ๊แถ่ เร๊อ โอ่เอ๊แถ่แถ่ เจ๊อ.

ꤚꤥꤗꤢꤩ꤬ 3:5

หม่าแน๊เรอ เป แกแยยิวพู๊ อา เตจ๊อเตเต โต่ เต๊เห่เนอ, อา เก่ เด๊อะโล ลอหล่าตี๊กลิ เจ๊อ จอแปแหร่ อา เตจ๊อเตเต เก่เฮ๊เรอ เป เตเร เฮ๊เร๊อ อา ฮู๊เต? จอแปแหร่ ซิปล่อดุ เร๊อ อา เมจากาคยา เปเออ เนอหม่า อาซื๊อ แพ๊, เป เก่ เฮ๊ ฮู๊เนอ แอ? (แว เฮ๊เบ่ ฮู๊ แกแย เหล่โกล เฮ๊เนอ แพ๊.)

ꤚꤥꤗꤢꤩ꤬ 5:7

แกแย เตเพร เก่ ข่าเซอ เป่ แกแยจ๊อแกแยเต อาเง เตเพร เฮ๊เนอหม่า, อาแก แหน่เจ๊อ. หม่าแน๊เรอ แกแยแร๊ หม่าแหน่ เตเพร อาเง เฮ๊เนอ, ตาแร๋ หม่า เพร ข่าเซอบื่อ เด๊อ อาเง เนอหม่า อา โอ่ แพ๊ เก่.

ꤚꤥꤗꤢꤩ꤬ 8:32

จอแปแหร่ เออเตเพรเนอ, อาพู๊ เร๊อ อาเหน่ เร๊อดื่อ เจ๊อ เร๊อ อา ซิโล เกอเร๊อ โต่. เร๊อ อา เด๊อะแลแก เจ๊อ อาพู๊ เด๊อ เป ล๋อ ปลี เต๊เห่ อาเง เจ๊อ. เก่ อา เด๊อะ ตาครา เจ๊อ เป เร๊อ อาพู๊คู เหย่ซู่ครี๊ เจ๊อ เก่เฮ๊เรอ, ล๋อ เต เด๊อ อา โอ่แก เด๊อ อาโร เต๊เห่เนอ, อา เก่ เด๊อ ตาคราโป่ เป ปา หม่าโต่ แอ?

ꤚꤥꤗꤢꤩ꤬ 8:39

เต โอ่ เด๊อ ม๊อเล เต๊เห่ เบ่เบ่, อา โอ่ เด๊อ เห่ขุ ต๊าบ่าเออ อาเล เต๊เห่เนอ เบ่เบ่, เตแบ๊แล เด๊อ อาโร เต๊เห่ เบ่เบ่, เด๊อ เป แบ่เจ่ เหย่ซู่ครี๊ เมโท เป่เฮ๊อ เต เด๊อ เปเง อาขว่าอาคยา, ล๋อ เต เออเต๊เห่เนอ, อา ท๊อเปแกแจ่ เป เร๊อ จอแปแหร่ อาเตโม โต่.

ꤊꤢ꤬ꤜꤢ꤬ꤒꤤ 2:20

เออเนอหมา อา แซ่เฮ๊อ เน๊อ แว เซอ เต่อเกอ เร๊อ ครี๊ เด๊อ อี๊ถื่อดีเต่ อาลู เฮ๊อ. แว โอ่เซอเพร หม่าปาโต่ เฮ๊อ หม่าแน๊เรอ ครี๊ โอ่เซอเพร เฮ๊อ เด๊อ แวกู เฮ๊อ. เตโอ่เซอเพร เด๊อ แว โอ่เซอเพร กู๊แหน่ เออเนอหมา หม่าแพ๊ แว โอ่เซอเพร เด๊อ เตหยื่อเอ่ จอแปแหร่ อาพู๊คู เด๊อ อา โมเร๊อ แว เร๊อ อา เด๊อะแลแก อา ซิปล่อเซอเพร เด๊อ แวเง เออเนอ เตเพร อาคยา แพ๊.

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

ꤟꤤꤙꤚꤢꤨ 8:3

เพรหลู่แต กู่กล๊อดุเล๊อ ปว๋า เตเพร เนอ, อู แด่แถ่ อา เร๊อ อา เบ่ หลู่แตเต โทเรอ อา เบ่ หลู่แตแถ่ เร๊อ เตมีเตดอ เต๊เห่ เด๊อ จอแปแหร่ อา โอ่. ฮู๊เนอเรอ, เป เพรหลู่แตเต เด๊อ อาดุเล๊อ เออเตเพรเนอ, อา เบ่ หลู่แตแถ่ เกอ เต เต๊อเจ่อเจ่อ.