ꤚꤥꤗꤢꤩ꤬ 5:6 - ลีเทส่อพ๊าอาเซ เร๊อ เห่ขุทวาลู๊6 เมเตเฮ๊เรอ, เบ๊อะเป เมจว่า แลเบ๊ แจ่ เกอเร๊อ ปา เปเหน่ โต่ เบ๊อะเนอ, เหย่ซู่ครี๊ แฮข่าเซอ ม๊อเนอม๊อเซ โตเป่ แกแยจา แกแยจือ เต๊เห่ อาเง. အခန်းကိုကြည့်ပါ။Eastern Kayah Shadaw Dialect6 ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤙꤣꤧ ꤕꤢꤩ꤬ ꤗꤢꤩ꤬ꤡꤝ꤫ꤢ꤬ ꤜꤢꤧ꤬ꤙꤢꤩ ꤡ꤫ꤢꤧ꤬ ꤚꤣꤧꤘꤢꤦ꤬ ꤕꤢ꤬ ꤕꤢꤩ꤬ꤔ꤫ꤢꤩ꤬ ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤏꤛꤢꤨꤋꤚꤤ ꤟꤢꤧ꤭ꤋꤢꤧꤞꤣꤧ꤭ ꤒꤥ꤭ꤏꤣꤧꤒꤥ꤭ꤋꤢꤩ꤭ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ꤗꤢꤨꤗ꤫ꤢꤧ꤬ ꤊꤣꤧ꤬ꤛꤢꤧ꤭ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭꤯ အခန်းကိုကြည့်ပါ။ |
ꤚꤥꤗꤢꤩ꤬ 5:6
30 ပူးပေါင်းရင်းမြစ်များ
เบ๊อะซี หยื่อเอ่ แตแล๋ เหย่ซู่ครี๊ โต่ เบ๊อะเนอ, เด๊อ ซี เตซื๊อ อาขว่าอาคยาเร๊อ, ซี แซ่เน๊อ แกแยเด๊อ อาเซอ เด๊อ แหย่โย ตากยา เฮ๊อ. โท๊โต่ ซี แลเปล๊เถ่เบ๊ เน๊อ ซี เหล่โกล เมเตซื๊อ อา เพรโพรฉว่าชอ เออเนอ โต่. หม่าแน๊เรอ กู๊แหน่เออ จอแปแหร่ เม ก๊อถ่อเซอเพร กาคยา เต่อเกอ เฮ๊อ ซี เน๊อ ครี๊ เฮ๊อ. จอแปแหร่ ปลวาแก ลอเฮ๊อ เป เตซื๊อ ล๋อ ปลี เฮ๊อ
จอแปแหร่ อาบุ๊ยอาเตอเรอเออ, อา อิซว๊า เป่ เร๊อ เป เก่วีแก แกล๊ เด๊อ อา มู๊แหม่ เต๊เห่ เร๊อ เห่ขุ อา เตซิหยื่อซิลอ เต๊เห่. กู๊แหน่เรอ จอแปแหร่ อาบุ๊ยอาเตอเรอ อิซว๊า เป เด๊อ เป โตเบ่ ค๊อเบ๊ข่าเบ๊ หนิ เด๊อ เปซิปล่อ. เร๊อ เป โตเบ่ โอ่เซอเพร จ๊อจ๊อเตเต, โท๊โต่ เป โตเบ่ โอ่เซอเพร ฮู๊ อาโต จอแปแหร่ อาซิปล่อ เนอ.
เก่ ครี๊ โหล่โน โตโมโม เกอ ฮู๊เนอ เก่เฮ๊เรอ, อา โตเบ่ ข่าเซอ โตโมโม เกอ อาซิปล่อ เด๊อ เห่ขุ ทวาแถ่ลู่ เบ๊อะเนอ ปา เจ๊อ กอกอ. อา โหล่ ข่าเซอ ฮู๊เนอโต่. กู๊แหน่เออ เบ๊อะเห่ขุ เตเร พื๋อ ตื๊อดื่อเฮ๊อ เบ๊อะเนอ, อา แฮ ข่าเซอ แพ๊ โตโพ๊ เร๊อ อา โทปลื๊อ ลาเฮ๊อ. เด๊อ อา หลู่แตแถ่ อาเหน่กล่อ เร๊อ อาเหน่เออ อาขว่าอาคยา, อา พย๊าจว๊า ตาพาแก ลอ แกแย เต๊เห่ อาเตซื๊อ เต๊เห่ เฮ๊อ.
เป ซิเง เร๊อ เตซว๊าเตแส่ เออเต๊เห่เนอ, อู เด๊อะโอ่แถ่ อา เด๊อ แกแยจ๊อแกแยเต เต๊เห่ อาเงเนอ หม่าโต่. โท๊โต่ อู เด๊อะโอ่แถ่ เป่ แกแย เด๊อ อา เมซื๊อ เตซว๊าเตแส่ เต๊เห่ เน๊อ แกแย เด๊อ อา หนิดา เกออู โต่ เต๊เห่. โทเรอ แกแย เด๊อ อา แด่หยื่อแด่แหน่ เกออู จอแปแหร่ โต่ เต๊เห่, เน๊อ แกแย เด๊อ อา เม เตซื๊อเตปล๊า เต๊เห่, เน๊อ อา จ๊อเบ เกออู จอแปแหร่ โต่ เต๊เห่, เน๊อ อา เตเน เกออู จอแปแหร่ โต่ เต๊เห่, เน๊อ อา เมเซอ อาเพ เก่หม่าโต่เรอ อาโหมะ เต๊เห่, เน๊อ อา เมเซอ แกแย เต๊เห่,
เมเตเฮ๊เรอ, แกแย เด๊อ อา แด่ดุหยื่อแหน่ จอแปแหร่ โต่ เต๊เห่เนอ, อา แฮโนโห่ เฮ๊อ เด๊อ ซีเกล เฮ๊อ. แซ่ฮู๊ เหย่ซี เก่ เฮ๊เบ่ แลเปล๊ อาเหน่ เร๊อ อา เตโอ่เซอเพร แลโพร๊แลแพร เต๊เห่ อาเงเนอเรอ, อา ถู่แหล่ เต๊เปล่ ปย๊าแก เป แบ่เจ่ จอแปแหร่ อาบุ๊ยอาเตอเรอ เออเนอเต๊เห่ อาหรี่อาแก เฮ๊อ. โท๊โต่ เหย่ซี เออเต๊เห่เนอ อา หยื่อเอ่ เกออู เป ทวาดุทวาเต แบ่เจ่ เหย่ซู่ครี๊ เออเนอ โต่. ฮู๊ ลีเทส่อพ๊า แด๊โฉ่ หนื่ออื่อ เฮ๊อ เตเมจากาคยา เต๊เห่เนอ เหย่ซี เก่ พย๊าหนิ ลอปลี เจ๊อ ปา.
เมเตเฮ๊เรอ อา เก่ แฮ เมจากาคยา ลอ แกแย ปว๋า เตเพร ปา. อา เก่ เมจากาคยา ลอ แกแย เด๊อ อา แด่ดุหยื่อแหน่ เกออู จอแปแหร่ โต่ เนอเต๊เห่ ปา. อา เก่ เมจากาคยา เหย่ซี อาเตซื๊อเตปล๊า เด๊อ เหย่ซี เม โต เร๊อ จอแปแหร่ อาแกล๊อาโกล โต่ เนอเต๊เห่ ปา. เหย่ซี ย๋อ เท๊ตาแอ ฉื่อ จอแปแหร่ อาขว่าอาคยา, อา เก่ เมจากาคยา เหย่ซี ปา.”
หม่าแน๊เรอ เด๊อ จอแปแหร่ เฮ๊ตา แซ่เกอคยา อา โหง่ ฮู๊ อา แบ๊แลลู่ ม๊อเล เร๊อ เห่ขุ เบ๊อะเนอ เนอเฮ๊อ อาขว่าอาคยา, ม๊อเล เร๊อ เห่ขุ เด๊อ เป แม๊เถอะ อา กู๊แหน่ เออเต๊เห่เนอ, จอแปแหร่ ปื่อหม่า โอ่โก๊ เหย่ซี เร๊อ อา เก่ เมปย๊าแก เหย่ซี เร๊อ หมิ ปา. จอแปแหร่ เก่ ปื่อหม่าโอ่โก๊ โต่ เหย่ซี เด๊อ ม๊อเนอ เบ๊อะอา เก่ เมจากาคยา เมปย๊าแก เฮ๊อ แกแย เด๊อ อา แด่หยื่อแหน่เกอ ลู โต่ เนอเต๊เห่ ปา.
โทปาเรอ, ล๋อ อิสราเอลพู๊ เนอเต๊เห่ เก่ พย๊าหนิ ลอ เตเมแลเปล๊กา ปา อา เก่ ทวาแถ่ ฮู๊ เพรโพร อิสยาห์ ราหนื่ออื่อ เนอ ปา. เร๊อ อา เฮ๊ เน๊อ, “เพร เมแลเปล๊กา จอแปแหร่ อาแกแย เออเตเพรเนอ อา เก่ โอ่ เด๊อ วีศิโยน เร๊อ อา แฮ ปา. อา เก่ พย๊า ตาพาแก ลอ ล๋อ เพ ยาโคบ อากลุยอาแล เออเต๊เห่ อา เตมู๊แหม่รีแจ่ เนอเต๊เห่ ปา.
ฮู๊เนอเรอ, หม่าอูเป เตเร เมจากาคยา เหย่ซี เป? เตเพร่ว หม่า อู เมจากาคยา แจ่หนิ เหย่ซี โต่. เมเตเฮ๊เนอ, เหย่ซู่ครี๊ หม่า เพร เด๊อ อา เซอ เด๊อ เป เตซื๊อ อาเง เตเพร, โท๊โต่ จอแปแหร่ เมเซอเพร กาคยา ลู เด๊อ เตเซอ เตเพร. เร๊อ จอแปแหร่ เด๊อ ลู เหล่โอ่ เด๊อ อากู๊ขุ จ๊อทว๊า ตากยา. แซ่ฮู๊ จอแปแหร่ เก่ เมจว่า เป เนอ, เหย่ซู่ โน กุยซิยอ เป่ เฮ๊อ เป เง เฮ๊อ.
เออเนอหมา อา แซ่เฮ๊อ เน๊อ แว เซอ เต่อเกอ เร๊อ ครี๊ เด๊อ อี๊ถื่อดีเต่ อาลู เฮ๊อ. แว โอ่เซอเพร หม่าปาโต่ เฮ๊อ หม่าแน๊เรอ ครี๊ โอ่เซอเพร เฮ๊อ เด๊อ แวกู เฮ๊อ. เตโอ่เซอเพร เด๊อ แว โอ่เซอเพร กู๊แหน่ เออเนอหมา หม่าแพ๊ แว โอ่เซอเพร เด๊อ เตหยื่อเอ่ จอแปแหร่ อาพู๊คู เด๊อ อา โมเร๊อ แว เร๊อ อา เด๊อะแลแก อา ซิปล่อเซอเพร เด๊อ แวเง เออเนอ เตเพร อาคยา แพ๊.
ကြော်ငြာတွေ