ꤚꤥꤗꤢꤩ꤬ 5:5 - ลีเทส่อพ๊าอาเซ เร๊อ เห่ขุทวาลู๊

⁵ เบ๊อะเป แม๊ชือ เร๊อ จอแปแหร่ เก่ เม เป่ เป เบ๊อะเนอ, เป ซิปล่อปย๊า โต่, เมเตเฮ๊เรอ, เบ๊อะจอแปแหร่ เด๊อะตา เป แหย่โยบูโพ๊ แบ่เจ่ เบ๊อะเนอ, อา กลอ แล แล๊แล เป่เฮ๊อ เป อาเตโม เด๊อ เป ซิปล่อกู เฮ๊อ.

Eastern Kayah Shadaw Dialect

⁵ ꤙꤣꤧ ꤕꤢꤩ꤬ ꤗꤢꤧꤏꤢꤦ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤕꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤞꤤꤕꤜꤢꤪ꤬ꤕꤛꤢ ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤊꤜꤢꤪ꤭ꤜꤢꤧ꤬ ꤜꤢꤧꤜꤢꤧ꤬ ꤕ꤫ꤢꤩ꤬ꤟꤣꤧ ꤕꤢꤩ꤬ ꤢ꤬ꤒꤢꤩ꤬ꤗꤥ꤬ ꤘꤣ ꤕꤢꤩ꤬ ꤞꤤꤕꤜꤢꤪ꤬ꤊꤢꤨ꤭ ꤟꤣꤧ꤯

ꤚꤥꤗꤢꤩ꤬ 5:5 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 4:6

ซี ย๋อ ทวาเฮ๊อ จอแปแหร่ อาพู๊อาเลอ เต๊เห่ อาขว่าอาคยา, เด๊อ เป ซิปล่อกู เออเนอ, จอแปแหร่ ฉู่โนเฮ๊อ อาพู๊คู อา แหย่โยบูโพ๊ เด๊อ อา เอ๊โทแถ่ เน๊อ, “อับบา, เพ” ฮู๊เนอ หม่า อา หนิ เฮ๊อ เออเนอเฮ๊อ.

ฟีลิปปี 1:20

แว เตซิหยื่อ เร๊อ แว เตแม๊ชือ หม่า อิเต เฮ๊เรอ, เด๊อ ครี๊ อา เป๊เส่เง ปาเนอ, แว เกล๊ ซิเตเรน๊อ แหน่ ปา ตีกี๋ โต่ เฮ๊อ. แว เซอเพร เบ่เบ่, แว เซอ เบ่เบ่, แซ่ฮู๊ อู เก่ ถู่เซ๊แถ่หนิ ครี๊ อาเงเนอเรอ, แว ซิหยื่อ โอ่เซอเพร เล๊อบา เจ๊อ เร๊อ เตซิปล่อคือฮา ฮู๊ แว คือแฮ เกอเร๊อ ปว๋า โตโพ๊ เนอแพ๊.

ทิโมธี เนอบ่า ต๊าบ่า 1:12

เมฮู๊เนอเรอ เด๊อ เตเออเต๊เห่ อาขว่าอาคยา, แว ข่าเบ่เฮ๊อ เตเออ เต๊เห่ เฮ๊อ. หม่าแน๊เรอ แว ซิเตเร โต่, เมเตเฮ๊เรอ, แว ซิเงเฮ๊อ เพร เด๊อ แว หยื่อเอ่ อา เออเตเพร เฮ๊อ. โทเรอ แว หยื่อเอ่เฮ๊อ เน๊อ เต เด๊อ อา เด๊อะแล เด๊อ แว กู๊ยากู เออเต๊เห่เนอ, อา เก่ โอ่ป่อหม่า หนิโต่เร๊อดื่อ เด๊อ ม๊อเนอ ตื๊อดื่อปา เนอเตอเนอ ปา.

โครินธ์ เนอบ่า ต๊าบ่า 1:22

โท๊โต่, จอแปแหร่ เมม๊าเมแด เป เออเนอ, อา เด๊อะโล เฮ๊อ เร๊อ เป ทวา เฮ๊อ อาแกแย เฮ๊อ. อา เด๊อะตา เป แหย่โยบูโพ๊ แบ่เจ่ เออเนอหมา อา เมม๊าเมแด เฮ๊อ เป เฮ๊อ. โทเรอ แหย่โยบูโพ๊ แบ่เจ่ เออเนอ, อา แฮโน โอ่เซอเพร เด๊อ เป ซิปล่อกู เร๊อ อา เฮ๊จว่า เป่เกอ เป เร๊อ จอแปแหร่ เก่ เมเล๊อเมบาแถ่ เป่ ลอ เป อา เตอ๊อแล เนอเต๊เห่ ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:19

จอแปแหร่ ย๋อ โมเร๊อ เป อาขว่าอาคยา, เป โม เกอเร๊อ ลู เตเพร เร๊อ เตเพร เฮ๊อ.

เอเฟซัส 1:13

ซี เร๊อ, เบ๊อะซี หนิโฮ เกอ เตหมะเตจ๊อ, เตซิครือมีลา เด๊อ อา เมแลเปล๊กา ซี อาหรี่อาแก เบ๊อะเนออาเค, ซี หยื่อเอ่ เร๊อ ซี ทวาแถ่ เตเตอเจ๋อ โต เร๊อ ครี๊ เฮ๊อ. เด๊อ ซี หยื่อเอ่ ครี๊ อาขว่าอาคยา, อา เด๊อะแล ซี แหย่โยบูโพ๊แบ่เจ่ เด๊อ อา เฮ๊แก หนื่ออื่อ โทเฮ๊อ เออเนอ เฮ๊อ. แหย่โยบูโพ๊แบ่เจ่ เออเนอ อา แซ่เฮ๊อ เร๊อ เมม๊าเมแด เต๊อเจ่อ เด๊อ อา เด๊อะโล เร๊อ ซี ทวาเฮ๊อ จอแปแหร่ อาแกแย เฮ๊อ.

เพรโด่แนพู๊ เต๊เห่ 2:33

จอแปแหร่ แด่ดุแด่ทู เหย่ซู่ เร๊อ อา แด่โอ่ ลู เด๊อ อากู๊ขุ จ๊อทว๊า ตากยา, เร๊อ ฮู๊ อาเพ จอแปแหร่ อ๊อแล โทเฮ๊อ เน๊อ อา เก่ เด๊อะ ลู แหย่โยบูโพ๊ เนอ อา เด๊อะเฮ๊อ ลู เฮ๊อ. เร๊อ เหย่ซู่ กลอตาแล๊ตา เฮ๊อ เต เด๊อ เน แม๊เถอะ หนิโฮเฮ๊อ กู๊แหน่เออ เนอเต๊เห่ เฮ๊อ.

เอเฟซัส 4:30

เมซิเปล แต่ จอแปแหร่ อา แหย่โยบูโพ๊ แต่เหม่. จอแปแหร่ เด๊อ ซี แหย่โยบูโพ๊แบ่เจ่ เออเนอหมา, อา แซ่เฮ๊อ เร๊อ เมม๊าเมแด เต๊อเจ่อ เด๊อ ซี หม่า จอแปแหร่ อาเต เฮ๊อ. แหย่โยบูโพ๊แบ่เจ่ เออเนอ, อา เก่ โอ่เต่อ เร๊อ ซี โต่เด๊อ จอแปแหร่ แฮ เมแลเปล๊กา ซี ปา เนอเตอเนอ ปา.

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

เพรโด่แนพู๊ เต๊เห่ 2:17

‘จอแปแหร่ เฮ๊ เน๊อ, เออ หม่า เต เด๊อ แว เก่ นอทวาแถ่ อา เบ๊อะม๊อเนอ เด๊อ คยาตื๊อดื่อเล๊อ ปา เต๊เห่เนอ เฮ๊อ. แว เก่ กลอตา แว แหย่โยบูโพ๊แบ่เจ่ เด๊อ แกแย เห่ขุพู๊ ล๋อ ปลี เต๊เห่ อาลู ปา. ซี พู๊เหมาะพู๊คู เต๊เห่ เก่ แด๊โฉ่โล หนื่ออื่อ แว เตหรี่เตแก เต๊เห่ ปา, ซี เพรคูพู๊เส่ เต๊เห่ เก่ แม๊เถอะลว๊า หนื่ออื่อ ปา, เร๊อ ซี โหมะเผระ เต๊เห่ เก่ โอ่เมอแหม่ลว๊า เต เต๊เห่ ปา.

เธสะโลนิกา เนอบ่า ต๊าบ่า 2:16

เปเพ จอแปแหร่ อาบุ๊ยอาเตอเรอ ขว่าคยาเร๊อ, อา เด๊อะตา เฮ๊อ เป อา เตเด๊อะอ๊าเด๊อะเหร่ ตูจูเพร เร๊อ เตแม๊ชือ เด๊อ อาตาอาเต เออเต๊เห่เนอ เฮ๊อ. เป แบ่เจ่ เหย่ซู่ครี๊ เร๊อ เปเพ จอแปแหร่ เด๊อ อา โมหนิเร๊อ เป เออเตเพร เก่ เด๊อะอ๊าเด๊อะเหร่ ดื่อ ซี นี๋. โท๊โต่ แซ่ฮู๊ ล๋อ ซี เตเอ่เตแร เนอเต๊เห่ เร๊อ ล๋อ ซี เตเฮ๊เบ่เฮ๊โช เต๊เห่ เก่ แร๊ อาเงเนอ, อา เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

ꤚꤥꤗꤢꤩ꤬ 8:28

แกแย เด๊อ อา โม จอแปแหร่, เร๊อ จอแปแหร่ เอ๊ ลู เน๊อ อา เหล่เตเน แม๊ชือ หนื่ออื่อ อาเง เต๊เห่เนอ, เตเมทวาแถ่ อาเหน่ เน๊อ เหย่ซี ฮู๊เตเต๋ เบ่เบ่เนอ, จอแปแหร่ เม เป่ เตแร๊ เด๊อ เหย่ซี เง เนอหม่า, เป ซิเง แพ๊.

โครินธ์ อาเหร่อเล๊อ ต๊าบ่า 8:3

หม่าแน๊เรอ แกแย เตเพรเพร เด๊อ อา โม จอแปแหร่ เนอ, จอแปแหร่ ซิเง ลู เน๊อ อา หม่า อาแกแย เฮ๊อ.

โครินธ์ เนอบ่า ต๊าบ่า 3:18

กู๊แหน่เออ เต เด๊อ อา โฮ๊ ตาตือ บี๊ ล๋อ เป เด๊อ อา หยื่อเอ่ เหย่ซู่ เออเต๊เห่ อาเป๊เส่ เนอ อา โอ่ ปา เตอเจ๋อ โต่. ฮู๊เนอเรอ, กู๊แหน่เออ เป แม๊เถอะ แฮเง ลา เฮ๊อ แบ่เจ่ อา เตลีเตตาเค เร๊อ เป ทวาแถ่ แซ่เฮ๊อเร๊อ หม่าโด่ เด๊อ อา ลีช๊าเตเค กาคยา แบ่เจ่ อา เตลีเตเค เต๊เห่เนอ เฮ๊อ. เป แม๊เถอะ แฮเง ลา เฮ๊อ แบ่เจ่ อาลีเตเค, เร๊อ แหย่โยบูโพ๊ แบ่เจ่ เม เป่ เฮ๊อ เป เด๊อ เป เก่ แซ่แฮ เร๊อ แซ่แฮ, แซ่เฮ๊อ เร๊อ เป แบ่เจ่ เด๊อ อา เตอเรอดุทู เออเตเพรเนอ เฮ๊อ.

เพรโด่แนพู๊ เต๊เห่ 10:45

จอแปแหร่ จว๊า เด๊อะแล โต่เกอ แหย่โยบูโพ๊แบ่เจ่ เด๊อ แกแยยิวพู๊ หม่าโต่ เออเต๊เห่ อาลู อาขว่าอาคยา, แกแยยิวพู๊ เด๊อ อา หยื่อเอ่แลแค เฮ๊อ เต เร๊อ อา โอ่ แลแค เด๊อ วียัฟฟา อากู เร๊อ อา จว๊า เต่อโร๊ เร๊อ คูเปโตร เออเต๊เห่เนอ อา คย๊ายื๊อ แหน่เจ๊อ.

ꤚꤥꤗꤢꤩ꤬ 1:7

โคแบ๊ซว๊าโม เด๊อ อา โอ่ เด๊อ วีโรม อากู ซี, จอแปแหร่ โม เกอเร๊อ ซี, โท๊โต่ อา เอ๊ เฮ๊อ ซี เด๊อ ซี เก่ ทวาแถ่ อาแกแย เร๊อดื่อ เฮ๊อ. แว ราจว๊า เป่ลอ ซี ลีเออต๊าบ่า. เปเพ จอแปแหร่ เร๊อ เป แบ่เจ่ เหย่ซู่ครี๊ เก่ เด๊อะดื่อ ซี เตบุ๊ยเตเตอเรอ เร๊อ เตตู๊จุเตอเจ๊อ นี๋.

ꤚꤥꤗꤢꤩ꤬ 9:33

ฮู๊ ลีเทส่อพ๊ากู เฮ๊ คูเมสิยาห์ หม่าเฮ๊อ เพรเมแลเปล๊กา อาหรี่อาแก เน๊อ, “แม๊มอ แลแค, แว แด่โอ่ หล่อ เตเม เด๊อ วีศิโยน อากู ปา, เร๊อ อู เก่ ตอพอ อา ปา, เร๊อ อา เก่ เมแลคื๊อ อู ปา. หม่าแน๊เรอ แกแย เด๊อ อา หยื่อเอ่ ลู เต๊เห่เนอ, อา โต่ เด๊อ เตซิปล่อปย๊า อาเหล่โอ่ แตแค๋ โต่.”

โครินธ์ เนอบ่า ต๊าบ่า 13:14

เป แบ่เจ่ เหย่ซู่ครี๊ อาบุ๊ยอาเตอเรอ, เพ จอแปแหร่ อาเตโม เร๊อ แหย่โยบูโพ๊ แบ่เจ่ อา เตแบ๊ซว๊าแบ๊โค เออเนอ, อา เก่ โอ่ เกอ ดื่อ เร๊อ ซี ปว๋า เตเพร นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:8

ฮู๊เนอ อาขว่าอาคยา, แกแย เตเพรเพร เด๊อ อา เท๊ฉื่อ เตอิซว๊าอี๊แส่ เออเนอหมา, อา เท๊ฉื่อ แกแยเห่ขุพู๊ หม่าโต่. อา เท๊ฉื่อเฮ๊อ จอแปแหร่ เด๊อ อา เด๊อ ซี แหย่โยบูโพ๊ แบ่เจ่ เออเตเพร เนอเฮ๊อ.