ꤚꤥꤗꤢꤩ꤬ 5:18 - ลีเทส่อพ๊าอาเซ เร๊อ เห่ขุทวาลู๊

¹⁸ ฮู๊เนอเรอ แกแย เตเพร หม่าเฮ๊อ เพอาดัม เออ เมซื๊อเต เต๊อเจ่อ อาขว่าอาคยา, จอแปแหร่ เมจากาคยา เฮ๊อ แกแย ปว๋า เตเพร เฮ๊อ. ฮู๊เนอเฮ๊อ, แกแย เตเพร เด๊อ อา หม่าเฮ๊อ เหย่ซู่ครี๊ เออ อา เมเฮ๊อ เตจ๊อเตเต เต๊อเจ่อ อาขว่าอาคยา, จอแปแหร่ แด่จ๊อแด่เต ลอเฮ๊อ แกแย ปว๋า เตเพร เฮ๊อ. เร๊อ เหย่ซี เก่ พย๊าหนิ แลแค ซิปล่อเซอเพร ตูจูเพร ปา.

Eastern Kayah Shadaw Dialect

¹⁸ ꤟꤢꤨꤔꤣꤧ꤬ꤚꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤗ꤫ꤢ꤬ꤟꤣꤧ ꤖꤢꤩ꤭ꤢ꤬ꤘꤢ꤬ ꤣꤧ꤭ ꤗꤢꤩ꤬ꤞꤢꤦꤒꤢꤩ꤬ ꤒꤣ꤬ꤡꤣ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤡꤢ꤭ꤟꤣꤧ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤟꤣꤧ꤯ ꤟꤢꤨꤔꤣꤧ꤬ꤟꤣꤧ, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤗ꤫ꤢ꤬ꤟꤣꤧ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ ꤢ꤬ ꤗꤢꤩ꤬ꤟꤣꤧ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤒꤣ꤬ꤡꤣ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤜꤢꤪ꤭ꤟꤣꤧ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤟꤣꤧ, ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤢ꤭ꤋꤢꤧ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭꤯

ꤚꤥꤗꤢꤩ꤬ 5:18 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 15:22

แกแยเห่ขุพู๊ ปว๋า เตเพร อากลุยอาแล ตา กาแล แฮเง เด๊อ เป เพอาดัม อา โอ่ อาขว่าอาคยา, แกแย ปว๋า เตเพร เบ่ เซอ ลอ แพ๊. ฮู๊เนอเฮ๊อ, แกแย เด๊อ อา ทวา เฮ๊อ เตอเจ๋อแพ๊ เร๊อ ครี๊ เต๊เห่เนอ, ครี๊ เก่ เมเซอเพร กาคยา ลู ปา.

ꤚꤥꤗꤢꤩ꤬ 5:12

เมฮู๊เนอเรอ, เด๊อ แกแย เตเพร หนิดา จอแปแหร่ อาโหง่ โต่ อาขว่าอาคยาเร๊อ, แกแย ปว๋า เตเพร เมลอ เฮ๊อ เตซื๊อ เฮ๊อ. เตซื๊อเตปล๊า เออ อา เด๊อะทวาแถ่ เฮ๊อ เตเซอ เฮ๊อ. ฮู๊เนอเรอ เด๊อ เตซื๊อเตปล๊า เออ อาขว่าอาคยาเรอ, แกแย ปว๋า เตเพร แม๊เถอะ ป่อชิเต่อเบ่ ลอ เร๊อ เตเซอ เฮ๊อ.

ꤚꤥꤗꤢꤩ꤬ 5:15

หม่าแน๊เรอ จอแปแหร่ อา เตเด๊อะตา ครา เชหยู่ เออเนอ เร๊อ เพอาดัม เมเตซื๊อ เออเนอเจ่อ เนอหม่า อา แซ่ลู โต่. เมเตเฮ๊เรอ, เด๊อ แกแย เตเพร หนิดา จอแปแหร่ อาโหง่ โต่ อาขว่าอาคยาเร๊อ, แกแย เบ่ เซอ เอ๊แหน่เจ๊อ. หม่าแน๊เรอ จอแปแหร่ อาบุ๊ยอาเตอเรอ เนอ อาดุเล๊อ ปา เจ๊อ เร๊อ เนอ เจ๊อ. โท๊โต่ เชหยู่ หนิครา เด๊อ อา แฮ เด๊อ แกแย อาโร เตเพร อา โอ่ หม่า หม่าเฮ๊อ เหย่ซู่ครี๊ เออเนอเฮ๊อ. เด๊อ อาบุ๊ยอาเตอเรอ ขว่าคยาเนอ, อา เด๊อะ ตาป่อตาเป เอ๊ เป่ แหน่เจ๊อ อู ตูปลูเต๊เผ่เจ๊อ.

ꤚꤥꤗꤢꤩ꤬ 5:19

เมเตเฮ๊เรอ เด๊อ แกแย เตเพร หนิดา จอแปแหร่ อาโหง่ โต่ อาขว่าอาคยา, แกแย ปว๋า เตเพร ทวาลอ เฮ๊อ เตซื๊อเตปล๊า อา พู๊เหมาะพู๊คู เต๊เห่ เฮ๊อ. หม่าแน๊เรอ เด๊อ แกแย เตเพร หนิดา จอแปแหร่ อาโหง่ อาขว่าอาคยา, จอแปแหร่ แด่จ๊อแด่เต ลอเฮ๊อ แกแย ปว๋า เตเพร เฮ๊อ.

เพรโด่แนพู๊ เต๊เห่ 13:39

เด๊อ เหย่ซู่ เมโทเฮ๊อ อาขว่าอาคยา, แกแย เด๊อ อา หยื่อเอ่ เหย่ซู่ ปว๋า เตเพร เนอ จอแปแหร่ ปลวาแก ลอเฮ๊อ ลูเตซื๊อ เร๊อ อา แด่จ๊อแด่เตแก ลู เฮ๊อ. เด๊อ ซี ครวาลือ เมเกอ คูโมเสส อา เตซว๊าเตแส่ อาขว่าอาคยา, จอแปแหร่ ปลวาแกแจ่ ซี เตซื๊อ เนอเต๊เห่ ตีกี๋ โต่.

ꤟꤤꤙꤚꤢꤨ 2:9

หม่าแน๊เรอ, เตหรี่เตแก เด๊อ เป ซิเง หม่าแหน่ เนอหม่า หม่าเฮ๊อ เหย่ซู่ เออเนอเฮ๊อ. เบ๊อะอา แฮแล เด๊อ เห่ขุเออ เบ๊อะเนอ, อา พย๊าหนิ เตเตอเรอฉว่าชอ เด๊อ อาอ๊าเจ๊เล๊อ เน๊อ ม๊อขุ เตเน่วพู๊ เต๊เห่ เตอเปลอฮู๊, เมเตเฮ๊เรอ, เด๊อ จอแปแหร่ อาบุ๊ยอาเตอเรอ อาขว่าอาคยา, เหย่ซู่ เบ่ ข่าเซอ เป่ เด๊อ เป ล๋อ ปลี อาเง. เด๊อ เหย่ซู่ ข่าเซอ อาขว่าอาคยา, กู๊แหน่เออ เป ซิเง เน๊อ จอแปแหร่ นอ เมลีเมเตเค, แด่ดุแด่ทู อู เร๊อ เหย่ซู่ เฮ๊อ.

ꤚꤥꤗꤢꤩ꤬ 4:25

เด๊อ เป เตซื๊อเตปล๊า อาขว่าอาคยาเร๊อ, จอแปแหร่ นอมือเซอ อู เร๊อ อา พู๊เพร. แซ่ฮู๊ อา เก่ แด่จ๊อแด่เต เป อาเงเนอ, อา เมเซอเพร กาคยา เฮ๊อ ลู เด๊อ เตเซอ เฮ๊อ.

ꤛꤥ꤭ꤟꤢ꤬ 1:7

แซ่ฮู๊ แกแย ปว๋า เตเพร เก่ หนิโฮ อา เหล่แด๊โฉ่โด่แน เต๊เห่ เร๊อ อา เก่ หยื่อเอ่แหน่ อาเงเนอ, อา แฮ เฮ๊โฉ่ซิเง เป่ อู เร๊อ แกแย เด๊อ จอแปแหร่ นอแฮแล ลู ฮู๊ เตลี เออเนอ เตเพร อาหรี่อาแก.

ꤛꤥ꤭ꤟꤢ꤬ 12:32

หม่าแน๊เรอ ช๋า อู มือเซอแถ่ แว เด๊อ อี๊ถื่อดีเต่ลู เบ๊อะเนอปาเนอ, แว เก่ เอ๊แฮ ลอ แกแย ปว๋า เตเพร เด๊อ แวโอ่ ปา.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:20

หม่าแน๊เรอ เหย่ซู่ครี๊ เด๊อะแล แหย่โยบูโพ๊ แบ่เจ่ เด๊อ ซีโหล่ อาขว่าอาคยา, ล๋อ ซี เออเต๊เห่ เนอหม่า ซีซิเงเฮ๊อ เตหมะเตจ๊อ เฮ๊อ.

เปโตร เนอบ่า ต๊าบ่า 1:1

เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.

ꤛꤥ꤭ꤟꤢ꤬ 3:26

เหย่ซี จว๊า เด๊อ คูยอห์น อา โอ่ เร๊อ อา เฮ๊ ลู เน๊อ, “ซ๊าร๋า แกแย เด๊อ อา โอ่เกอ เร๊อ เร๊อ เบ๊อะจอร์แดน เทอแลโหมะ แบ๊เร เร๊อ เน ข่าเฮ๊โล เป่ อู เร๊อ อา อาหรี่อาแก เนอเตเพร นี๋ กู๊แหน่เออ อา จว๊าเจ เป่ อู เทอ เร๊อ อู จว๊า ลอปลีเฮ๊อ เด๊อ ลูโอ่ เฮ๊อ.”

ꤚꤥꤗꤢꤩ꤬ 3:25

เมเตเฮ๊เรอ จอแปแหร่ เด๊อะโล ลีโพ๊ เจ๊อ เร๊อ ครี๊ แฮแล พย๊าแก เป่เฮ๊อ เป เตซื๊อเตปล๊า เด๊อ จอแปแหร่ เตเร เมจากาคยา เปเออ ปา เนอ เฮ๊อ. เด๊อ เป หยื่อเอ่ เหย่ซู่ครี๊ ข่าเซอ อาซิปล่อ เด๊อ อี๊ถื่อดีเต่ลู เร๊อ อาสุ่ย ทุ๊ยตา เด๊อ เปเง อาขว่าอาคยา, จอแปแหร่ แด่จ๊อแด่เต เฮ๊อ เป. แซ่ฮู๊ จอแปแหร่ เก่ เด๊อะ แถ่โล เร๊อ อา เมจ๊อเมเต เต อาเงเนอ, อา นอแฮ เหย่ซู่ครี๊ เฮ๊อ. เด๊อ เหร่อเคเนอ หม่า, อา แด่ทูซิปล่อ เป่ แกแยเห่ขุพู๊ เต๊เห่ อา เตซื๊อ. อา แม๊ ตาลว๊าแก เหย่ซี เม เตซื๊อ เนอเต๊เห่ เร๊อ อา เมจากาคยา เหย่ซี โต่.

ꤚꤥꤗꤢꤩ꤬ 6:14

ซี โอ่เซอเพร เด๊อ เตซว๊าเตแส่ อาเล หม่า ปาโต่เฮ๊อ, ซี โอ่เซอเพร เฮ๊อ เด๊อ จอแปแหร่ อาบุ๊ยอาเตอเรอ อาเล เฮ๊อ. ฮู๊เนอเรอ เตซื๊อ เออเนอ อา ทวา ปา ซีแบ่เจ่ หม่าปาโต่เฮ๊อ.