ꤚꤥꤗꤢꤩ꤬ 5:17 - ลีเทส่อพ๊าอาเซ เร๊อ เห่ขุทวาลู๊

¹⁷ เด๊อ เพรคู เพอาดัม เม เตซื๊อเตปล๊า อาขว่าอาคยา, แกแย ล๋อ ปลี เบ่เซอ เนอหม่า อาโต แพ๊. หม่าแน๊เรอ แกแย เด๊อ อา ซิปล่อโอ่ พย๊าฉื่อ จอแปแหร่ เด๊อะ ลู เร๊อ อาบุ๊ยดุ เตอเรอทู เออเนอ, เร๊อ อา เด๊อะครา ลู เตจ๊อเตเต อาเชหยู่ เออเต๊เห่เนอ, อา เก่ โอ่เซอเพร ตูจูเพร เกอ เร๊อ เหย่ซู่ครี๊ ปา. โท๊โต่ อา เก่ เป๊อ เต่อเกอ เต เร๊อ เหย่ซู่ครี๊ ปา. เมเตเฮ๊เรอ แกแย เตเพร เด๊อ อา หม่า ครี๊ เออเนอ, อา เม เป่ โทเฮ๊อ เต เด๊อ เปเง เฮ๊อ.

Eastern Kayah Shadaw Dialect

¹⁷ ꤘꤣ ꤖꤚꤢꤩ꤬ꤋꤢꤨ꤭ ꤖꤢꤩ꤭ꤢ꤬ꤘꤢ꤬ ꤗꤢꤩ꤬ ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤢ꤬ꤋꤝꤢ꤬ꤢ꤬ꤋꤛꤢ꤭ ꤊꤣꤧ꤬ꤛꤢꤧ꤭ ꤜꤢꤪ꤭꤮ ꤕꤜꤤ꤭ ꤙꤢꤩ꤬ꤞꤣꤧ꤭ ꤔꤣꤧ꤬ꤗꤢ꤬ ꤢ꤬ꤒꤥ꤭ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤕꤜꤢꤪ꤬ꤥ꤬ ꤖꤛꤢꤏꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤜꤢꤨ꤭ ꤔꤢꤧ ꤢ꤬ꤙꤝꤤꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤣꤧ꤭ꤔꤣꤧ꤬ ꤔꤢꤧ ꤢ꤬ ꤘꤣꤧꤋꤚꤢ꤭ ꤜꤢꤨ꤭ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ꤏꤢ꤭ꤛ꤫ꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤊꤣꤧ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭, ꤓꤥ꤭ꤒꤥ꤬ ꤢ꤬ ꤊ꤫ꤢꤦ꤬ ꤕꤣ ꤒ꤫ꤣ꤬ꤊꤣꤧ꤭ ꤒꤢꤩ꤬ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤕꤢ꤭꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤗꤢ꤬ ꤋꤚꤤ ꤣꤧ꤭ꤔꤣꤧ꤬, ꤢ꤬ ꤗꤢꤩ꤬ ꤕ꤫ꤢꤩ꤬ ꤓꤥ꤭ꤟꤣꤧ ꤒꤢꤩ꤬ ꤘꤣ ꤕꤢꤩ꤬ꤑꤢꤩ꤭ ꤟꤣꤧ꤯

ꤚꤥꤗꤢꤩ꤬ 5:17 ပူးပေါင်းရင်းမြစ်များ

ꤚꤥꤗꤢꤩ꤬ 5:12

เมฮู๊เนอเรอ, เด๊อ แกแย เตเพร หนิดา จอแปแหร่ อาโหง่ โต่ อาขว่าอาคยาเร๊อ, แกแย ปว๋า เตเพร เมลอ เฮ๊อ เตซื๊อ เฮ๊อ. เตซื๊อเตปล๊า เออ อา เด๊อะทวาแถ่ เฮ๊อ เตเซอ เฮ๊อ. ฮู๊เนอเรอ เด๊อ เตซื๊อเตปล๊า เออ อาขว่าอาคยาเรอ, แกแย ปว๋า เตเพร แม๊เถอะ ป่อชิเต่อเบ่ ลอ เร๊อ เตเซอ เฮ๊อ.

โครินธ์ อาเหร่อเล๊อ ต๊าบ่า 15:49

เป ปว๋า เตเพร เป โอ่ เร๊อ เปเหน่กล่อ เด๊อ อาแซ่เน๊อ เพอาดัม อาเหน่กล่อ เนอ. หม่าแน๊เรอ เด๊อ คยา ปา เปเหน่กล่อ เออเนอ อา เก่ แซ่เร๊อ ครี๊ เด๊อ อา แฮแล เด๊อ ม๊อขุ เออเนอ เตเพร อาเหน่กล่อ ปา.

ꤛꤥ꤭ꤟꤢ꤬ 10:10

เพรเอ่โห่เนอ อา แฮเมเต เฮ๊เนอหม่า, แซ่ฮู๊ อา เก่ แฮ เอ่โห่เอ่ฮี๊ หนิ, อา เก่ แฮ เมเซอหนิ อู, อา เก่ แฮ เมปย๊าเมหลู่แก อู อาเงแพ๊. แว เน๊อ แซ่ฮู๊ อู เก่ หนิ เตเซอเพร โท๊โต่ แซ่ฮู๊ อู เตโอ่เซอเพร เก่ เล๊อบา ตาปอตาเป อาเง เนอเรอ แว แฮ แพ๊.

ทิโมธี เนอบ่า ต๊าบ่า 2:12

เป เก่ แด่ทูซิปล่อ เต เฮ๊เรอ, เป เก่ เป๊อ เต่อเกอ เต เน๊อ อา ปา. เป เก่ เท๊แก อา เร๊อ อา เก่ เท๊แกเกอ เป ปา.

เตเด๊อะโลแถ่ 22:5

เหมาะคี๊ โอ่ ปา โต่ อาขว่าอาคยา, เหย่ซี โหล่ปา หมิเคว๊กอ โต่. เหย่ซี โหล่ปา ต๊อเหมาะ อาเตลี โต่, เมเตเฮ๊เรอ แบ่เจ่ จอแปแหร่ หม่า หม่าเฮ๊อ เหย่ซี อาเตลี ปา เฮ๊อ, เร๊อ เหย่ซี เก่ เป๊อ เต ตูจูเพร แตแลเคร๊ ฮู๊ จ๊อแผ่ เต๊เห่เนอ ปา.

เห่ขุทวาลู่ 3:6

เบ๊อะ เพรเหมาะ แม๊เถอะ ส่อเส่เออ เบ๊อะเนอ, อาตว่าอาแบ แหน่เจ๊อ เด๊อ ลูเง, อา โตเฮ๊อ ลูซิปล่อ เด๊อ อาซิหยื่อเอ่, เบ่เฮ๊อ ลูโส่เทอ เด๊อ เก่ เด๊อะ ลู เตลีแม เร๊อ อา ด่าแถ่ ส่อเส่เออ เร๊อ อา เอ่, โท๊โต่ อา เด๊อะเอ่ แฮเง เป่เกอ เน๊อ อาเว เด๊อ อา โอ่ เกอ เน๊อ ลูเออ เร๊อ อาเว เอ่ เกอ ส่อเส่เออ.

เตเด๊อะโลแถ่ 20:6

แกแย โอ่เต่อเกอ เด๊อ เตเซอ ก๊อถ่อกาคยา เหร่อเล๊อ เออ โตโพ๊ อากู เต๊เห่ เนอหม่า อา พย๊าหนิ เตเด๊อะบุ๊ยเด๊อะเตอเรอ เร๊อ เหย่ซี หม่า แกแย บูโพ๊พู๊ เต๊เห่ อา แลเปล๊แก เร๊อ เตเซอ เนอโพ๊โตโพ๊ เฮ๊อ. เหย่ซี เก่ ทวา จอแปแหร่ เร๊อ ครี๊ อา เพรหลู่แตเต เต๊เห่ ปา. เหย่ซี เก่ เป๊อ เต่อเกอ เร๊อ ครี๊ อาหน่าตีรี๊ ปา.

เตเด๊อะโลแถ่ 20:4

โทเรอ แว แม๊เถอะ จ๊อแผ่ กู่แกล๊เท แถ่โล เต๊เห่. แกแย โอ่แนโอ่ เด๊อ กู่แกล๊แถ่โล ลูเนอ เต๊เห่เนอ, อู เด๊อ เหย่ซี เตอเรอฉว่าชอ เด๊อ อา เก่ เมจากาคยา อู ปา. แว แม๊เถอะ เกอโป่ แกแย เด๊อ อา ข่าเด๊อะโล เร๊อ เหย่ซู่ อาหรี่อาแก เร๊อ อา แด๊โฉ่โด่แน เป่ อู จอแปแหร่ อาลาอาโหง่ เต๊เห่ อาขว่าอาคยา, อู ปาตือแก เหย่ซี แกโบ เต๊เห่ อา ซิปล่อเซอเพร. เตมีเตแหม่ เบ่เบ่, เตมีเตแหม่ อาเตแหย่โย เออเนอ เบ่เบ่, เหย่ซี จ๊อเบแถ่น๊อ เกออู โต่ ตื๊อเนอโทโต่. เตมีเตแหม่ เนอโตโด อา เตเมม๊าเมแด เด๊อ อู เบ่ เมม๊า เด๊อ มาเท๊ลู เนอเบ่เบ่, หม่าโต่เรอ อู เบ่ เมม๊า เด๊อ กู๊ขุลู เนอเบ่เบ่, อา พย๊าฉื่อน๊อ เกออู เตเมม๊าเมแด เตอเจ๋อ โต่. เหย่ซี เซอเพร กาคยา เร๊อ อา เป๊อ เต่อเกอ เต เร๊อ ครี๊ อาหน่าตีรี๊.

เตเด๊อะโลแถ่ 3:21

“แว เมเป่ โทเฮ๊อ เร๊อ แว โอ่แนหนิ เต่อเกอ เฮ๊อ เร๊อ แวเพ เด๊อ กู่แกล๊เท แถ่โล อาขุ เฮ๊อ. ฮู๊เนอเรอ แกแย เด๊อ อา เมเป่เต เต๊เห่เนอ, แว เก่ นอโอ่แนโอ่ เต่อเกอ เหย่ซี เร๊อ แว เด๊อ แว กู่แกล๊เท แถ่โล อาขุ เออเนอ ปา.

เปโตร อาเหร่อเล๊อ ต๊าบ่า 2:9

หม่าแน๊เรอ ซี หม่าเมวเจอะ เต๊อเจ่อ เด๊อ จอแปแหร่ นว๊าแถ่ อา, เพรหลู่แตเต เด๊อ อาแซ่เน๊อ คุ๊ย เต๊เห่, เมวเจอะ เด๊อ อา บูโพ๊, โท๊โต่ จอแปแหร่ อาแกแย เร๊อดื่อ เจ๊อ เต๊เห่ เฮ๊อ. แซ่ฮู๊ ซี เก่ แด๊โฉ่โล จอแปแหร่ อา เตเมแร๊ โค๊ดื่อ เต๊เห่ อาเงเนอ, จอแปแหร่ นว๊าแถ่ ซี เฮ๊อ. จอแปแหร่ เอ๊เถ่แก ซี เด๊อ เตคี๊ อาเล เร๊อ อา ซูโน ซี เด๊อ อา เตลีเตเค โม อากู เฮ๊อ.

ฟีลิปปี 3:9

แว เตจ๊อเตเต เออเนอ, แว ซิเลแถ่หนิ ปา เด๊อ แว หนิดา ครวาเม เกอ เตซว๊าเตแส่ อาขุ เออเนอ หม่าโต่เฮ๊อ. หม่าโต่เรอ, แว ย๋อ หยื่อเอ่เฮ๊อ ครี๊ เฮ๊อ อาขว่าอาคยา, เร๊อ แว พย๊าหนิเฮ๊อ เตจ๊อเตเต เฮ๊อ. เตจ๊อเตเต เด๊อ จอแปแหร่ เด๊อะ เออเนอหม่า อา ซิเลแถ่หนิ เด๊อ เตหยื่อเตแหน่ อาลู แพ๊.

ทิโมธี อาเหร่อเล๊อ ต๊าบ่า 1:14

เร๊อ เป แบ่เจ่ กลอแล แล๊แล เอ๊แหน่เจ๊อ เฮ๊อ อาบุ๊ยอาเตอเรอ เด๊อ แวลู เน๊อ อา เด๊อะเฮ๊อ แว เตหยื่อเตแหน่ เน๊อ เตโม เด๊อ อา โอ่ เด๊อ เหย่ซู่ครี๊ อากู เนอเต๊เห่ เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 2:5

โป่แหว่โม ซี๋, หนิดา แลแค. แกแย เด๊อ อา โซพ๊าโซแร เด๊อ เห่ขุ เออเต๊เห่ เนอหม่า, แซ่ฮู๊ เหย่ซี เตหยื่อเตแหน่ เก่ฉว่าเก่ชอแถ่ เร๊อ เหย่ซี เก่ เมหนิ เทอเก่ เด๊อ จอแปแหร่ อ๊อแล หนื่ออื่อ เป่ แกแย เด๊อ อา โมเร๊อ ลู เนอเต๊เห่ อาเงเนอเรอ, จอแปแหร่ นว๊าแถ่ เหย่ซี เฮ๊อ เนอหม่า ซี ซิเง ตาเต ดื่อ เฮ๊อ.

เตเด๊อะโลแถ่ 1:6

โทเรอ แซ่ฮู๊ เป เก่ เม อาเพ จอแปแหร่ อา เตเอ่เตแร อาเงเนอ, เหย่ซู่ครี๊ เด๊อะทวาแถ่ เป เร๊อ เพรหลู่แตเต เต๊เห่ เด๊อ อาเทออาเก่กู. เตลีเตตาเค เร๊อ เตโพรฉว่าชอ เก่ โอ่ เกอดื่อ เร๊อ เหย่ซู่ครี๊ ตูจูเพร นี๋. อาเมน.

โครินธ์ อาเหร่อเล๊อ ต๊าบ่า 4:8

ซี เตเน เร๊อ ล๋อ เต เด๊อ ซี โหล่ เต๊เห่เนอ อา โอ่ ลอปลี เฮ๊อ, ล๋อ จอแปแหร่ อ๊อแลแก เต๊เห่เนอ ซี พย๊าหนิ ลอปลี เฮ๊อ, ซี เตเน แลแค ฮู๊เนอ. ซี เตเน เกอเร๊อ แลแค เร๊อ ซี ทวา เจ๊อดื่อ เฮ๊อ คุ๊ย เด๊อ จอแปแหร่ อาเทออาเก่กู หนิ, หม่าแน๊เรอ เป เร๊อ เป ทวาเบ๊ เกอ ลา อู คุ๊ย โต่. แซ่ฮู๊ เป เก่ ทวา เต่อเกอ คุ๊ย เร๊อ ซี เนอ, แว ซิหยื่อ นอทวา เกอ ลา เฮ๊อ ซี คุ๊ย เฮ๊อ.

ꤚꤥꤗꤢꤩ꤬ 6:23

เมเตเฮ๊เรอ, เตซื๊อ อาคว๊าอาเก่ หม่า เตเซอ. หม่าแน๊เรอ เตบุ๊ยเตเตอเรอ อาเชหยู่ เด๊อ จอแปแหร่ เด๊อะตาครา เป เออเนอหมา หม่าเฮ๊อ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อากู เออเนอเฮ๊อ.

ꤚꤥꤗꤢꤩ꤬ 5:20

แซ่ฮู๊ แกแย ล๋อ ปลี เก่ ซิเง เร๊อ เหย่ซี เมซื๊อ เอ๊แหน่เจ๊อ อาเงเนอ, จอแปแหร่ เด๊อะตาเป่ เฮ๊อ เหย่ซี เตซว๊าเตแส่ เออเนอ เฮ๊อ. หม่าแน๊เรอ เบ๊อะเหย่ซี เมเตซื๊อ เอ๊แถ่ เร๊อ เอ๊แถ่ เบ๊อะเนอ, จอแปแหร่ อา เตบุ๊ยเตเตอเรอ เออ อา ลื๋อ โอ่เอ๊แถ่ เร๊อ โอ่เอ๊แถ่แถ่ เจ๊อ.

มัทธิว 25:34

“เบ๊อะเนอปาเนอ, คุ๊ย เออเตเพร เก่ เฮ๊ แกแย เด๊อ อากู๊ขุ จ๊อทว๊า เออเต๊เห่ ปา เน๊อ, ‘แฮมอ แลแค, ซี หม่า แกแย เด๊อ อา พย๊าหนิ แวเพ จอแปแหร่ อา เตเด๊อะบุ๊ยเด๊อะเตอเรอ เต๊เห่, แฮโน พย๊าดว้า แลแค ม๊อขุ เทอเลเก่กู อาอู่เจ เต๊เหย่ เด๊อ อู ตี๊หรี่แตแร โอ่หนื่ออื่อ เป่ ซี เด๊อ เห่ขุทวาลู่ ม๊อขุทวาเซปา เนอ.

เห่ขุทวาลู่ 3:19

เน เหล่เอ่เหล่โอ อาเง เน เบ่ แอ๊จื๊อเอ่ แอ๊จื๊อแร กู่บ๊อกู่ซาตา โต่เด๊อ เน กาทวา คยาแซ๊ เห่หมื่อ ปา. อู แบ๊ เน เน๊อ เห่ อาขว่าอาคยา, เน เบ่ กาทวา คยาแซ๊ เห่หมื่อ ปา.”

ꤚꤥꤗꤢꤩ꤬ 8:39

เต โอ่ เด๊อ ม๊อเล เต๊เห่ เบ่เบ่, อา โอ่ เด๊อ เห่ขุ ต๊าบ่าเออ อาเล เต๊เห่เนอ เบ่เบ่, เตแบ๊แล เด๊อ อาโร เต๊เห่ เบ่เบ่, เด๊อ เป แบ่เจ่ เหย่ซู่ครี๊ เมโท เป่เฮ๊อ เต เด๊อ เปเง อาขว่าอาคยา, ล๋อ เต เออเต๊เห่เนอ, อา ท๊อเปแกแจ่ เป เร๊อ จอแปแหร่ อาเตโม โต่.

เห่ขุทวาลู่ 2:17

หม่าแน๊เรอ ส่อเหมาะ เด๊อ อามุย เน๊อ ซิเง เตแร๊ เน๊อ เตมู๊แหม่ เออต๊อเหมาะ อาเส่เนอ เน เบ่เอ่ หนิ ตีกี๋ โต่ เน เก่ เอ่ อา เฮ๊เนอหม่า เน เก่ เซอ หม่าแหน่ เจ๊อ เบ๊อะ เน เอ่ อา เนอเตอเนอ ปาเจ๊อ.”

ꤚꤥꤗꤢꤩ꤬ 5:15

หม่าแน๊เรอ จอแปแหร่ อา เตเด๊อะตา ครา เชหยู่ เออเนอ เร๊อ เพอาดัม เมเตซื๊อ เออเนอเจ่อ เนอหม่า อา แซ่ลู โต่. เมเตเฮ๊เรอ, เด๊อ แกแย เตเพร หนิดา จอแปแหร่ อาโหง่ โต่ อาขว่าอาคยาเร๊อ, แกแย เบ่ เซอ เอ๊แหน่เจ๊อ. หม่าแน๊เรอ จอแปแหร่ อาบุ๊ยอาเตอเรอ เนอ อาดุเล๊อ ปา เจ๊อ เร๊อ เนอ เจ๊อ. โท๊โต่ เชหยู่ หนิครา เด๊อ อา แฮ เด๊อ แกแย อาโร เตเพร อา โอ่ หม่า หม่าเฮ๊อ เหย่ซู่ครี๊ เออเนอเฮ๊อ. เด๊อ อาบุ๊ยอาเตอเรอ ขว่าคยาเนอ, อา เด๊อะ ตาป่อตาเป เอ๊ เป่ แหน่เจ๊อ อู ตูปลูเต๊เผ่เจ๊อ.

ꤚꤥꤗꤢꤩ꤬ 6:14

ซี โอ่เซอเพร เด๊อ เตซว๊าเตแส่ อาเล หม่า ปาโต่เฮ๊อ, ซี โอ่เซอเพร เฮ๊อ เด๊อ จอแปแหร่ อาบุ๊ยอาเตอเรอ อาเล เฮ๊อ. ฮู๊เนอเรอ เตซื๊อ เออเนอ อา ทวา ปา ซีแบ่เจ่ หม่าปาโต่เฮ๊อ.