ꤚꤥꤗꤢꤩ꤬ 5:14 - ลีเทส่อพ๊าอาเซ เร๊อ เห่ขุทวาลู๊

¹⁴ เป๊อแถ่ เบ๊อะเพอาดัม หนิดา จอแปแหร่ อาโหง่ โต่ อาทือเคเนอ, เร๊อ อา โต่แฮ เด๊อ คูโมเสส อาทือเค เนอ, แกแย ล๋อ ปลี เบ่เซอลอ. แกแย เนอเต๊เห่ หม่า, อา เมซื๊อเกอ ฮู๊ เพอาดัม เมซื๊อ เนอ หม่าโต่ หม่าแน๊เรอ เหย่ซี เบ่เซอ เกอลอ แพ๊. เพอาดัม หม่า อาแซ่เน๊อ ครี๊ เด๊อ อา เตเร แฮปา เนอเตเพร เฮ๊อ.

Eastern Kayah Shadaw Dialect

¹⁴ ꤡꤢꤓꤢꤧ꤬ ꤙꤣꤧ ꤖꤢꤩ꤭ꤢ꤬ꤘꤢ꤬ ꤔ꤫ꤤ꤬ꤘꤢ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ ꤒꤥ꤬ ꤢ꤬ꤓꤢꤦ꤭ꤋꤢꤩ꤭ꤔꤣꤧ꤬, ꤚꤣꤧ꤬ ꤢ꤬ ꤒ꤫ꤥ꤬ꤟꤢꤧ꤭ ꤘꤣ ꤋꤢꤨ꤭ꤗꤢꤪꤎꤢꤧ ꤢ꤬ꤓꤢꤦ꤭ꤋꤢꤩ꤭ ꤔꤣꤧ꤬, ꤊꤣꤧ꤬ꤛꤢꤧ꤭ ꤜꤢꤪ꤭꤮ ꤕꤜꤤ꤭ ꤙꤢꤩ꤬ꤞꤣꤧ꤭ꤜꤢꤪ꤭꤯ ꤊꤣꤧ꤬ꤛꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬, ꤢ꤬ ꤗꤢꤩ꤬ꤞꤢꤦꤊꤣꤧ꤭ ꤟꤢꤨ ꤖꤢꤩ꤭ꤢ꤬ꤘꤢ꤬ ꤗꤢꤩ꤬ꤞꤢꤦ ꤔꤣꤧ꤬ ꤗ꤫ꤢ꤬ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤛꤢꤩ꤬ꤞꤤ꤭ ꤙꤢꤩ꤬ꤞꤣꤧ꤭ ꤊꤣꤧ꤭ꤜꤢꤪ꤭ ꤖꤢꤧ꤯ ꤖꤢꤩ꤭ꤢ꤬ꤘꤢ꤬ ꤗꤢ꤬ ꤢ꤬ꤞꤢꤧꤔꤢꤧ ꤋꤚꤤ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ꤕꤢ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ꤯

ꤚꤥꤗꤢꤩ꤬ 5:14 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 15:45

“แกแยเห่ขุพู๊ อาเหร่อเล๊อ เตเพร เด๊อ อู เอ๊ ลู เร๊อ เพอาดัม เออเนอ จอแปแหร่ เด๊อ ลู ซิปล่อเซอเพร,” ลีเทส่อพ๊ากู เฮ๊ฮู๊เนอ. หม่าแน๊เรอ เหย่ซู่ครี๊ เด๊อ อู เอ๊ ลู เร๊อ เพอาดัม เด๊อ คยาเล๊อ เออเตเพรเนอ, อา เด๊อะตา แฮเง เฮ๊อ แกแยเห่ขุพู๊ เต๊เห่ อา เตโอ่เซอเพร อาเซ เร๊อ แหย่โยบูโพ๊ แบ่เจ่ เฮ๊อ.

ꤟꤤꤙꤚꤢꤨ 9:27

แกแย ปว๋า เตเพร เบ่ เซอ แพ๊ โตโพ๊แพ๊. เร๊อ อา เซอโท ปาเนอ, จอแปแหร่ เก่ เมจากาคยา เหย่ซี ปา.

ꤚꤥꤗꤢꤩ꤬ 5:17

เด๊อ เพรคู เพอาดัม เม เตซื๊อเตปล๊า อาขว่าอาคยา, แกแย ล๋อ ปลี เบ่เซอ เนอหม่า อาโต แพ๊. หม่าแน๊เรอ แกแย เด๊อ อา ซิปล่อโอ่ พย๊าฉื่อ จอแปแหร่ เด๊อะ ลู เร๊อ อาบุ๊ยดุ เตอเรอทู เออเนอ, เร๊อ อา เด๊อะครา ลู เตจ๊อเตเต อาเชหยู่ เออเต๊เห่เนอ, อา เก่ โอ่เซอเพร ตูจูเพร เกอ เร๊อ เหย่ซู่ครี๊ ปา. โท๊โต่ อา เก่ เป๊อ เต่อเกอ เต เร๊อ เหย่ซู่ครี๊ ปา. เมเตเฮ๊เรอ แกแย เตเพร เด๊อ อา หม่า ครี๊ เออเนอ, อา เม เป่ โทเฮ๊อ เต เด๊อ เปเง เฮ๊อ.

ꤚꤥꤗꤢꤩ꤬ 8:22

เป ซิเง เร๊อ ล๋อ เตแบ๊ตา เออเต๊เห่เนอ, อา โปโอเปเช เกอเร๊อ ลอ อาเตเช เด๊อ อาแซ่เน๊อ เพรเหมาะ พู๊โอ่ ฮ๊อเช เร๊อ อา เอ๊โท เนอ ปา. อา โปโอเปเช โต่ แลแค ปา เจ๊อ กู๊แหน่.

ꤚꤥꤗꤢꤩ꤬ 5:21

เมฮู๊เนอเรอ, ฮู๊ เตซื๊อเตปล๊า เพรเป๊อตี๊หรี่ ลอ แกแย ล๋อ ปลี เร๊อ อา นอโอ่ทวาแถ่ เฮ๊อ เตเซอ ฮู๊เนอ, กู๊แหน่เออ แซ่ฮู๊ เป เก่ พย๊าหนิ แฮเง เกอ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อา โอ่ เนอ, จอแปแหร่ อาบุ๊ยอาเตอเรอ เป๊อตี๊หรี่ เกอ เร๊อ เกอ เฮ๊อ เป เร๊อ เตจ๊อเตเต เฮ๊อ.

เห่ขุทวาลู่ 7:22

ล๋อ เตเบ่แบ๊ เด๊อ อาซิปล่อ เซอเพร โอ่ลอ เด๊อ โคขู่ เออเต๊เห่เนอ, อา เซอแก ลอเจ๊อ.

ꤚꤥꤗꤢꤩ꤬ 8:20

ล๋อ จอแปแหร่ แบ๊แล เต เออเต๊เห่เนอ อา เบ่ ปย๊าแก ลอ ปา. เหย่ซี ซิหยื่อ โต่เด๊อ เตปย๊าเตหลู่ ฮู๊เนอ โต่ หม่าแน๊เรอ จอแปแหร่ เมทวาลอ เหย่ซี ฮู๊ อาเต ตี๊หรี่แตแร หนื่ออื่อ เนอเฮ๊อ.

เห่ขุทวาลู่ 19:25

อา เมจากาคยา ปย๊าแก ลอหลา ตี๊กลิ เจ๊อ วี เออ เนอวี เน๊อ ล๋อ เก่รือดือขุ เบ๊อะเนอ เน๊อ ล๋อ แกแย โอ่ เบ๊อะ วีกู เนอเต๊เห่ เน๊อ ส่อเหมาะเหว่โบ เด๊อ อา เพ๊แถ่ เบ๊อะ เก่ เนอโต๊โผะ ล๋อ ปลี เจ๊อ.

เห่ขุทวาลู่ 4:8

เตอเนอเค คูคาอิน เฮ๊ เกอเร๊อ อาโป่ คูอาแบล เน๊อ, “เป เถ่จว๊า เด๊อ เพร๊ขุ โป๋,” เบ๊อะ เหย่ซี โอ่ เด๊อ เพร๊ขุ เบ๊อะเนอ, อา ซิปล่อดุ อาโป่ คูอาแบล เร๊อ อา เมเซอ แก ลู.

ꤚꤥꤗꤢꤩ꤬ 5:12

เมฮู๊เนอเรอ, เด๊อ แกแย เตเพร หนิดา จอแปแหร่ อาโหง่ โต่ อาขว่าอาคยาเร๊อ, แกแย ปว๋า เตเพร เมลอ เฮ๊อ เตซื๊อ เฮ๊อ. เตซื๊อเตปล๊า เออ อา เด๊อะทวาแถ่ เฮ๊อ เตเซอ เฮ๊อ. ฮู๊เนอเรอ เด๊อ เตซื๊อเตปล๊า เออ อาขว่าอาคยาเรอ, แกแย ปว๋า เตเพร แม๊เถอะ ป่อชิเต่อเบ่ ลอ เร๊อ เตเซอ เฮ๊อ.

โครินธ์ อาเหร่อเล๊อ ต๊าบ่า 15:22

แกแยเห่ขุพู๊ ปว๋า เตเพร อากลุยอาแล ตา กาแล แฮเง เด๊อ เป เพอาดัม อา โอ่ อาขว่าอาคยา, แกแย ปว๋า เตเพร เบ่ เซอ ลอ แพ๊. ฮู๊เนอเฮ๊อ, แกแย เด๊อ อา ทวา เฮ๊อ เตอเจ๋อแพ๊ เร๊อ ครี๊ เต๊เห่เนอ, ครี๊ เก่ เมเซอเพร กาคยา ลู ปา.