ꤚꤥꤗꤢꤩ꤬ 5:12 - ลีเทส่อพ๊าอาเซ เร๊อ เห่ขุทวาลู๊

¹² เมฮู๊เนอเรอ, เด๊อ แกแย เตเพร หนิดา จอแปแหร่ อาโหง่ โต่ อาขว่าอาคยาเร๊อ, แกแย ปว๋า เตเพร เมลอ เฮ๊อ เตซื๊อ เฮ๊อ. เตซื๊อเตปล๊า เออ อา เด๊อะทวาแถ่ เฮ๊อ เตเซอ เฮ๊อ. ฮู๊เนอเรอ เด๊อ เตซื๊อเตปล๊า เออ อาขว่าอาคยาเรอ, แกแย ปว๋า เตเพร แม๊เถอะ ป่อชิเต่อเบ่ ลอ เร๊อ เตเซอ เฮ๊อ.

Eastern Kayah Shadaw Dialect

¹² ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬, ꤘꤣ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤔ꤫ꤤ꤬ꤘꤢ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤗꤢꤩ꤬ꤜꤢꤪ꤭ ꤟꤣꤧ ꤒꤢꤩ꤬ꤞꤢꤦ ꤟꤣꤧ꤯ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤣꤧ꤭ ꤢ꤬ ꤘꤣꤧꤓꤝꤢ꤭ꤓꤢꤧ꤬ ꤟꤣꤧ ꤒꤢꤩ꤬ꤞꤣꤧ꤭ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤘꤣ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤜꤢꤪ꤭ ꤔꤢꤧ ꤒꤢꤩ꤬ꤞꤣꤧ꤭ ꤟꤣꤧ꤯

ꤚꤥꤗꤢꤩ꤬ 5:12 ပူးပေါင်းရင်းမြစ်များ

ꤚꤥꤗꤢꤩ꤬ 5:19

เมเตเฮ๊เรอ เด๊อ แกแย เตเพร หนิดา จอแปแหร่ อาโหง่ โต่ อาขว่าอาคยา, แกแย ปว๋า เตเพร ทวาลอ เฮ๊อ เตซื๊อเตปล๊า อา พู๊เหมาะพู๊คู เต๊เห่ เฮ๊อ. หม่าแน๊เรอ เด๊อ แกแย เตเพร หนิดา จอแปแหร่ อาโหง่ อาขว่าอาคยา, จอแปแหร่ แด่จ๊อแด่เต ลอเฮ๊อ แกแย ปว๋า เตเพร เฮ๊อ.

ꤚꤥꤗꤢꤩ꤬ 6:23

เมเตเฮ๊เรอ, เตซื๊อ อาคว๊าอาเก่ หม่า เตเซอ. หม่าแน๊เรอ เตบุ๊ยเตเตอเรอ อาเชหยู่ เด๊อ จอแปแหร่ เด๊อะตาครา เป เออเนอหมา หม่าเฮ๊อ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อากู เออเนอเฮ๊อ.

ꤚꤥꤗꤢꤩ꤬ 3:23

เมเตเฮ๊เรอ แกแย ปว๋า เตเพร เม เตซื๊อเตปล๊า. อา ลือ แถ่โต่ ทว๊าเบ๊ จอแปแหร่ แด่ม๊า อา เตอเรอดุเตอเรอทู เออเนอ เตเพร่ว โต่.

ꤡꤛꤢꤩ꤭ꤗꤢ꤬ꤎꤣ꤬ 1:15

เด๊อคยาเร๊อ เบ๊อะแกแย เออเตเพร เมเฮ๊อ อา เตซิหยื่อ มู๊แหม่ เออเบ๊อะเนอ, อา เด๊อะทวาแถ่ ลู เตซื๊อ, เออโตโพ๊เรอ เตซื๊อ เออ เป๊อตี๊หรี่หนิ ล๊อปลี เฮ๊อ ลูซิปล่อ เร๊อ อาพู๊โอ่แล เร๊อดื่อเฮ๊อ เตเซอ ตูจูเพร เฮ๊อ.

เห่ขุทวาลู่ 2:17

หม่าแน๊เรอ ส่อเหมาะ เด๊อ อามุย เน๊อ ซิเง เตแร๊ เน๊อ เตมู๊แหม่ เออต๊อเหมาะ อาเส่เนอ เน เบ่เอ่ หนิ ตีกี๋ โต่ เน เก่ เอ่ อา เฮ๊เนอหม่า เน เก่ เซอ หม่าแหน่ เจ๊อ เบ๊อะ เน เอ่ อา เนอเตอเนอ ปาเจ๊อ.”

เห่ขุทวาลู่ 3:19

เน เหล่เอ่เหล่โอ อาเง เน เบ่ แอ๊จื๊อเอ่ แอ๊จื๊อแร กู่บ๊อกู่ซาตา โต่เด๊อ เน กาทวา คยาแซ๊ เห่หมื่อ ปา. อู แบ๊ เน เน๊อ เห่ อาขว่าอาคยา, เน เบ่ กาทวา คยาแซ๊ เห่หมื่อ ปา.”

เห่ขุทวาลู่ 3:6

เบ๊อะ เพรเหมาะ แม๊เถอะ ส่อเส่เออ เบ๊อะเนอ, อาตว่าอาแบ แหน่เจ๊อ เด๊อ ลูเง, อา โตเฮ๊อ ลูซิปล่อ เด๊อ อาซิหยื่อเอ่, เบ่เฮ๊อ ลูโส่เทอ เด๊อ เก่ เด๊อะ ลู เตลีแม เร๊อ อา ด่าแถ่ ส่อเส่เออ เร๊อ อา เอ่, โท๊โต่ อา เด๊อะเอ่ แฮเง เป่เกอ เน๊อ อาเว เด๊อ อา โอ่ เกอ เน๊อ ลูเออ เร๊อ อาเว เอ่ เกอ ส่อเส่เออ.

ꤚꤥꤗꤢꤩ꤬ 5:21

เมฮู๊เนอเรอ, ฮู๊ เตซื๊อเตปล๊า เพรเป๊อตี๊หรี่ ลอ แกแย ล๋อ ปลี เร๊อ อา นอโอ่ทวาแถ่ เฮ๊อ เตเซอ ฮู๊เนอ, กู๊แหน่เออ แซ่ฮู๊ เป เก่ พย๊าหนิ แฮเง เกอ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อา โอ่ เนอ, จอแปแหร่ อาบุ๊ยอาเตอเรอ เป๊อตี๊หรี่ เกอ เร๊อ เกอ เฮ๊อ เป เร๊อ เตจ๊อเตเต เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 3:2

เป เมซื๊อ กาคยาแฮเง ลอปลี เต ปว๋า เตเพร เฮ๊อ. หม่าแน๊เรอ แกแย เด๊อ อา เฮ๊เบ่ซื๊อน๊อ เกออู โตโพ๋ โต่ เตเพรเนอ, อา หม่า เฮ๊อ แกแย เด๊อ อาเล๊ออาบา เตเพร เน๊อ อารออาเรเบ๊ เกอเร๊อ ลอเฮ๊อ อา เหน่เชเพร เฮ๊อ.

ꤚꤥꤗꤢꤩ꤬ 5:18

ฮู๊เนอเรอ แกแย เตเพร หม่าเฮ๊อ เพอาดัม เออ เมซื๊อเต เต๊อเจ่อ อาขว่าอาคยา, จอแปแหร่ เมจากาคยา เฮ๊อ แกแย ปว๋า เตเพร เฮ๊อ. ฮู๊เนอเฮ๊อ, แกแย เตเพร เด๊อ อา หม่าเฮ๊อ เหย่ซู่ครี๊ เออ อา เมเฮ๊อ เตจ๊อเตเต เต๊อเจ่อ อาขว่าอาคยา, จอแปแหร่ แด่จ๊อแด่เต ลอเฮ๊อ แกแย ปว๋า เตเพร เฮ๊อ. เร๊อ เหย่ซี เก่ พย๊าหนิ แลแค ซิปล่อเซอเพร ตูจูเพร ปา.

ꤚꤥꤗꤢꤩ꤬ 6:21

เบ๊อะเนอเค เน พย๊าหนิ เกออู เตตว่าเตแร๊ เตอเจ๋อ โต่. เด๊อ เน เม ฮู๊เนอ อาขว่าอาคยา, กู๊แหน่เรอ ซี เตเน ซิเตเร เกอ เร๊อ เฮ๊อ ซีเหน่ เฮ๊อ. เตเม ฮู๊เนอเต๊เห่ หม่า อา ซูจว๊า อู เด๊อ เตเซอ ตูจูเพร อาเหล่โอ่ แพ๊.

โครินธ์ อาเหร่อเล๊อ ต๊าบ่า 15:56

เตเซอ อา เตอเรอฉว่าชอ เด๊อ อา เก่ เมหน่าเมจา อู เนอหม่า อา พย๊าหนิ เด๊อ เตซื๊อเตปล๊า อาโอ่ เร๊อ เตซื๊อเตปล๊า อา เตอเรอฉว่าชอ เออเนอหมา อา พย๊าหนิ เด๊อ เตซว๊าเตแส่ อาลู แพ๊.

เอเฟซัส 2:3

เด๋อ อาเหร่อเค เนอหม่า, เป โอ่เซอเพร แซ่เน๊อ เหย่ซี เนอเฮ๊อ. เป โอ่เซอเพร ฮู๊ เป่ ซิปล่อ เหล่โกล ซิหยื่อ เมเตซื๊อ เนอเต๊เห่ แพ๊. เป จว๊าเมโม เปเหน่ เร๊อ เปเหน่กล่อ สุ่ยเทอ เหล่โกล ซิหยื่อ มู๊แหม่ เนอเต๊เห่ เร๊อ เหล่เตเน มู๊แหม่ เต๊เห่. จอแปแหร่ โตเบ่เมจากาคยา เกอ เจ๊อ เป ฮู๊ เหย่ซี เนอ เจ๊อ.