ꤚꤥꤗꤢꤩ꤬ 5:11 - ลีเทส่อพ๊าอาเซ เร๊อ เห่ขุทวาลู๊

¹¹ เป เหล่ซิครือซิลอ เนอ อาโอ่ ตื๊อ เออเนอ หม่าโต่. เด๊อ แบ่เจ่ เหย่ซู่ครี๊ อาขว่าอาคยาเร๊อ, เป ซิครือซิลอ แบ๊ซว๊าหนิ เฮ๊อ เร๊อ จอแปแหร่ เฮ๊อ. เพร เด๊อ อา เม แบ๊ซว๊า กาคยา เป่ คยาแซ๊ เป เร๊อ จอแปแหร่ หม่า เหย่ซู่ครี๊ เออเนอ เฮ๊อ.

Eastern Kayah Shadaw Dialect

¹¹ ꤕꤢꤩ꤬ ꤜ꤫ꤢꤩ꤬ꤞꤤꤋꤚꤢꤦ꤭ꤞꤤꤜꤢꤪ꤭ ꤔꤣꤧ꤬ ꤢ꤬ꤥ꤬ ꤒꤢꤦꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬꤯ ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤕꤢꤩ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤙꤢꤧꤞꤝꤢꤚꤣꤧ ꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤟꤣꤧ꤯ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ ꤋꤥ꤭ꤙꤢꤧꤞꤝꤢ ꤊꤢ꤬ꤋꤛꤢ꤭ ꤕ꤫ꤢꤩ꤬ ꤋꤛꤢ꤭ꤞꤢꤧ ꤕꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ꤔꤣꤧ꤬ ꤟꤣꤧ꤯

ꤚꤥꤗꤢꤩ꤬ 5:11 ပူးပေါင်းရင်းမြစ်များ

ꤚꤥꤗꤢꤩ꤬ 5:10

เด๊อ อาเหร่อเค เนอหม่า, เป ทวา แกแย เด๊อ อา ซิเถ่ จอแปแหร่ เต๊เห่. เด๊อ อาพู๊คู ข่าเซอ อาซิปล่อ เด๊อ เปเง อาขว่าอาคยา, อา เม โครเกล กาคยา คยาแซ๊ เฮ๊อ เป เฮ๊อ. กู๊แหน่เออ เป ทวาเฮ๊อ อาโค แบ๊ซว๊า เฮ๊อ. เป ซิเง ตาเต เจ๊อเฮ๊อ. เร๊อ เป เหล่แลเปล๊เบ๊ แพ๊ เร๊อ อาพู๊คู อา เตโอ่เซอเพร อาคยา แพ๊.

ฟีลิปปี 4:4

ซิครือซิลอ แลแค เด๊อ แบ่เจ่ อากู ปว๋า โตโพ๊ นี๋, เร๊อ แว เฮ๊ คยาแซ๊ ซี๋, ซิครือซิลอ แลแค นี๋.

ꤊꤢ꤬ꤜꤢ꤬ꤒꤤ 4:9

หม่าแน๊เรอ กู๊แหน่เออ ซี ซิเงเฮ๊อ จอแปแหร่ เฮ๊อ. แว เก่ เฮ๊ หม่าแหน่ เจ๊อ ซี เร๊อ จอแปแหร่ ซิเงเฮ๊อ ซี เฮ๊อ. หม่าเมเตเรอ ซี ซิหยื่อ ฉิกย๊าคยา ปา เด๊อ เห่ขุเน๊ขุ อา เตซว๊าเตแส่ เต๊เห่ เร๊อ อาเหล่โกล เหล่แบ่ เต๊เห่ เด๊อ อา อ๊าเจ่ เหร่เจ่ เร๊อ อาบุ๊ยอาเตอเรอ โอ่โต่ เออเต๊เห่ อาเล เนอ เมเต? หม่า ซี ซิหยื่อ ทวาแถ่ คยาแซ๊ เหย่ซี อาหลู่เล๊ แอ?

เปโตร อาเหร่อเล๊อ ต๊าบ่า 1:8

ซี แม๊เถอะน๊อ อา โต่ หม่าแน๊เรอ ซี โมหนิ อา. ซี แม๊เถอะ แต่ล๋าย อา กู๊แหน่ โต่ หม่าแน๊เรอ ซี หยื่อเอ่ อา. ฮู๊เนออาขว่าอาคยา, ซี ซิครือซิลอ หม่าแหน่ เจ๊อ เร๊อ ซี ซิครือ เจ๊อ บ๋า เตเนอ เฮ๊แจ่ ปา เจ๊อ โต่.

โคโลสี 2:6

ฮู๊ ซี หยื่อเอ่ โทเฮ๊อ เหย่ซู่ครี๊ ฮู๊ ซี แบ่เจ่ เตเพร เนอ, โอ่เซอเพร เป่แฮ แลแค ฮู๊ แบ่เจ่ ซิหยื่อ นอโอ่เซอเพร ซี เนอ.

ฟีลิปปี 3:3

เป หม่า จอแปแหร่ อาแกแย หม่าแหน่ เต๊เห่ เฮ๊อ, เหย่ซี เนอเต๊เห่ หม่า อา หม่าแหน่ หม่าโต่, เมเตเฮ๊เร๊อ เด๊อ จอแปแหร่ อา แหย่โยบูโพ๊ อาขว่าอาคยา, เป จ๊อบู่จ๊อเบแถ่ เฮ๊อ จอแปแหร่ เร๊อ เป เฮ๊เบ่ถู่เซ๊ เกอเร๊อ เตเด๊อ เหย่ซู่ครี๊ เม เป่ โทเฮ๊อ เป เออเต๊เห่ เฮ๊อ. แซ่ฮู๊ เป เก่ พย๊าหนิ เตเมแลเปล๊กา อาเงเนอ, เป โต ซิเล แถ่หนิ เกอเร๊อ เตเด๊อ เป เม เฮ๊อ อา เออเนอเต๊เห่ โอ่โต่.

ฟีลิปปี 3:1

แว โป่แหว่ ซี, เด๊อคยาเล๊อเนอ, แว ซิหยื่อ เฮ๊ ซี เนอ, เด๊อ ซี ทวาแถ่ เฮ๊อ เตเตอเจ๋อโต เร๊อ แบ่เจ่ ครี๊ เฮ๊อ เออเนอ, ซิครือซิลอ แลแค นี๋. แว ราจว๊า เป่ คยาแซ๊ ซี ลี เด๊อ อา แซ่เน๊อ อาเหร่อเค เต๊เห่เนอ แพ๊ หม่าแน๊เร๊อ อา ดู๊ดี๊ดู๊แด เร๊อ แว เตอเจ๋อ โต่. แว รา เออเต๊เห่ เนอหม่า แซ่ฮู๊ อา ตอกอเตเก บี๊ หนิเป่ ซีเงแพ๊.

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

โครินธ์ อาเหร่อเล๊อ ต๊าบ่า 10:16

เบ๊อะเป เอ่โอ โหร่ลู แบ่เจ่ เตเอ่โอ บูโพ๊ เหมาะเฮ๊ เบ๊อะเนอ เร๊อ เป กุยแถ่ จอแปแหร่ เร๊อ อา เก่ เด๊อะบุ๊ยเด๊อะเตอเรอ แท๊ทือเส่เทอเบ เออ เบ๊อะเนอ, อา เด๊อะโล เฮ๊อ เร๊อ เด๊อ ครี๊ อาสุ่ย อาขว่าอาคยา, เป ทวาแถ่ เต๊อเจ่อเจ๋อ แพ๊ ลู เร๊อ อา เฮ๊อ หม่าโต่ แอ? ฮู๊เนอเฮ๊อ เบ๊อะเป บิกยา ค๊อมู เร๊อ เป เอ่ อา เบ๊อะเนอ, อา เด๊อะโล เฮ๊อ เร๊อ เป ทวาแถ่ เต๊อเจ่อเจ๋อ แพ๊ ลู เร๊อ ครี๊ อาเหน่กล่อ เฮ๊อ, หม่าโต่ แอ?

ꤚꤥꤗꤢꤩ꤬ 11:15

จอแปแหร่ วีแก เหย่ซี อาขว่าอาคยา, ล๋อ แกแย เห่ขุพู๊ เด๊อ อาโร เต๊เห่เนอ อา ทวาแถ่ เต๊เปล่โป่ เฮ๊อ ลู โคแบ๊ซว๊า เฮ๊อ. เก่เฮ๊ฮู๊เนอ เร๊อ ช๊า จอแปแหร่ เอ๊โมฉื่อ คยาแซ๊ เฮ๊อ แกแยยิวพู๊ เออเต๊เห่ เบ๊อะเนอปาเนอ, อา เก่ แซ่เน๊อ หม่าอิเต ปาเนอ เตเนแม๊มอ แลแค. อา เก่ แซ่เจ๊อเร๊อ แกแยเซอ โทเรอ อา เซอเพร กาคยา คยาแซ๊ เนอ เจ๊อ ปา.

ꤚꤥꤗꤢꤩ꤬ 2:17

เน เด๊อ อา ทวา แกแยยิวพู๊ เกอ เลอ ติเล๋, เน เฮ๊ เกอ เร๊อ เนเหน่ เน๊อ แว หม่า แกแยยิวพู๊ เตเพร แวเฮ๊ โต่. เน หยื่อเอ่หนิ คูโมเสส อา เตซว๊าเตแส่ เร๊อ เน เตเนเกอเร๊อ เนเหน่ เน๊อ จอแปแหร่ โมแหน่เจ๊อ เน แวเฮ๊โต่. ซี เฮ๊เบ่ แถ่ม๊อแถ่โผ่ เกอเร๊อ ซีเหน่ เน๊อ, “จอแปแหร่ นว๊าแถ่ เป แกแยยิวพู๊ เด๊อ เป เก่ ทวาแถ่ เร๊อดื่อ อาแกแย,” แวเฮ๊โต่.

ꤛꤥ꤭ꤟꤢ꤬ 1:12

หม่าแน๊เรอ แกแย เด๊อ อา เอ๊ฉื่อ ลู เต๊เห่ เร๊อ อา หยื่อเอ่แหน่ ลู เต๊เห่เนอ, อา เด๊อะทวาแถ่ เหย่ซี เร๊อ จอแปแหร่ อา พู๊เหมาะ พู๊คู เต๊เห่.

ꤜꤢꤨꤊꤢ꤬ 1:46

เหมาะมารีย์ เฮ๊ เน๊อ, “แว เก่ ถู่เซ๊แถ่ ลอซิปล่อสู่เทอ แว แบ่เจ่.

ꤚꤥꤗꤢꤩ꤬ 5:1

ฮู๊เนอเรอ จอแปแหร่ แด่จ๊อแด่เต เฮ๊อ เป เร๊อ เป เตหยื่อเตแหน่ อาคยา เฮ๊อ. เป โอ่โอ่เพรโอ่ดือ โอ่โครโอ่เกล เต่อ คยาแซ๊ เฮ๊อ เร๊อ จอแปแหร่ เฮ๊อ. เพร เม ทวาแถ่ เป่ เป ฮู๊เออเนอหม่า หม่าเฮ๊อ เป แบ่เจ่ เหย่ซู่ครี๊ เฮ๊อ.

ꤚꤥꤗꤢꤩ꤬ 5:3

เป แม๊ชือ ตื๊อแพ๊ เออเนอ หม่าโต่, เบ๊อะเป แม๊เถอะ เร๊อ เตจาเตจือ, เตแป่เตเช เบ๊อะเนอ เบ่เบ่, เป ซิครือซิลอ แพ๊, เมเตเฮ๊เรอ เป ซิเง เร๊อ เต เออเต๊เห่เนอ อา เด๊อะ เอ๊แถ่ เป่ โป่ เป เตข่าเบ่ เตจาเตจือ แพ๊.

ꤚꤥꤗꤢꤩ꤬ 8:23

ล๋อ เตแบ๊ตา เออเต๊เห่ โปโอเปเช ตื๊อดื่อ หม่าโต่, เป ล๋อ ปลีเออ เบ่เบ่, เป โปโอเปเช เต่อเกอ ลอ ดื่อแพ๊. เป เด๊อ อา พย๊าหนิ แหย่โยบูโพ๊ แบ่เจ่ หม่าเฮ๊อ จอแปแหร่ เด๊อะครา เชหยู่ เด๊อ อาเหร่อเล๊อ เออเต๊เห่เนอ เบ่เบ่, เป โปโอเปเช เกอดื่อ เด๊อ ซิปล่อกูกู. เป โอ่ป่อแม๊ชือ โปโอเปเช เกอดื่อเฮ๊อ จอแปแหร่ เน๊อ ช๋า อา เก่ แฮ อี๊เฮ๊อ เป เร๊อ อาพู๊ ปา เตอเนอ, เร๊อ ช๋า อา เก่ แฮเด๊อะเฮ๊อ เป เหน่กล่อ อาเซ ปา เออเนอเฮ๊อ.

ꤚꤥꤗꤢꤩ꤬ 9:10

ตื๊อเนอโทโต่, โหมะเรเบคา พู๊โอ่ ดีคยา เกอเร๊อ โทเฮ๊อ อาเพรคู ซิเนอ เฮ๊อ, เร๊อ อาเพ หม่า เตเพรเพร่ว แพ๊. อาเพ หม่า หม่าเฮ๊อ เปเพ เพอิสอัด เด๋อ งย๊าเค เนอเตเพร เฮ๊อ.

โครินธ์ เนอบ่า ต๊าบ่า 8:19

ตื๊อเออเนอ หม่าโต่, อา หม่า เพรหยื่อเอ่เต ตู๊หมู่ตอกล๊อ เบ๊อะเออ เต๊เห่ แด่แถ่ โทเฮ๊อ ลู เร๊อ อา เก่ จว๊า เต่อเกอ เร๊อ เป เฮ๊อ. ช๋า เป แฮพย๊า เตหลู่แต เด๊อ ซี ซิปล่อฉว่า เมจว่า อู เออเต๊เห่ เร๊อ เป เก่ จว๊า เด๊อะตา เป่ เร๊อ แกแย โชพ๊าโชแรพู๊ เด๊อ วีเยรูซาเล็ม อากู เนอเต๊เห่ เบ๊อะเนอปาเนอ, อา เก่ จว๊า เต่อเกอ เร๊อ เป ปา. แซ่ฮู๊ อู เก่ ถู่เซ๊แถ่ แลแค เหย่ซู่ครี๊, โท๊โต่ แซ่ฮู๊ อู เก่ แม๊เถอะ แลแค เร๊อ เป ซิปล่อฉว่า เมจว่า หม่าแหน่ เหย่ซี อาเงเนอ, เป เก่ จว๊าเล ยูเป่ อู เตเมจว่า เออเนอ ปา.