เบ๊อะซี หยื่อเอ่หนิ เฮ๊อ จอแปแหร่ เด๊อ อา เมจว่า ซี เออ เบ๊อะเนอ, อา หม่า จอแปแหร่ เตเพร เด๊อ เป เหล่แม๊ชือ อา แก่ช๊าแก่แร อาขว่าอาคยา, อา เก่ เมเล๊อบา เป่ดื่อ ซี เตซิครือซิลอ เน๊อ ซี ซิปล่อ อา เตตู๊จุเตอเจ๊อ นี๋. โท๊โต่ แซ่ฮู๊ ซี เตแม๊ชือ เก่ ฉว่าแถ่ชอแถ่ แฮเง เกอโป่ เด๊อ เง เร๊อ แหย่โยบูโพ๊ แบ่เจ่ อา เตโพรเตเตอเรอ อาขว่าอาคยา แพ๊ เนอเรอ แว กุยจ๊อเบ เป่ เด๊อ ซีเง.
ꤚꤥꤗꤢꤩ꤬ 5:1 - ลีเทส่อพ๊าอาเซ เร๊อ เห่ขุทวาลู๊1 ฮู๊เนอเรอ จอแปแหร่ แด่จ๊อแด่เต เฮ๊อ เป เร๊อ เป เตหยื่อเตแหน่ อาคยา เฮ๊อ. เป โอ่โอ่เพรโอ่ดือ โอ่โครโอ่เกล เต่อ คยาแซ๊ เฮ๊อ เร๊อ จอแปแหร่ เฮ๊อ. เพร เม ทวาแถ่ เป่ เป ฮู๊เออเนอหม่า หม่าเฮ๊อ เป แบ่เจ่ เหย่ซู่ครี๊ เฮ๊อ. အခန်းကိုကြည့်ပါ။Eastern Kayah Shadaw Dialect1 ꤟꤢꤨꤔꤣꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤟꤣꤧ ꤕꤢꤩ꤬ ꤔꤢꤧ ꤕꤢꤩ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤋꤛꤢ꤭ ꤟꤣꤧ꤯ ꤚꤣꤧ꤬ ꤕꤢꤩ꤬ ꤥ꤬ꤖꤚꤢꤩ꤭ꤥ꤬ꤘꤢꤦ꤭ ꤥ꤬ꤋꤚꤥ꤭ꤥ꤬ꤊꤜꤢꤩ꤭ ꤒ꤫ꤣ꤬ ꤋꤛꤢ꤭ꤞꤢꤧ ꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤟꤣꤧ꤯ ꤖꤚꤢꤩ꤬ꤗꤢꤩ꤬ ꤓꤝꤢ꤭ꤓꤢꤧ꤬ ꤕ꤫ꤢꤩ꤬ ꤕꤢꤩ꤬ ꤟꤢꤨꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤟꤣꤧ꤯ အခန်းကိုကြည့်ပါ။ |
ꤚꤥꤗꤢꤩ꤬ 5:1
53 ပူးပေါင်းရင်းမြစ်များ
“แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”
ล๋อ เต เด๊อ อา โอ่ เด๊อ ม๊อขุ เนอเต๊เห่ เบ่เบ่, เด๊อ เห่ขุเออเนอ เต๊เห่ เบ่เบ่, จอแปแหร่ นอ โครเกล กาคยา ลอ แฮเง คยาแซ๊ ลอปลี เร๊อ ครี๊ เฮ๊อ. อา นอแฮ ข่าเซอ อาพู๊คู เด๊อ อี๊ถื่อดีเต่ อาโอ่ เร๊อ อาสุ่ย เบ่ ทุ๊ยแลตา เด๊อ เปเง อาขว่าอาคยา, อา เมเปเมดวา กาคยา คยาแซ๊ ลอปลี เฮ๊อ เตปว๋า เต๊อเจ่อ ฮู๊เนอเฮ๊อ.
จอแปแหร่ เด๊อ อา เด๊อะ เป เตโส่เตเคร เออเตเพร อาเหน่แบ่เจ่ เร๊อดื่อ เก่ เมบูโพ๊ เล๊อบาแถ่ ดื่อ ซี นี๋. โท๊โต่ ช๋า เป แบ่เจ่ เหย่ซู่ครี๊ เก่ แฮ คยาแซ๊ ปาเนอ, แซ่ฮู๊ อู เก่ แด่แจ่ปา แต่ ซี เตซื๊อ แต่เหม่ เนอเรอ, จอแปแหร่ เก่ แม๊ตู่หนิ ลอเกอ โป่ดื่อ ซี เหน่กล่อ เร๊อ ซีซิปล่อ เร๊อ ซี ซิปล่อเซอเพร ปา นี๋.
ฮู๊เนอเรอ แกแย เตเพร หม่าเฮ๊อ เพอาดัม เออ เมซื๊อเต เต๊อเจ่อ อาขว่าอาคยา, จอแปแหร่ เมจากาคยา เฮ๊อ แกแย ปว๋า เตเพร เฮ๊อ. ฮู๊เนอเฮ๊อ, แกแย เตเพร เด๊อ อา หม่าเฮ๊อ เหย่ซู่ครี๊ เออ อา เมเฮ๊อ เตจ๊อเตเต เต๊อเจ่อ อาขว่าอาคยา, จอแปแหร่ แด่จ๊อแด่เต ลอเฮ๊อ แกแย ปว๋า เตเพร เฮ๊อ. เร๊อ เหย่ซี เก่ พย๊าหนิ แลแค ซิปล่อเซอเพร ตูจูเพร ปา.
หม่าแน๊เรอ เป แกแยยิวพู๊ เด๊อ อา หยื่อเอ่ ครี๊ เออเต๊เห่ เนอหม่า, เป ซิเง เร๊อ จอแปแหร่ แด่จ๊อแด่เต แกแย เตเพรเนอหม่า อา แด่จ๊อแด่เต ลู เน๊อ อา ลือครวา เมเกอ เตซว๊าเตแส่ อาคยาเนอ หม่าโต่. หม่าแพ๊ ตื๊อ อา หยื่อเอ่แหน่ เหย่ซู่ครี๊ เออเนอ แพ๊ เป เออเต๊เห่เนอ เบ่เบ่, แซ่ฮู๊ จอแปแหร่ เก่ แด่จ๊อแด่เต เกอ เป เร๊อ เป เตหยื่อเตแหน่ ครี๊ เออ อาคยา เนอเรอ, เป หยื่อเอ่แหน่ เกอเฮ๊อ เหย่ซู่ครี๊ เฮ๊อ. หม่า เด๊อ เป ครวาเมเกอ เตซว๊าเตแส่ อาคยาเนอ หม่าโต่, เมเตเฮ๊เรอ เด๊อ อู ลือครวา เมเบ๊ เตซว๊าเตแส่ อาคยา เร๊อ อู ทวาแถ่เบ๊ แกแยจ๊อแกแยเต เนอ อา โอ่ เตเพร่ว โต่.
จอแปแหร่ แด่จ๊อแด่เต เฮ๊อ แกแย เต๊เห่ อาเหน่ เร๊อดื่อ ฮู๊เตเนอ, เตซิครือมีลา เออ เด๊อะโลแถ่ เป่ เฮ๊อ. เตจ๊อเตเต เออเนอหมา, อา เป๊อแถ่ เน๊อ เตหยื่อ เร๊อ อา ตื๊อดื่อ เน๊อ เตหยื่อ. ลีเทส่อพ๊า เฮ๊ เน๊อ, “แกแย เด๊อ จอแปแหร่ แด่จ๊อแด่เต อา เน๊อ อาเตหยื่อ เต๊เห่เนอ, เหย่ซี เก่ พย๊าหนิ เตโอ่เซอเพร อาเซ หม่าแหน่ ปา.”
แซ่ฮู๊ ซี เก่ เมโตเมเบ่ เป่ดื่อ เตเป เตดวา อา จอแปแหร่ เออเตเพร อาซิปล่อ เนอเรอ, ล๋อ เตแร๊ เด๊อ ซี โหล่เบ่ เต๊เห่เนอ, อา เก่ เด๊อ ลอหล่าตี๊กลิ ดื่อ ซี นี๋. เด๊อ เหย่ซู่ครี๊ อาขว่าอาคยา, จอแปแหร่ เก่ เมดื่อเต เด๊อ เปกู ฮู๊ อา โตดื่อ เน๊อ ลูซิปล่อ เนอเต๊เห่ นี๋. จอแปแหร่ เมเซอเพร กาคยา โทเฮ๊อ เป แบ่เจ่ เหย่ซู่ เด๊อ เตเซอ เฮ๊อ. เร๊อ เด๊อ แบ่เจ่ เหย่ซู่ ข่าเซอ อาซิปล่อ เร๊อ อาสุ่ย เบ่ ทุ๊ยแล อาขว่าอาคยา, อา เมหม่าเมกลอแก โทเฮ๊อ จอแปแหร่ อา เตอ๊อแล อาเซ เด๊อ อา โอ่ ตูจูเพร เออเนอตือมือ เฮ๊อ. เด๊อ อา เมเฮ๊อ ฮู๊เนอ อาขว่าอาคยา, เหย่ซู่ ทวา เฮ๊อ เป เพรเกซิหมิ เด๊อ อาดุเล๊ออู เตเพร เฮ๊อ. เป หม่า เหย่ซีซิหมิ เต๊เห่ เฮ๊อ. อู เก่ แด่ดุแด่ทู ดื่อ เหย่ซู่ครี๊ อา ตูจูเพรเง นี๋.
จอแปแหร่ เออเนอ อาแร๊ แหน่เจ๊อ เด๊อ เป ทวา ลูแกแย เออเต๊เห่ อาขุ. ครี๊ เม เป่ โทเฮ๊อ เต เด๊อ เปเง อาขว่าอาคยา, จอแปแหร่ เด๊อะโลตา เฮ๊อ อา เตเมโมเมแร๊ เป เออเต๊เห่ เฮ๊อ. แซ่ฮู๊ จอแปแหร่ เก่ เด๊อะโล เป แกแยเห่ขุพู๊ ช๋า เนอปา ตือทือ เต๊เห่ เร๊อ อาบุ๊ยดุอาเตอเรอทู เออเต๊เห่ ปาเนอ เนอ, อา เม เป่ เด๊อ เปเง ฮู๊เออ แพ๊.
ကြော်ငြာတွေ