ꤚꤥꤗꤢꤩ꤬ 4:5 - ลีเทส่อพ๊าอาเซ เร๊อ เห่ขุทวาลู๊

⁵ หม่าแน๊เรอ แกแย เด๊อ อา หยื่อเอ่ เกอเร๊อ เกอ อา เตเมแร๊ เออเต๊เห่ โต่, เร๊อ อา เก่ หยื่อเอ่หนิ แพ๊ จอแปแหร่ เด๊อ อา เมจ๊อเมเต กา แกแยจา แกแยมู๊แหม่ เออ เตเพร แพ๊ เก่เฮ๊เรอ, จอแปแหร่ แม๊เถอะ ลู เตหยื่อเออ เร๊อ อา เก่ แด่จ๊อแด่เต ลู เน๊อ อาเหน่ เร๊อดื่อ ปา.

Eastern Kayah Shadaw Dialect

⁵ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤚꤣꤧꤘꤢꤦ꤬ ꤊꤣꤧ꤭ ꤢ꤬ ꤒꤢꤩ꤬ꤗꤢꤩ꤬ꤚꤢꤧ ꤣꤧ꤭ꤒꤣꤧ꤬ꤟꤢꤩ꤬ ꤒꤥ꤬, ꤚꤣꤧ꤬ ꤢ꤬ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ꤚꤣꤧ ꤖꤢꤧ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤗꤢꤩ꤬ꤡꤢꤪꤗꤢꤩ꤬ꤒꤢꤩ꤬ ꤊꤢ꤬ ꤊꤣꤧ꤬ꤛꤢꤧ꤭ꤗꤢꤨꤗ꤫ꤢꤧ꤬ ꤊꤣꤧ꤬ꤛꤢꤧ꤭ꤚꤤ꤬ꤡ꤫ꤢꤧ꤬ ꤣꤧ꤭ ꤒꤣ꤬ꤖꤚꤢꤩ꤬ ꤖꤢꤧ ꤊꤢꤩ꤬ꤟꤢꤩꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤧꤓ꤫ꤣꤧ꤬ ꤜꤢꤨ꤭ ꤒꤢꤩ꤬ꤛ꤫ꤢꤦ꤬ꤣꤧ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤜꤢꤨ꤭ ꤔꤢꤧ ꤢ꤬ꤔ꤫ꤢꤩ꤬ ꤚꤣꤧꤘꤢꤦ꤬ ꤕꤢ꤭꤯

ꤚꤥꤗꤢꤩ꤬ 4:5 ပူးပေါင်းရင်းမြစ်များ

ฟีลิปปี 3:9

แว เตจ๊อเตเต เออเนอ, แว ซิเลแถ่หนิ ปา เด๊อ แว หนิดา ครวาเม เกอ เตซว๊าเตแส่ อาขุ เออเนอ หม่าโต่เฮ๊อ. หม่าโต่เรอ, แว ย๋อ หยื่อเอ่เฮ๊อ ครี๊ เฮ๊อ อาขว่าอาคยา, เร๊อ แว พย๊าหนิเฮ๊อ เตจ๊อเตเต เฮ๊อ. เตจ๊อเตเต เด๊อ จอแปแหร่ เด๊อะ เออเนอหม่า อา ซิเลแถ่หนิ เด๊อ เตหยื่อเตแหน่ อาลู แพ๊.

ꤚꤥꤗꤢꤩ꤬ 3:22

แกแย เด๊อ อา หยื่อเอ่ เร๊อ เหย่ซู่ครี๊ เมโท เป่เฮ๊อ ลูเง เต๊เห่เนอ, จอแปแหร่ แด่ เฮ๊อ ลู ฮู๊ แกแยจ๊อแกแยเต เนอเฮ๊อ. เออ หม่า แกล๊ เด๊อ จอแปแหร่ เม เป่ ล๋อ แกแย เด๊อ อา หยื่อเอ่ เหย่ซู่ครี๊ เนอเต๊เห่ อาเง เฮ๊อ. เด๊อ จอแปแหร่ อา เป๊เส่เงเนอ อาโค๊อาคยา เร๊อ ลู เตเพร่ว โต่.

ꤚꤥꤗꤢꤩ꤬ 10:3

จอแปแหร่ แด่จ๊อแด่เต อู อาแกล๊อาโกล เนอ เหย่ซี ซิเงโปล โต่. โท๊โต่ เหย่ซี แม๊ปู เมแถ่ เกอเร๊อดื่อ แลแค เร๊อ เหย่ ซีแกล๊เหย่ซีโกล แพ๊. ฮู๊เนอเรอ จอแปแหร่ แด่จ๊อแด่เต อู อาแกล๊อาโกล เออเนอ, เหย่ซี ซิปล่อซิหยื่อ ครวาเม เกออู ตีกี๋โต่.

ꤚꤥꤗꤢꤩ꤬ 4:24

เตเฮ๊เบ่ เออตือมือ เนอหม่า, เปเง๋ หม่า อา โอ่โนเต่อ หม่าแหน่ เกอ เจ๊อ. เก่ เป หยื่อเอ่ เร๊อ จอแปแหร่ เด๊อ อา เมเซอเพร กาคยา เป แบ่เจ่ เหย่ซู่ เด๊อ เตเซอ เออเตเพร เฮ๊เนอหม่า, อา เก่ แด่เกอ เป ฮู๊ แกแยจ๊อแกแยเต เต๊เห่ ปา.

ꤚꤥꤗꤢꤩ꤬ 4:3

ลีเทส่อพ๊ากู เฮ๊ เน๊อ, “เพอับราฮัม หยื่อเอ่ จอแปแหร่ เร๊อ เด๊อ อาเตหยื่อ อาขว่าอาคยา, จอแปแหร่ แด่จ๊อแด่เต ลู แพ๊.”

ꤛꤥ꤭ꤟꤢ꤬ 6:29

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “หยื่อเอ่ แลแค แว เด๊อ จอแปแหร่ นอแฮ อา เออเนอ.”

ꤛꤥ꤭ꤟꤢ꤬ 5:24

“แว เฮ๊จ๊อจ๊อ ซี, แกแย เด๊อ อา หนิโฮ แว ลาโหง่ เออเรอ อา หยื่อเอ่แหน่ เพร เด๊อ อา นอแฮแล แว เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร เฮ๊อ. เร๊อ อา แม๊เถอะ เบ่น๊อปา เด๊อ เตเมจากาคยาโต่. อา จว๊า ตาลว๊าเบ๊ เฮ๊อ เร๊อ เตเซอ เร๊อ อา จว๊าโน เฮ๊อ เด๊อ เตเซอเพร อากูเฮ๊อ.

ꤗꤢ꤬ꤊꤢꤨ 9:23

เร๊อ เหย่ซู่ เฮ๊ ลู เน๊อ, “เมเตเรอ เน จว๊า เฮ๊โต่ เน๊อ, ‘เน เก่ เมแจ่,’ ฮู๊เนอ เมเต? แกแย เตเพรเพร เด๊อ อา หยื่อเอ่ จอแปแหร่ เนอหมา อา เมแจ่ ลอปลี ปว๋า เต๊อเจ่อ แพ๊.”

ꤚꤥꤗꤢꤩ꤬ 4:6

คุ๊ยดาวิด เฮ๊ แซ่เกอ ดื่อ ฮู๊เนอ เด๊อ เนอเค เน๊อ, แกแย เด๊อ อา พย๊าหนิ เตเด๊อะบุ๊ยเด๊อะเตอเรอ เต๊เห่ เนอหม่า, หม่าดื่อ แกแย เด๊อ จอแปแหร่ แด่จ๊อแด่เต เหย่ซี เน๊อ อา เตเมแร๊เต เนอเต๊เห่ อาคยา หม่าโต่.