ꤚꤥꤗꤢꤩ꤬ 4:17 - ลีเทส่อพ๊าอาเซ เร๊อ เห่ขุทวาลู๊

¹⁷ ลีเทส่อพ๊ากู เฮ๊หนื่ออื่อ เน๊อ, “แว นอทวาแถ่ เฮ๊อ เน เร๊อ เมวเจอะ ตูปลูเต๊เผ่ อาเพ เฮ๊อ.” อา ทวา เป่ เปเพ เด๊อ จอแปแหร่ อาเป๊เส่เง. จอแปแหร่ เออเตเพร เนอหม่า, อา หม่าเฮ๊อ เปเพ เพอับราฮัม หยื่อเอ่เกอเร๊อ เนอเตเพร เฮ๊อ. อา หม่า จอแปแหร่ เด๊อ อา เมเซอเพร กาคยา แกแยเซอ, โท๊โต่ อา เฮ๊ตา แพ๊ อาโหง่ ตือมือ แพ๊ เร๊อ เต เด๊อ อา โอ่ ล๋ายโต่ เต๊เห่เนอ อา ทวาแถ่ ลอปลี เจ๊อ.

Eastern Kayah Shadaw Dialect

¹⁷ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩꤥ꤬ꤔꤢꤩ꤬ ꤔꤢꤧ, “ꤠꤢꤧ꤭ ꤔꤢꤪ꤭ꤓꤝꤢ꤭ꤓꤢꤧ꤬ ꤟꤣꤧ ꤔꤢꤧ꤬ ꤔꤢꤧ ꤗꤤ꤭ꤡꤣ꤬ ꤒꤣ꤬ꤕꤜꤢꤨ꤬ꤒꤣ꤬ꤖꤢꤩ꤬ ꤢ꤬ꤖꤢꤩ꤭ ꤟꤣꤧ꤯” ꤢ꤬ ꤓꤝꤢ꤭ ꤕ꤫ꤢꤩ꤬ ꤕꤢꤩ꤬ꤖꤢꤩ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤢ꤬ ꤗ꤫ꤢ꤬ꤟꤣꤧ ꤕꤢꤩ꤬ꤖꤢꤩ꤭ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤛ꤫ꤢꤦ꤬ꤢꤩ꤬ꤚꤣꤧꤘꤢꤦ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ꤯ ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤊꤣꤧ꤬ꤛꤢꤧ꤭ꤞꤣꤧ꤭, ꤓꤥ꤭ꤒꤥ꤬ ꤢ꤬ ꤟꤢꤩꤒꤢ꤭ ꤖꤢꤧ ꤢ꤬ꤍ꤫ꤥ꤬ ꤒꤣ꤬ꤗꤢꤦ꤭ ꤖꤢꤧ ꤚꤣꤧ꤬ ꤒꤢꤩ꤬ ꤘꤣ ꤢ꤬ ꤥ꤬ ꤜꤢ꤭ꤟꤤꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤓꤝꤢ꤭ꤓꤢꤧ꤬ ꤜꤢꤪ꤭ꤕꤜꤤ꤭ ꤡꤣꤧ꤯

ꤚꤥꤗꤢꤩ꤬ 4:17 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 1:28

แซ่ฮู๊ จอแปแหร่ เก่ เมปย๊าแก เต เด๊อ แกแย เห่ขุพู๊ เตเนดุเร๊อ เนอเต๊เห่ อาเงเนอเรอ, อา เอ๊ แพ๊ แกแย เด๊อ อู แด่ดุ เหย่ซี โต่ เนอเต๊เห่ แพ๊, อู เตเนปีตี๊ เหย่ซี เนอเต๊เห่ เน๊อ อู แด่ เหย่ซี เน๊อ แกแย โอ่เล๊อโอ่กลอ เนอเต๊เห่ แพ๊.

ꤛꤥ꤭ꤟꤢ꤬ 5:21

ฮู๊ แวเพ เมเซอเพร กาคยา แกแย เด๊อ อา เซอ เร๊อ อา เด๊อ อู ซิปล่อเซอเพร เนอ, อาพู๊คูเออ อา เก่ เด๊อะเป่ เกออู ซิปล่อเซอเพร เด๊อ อา ซิปล่อโอ่ ซิหยื่อ เด๊อะ เป่ อู เนอเต๊เห่ ปา.

เปโตร อาเหร่อเล๊อ ต๊าบ่า 2:10

โตโพ๊เคเนอ, ซี หม่า จอแปแหร่ อาแกแย หม่าโต่ หม่าแน๊เรอ กู๊แหน่เออ ซี ทวาเฮ๊อ จอแปแหร่ อาแกแย เฮ๊อ. โตโพ๊เคเนอ, ซี ซิเง จอแปแหร่ อา เตซิยอกล่าเบ่ โต่ หม่าแน๊เรอ กู๊แหน่เออ ซี พย๊าหนิเฮ๊อ อา เตซิยอกล่าเบ่ เฮ๊อ.

ꤛꤥ꤭ꤟꤢ꤬ 6:63

แหย่โยบูโพ๊แบ่เจ่ เนอ อา เด๊อะ ซิปล่อเซอเพร ตูจูเพร. แกแยเห่ขุพู๊ เนอ, อา เด๊อะ แจ่ ซิปล่อเซอเพร ตูจูเพร โต่. โหง่ เด๊อ แว เฮ๊เบ่ ซี เออเต๊เห่ เนอหม่า, แหย่โยบูโพ๊แบ่เจ่ อา เตเฮ๊เบ่ เต๊เห่ เร๊อ อา เด๊อะเบ๊ อู ซิปล่อเซอเพร ตูจูเพร.

ꤚꤥꤗꤢꤩ꤬ 8:11

จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เออเตเพร อา แหย่โยบูโพ๊ แบ่เจ่ เก่ โอ่เซอเพร เด๊อ ซีเหน่ลู เฮ๊เนอ, ซี เหน่กล่อเออ อา เก่ เซอ เจ๊อ ปา เบ่เบ่, เด๊อ แหย่โยบูโพ๊ แบ่เจ่ โอ่เซอเพร เด๊อ ซีเหน่ลู อาขว่าอาคยา, จอแปแหร่ เก่ เด๊อะเกอ ซี ซิปล่อเซอเพร ปา.

ꤛꤥ꤭ꤟꤢ꤬ 5:25

แว เฮ๊โฉ่จ๊อจ๊อ ซี, เบ๊อะเด๊อ แกแยเซอ เต๊เห่ เก่ หนิโฮ จอแปแหร่ อาพู๊คู โหง่, เร๊อ แกแย เด๊อ อา หนิโฮ เออเต๊เห่ เก่ เซอเพร ปา เนอ, อา เก่ แฮโต่ ปา. อา แฮโต่ เจ๊อเฮ๊อ กู๊แหน่ เฮ๊อ.

ꤟꤤꤙꤚꤢꤨ 11:12

เพอับราฮัม โหมะเผระ เตเร เซอเจ๊อเฮ๊อ หม่าแน๊เรอ เด๊อ อา เตเพรแพ๊ เร๊อ อาพู๊อาเลอ เต๊เห่เนอ อา โอ่โหร่โอ่เอ๊ แซ่เจ๊อเร๊อ เฉ่ เด๊อ ม๊อเล, อา โอ่ปลูโอ่เผ่ แซ่เจ๊อเร๊อ เห่โซ เด๊อ เทอดุซาวา ทือ เด๊อ อู แด๊ลอ เป่ แจ่ปา เจ๊อ โต่ เนอเต๊เห่เจ๊อ.

ꤚꤥꤗꤢꤩ꤬ 3:29

จอแปแหร่ เออเนอหมา แกแยยิวพู๊ อา จอแปแหร่ ตื๊อดื่อแพ๊ แอ? หม่า แกแยยิวพู๊ หม่าโต่ เต๊เห่ อา จอแปแหร่ หม่า เต่อเกอดื่อ โต่ แอ? จอแปแหร่ เออเนอหมา แกแยยิวพู๊ หม่าโต่ เต๊เห่ อาเง๋ หม่า อาหม่าหม่า.

เปโตร เนอบ่า ต๊าบ่า 3:8

โคโม ซี๋, โชตาปาแก แต่ เตเออเตอเจ๋อ แต่เหม่ นี๋. เด๊อ แบ่เจ่ อาเงเนอ, เตอเนอเนอหม่า อาแซ่เน๊อ อาหน่าตีรี๊ เร๊อ อาหน่าตีรี๊ เนอหม่า อา แซ่แพ๊ เร๊อ เตอเนอ แพ๊.

ꤟꤤꤙꤚꤢꤨ 11:7

เด๊อ เพโนอาห์ อาเตหยื่อ อาขว่าอาคยา, จอแปแหร่ เด๊อะรอ หนื่ออื่อ ลู เตเด๊อ อา แม๊เถอะ ซิเง ล๋ายโต่ เด๊อ อา เก่ ทวาแถ่ ช๋า เนอปา เนอเต๊เห่. อา เบ่หยื่อเบ่แหน่ จอแปแหร่, อา หนิดา ลูโหง่ เร๊อ อา เมแถ่ ส่อเกลอดุ เด๊อ อา เก่ เมแลเปล๊กา เน๊อ อา หี่ด๊อหี่แพพู๊ อาเง เต๊เบ่. เด๊อ เพโนอาห์ เตหยื่อ อาขว่าอาคยา, อา เด๊อะโล เน๊อ จอแปแหร่ เก่ เมจากาคยา แกแย เห่ขุพู๊ เต๊เห่ ปา. เร๊อ เด๊อ อาเตหยื่อ ขว่าคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพร เฮ๊อ.

ทิโมธี อาเหร่อเล๊อ ต๊าบ่า 6:13

เด๊อ จอแปแหร่ เด๊อ อา เมเซอเพร เตปว๊าเต๊อเจ่อ เออเตเพร เร๊อ เหย่ซู่ครี๊ เด๊อ อา อ๊อแล จ๊อจื้อแพ๊ อาโหง่ เด๊อ คุ๊ยปอนทัสปีลาต อา เป๊เส่เง เออเตเพร เนอ, แว เก่ หม่าแก เนโหง่.

เห่ขุทวาลู่ 17:16

แว เก่ เด๊อะบุ๊ยเด๊อะเตอเรอ อา ปา เร๊อ อา เก่ พู๊โอ่แล หนิเป่ เนเง พู๊เพรคู เตเพร ปา. แว เก่ เด๊อะบุ๊ยเด๊อะเตอเรอ อา ปา อาขว่าอาคยา, อา เก่ ทวา เมวเจ่อ เต๊เห่ อาโหมะ ปา, โท๊โต่ เมวเจ่อ คุ๊ย เต๊เห่ เก่ โอ่แถ่ เบ๊อะ อากลุยแล อาเกล เนอ ปา.”

ꤚꤥꤗꤢꤩ꤬ 9:26

“เหล่โอ่ เด๊อ แว เฮ๊โทเฮ๊อ ซี มู๋ หนู่เค เน๊อ, ‘ซี หม่า แวแกแย หม่าโต่’ เนอโต๊โผะ เนอ, กู๊แหน่เรอ แว เก่ เอ๊ เหย่ซี เร๊อ ‘จอแปแหร่ เด๊อ อา เซอเพร เตเพร อา พู๊เหมาะพู๊คู เต๊เห่’ เฮ๊อ,” เพรโพร คูโฮเชยา เฮ๊ ฮู๊เนอ.

เห่ขุทวาลู่ 28:3

จอแปแหร่ เด๊อ อาโพรเตอเรอฉว่าชอ เออเตเพร เก่ เด๊อะบุ๊ยเด๊อะเตอเรอดื่อ เน ปา นี๋, เร๊อ เน เก่ พู๊โอ่โหร่เลอโอ่เอ๊ดื่อ เร๊อ โอ่โหร่โอ่เอ๊แถ่ เกอ แลแค นี๋. เร๊อ เน เก่ ทวาแถ่ เกอดื่อ เมวเจ่อดู๋ เต๊อเจ่อ เน๊อ เมวเจ่อ เอ๊เต๊เห่ อาเมวเจ่อ ปา.

โครินธ์ อาเหร่อเล๊อ ต๊าบ่า 15:45

“แกแยเห่ขุพู๊ อาเหร่อเล๊อ เตเพร เด๊อ อู เอ๊ ลู เร๊อ เพอาดัม เออเนอ จอแปแหร่ เด๊อ ลู ซิปล่อเซอเพร,” ลีเทส่อพ๊ากู เฮ๊ฮู๊เนอ. หม่าแน๊เรอ เหย่ซู่ครี๊ เด๊อ อู เอ๊ ลู เร๊อ เพอาดัม เด๊อ คยาเล๊อ เออเตเพรเนอ, อา เด๊อะตา แฮเง เฮ๊อ แกแยเห่ขุพู๊ เต๊เห่ อา เตโอ่เซอเพร อาเซ เร๊อ แหย่โยบูโพ๊ แบ่เจ่ เฮ๊อ.

ꤚꤥꤗꤢꤩ꤬ 4:2

จอแปแหร่ เก่ แด่จ๊อแด่เต เพอับราฮัม เร๊อ อา เมแร๊ เต ขว่าคยา เก่เฮ๊เรอ อา เก่ พย๊าแถ่โล เกอเร๊อ อาเหน่ เน๊อ อา เม เตแร๊ เออเต๊เห่ ขว่าคยา เฮ๊เนอหม่า อาหนิ แพ๊. หม่าแน๊เรอ เด๊อ จอแปแหร่ อา เป๊เส่เง เนอ, อา พย๊าแถ่โล เร๊อ เตเออเต๊เห่ อาขว่าอาคยา เนอ อาหนิ โต่.

เพรโด่แนพู๊ เต๊เห่ 15:18

แบ่เจ่ เด๊อ อา เด๊อะซิเง งย๋า ลอเฮ๊อ แกแยเห่ขุพู๊ เน๊อ เตหรี่เตแก เออเต่อเจ๊อ เตเพรเนอ, อา เฮ๊แกดื่อ ฮู๊เนอ เฮ๊อ.’”

มัทธิว 3:9

เฮ๊โทเฮ๊แล แต่ ซีเหน่ เน๊อ, ‘เป หม่า เพอับราฮัม อากลุยอาแล’ ฮู๊เนอแต่เหม่. แว เฮ๊ ซี, จอแปแหร่ เมทวาแถ่ หล่อเออเต๊เห่ เนอ เพอับราฮัม อาพู๊ หม่า อา เมแจ่ แพ๊.

เห่ขุทวาลู่ 17:20

คูอิชมาเอล อาเงติเร๊อ, แว หนิโฮ เฮ๊อ เน กุย แว เออเฮ๊อ แว เก่ เด๊อะบุ๊ยเด๊อะเตอเรอ หม่าดื่อ อา ปา แว เก่ นอ พู๊โอ่โหร่ เหลอโอ่เอ๊ ลู ปา เร๊อ อากลุยอาลุ๊ย ตากาแล เก่ โอ่โหร่โอ่เอ๊ แหน่เจ๊อ ปา. อา เก่ ทวาดื่อ คุ๊ยพู๊ เช๊อซิเนอ อาเพ ปา, เร๊อ แว เก่ นอทวาแถ่ อา เน๊อ เมวเจ่อ ดู๋ เต๊อเจ่อ ปา.

ꤚꤥꤗꤢꤩ꤬ 4:18

จอแปแหร่ เฮ๊ เพอับราฮัม เน๊อ, “เน เก่ ทวา เมวเจอะ ตูปลูเต๊เผ่ อาเพ ปา. เนกลุยเนแล เก่ โอ่โหร่โอ่เอ๊ แซ่เจ๊อเร๊อ เฉ่ เด๊อ ม๊อเล เนอเต๊เห่ ปา.” จอแปแหร่ เฮ๊ เตเออเนอ อาเหล่ ทวาแถ่ เป่ เด๊อ เพอับราฮัม เก่ พู๊ โอ่โหร่โอ่เอ๊แถ่ อาเงเนอ อายู ปาโต่ หม่าแน๊เรอ อา หยื่อเอ่ โอ่ป่อ แม๊ชือหนิ เด๊อ อา เก่ ทวาแถ่ ปา.

ꤚꤥꤗꤢꤩ꤬ 9:11

เบ๊อะอาพู๊ ดีคยา เออซิเนอ โอ่เป๊เจ่แล แต่ล๋ายโต่ เบ๊อะเนอ, โทเรอ เบ๊อะอาพู๊ เออซิเนอ เม แต่ลา เตซื๊อ เร๊อ เตแร๊ ล๋ายโต่ เบ๊อะเนอ, จอแปแหร่ เฮ๊หนื่ออื่อ เหร่อ อาโหมะ เน๊อ, “อาแหว่เพร่ว เตเพร เบ่แร เป่ อาโป่ เนอเตเพร อาเตเม ปา.” แซ่ฮู๊ อู เก่ ซิเง เร๊อ จอแปแหร่ นว๊าแถ่ จู๋ ดื่อ อาซิปล่อ ฮู๊ อา เต เตเนหนื่ออื่อ โทเฮ๊อ เนอเรอ, อา เมเฮ๊อ ฮู๊ อา เต เตเนหนื่ออื่อ เออเนอ เฮ๊อ. เด๊อ แกแย เตเพรเพร เมโทเฮ๊อ เตเต๊อเจ่อเจ่อ อาขว่าอาคยาเร๊อ, อา นว๊าแถ่ ลู หม่าโต่. โท๊โต่, อา โอ่ เด๊อ จอแปแหร่ อา กู่ยากู เร๊อ อา นว๊าแถ่ เกอเร๊อ ลู แพ๊.

ꤟꤤꤙꤚꤢꤨ 11:3

เด๊อ เตหยื่อ อาขว่าอาคยา เป ซิเง เร๊อ จอแปแหร่ แบ๊ตา ม๊อเล อาครืออาขรว่า เน๊อ อาโหง่ แพ๊. ฮู๊เนอเรอ เต เด๊อ เป แม๊เถอะแจ่ กู๊แหน่เค เออเต๊เห่ เนอหม่า อา โอ่ เด๊อ เตเด๊อ เป แม๊เถอะ แจ่โต่ เต๊เห่ อา โอ่ แฮ แพ๊.