ꤚꤥꤗꤢꤩ꤬ 4:15 - ลีเทส่อพ๊าอาเซ เร๊อ เห่ขุทวาลู๊

¹⁵ เมเตเฮ๊เรอ เตซว๊าเตแส่ หม่า อา เมซิปล่อดุ แถ่ จอแปแหร่. แกแย ลือเบ๊ เตซว๊าเตแส่ ปว๋า โตโพ๊ โต่ อาขว่าอาคยา, อา เมซิปล่อดุ แถ่ จอแปแหร่ เร๊อ อา เก่ เมจากาคยา เหย่ซี ปา. เตซว๊าเตแส่ เก่ โอ่โต่ เฮ๊เนอ, แกแย เตเพร่ว หม่า อา เมซื๊อ เตซว๊าเตแส่ โต่.

Eastern Kayah Shadaw Dialect

¹⁵ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤗꤢ꤬ ꤢ꤬ ꤗꤢꤩ꤬ ꤘꤢꤨ꤬ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬꤯ ꤖꤚꤢꤩ꤬ꤜꤢꤨ꤬ ꤊꤣꤧ꤬ꤛꤢꤧ꤭ ꤜꤢꤦ꤬ꤙꤢꤩ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤕꤝꤢ꤭꤮ ꤒꤣ꤬ꤖꤥ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤗꤢꤩ꤬ꤘꤢꤨ꤬ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤕꤢ꤭꤯ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤊꤢꤩ꤬ ꤥ꤬ꤒꤥ꤬ ꤔꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬꤮ ꤗꤢ꤬ ꤢ꤬ ꤡꤝꤢꤒꤣꤧ꤬ꤜꤝꤢ ꤋꤢꤩ꤭ꤒꤣꤧ꤬ꤕꤜꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤥ꤬꤯

ꤚꤥꤗꤢꤩ꤬ 4:15 ပူးပေါင်းရင်းမြစ်များ

ꤚꤥꤗꤢꤩ꤬ 5:13

แกแย เมเหร่อเล๊อ เตซื๊อ เร๊อ จอแปแหร่ เด๊อะแล เตซว๊าเตแส่ เออเนอ. หม่าแน๊เรอ เก่ เตซว๊าเตแส่ โอ่โต่ เฮ๊เนอ, จอแปแหร่ เมจากาคยา เร๊อ แกแย เตซื๊อโต่.

ꤊꤢ꤬ꤜꤢ꤬ꤒꤤ 3:10

หม่าแน๊เรอ แกแย เด๊อ อา ซิเลแถ่ เร๊อดื่อ เตซว๊าเตแส่ เด๊อ อา เก่ พย๊าหนิ เตจ๊อเตเต อาเง เต๊เห่เนอ, จอแปแหร่ เก่ มือ เหย่ซี ปา. เมเตเฮ๊เนอเรอ ลีเทส่อพ๊ากู เฮ๊ เน๊อ, “แกแย เตเพรเพร เด๊อ อา โอ่เซอเพร ครวาลือเม เกอ เตซว๊าเตแส่ อาคยา ปวาตามา โต่ เตเพรเนอ, จอแปแหร่ เก่ เมจากาคยา อา ปา,” อา เฮ๊ ฮู๊เนอ.

โครินธ์ อาเหร่อเล๊อ ต๊าบ่า 15:56

เตเซอ อา เตอเรอฉว่าชอ เด๊อ อา เก่ เมหน่าเมจา อู เนอหม่า อา พย๊าหนิ เด๊อ เตซื๊อเตปล๊า อาโอ่ เร๊อ เตซื๊อเตปล๊า อา เตอเรอฉว่าชอ เออเนอหมา อา พย๊าหนิ เด๊อ เตซว๊าเตแส่ อาลู แพ๊.

ꤊꤢ꤬ꤜꤢ꤬ꤒꤤ 3:19

จอแปแหร่ จว๊าเด๊อะตา โต่ เป เตซว๊าเตแส่ เมเต? แกแย ย๋อ เมเตซื๊อ อาขว่าอาคยา, อา เด๊อะตา เป แพ๊. เตซว๊าเตแส่ เออเนอ, อา โอ่หม่าโอ่กลอ เง โต่เด๊อ เพ อับราฮัม อากลุยอาลุ๊ย แฮโต่เนอ. เพ อับราฮัม อากลุยอาลุ๊ย เด๊อ จอแปแหร่ อ๊อแลแก เนอเตเพร หม่า หม่าเฮ๊อ เหย่ซู่ครี๊ เออเนอเฮ๊อ. จอแปแหร่ เด๊อะตา เตซว๊าเตแส่ เออ เด๊อ ม๊อขุเตเน่วพู๊ อา กู๊ยากู. เร๊อ ม๊อขุเตเน่วพู๊ เด๊อะตา แฮเง เด๊อ คูโมเสส เร๊อ คูโมเสส เด๊อะตา แฮเง เด๊อ แกแย อา โอ่. คูโมเสส หม่า เพรแรเต เด๊อ อากล๊าเมกู เตเพร แพ๊.

ꤛꤥ꤭ꤟꤢ꤬ 3:36

แกแย เด๊อ อา หยื่อเอ่แหน่ พู๊คู เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร. เร๊อ แกแย เด๊อ อา หนิดา เกออู โต่ เร๊อ อา หยื่อเอ่แหน่ เกออู พู๊คูเออ โต่ เต๊เห่เนอ, อา พย๊าหนิ เกออู ซิปล่อเซอเพรโต่. จอแปแหร่ อาเต เมจากาคยา ตาโอ่ เด๊อ แกแย เนอเต๊เห่ อาลู.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:4

ล๋อ แกแย เด๊อ อา เม เตซื๊อเตปล๊า เต๊เห่เนอ, อา จว๊าตาลว๊า เคตาแก เฮ๊อ จอแปแหร่ อา เตซว๊าเตแส่ เฮ๊อ. เมเตเฮ๊เรอ เตซื๊อเตปล๊า หม่า หม่าเฮ๊อ เตจว๊าตาลว๊า เคตาแก จอแปแหร่ อา เตซว๊าเตแส่ เออเนอ เฮ๊อ.

เอเฟซัส 5:6

นออิลออี๊โหล่ แต่ ซีเหน่ เร๊อ แกแย เด๊อ อา เฮ๊เบ่แลโฮ เร๊อ อาโหง่แลช๊า โอ่โต่ เต๊เห่เนอ แต่เหม่ นี๋. แกแย เด๊อ อา เม เตมู๊แหม่รีแจ่ ฮู๊เนอ เต๊เห่, เร๊อ อา หนิดา เกอ อู จอแปแหร่ อาโหง่ โต่ เต๊เห่เนอ, จอแปแหร่ เก่ ซิปล่อดุ เหย่ซี ปา เร๊อ อา เก่ เมเมจากาคยาเหย่ซี ปา.

ꤛꤥ꤭ꤟꤢ꤬ 15:22

แว เก่ แฮ แด๊โฉ่โด่แน เป่ เหย่ซี โต่. เก่เฮ๊เนอ, จอแปแหร่ แด่ เน๊อ เหย่ซี เตซื๊อ โต่. หม่าแน๊เรอ กู๊แหน่เออ แว แฮ แด๊โฉ่โด่แน โล เป่ เหย่ซี อาขว่าอาคยา, อาเหล่เฮ๊ แลเปล๊ เกอเร๊อ อาโหง่ เร๊อ อาเตซื๊อ อาเงเนอ อา โอ่ปา ตือมื๋อ โต่ เฮ๊อ.

โคโลสี 3:6

แกแย เด๊อ อา เม มู๊แหม่รีแจ่ เตฮู๊เนอ เต๊เห่เนอ, อา เก่ ป่อชิเต่อเบ่ เน๊อ จอแปแหร่ อา เตซิปล่อดุ ปา.

ꤚꤥꤗꤢꤩ꤬ 1:17

จอแปแหร่ แด่จ๊อแด่เต เฮ๊อ แกแย เต๊เห่ อาเหน่ เร๊อดื่อ ฮู๊เตเนอ, เตซิครือมีลา เออ เด๊อะโลแถ่ เป่ เฮ๊อ. เตจ๊อเตเต เออเนอหมา, อา เป๊อแถ่ เน๊อ เตหยื่อ เร๊อ อา ตื๊อดื่อ เน๊อ เตหยื่อ. ลีเทส่อพ๊า เฮ๊ เน๊อ, “แกแย เด๊อ จอแปแหร่ แด่จ๊อแด่เต อา เน๊อ อาเตหยื่อ เต๊เห่เนอ, เหย่ซี เก่ พย๊าหนิ เตโอ่เซอเพร อาเซ หม่าแหน่ ปา.”

เตเด๊อะโลแถ่ 19:15

เน๊ อา แทแร๊ เด๊อ อา เก่ เมเป่แก ลอ เทอเก่ เต๊เห่ เต๊เบ่เนอ อา โอ่ เด๊อ ลู แกกู เถ่. เร๊อ อา เก่ เป๊อ เหย่ซี เร๊อ อิปอ ต่อเท๊ ปา. เร๊อ จอแปแหร่ เด๊อ อา แจ่เตลอ ซิเงเตปลี เออเตเพร เก่ เด๊อะโล อา เตซิปล่อดุ เร๊อ อา เก่ เมจากาคยา เหย่ซี แซ๊เน๊อ อู วีเถ่ แท๊ทือเส่เทอ เนอ ปา.