ꤚꤥꤗꤢꤩ꤬ 4:11 - ลีเทส่อพ๊าอาเซ เร๊อ เห่ขุทวาลู๊

¹¹ อา ดื๊อตีลี๊พ๊า เนอหม่า อาเนอ เด๊อ คยา แพ๊. เบ๊อะอา ดื๊อตีลี๊ แต่ลา พ๊า โต่ เบ๊อะเนอ, เด๊อ อาเตหยื่อ อาขว่าอาคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพรเฮ๊อ. ฮู๊เนอเรอ อา เมม๊าเมแดแก ลู เร๊อ เตดื๊อตีลี๊พ๊า ฮู๊เนอ เต๊อเจ่อ แพ๊. ฮู๊เนอเรอ แกแย เด๊อ อา ดื๊อตีลี๊ เกอ เจ๊ออู พ๊า โต่ หม่าแน๊เรอ, อา หยื่อเอ่ จอแปแหร่ เต๊เห่เนอ, เพอับราฮัม ทวา เป่ ลอ แกแย ฮู๊เนอ เต๊เห่ อาเพ เฮ๊อ. ฮู๊เนอ อาขว่าอาคยา, จอแปแหร่ แด่จ๊อแด่เต เกอเฮ๊อ เหย่ซี เฮ๊อ.

Eastern Kayah Shadaw Dialect

¹¹ ꤢ꤬ ꤘꤢꤦꤒꤣꤧ꤬ꤜꤤꤖꤢ ꤔꤣꤧ꤬ꤗꤢ꤬ ꤢ꤬ꤔꤥ꤬ ꤘꤣ ꤋꤛꤢ꤭ ꤖꤢꤧ꤯ ꤙꤣꤧ ꤢ꤬ ꤘꤢꤦꤒꤣꤧ꤬ꤜꤤ ꤒꤢꤧ꤬ꤜꤢ꤭ꤟꤤ ꤖꤢ ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤘꤣ ꤢ꤬ꤒꤢꤩ꤬ꤛ꤫ꤢꤦ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤟꤣꤧ ꤢ꤬ ꤟꤢꤨ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤒꤣ꤬ꤖꤚꤢꤩ꤬ꤟꤣꤧ, ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤗꤢꤩ꤬ꤗꤢꤗꤢꤩ꤬ꤒꤢꤩ꤭ꤊꤢꤧ꤭ ꤜꤢꤨ꤭ ꤔꤢꤧ ꤒꤢꤩ꤬ꤘꤢꤦꤒꤣꤧ꤬ꤜꤤꤖꤢ ꤟꤢꤨꤔꤣꤧ꤬ ꤒꤣ꤬ꤡꤣ꤬ ꤖꤢꤧ꤯ ꤟꤢꤨꤔꤣꤧ꤬ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤦꤒꤣꤧ꤬ꤜꤤ ꤊꤣꤧ꤭ ꤡꤣꤧꤢꤨ꤭ ꤖꤢ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬, ꤢ꤬ ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤓꤝꤢ꤭ ꤕ꤫ꤢꤩ꤬ ꤜꤢꤪ꤭ ꤊꤣꤧ꤬ꤛꤢꤧ꤭ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ ꤢ꤬ꤖꤢꤩ꤭ ꤟꤣꤧ꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤊꤣꤧ꤭ꤟꤣꤧ ꤛꤢꤩ꤬ꤞꤤ꤭ ꤟꤣꤧ꤯

ꤚꤥꤗꤢꤩ꤬ 4:11 ပူးပေါင်းရင်းမြစ်များ

ꤚꤥꤗꤢꤩ꤬ 3:22

แกแย เด๊อ อา หยื่อเอ่ เร๊อ เหย่ซู่ครี๊ เมโท เป่เฮ๊อ ลูเง เต๊เห่เนอ, จอแปแหร่ แด่ เฮ๊อ ลู ฮู๊ แกแยจ๊อแกแยเต เนอเฮ๊อ. เออ หม่า แกล๊ เด๊อ จอแปแหร่ เม เป่ ล๋อ แกแย เด๊อ อา หยื่อเอ่ เหย่ซู่ครี๊ เนอเต๊เห่ อาเง เฮ๊อ. เด๊อ จอแปแหร่ อา เป๊เส่เงเนอ อาโค๊อาคยา เร๊อ ลู เตเพร่ว โต่.

ꤜꤢꤨꤊꤢ꤬ 19:9

เร๊อ เหย่ซู่ เฮ๊ อา เน๊อ, “เออเตอเนอ, เตเมแลเปล๊กา แฮโต่ เด๊อ หี่เออ เตเม อากูเฮ๊อ, เมเตเฮ๊เรอ แกแย เออเตเพร หม่า, อา หม่า เกอดื่อ เฮ๊อ เพอับราฮัม อากลุยอาลุ๊ย เฮ๊อ!

ꤟꤤꤙꤚꤢꤨ 11:7

เด๊อ เพโนอาห์ อาเตหยื่อ อาขว่าอาคยา, จอแปแหร่ เด๊อะรอ หนื่ออื่อ ลู เตเด๊อ อา แม๊เถอะ ซิเง ล๋ายโต่ เด๊อ อา เก่ ทวาแถ่ ช๋า เนอปา เนอเต๊เห่. อา เบ่หยื่อเบ่แหน่ จอแปแหร่, อา หนิดา ลูโหง่ เร๊อ อา เมแถ่ ส่อเกลอดุ เด๊อ อา เก่ เมแลเปล๊กา เน๊อ อา หี่ด๊อหี่แพพู๊ อาเง เต๊เบ่. เด๊อ เพโนอาห์ เตหยื่อ อาขว่าอาคยา, อา เด๊อะโล เน๊อ จอแปแหร่ เก่ เมจากาคยา แกแย เห่ขุพู๊ เต๊เห่ ปา. เร๊อ เด๊อ อาเตหยื่อ ขว่าคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพร เฮ๊อ.

โครินธ์ เนอบ่า ต๊าบ่า 1:22

โท๊โต่, จอแปแหร่ เมม๊าเมแด เป เออเนอ, อา เด๊อะโล เฮ๊อ เร๊อ เป ทวา เฮ๊อ อาแกแย เฮ๊อ. อา เด๊อะตา เป แหย่โยบูโพ๊ แบ่เจ่ เออเนอหมา อา เมม๊าเมแด เฮ๊อ เป เฮ๊อ. โทเรอ แหย่โยบูโพ๊ แบ่เจ่ เออเนอ, อา แฮโน โอ่เซอเพร เด๊อ เป ซิปล่อกู เร๊อ อา เฮ๊จว่า เป่เกอ เป เร๊อ จอแปแหร่ เก่ เมเล๊อเมบาแถ่ เป่ ลอ เป อา เตอ๊อแล เนอเต๊เห่ ปา.

ฟีลิปปี 3:9

แว เตจ๊อเตเต เออเนอ, แว ซิเลแถ่หนิ ปา เด๊อ แว หนิดา ครวาเม เกอ เตซว๊าเตแส่ อาขุ เออเนอ หม่าโต่เฮ๊อ. หม่าโต่เรอ, แว ย๋อ หยื่อเอ่เฮ๊อ ครี๊ เฮ๊อ อาขว่าอาคยา, เร๊อ แว พย๊าหนิเฮ๊อ เตจ๊อเตเต เฮ๊อ. เตจ๊อเตเต เด๊อ จอแปแหร่ เด๊อะ เออเนอหม่า อา ซิเลแถ่หนิ เด๊อ เตหยื่อเตแหน่ อาลู แพ๊.

เอเฟซัส 4:30

เมซิเปล แต่ จอแปแหร่ อา แหย่โยบูโพ๊ แต่เหม่. จอแปแหร่ เด๊อ ซี แหย่โยบูโพ๊แบ่เจ่ เออเนอหมา, อา แซ่เฮ๊อ เร๊อ เมม๊าเมแด เต๊อเจ่อ เด๊อ ซี หม่า จอแปแหร่ อาเต เฮ๊อ. แหย่โยบูโพ๊แบ่เจ่ เออเนอ, อา เก่ โอ่เต่อ เร๊อ ซี โต่เด๊อ จอแปแหร่ แฮ เมแลเปล๊กา ซี ปา เนอเตอเนอ ปา.

เอเฟซัส 1:13

ซี เร๊อ, เบ๊อะซี หนิโฮ เกอ เตหมะเตจ๊อ, เตซิครือมีลา เด๊อ อา เมแลเปล๊กา ซี อาหรี่อาแก เบ๊อะเนออาเค, ซี หยื่อเอ่ เร๊อ ซี ทวาแถ่ เตเตอเจ๋อ โต เร๊อ ครี๊ เฮ๊อ. เด๊อ ซี หยื่อเอ่ ครี๊ อาขว่าอาคยา, อา เด๊อะแล ซี แหย่โยบูโพ๊แบ่เจ่ เด๊อ อา เฮ๊แก หนื่ออื่อ โทเฮ๊อ เออเนอ เฮ๊อ. แหย่โยบูโพ๊แบ่เจ่ เออเนอ อา แซ่เฮ๊อ เร๊อ เมม๊าเมแด เต๊อเจ่อ เด๊อ อา เด๊อะโล เร๊อ ซี ทวาเฮ๊อ จอแปแหร่ อาแกแย เฮ๊อ.

ꤊꤢ꤬ꤜꤢ꤬ꤒꤤ 6:16

จอแปแหร่ อาเพรอาดือ เร๊อ อา เตซิยอกล่าเบ่ เก่ โอ่ เกอดื่อ เร๊อ แกแย เด๊อ อา จูเอ่ เตอิซว๊าอี๊แส่ เออเนอ เต๊เห่อาลู เร๊อ จอแปแหร่ อาแกแย หม่าแหน่ เร๊อดื่อ เนอเต๊เห่ อาลู นี๋.

ꤊꤢ꤬ꤜꤢ꤬ꤒꤤ 5:5

หม่าแน๊เรอ เด๊อ แหย่โยบูโพ๊ แบ่เจ่ อาขว่าอาคยาเร๊อ, เป หยื่อเอ่เกอเร๊อ เปเหน่ เร๊อ จอแปแหร่ เก่ แด่จ๊อแด่เต เป, เมเตเฮ๊เรอ เป หยื่อเอ่หนิ เหย่ซู่ครี๊. เป โอ่ป่อแม๊ชือ หม่าแหน่ เจ๊อ เตเออเนอ เฮ๊อ.

ꤊꤢ꤬ꤜꤢ꤬ꤒꤤ 3:29

ซี เก่ ทวาเฮ๊อ ครี๊ อาเต เฮ๊เรอ ซี ทวา หม่าเฮ๊อ เพ อับราฮัม อากลุยอาลุ๊ย เต๊เห่เฮ๊อ. เร๊อ ซี เก่ พย๊าหนิ เตเด๊อะบุ๊ยเด๊อะเตอเรอ เต๊เห่ เด๊อ จอแปแหร่ อ๊อแลแก เพ อับราฮัม เนอเต๊เห่ ปา.

ꤊꤢ꤬ꤜꤢ꤬ꤒꤤ 3:22

หม่าแน๊เรอ ลีเทส่อพ๊ากู เฮ๊ เนอ, เห่ขุ เออต๊าบ่า ลอเนอ, อา โอ่ ลอ เด๊อ เตซื๊อเตปล๊า อา เตเป๊ออาเล แพ๊. ฮู๊เนอ อาขว่าอาคยา, จอแปแหร่ อา เตเด๊อะบุ๊ยเด๊อะเตอเรอ เออเนอ อา อ๊อแล เน๊อ เป เก่ หยื่อเอ่ เหย่ซู่ ตื๊อหม่า อา เด๊อ เป ปา แพ๊. ซิปล่อเซอเพร ตูจูเพร เออเนอ อา เด๊อะตื๊อแพ๊ แกแย เด๊อ อา หยื่อเอ่ เหย่ซู่ครี๊ เนอเต๊เห่ แพ๊.

ꤊꤢ꤬ꤜꤢ꤬ꤒꤤ 3:7

เมฮู๊เนอเรอ ซี โต ซิเง เร๊อ แกแย เด๊อ อา หยื่อเอ่แหน่ จอแปแหร่ เต๊เห่ เนอหม่า เพ อับราฮัม อากลุยอาลุ๊ย หม่าแหน่ เฮ๊อ.

ꤚꤥꤗꤢꤩ꤬ 10:11

ลีเทส่อพ๊ากู เฮ๊ เหย่ซู่ อาหรี่อาแก เน๊อ, “อูเป๊ เบ่เบ่, เด๊อ อา หยื่อเอ่แหน่ ลู เต๊เห่เนอ, อา เก่ โต่เด๊อ เต เหล่ซิปล่อปย๊า อาเหล่โอ่ เนอ อา โอ่ แตแค๋ โต่.”

ꤚꤥꤗꤢꤩ꤬ 10:6

หม่าแน๊เรอ แกแย เด๊อ จอแปแหร่ แด่จ๊อแด่เต อา เน๊อ อา เตหยื่อเตแหน่ ขว่าคยา เต๊เห่เนอ, อา โตเบ่ แด๊เฮอหนิ เน๊อ, “อูเป เตเร แถ่ (เอ๊ตา ครี๊) เด๊อ ม๊อขุเป?” ฮู๊เนอโต่.

ꤚꤥꤗꤢꤩ꤬ 10:4

แซ่ฮู๊ จอแปแหร่ เก่ แด่จ๊อแด่เต ลอ แกแย เด๊อ อา หยื่อเอ่ ครี๊ เนอเต๊เห่ อาเงเนอเรอ, ครี๊ เมโทแก ปลื๊อลอเฮ๊อ เตซว๊าเตแส่ อา เตเตเนหนื่ออื่อ เต๊เห่ เฮ๊อ.

ꤛꤥ꤭ꤟꤢ꤬ 6:35

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว หม่า เหล่เอ่ เด๊อ อา เด๊อะ อู ซิปล่อเซอ เพร เฮ๊อ. แกแย เด๊อ อา แฮโต เด๊อ แวโอ่ เนอ, อา ซิกู๊ซิวี ปา โตโพ๋ โต่. แกแย เด๊อ อา หยื่อเอ่ แว เนอ, อา ซิโอปา แตแค๋ โต่.

เตเด๊อะโลแถ่ 9:4

อู เฮ๊หนื่ออื่อ เหย่ซี เร๊อ อา เบ่ เมปย๊าหนิ มีออ เต๊เห่ โต่, ส่อตอเหมาะ ซิโซ เต๊เห่ โต่, ส่อเหมาะเหว่โบ ซีเต๊เห่ ตีกี๋ โต่. เหย่ซี เบ่ อ่า แพ๊ตื๊อ แกแย เด๊อ อา โอ่ เกอเร๊อ เกอเน๊อ จอแปแหร่ อาเตเมม๊าเมแด เด๊อ อา มาเท๊ลู โต่ เนอเต๊เห่ แพ๊.

เปโตร เนอบ่า ต๊าบ่า 1:1

เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.

ꤚꤥꤗꤢꤩ꤬ 9:30

เก่ เมฮู๊เนอเรอ, เป เก่ เฮ๊ ฮู๊เต? แกแยยิวพู๊ หม่าโต่ เต๊เห่เนอ, อา แม๊ปู เกออู แกล๊ เด๊อ จอแปแหร่ แด่จ๊อแด่เต อู เออเนอโตโบ โต่ หม่าแน๊เรอ เหย่ซี พย๊าหนิ เฮ๊อ. เด๊อ เหย่ซี เตหยื่อเตแหน่ อาขว่าอาคยา, เร๊อ จอแปแหร่ แด่จ๊อแด่เต เฮ๊อ เหย่ซี เฮ๊อ.

ꤚꤥꤗꤢꤩ꤬ 9:6

เก่เฮ๊ฮู๊เนอเรอ, จอแปแหร่ เมปย๊าแกเฮ๊อ อา เตอ๊อแลนอแล เออเนอ เร๊อ แกแยยิวพู๊ เออเต๊เห่ เฮ๊อ แอ? อา เมปย๊าแก เน๊อ โต่. เมเตเฮ๊เรอ ล๋อ อิสราเอลพู๊ เด๊อ อากลุยแล กาแล เด๊อ เพ ยาโคบ อา โอ่ เต๊เห่เนอ, อา ทวาลอ จอแปแหร่ แกแย หม่าแหน่ ปว๋า เตเพร หม่าโต่.

ꤚꤥꤗꤢꤩ꤬ 3:26

หม่าแน๊เรอ กู๊แหน่เออ อา เก่ เด๊อะโล เร๊อ อา เม เตเออ อาโต แพ๊ อาเงเนอ, อา นอแฮ เหย่ซู่ เร๊อ อา เก่ แฮ ข่าเซอ เด๊อ อู ปว๋า เตเพร อาเง. ฮู๊เนอ อาขว่าอาคยา, จอแปแหร่ อาเหน่ แบ่เจ่ เร๊อดื่อ อา เด๊อะโล เร๊อ อา เมจ๊อเมเต แพ๊. เร๊อ อา แด่จ๊อแด่เต แกแย เด๊อ อา หยื่อเอ่ เหย่ซู่ เนอเต๊เห่ เร๊อ อาเหน่ เร๊อดื่อ.

ꤛꤥ꤭ꤟꤢ꤬ 8:33

เหย่ซี เฮ๊ฉื่อ ลู เน๊อ, “เป หม่า เพอับราฮัม อากลุยอาแล เต๊เห่, เป จว๊าทวาน๊อ เร๊อ หลู่เล๊ โตโพ๋ โต่. เน จว๊า เฮ๊ โต่ เน๊อ เตหม่า เตจอ เก่ ปลวาเถ่ ซี ปา, ฮู๊เนอ ฮู๊เต?” เหย่ซี แด๊เฮอ ลู ฮู๊เนอ.

ꤛꤥ꤭ꤟꤢ꤬ 6:47

แว เฮ๊จ๊อจ๊อ ซี, แกแย เด๊อ อา หยื่อเอ่ แว เตเพรเพร เนอ, อา เก่ พย๊าหนิเฮ๊อ ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ 6:40

เมเตเฮ๊เรอ, แวเพ อา เตซิหยื่อ หม่า หม่าเฮ๊อ ล๋อ แกแย เด๊อ อา แม๊เถอะ อาพู๊คู เออ เร๊อ อา หยื่อเอ่ เต๊เห่เนอ, อา เก่ พย๊าหนิ ซิปล่อเซอเพร ตูจูเพร, เร๊อ แว เก่ เม ก๊อถ่อเซอเพร กาคยา เหย่ซี ช๋า ม๊อเนอ เด๊อคยา ตื๊อดื่อเล๊อ เนอเตอเนอ ปา.”

ꤛꤥ꤭ꤟꤢ꤬ 3:36

แกแย เด๊อ อา หยื่อเอ่แหน่ พู๊คู เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร. เร๊อ แกแย เด๊อ อา หนิดา เกออู โต่ เร๊อ อา หยื่อเอ่แหน่ เกออู พู๊คูเออ โต่ เต๊เห่เนอ, อา พย๊าหนิ เกออู ซิปล่อเซอเพรโต่. จอแปแหร่ อาเต เมจากาคยา ตาโอ่ เด๊อ แกแย เนอเต๊เห่ อาลู.”

มัทธิว 16:16

คูซีโมน เปโตร เฮ๊ฉื่อ ลู เน๊อ, “เน หม่า ครี๊ เด๊อ อา เมแลเปล๊ กา อู เตเพรเฮ๊อ. เนหม่า อา ทวา จอแปแหร่ เด๊อ อา เซอเพร เตเพร อาพู๊คู.”

มัทธิว 8:11

แว เฮ๊ ซี, แกแย โอ่ เด๊อ เก่ซิเถ่ เก่แบ๊โน เต๊เห่ อา แฮ โร๊ลู ปา. เหย่ซี อา แฮ โอ่แน เอ่เต่อเกอ เร๊อ เปโพ อับราฮัม, โพอิสอัค, โพยาโคบ เด๊อ ม๊อขุ อา เทอเลเก่กู ปา.

ꤚꤥꤗꤢꤩ꤬ 9:33

ฮู๊ ลีเทส่อพ๊ากู เฮ๊ คูเมสิยาห์ หม่าเฮ๊อ เพรเมแลเปล๊กา อาหรี่อาแก เน๊อ, “แม๊มอ แลแค, แว แด่โอ่ หล่อ เตเม เด๊อ วีศิโยน อากู ปา, เร๊อ อู เก่ ตอพอ อา ปา, เร๊อ อา เก่ เมแลคื๊อ อู ปา. หม่าแน๊เรอ แกแย เด๊อ อา หยื่อเอ่ ลู เต๊เห่เนอ, อา โต่ เด๊อ เตซิปล่อปย๊า อาเหล่โอ่ แตแค๋ โต่.”

เห่ขุทวาลู่ 17:24

เบ๊อะ อู ดื๊อตีลี๊ เป เพอับราฮัม พ๊าคยา เบ๊อะเนอ, อาหน่า โอ่ เฮ๊อ ลุยซว๊าเตอเชอ เน๊อ ลุยซว๊าต๊าหน่า เฮ๊อ.

ꤛꤥ꤭ꤟꤢ꤬ 3:33

แกแย เด๊อ อา หนิดา พย๊าฉื่อ ลู เตเฮ๊โฉ่โล เต๊เห่เนอ, อา หยื่อเอ่ ตาเต แลแค เร๊อ จอแปแหร่ หม่า อาหม่าอาจ๊อ.

ꤚꤥꤗꤢꤩ꤬ 3:30

เมเตเฮ๊เรอ จอแปแหร่ โอ่แพ๊ เตเพรเพร่ว แพ๊. เบ๊อะแกแยยิวพู๊ หยื่อเอ่เฮ๊อ ครี๊ เบ๊อะเนอ, อา เก่ แด่จ๊อแด่เต ลู ปา. โท๊โต่, เบ๊อะแกแยยิวพู๊ หม่าโต่ เต๊เห่ หยื่อเอ่เกอ ครี๊ อาเคปาเนอหม๋า, อา แด่จ๊อแด่เต เกอ เหย่ซี ปาปา.

ꤚꤥꤗꤢꤩ꤬ 4:10

เก่ เมฮู๊เนอ เฮ๊เรอ เบ๊อะจอแปแหร่ แด่จ๊อแด่เต เพอับราฮัม เบ๊อะเนอหม่า อาโต เบ๊อะเกเต? หม่า อาเหร่อ เน๊อ อา ดื๊อตีลี๊พ๊า เนอ แอ? หม่าโต่เรอ อาเนอเล๊อ เร๊อ เนอ แอ? อาเนอเล๊อ เร๊อ เนอ หม่าโต่, อาเหร่อเล๊อ เน๊อ เนอเจ๊อ.